|
|
|
 Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
Quote:
يا طلحه نيمار مصنف كاغلي لاعب في بورصه اللاعبين قبل صفقه باريس ..
|
يا معاوية عندما قال مورينيو أنّ الصفقة ليست باهظة فأكيد هو مستند على قيمة اللاعب في بورصة اللاعبين !!
وباريس سان جيرمان سيربح من وراء اللاعب الكثير !!
وبالمناسبة يمكن لباريس سان جيرمان أن يبيع نيمار لريال مدريد فلا تنسى أنّ بيريز معجب جداً به !!
من ناحية فنية نيمار مهاري لا غبار على ذلك ولكن من ناحية إيجابية الأداء فيوجد أفضل منه بكثير في ساحة اللاعبين ...
| |
  
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: جمال ود القوز)
|
هلا يا طيبين
Quote: يا طلحه نيمار مصنف كاغلي لاعب في بورصه اللاعبين قبل صفقه باريس ..
|
يا معاوية دا مال سايب ما عندو وجيع ..
لا يمكن أن تصل صفقة لاعب مهما كانت مقدراته وباية حال
إلى قرابة المليون يورو حسب آخر الأرقام حول هذه الصفقة المشبوهة
هذا النيمار لا يستحق 5% في من هذا المبلغ .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
يا aosman
مشكلتي ما في انو نيمار يلم القروش بقدر ما مغيوظ على
البروباغندا والهالة العاملنها للاعب أكتر من عادي وعايزين
يلفونا ويأكلوا عقولنا حلاوة لكوم .
بالنسبة للهلال والمريخ فيكفي أنهما صدرا الغباء والعوارة
الإدارية إلى ما وراء البحار .
واتا عامل شنو ؟ إن شاء الله تكون كويس يا aosman
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
الأخ طلحة, بيني وبينك حاجة بتعمل مغص, إنت عارف الإعلام ده مرات لو داير يرفع زول بوديهو السماء ولو داير يدق بيهو الدلجة كمان الله قال بي قولتو.
قبيل كنا بتناقش مع صديق في موضوع آخر وتطرقنا إلي التفكير وبإنه في طبقتين من التفكير, طبقة خارجية وطبقة داخلية والطبقة الداخلية تتعامل مع الأمور بعقلانية أكثر والطبقة الخارجية تتعامل بطريقة عاطفية شديد, وفي الغالب الأعم ناس التسويق وجزء من ناس الأعلام بحاولوا يمنعوا العملاء أو المشاهدين أو القارئين من الوصول إلي الطبقة الداخلية, يحاصروهم في الطبقة الخارجية عشان كده تعاملهم مع الأمور بتكون عاطفية.
هسي المشاهدين بتاعين الكورة المتعصبين في الغالب حاصرين تفكيرهم في الطبقة الخارجية. أنا غايو شاهدت نيمار مرات محدودة شديد لكن ما أقنعني زي ميسي ولا مردونا.
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: aosman)
|
الخسران الاكبر هو برشلونة لانو الشرط الجزائي ده قليل بالنسبة للأموال الكلفم ليها نيمار
تصدق قبل 3 سنوات ونيمار جاء من دوري غير أوربي بدون اي خبره كلفت صفقة نيمار برشلونة
108 مليون ده غير الما إنكشف لحد هسه !! وراتب سنوي أرتفع ليصل قرابة العشرين مليون في
السنة !!
كرة القدم الحالية وحساباتا التجارية بتقول نيمار علامة تجارية كبيرة وقد تفوق ميسي وكريستيانو مستقبلا"
بالاضافة لي انو السوق بقى مولع عديل بوغبا مشى اليونايتد بمبلغ كبير وموراتا إحتياطي في الريال
صفقته وصلت ال90 مليون وما تنسى الولد مبابي قالوا سعرو تعدى ال160 مليون ولسه ما كمل ال19 سنة!!
| |
|
|
|
|
|
|
|
|
 Re: عدوى غباء وعوارة هلال مريخ تنتقل إلى فرنس� (Re: صبري طه)
|
فعلا الصفقة باهظة جدا .. بالذات في لاعب برازيلي
نيمار ما من نوعية اللاعبين البشيلو فريق فوق كتفهم وبيستعرض زيادة عن اللزوم وهازارد افضل منه بدون شك
الخليفي بالتأكيد استعمل العقلية القطرية .. احصل على ما تريد باي مبلغ حتى تكون حديث العالم ! لن يقنعني احد ان مجموعة الجزيرة الاعلامية بما فيها بي إن سبورت هي مجموعة رابحة ، ينطبق نفس الشيء على باريس سان جيرمان ..
الكلام عن بيع القمصان ده كلام فارغ ساي .. نيمار وميسي وسوريز والبقية ، كلهم فنايلهم كانت بتتباع في برشلونة العندو جماهير اكتر من سكان فرنسا عدة مرات ورغم كده ارباح النادي في 2015-2016 كلها 29 مليون يورو وكانت رقم قياسي ! دي هيجة وخلعة بتاعة الايام الاوئل وبعد شهر زول حيشتري فنيلة نيمار مافي ..
لو بيع الفنايل بجيب قروش قدر دي برشلونة والريال حيبطلوا كورة ويقعدوا يبيعو فنايل ..
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Abdullah Idrees)
|
aosman
الاعلام مستنفر ومجند كل إمكانتو ليظل في حالة تغبيش وعي دائمة
لأنو دي الحالة الوحيدة البتفيدو من ناحية تجارية .. لا يستطيع
الاعلام في العصر الحالي عكس الحقيقة مجردة من الرتوش
والبهارات والقشور والبثور وإلا أصبحت مادته الاعلامية خالية
الدسم وبلا طعم أو لون ما يجعلها غير مستساغة لدي جمهور المتلقين..
لكن كمان ما تصل لدرجة استغباء واستغفال القارئ باعتباره
حجر لا يفكر ولا يري ولا يسمع كما في حالة نيمار الذي يحاول الاعلام
التجاري أن يجعل منه أسطورة لا تقدر بثمن مع أن الواقع الماثل والعايشو
راعي الضان في الخلاء يؤكد عكس ذلك .. دا هو الاعلام الشغال علاقات
عامة ومنصب نفسو علامة تجارية لمن يدفع أكتر وهو طبعا مفضوح
للقراء وأي زول يستطيع أن يميزه ويالتالي يقف منه في الموقف البريحو
العايز يكذب عقلو وعينه وسمعه وبصره هو حر طبعا .
في نوع تالت لا هو اعلام ولا هو علاقات عامة ولا أي شيء.. محض
هلام لا في العير ولا في النفير وبالكتير المشتغلين فيهو مجرد مشجعين
مساطب شعبية متعصبين وأصحاب حلاقيم كبيرة ومتجردين من أي وازع
اخلاقي ولا علاقة لهم بالمهنة وقيمها الرسالية ولا يتورعون في فعل كل الموبقات
لنصرة ما يخدم مصالحهم ويشبع غرورهم ومتطلبات مشاعرهم .
ودا عندنا منو زحمة وطوابير طويلة من المدعين وأرباب المصالح والانتهازيين
والمسترزقين على المساكين والمجانين .. لو عايز تكون صحافي جهبوذ وتصبح بين ليلة
وضحاها رئيس تحرير ليك غبار فما عليك الا الاستعانة بقواميس من عبارات الافتراء
والهجاء والكذب والتدليس والشتيمة والتنابز .. وأن تتجرد من كل مبدأ وقيمة
واخلاق .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
سلام يا عثمان الإمام
كلامك دا ما عندو علاقة بالحقيقة ..
حسابات كرة القدم دي عندها شركات سمسرة عديل كدا
مجندين ليها شواطين يحسبونها بالتعريفة دون أن يتركوا أي هامش
للخسارة مستقبلا .. ديل هم ذاتم الصنعوا نيمار وأحاطوه بهالة
من السحر تجعله في نظر المساكين أسطورة ومنجم دهب
عشان يجيب القروش العايزنها هم وبعدين يفكوهوا مع
المسحورين بيهو عكس الهواء ..
طبعا الناس ديل ما بختاروا أي زول عشان يصطادوا بيهو
صيدم .. لا .. بختاروا واحد بمقاس عباءة التجهيل وتغبيش الوعي
يعني زي نيمار مثلا لاعب برازيلي ومعروف عن البرازيل
أنها مصدرة المواهب والفلتات، ودي طبعا أو خطوة في سلم
الطلوع بالناس للجو .. وبعدين عندو حركات استعراضية
لا تخلو من مهارة .. ودي الخطوة التانية التي تجعل االطبخة على
وشك .. وبعد كدا يجيبوا البهارات والنكهات الاعلامية ويملوه
ليك أضواء لغاية ما يوصلوه لفريق قمة زي برشلونة أو ريال
مدريد مثلا وهكذا يتيقن المساكين أنه أسطورة زمانه ولا يستغربون
أي خوارق تخصه كما في حالة بيعه حاليا .
| |
|
|
|
|
|
|
|
|
 Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
Quote:
فعلا الصفقة باهظة جدا .. بالذات في لاعب برازيلي
نيمار ما من نوعية اللاعبين البشيلو فريق فوق كتفهم وبيستعرض زيادة عن اللزوم وهازارد افضل منه بدون شك
الخليفي بالتأكيد استعمل العقلية القطرية .. احصل على ما تريد باي مبلغ حتى تكون حديث العالم ! لن يقنعني احد ان مجموعة الجزيرة الاعلامية بما فيها بي إن سبورت هي مجموعة رابحة ، ينطبق نفس الشيء على باريس سان جيرمان ..
الكلام عن بيع القمصان ده كلام فارغ ساي .. نيمار وميسي وسوريز والبقية ، كلهم فنايلهم كانت بتتباع في برشلونة العندو جماهير اكتر من سكان فرنسا عدة مرات ورغم كده ارباح النادي في 2015-2016 كلها 29 مليون يورو وكانت رقم قياسي ! دي هيجة وخلعة بتاعة الايام الاوئل وبعد شهر زول حيشتري فنيلة نيمار مافي ..
لو بيع الفنايل بجيب قروش قدر دي برشلونة والريال حيبطلوا كورة ويقعدوا يبيعو فنايل
|
والله يا عبدالله حاولت أضيف واللا أرد لكن
خفت أخرب المداخلة النموذجية دي ..
شكرا ورحمة الله وتقديري .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: aosman)
|
قريت المداخلة الأولى في البوست دا، صدقت إنّو القطريين اخدوا ماسورة كبيرة،
لكن بعد مداخلة معاوية وتحديدها بانو نيمار أصلا هوأغلى لاعب في العالم؛
تغيرت نظرتي للموضوع.
يا طلحة، المفروض المعلومات دي كان تكتبها في مداخلتك الأولى، لأنو في ناس زي حلاتي جهلة جدا بتفاصيل هذا العالم،
سيب الكتابة بطريقة هلال مريخ دي
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
عجبتني المقاربة بين باريس و "غمتنا" ... بس ليك حق والله فعلا هي عدوى "العوارة"
بس عوارتم استفادت من عوارتنا في التكتم بمعنى انو الخليفي ما قال انو البي اس جي
قوة اقتصادية ضاربة ولو دايرين نسجل "سمنار" حنسجلو .... مشى " شلبو " براحة
بالبقلل الكلام وجابو ختاهو وبعداك جاء غنى "صقيرا حام "
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
هوى يا ناس
استغفروا الله، دا كلام شنو دا؟
علي الحلال، قريت نقاشكم دا قلت
ديل مشجعين بتاعين الترجي ولا النجم الساحلي ولا بالميت مازميبي
كلامك كلام ناس شالوا كاساتكم القارية
وراجين كاس العالم للأندية ينافسوا فيه.
ما في شيء غطس حجركم دا غير تنظيركم الكتير دا.
طيب وكت بتعرفوا قدر دا، الجاب ليكم الكاردينال وجمال الوالي
ولا الفريق المدهش شنو؟
بالله هسع بعد كلامكم السمح دا، بترجعوا عادي
وتشجعوا هلال مريخ؟
وبالله شعوركم بيكون كيف عليكم الله، يعنيشايفكم عادي عارفين اللعاب
منو والكيشة منو، يعني بتقيّموا حتى نيمار
وميس وغيرهم.
طيب كدي فهموني، شنو قصة ضفر وبكري المدينة والعجب
أها كان ناس نيمار ديل بيلعبوا كورة ناسكم ديل نقول عليهم شنو؟
هههههههههههههههههههههههههههههههه
احب السودان والدحيش وماجد ذاتو
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
يا ود البشرى،
تقريبا وحسب قيمة نيمار في بورصة اللاعبيين، قطر بتكون خسرت فقط قروش الشرط الجزائي،
هل في وجهة نظرك القروش دي كتيرة على الترويج لقطر سياسيا وكرويا؟
يعني باريس سان جيرمان دا وفيهو نيمار ومعاهو واحد خطير كدا، لو مشوا لعبوا ليهم كم مباراة ودورات ودية بالدوحة، موس دا بكون ترويج سياسي وكروي لكأس العالم خطير؟
لو الناس كلما نيمار دا يجيب ليهو قون، تذكرت مالك الفريق
موش دي دعاية خطيرة؟
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
قلت في هذا البوست : Quote: نيمار لن يضيف جديدا للفريق الباريسي، إن لم يكلفه مشاكل
هو ف غني عنها ولن يكون تمرد كبار النجوم بالفريق
وإستكثارهم للقيمة المادية العالية للاعب لا يستحقها إلا
أخف المشاكل المنتظرة والتي ستبعثر أوراق النادي.
|
واليوم قالت الصحافة البرازيلية : Quote: لاقت "حرب الأنا" المبالغ فيها بين البرازيلي نيمار والأوروغوياني إدينسون كافاني خلال مباراة فريقهما باريس سان جيرمان مع ليون يوم الأحد صداها في الصحافة البرازيلية المتلهفة لمعرفة أدق التفاصيل حول اندماج نجم المنتخب مع فريق العاصمة الفرنسية.
وكرست الصحف الصادرة يوم أمس الاثنين معظم وأبرز مقالاتها للقاء الأحد بين الناديين الفرنسيين والنزاع بين المهاجمين نيمار، المنتقل من برشلونة الإسباني في صفقة قياسية بلغت 222 مليون يورو، وكافاني على ركلة جزاء فشل الأخير في تنفيذها.
وعنونت صحيفة "أو ديا": نيمار وكافاني يتنازعان من جديد، مذكرة بحادث مشابه خلال الفوز على تولوز 6-2 في أول مباراة خاضها البرازيلي على ملعب فريقه الجديد في 20 أغسطس.
ولاحظت صحيفة "أو غلوبو" من جهتها أن: النتيجة سمحت لفريق نيمار بالبقاء في الصدارة، لكن ما لفت الانتباه في المباراة هو عدم التوافق بين البرازيلي وكافاني.
ورأى ليديو كارمونا، المعلق في قناة "سبورت في" إحدى الشبكات التي تنقل الدوري الفرنسي على الهواء مباشرة في البرازيل، أن نيمار مهدد بخسارة زملائه إذا استمر في اللعب بشكل أناني.
وقال كارمونا لوكالة "فرانس برس": أعتقد بأن هذا الأمر يترك ظلالا حول اندماجه، ويظهر الفردية بشكل فاضح داخل المجموعة. إذا ما تكرر الامر، فالوضع قد يؤول إلى التدهور.
وذهب أحد المواقع الرياضية إلى أبعد من ذلك من خلال الحديث عن "حرب الأنا"، مشككا بالتكامل بين المهاجمين.
وأضاف الموقع: التفاهم بكل أشكاله بين نيمار وميسي وسواريز في برشلونة ليس موجودا في باريس سان جرمان، على الأقل فيما يخص كافاني. النتائج ليست مهددة، لكن من الواضح أن اللاعبين لا يتفاهمان بشكل جيد.
|
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
والله يا معاوية يا حبيب الولد دا أنا
ما شايف ليهو أية حرفنة إيجابية لخدمة الفريق
كلو شو واستعراض ومحاولة لتقليد الكبار زي
ما قلتا فوق .
أخطأ باريس سان جيرمان في التعاقد مع الشافع
المراهق دا بكمية الأمول الضخمة دي .. ولن يكسب إلا
مزيدا من الصداع والتصدع على المستوى الفني
والإداري والاعلامي وح تشوف .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
حبيبنا طلحة ..
مودتي ..
مراسل قناة بي إي إن .. قال كلام غريب قبل يومين
أن هناك حصل جدال بين نيمار وكافاني في من سوف يتعهد ضربات الجزاء
وكان الجدال أو الخلاف في غرقة الملابس ..
على طول تذكرت عنوانك الفوق ( عوارة الهلال والمريخ )
مودتي طلحة .. لو البوست قبل الحادث ده .. لازم تكون معلق في قناة بي إي إن وقراءتك 100%
وحرام تكون معانا في الحوش ده ( هههه ) ... إيه رأيك ؟
مودتي طلحة ..
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: علي عبدالوهاب عثمان)
|
ههههههههههههههههه
كدا يا حبيبنا علي ( ما عايز أقول عمنا عشان ما أكبرك )
كدا عوقت جماعة كدا منهم واحد ( عكليتة) بتاع جرجرة
إسمو جرجير وملقب بود البشرى خخخخخخخخخ
الزول دا يقرأ كلامك الفوق دا احتمال كبير يحرد المنبر
زي اسبوع اسبوعين ويعمل نفسو كان عيان أو مشى اجازة
مع انو لو بحس كان الحركة بتاعت الزوغان دي عملا من زمااااااان
كل مرة بعمل بوست اتوقع فيهو حاجة مستندا على معطيات
وأحبانا فراسة ساي كدا .. يقوم هو ينط ويقول لي ما تنظر
وما بحصل كلامك دا.. وبعد يومين تلاتة يحصل بى حذافيرو
زي ما حاصل في البوست دا تماما .
ومع ذلك الزول قاعد ولسة عندو عين بدخل يحاول يكذب
قراءاتي .. خخخخخخخخ
تحياتي
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
يعني عشان سوء فهم بحصل كل يوم في مختلف الفرق بين اتنين مهاجمين ومتنافسين على نجومية الفريق كدا خلاص يعني تحققت تنظيرتك ولم يستقد باريس سان جيرمان من الصفقة
ياخي قمصان ودعاية وتحشيش ساي جاب حقه
على ضوء صفقةنيمار جاهم مبابي يتهادى ما في فريق ود مقنعة قدر ينافسهم
قوم لف ياخ - أو أقول ليك أجّل اللفة لغاية يوم تشوف نيماررافع كاس الابطال عشان تلف بمزاج اليوم داك
بالمناسبة ..مبروك عودة البروف للساحة,تفتكر بفور ولا بلعبوه تاني اولاد الذين ديل؟؟
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: محمد البشرى الخضر)
|
خلاص قررت أنو دي شوية سوء فهم طوالي ؟؟
طيب سوء الفهم دا أشمعني ما حصل إلا بعد جية الشافع دا ؟
يا زول والله أحسن ليك ما تتعمق أكتر بالمغالطة والجرجرة
في الموضوع دا تحديد .. خليك لغاية ما وقفت كدا يمكن بعدين
تلتقى ليك مخارجة أو إكراما مني ساى أعمل منك نايم ..
لكن بطريقتك دي ببشع بيك زي كل مرة ...
يا جرجير أنا ما مع البروف في ترشيح نفسو المرة دي
الكورة السودانية انتهى منها الوالي والكاردينال وهسة
جاء سودكال واللا منو ما عارق عشان يتم الناقصة
معقول زول بقامة البروف يحكم كورة فيها كاردينال
وسودكال و فاطنة الصديق واللا منو ما عارف ؟
دا حرام حتما ولابد .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
تبشع شنو ياخ, انت وقعت في البوست دا وقعة جمل عقروه اسي دي!
والايام و الدوري و الارقام سترد عليك
بالمناسبة الاسماء الذكرتها دي و الطريقة الاعتادوا عليها مع ناس معتصم واسامة الضعاف لابد يجي واحد زي البروف عشان يلجمهم كلهم و يلزمهم حدودهم!! معقول تلاتة سنة دوري ما يكتمل عشان عنترايات وقوة راس وكلواحد عايز يقول انا الارجل! البروف بقعدهم في علبهم وما تقول المرة دي في لجنة انضباط جاهزة
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
يا جرجير
عارف لو كان دا ميسي واللا رونالدو محل الولد دا
ما كان حصلت أي مشاكل ولا منازعات في ركلات الجزاء
ولا حتى سوء الفهم القلتا عليهو دا .. لأنو الاتنين ديل
ميسى ورونالدو معترف بمقدراتهما الفنية من قبل الجميع
وأي لاعب يتمني يلعب معاهم في فريق واحد للاستفادة من
إمكاناتهما عكس نيمار الذي يري كثيرون حتي مقربين منه أنه لاعب
أكثر من عادي ولا يستحق ربع ربع ضجة صحافة السمسرة
والبروباغندا الخاوتانا بيهو دي .
إستكثار ركلة الجزاء عليهو دليل واحد من مئات الأدلة التي
تؤكد انو الشافع دا وقعت ليهو من السماء ساي .
................
شداد يا جرجير أكبر كثيرا من هذا الوسط الفوضوي
الذي يعتلي سطحه ناس فاطنة الصديق وما عارف منو
وانتو ذاااااتكم يا مشجعين ما بتتحملوا طريقتو وأسلوبو
وسياستو في الحكم لانكم عاطفيين وبتاعين كواريك
وزيطة وزمبريطة .. ناس الهلال همهم في الدنيا كلو
المريخ يتغلب منهم واللا من إسرائيل والعكس تماما
بالنسبة لناس المريخ .. عواطف لزجة ونظرة أضيق
من خرم إبرة .. دائما بتذكروني لما كنا بنلعب بكورة
الشراب على صندوق اللبان اللحمر .
خليكم في خمجكم وعوارتكم دي إلى يوم يبعثون لانو
شداد ما فاضي لى لعب العيال دا .... ولتذهب
الكورة السودانية إلى فرن حديد .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
ما تغالط ساي يا احينا الاستكثر ضربة الجزاء عليه منو , كافاني عايز يرفع من عدد اهدافه عشان في شرط في عقده لو نال الهداف ياخد أكثر من مليون يورو واهو عدلوا ليه العقد و حذفوا الشرط عشان تاني ما يتعاور
بالنسبة لشداد اي نعم هو صعب و في السابق تعبنا منه ومن تمسكه الحنبلي بالنظام و القوانين لكن العينة الشفناها بعده وكمية الفوضى و ضعف قادة الاتحاد امام الهلال و المريخ دا غير الفساد المالي و الاداري يخلوا كل عاقل يؤيد عودة شداد و صعوبته ارحم مليون مرة من الفوضى
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: محمد البشرى الخضر)
|
اتا بتغالط وتقول للناس ما تغالطوا ليي يا فرغلي ؟؟
يعني نظام الود بتطبق خير وسيلة للدفاع وكدا ؟؟ هههههههه
دا ما بحلك لأنو ما بشيل معاي فاااااااا شنو أمشى فكر في حاجة جديدة
يمكن تلفق معاك يا ( عكليتة) خخخخخخخخخ
قلتا ليك الشافع دا ما بفيد أكتر مما يضر لغابة هنا
أفتكر ما فى داعي للجرجرة وأعمل خير في نفسك بانك تزوغ
من الكلام في الموضوع دا لأنو اتا عارف النتيجة في النهاية
ح أعمل ليك رباط صليبي وأقلاهو أنكل .. اتا قايلا لعب ؟
ودي نفس جرجرتك في شداد دا ذاتو .. مشيت وجيت لى كلامي
فيهو ..
قلتا هنا عشرات المرات ح تبكوا وتولولوا لو فاتكم قلتوا لا
في غيرو كتير ولو مشى الكورة ح تتطور وتتصلح ..
خليتكم في هرجيكم وهرجلتكم وغلاطتم اللزج دا وعارفكم ح تجوا
ذات مرة تقولوا هو أحسن وما عارف شنو ؟؟
اتوا قايلين الشغلانية لعب واللا على مزاجكم وكيفكم
ضيعتوا الكورة والسياسة والبلد كلها بى جنس لولوتكم
وهرجلتكم الما عارفين ليها رأس من قعر دي ياخ ..
الواحد بس يقول أي كلام في أية حاجة نظام أنا بشارك
وبغالط ، وفي النهاية يرجع حانف وشيهو ويقول ليك
أنا كتا قايل وأنا ما متخيل وأنا ما عارف شنو ..
لكن أصلو ما يعترف بجرجرتو وغلاطو ودس تنظيرو
فى ما لا يفقه .
قوم لف اتا وكورجة الوسط الفوضوي دا بلا الله أداني
معاكم
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: Maawya Hussein)
|
والله يا معاوية محن تمحن أتخن وأجعص شيطان رجيم ..
دا البتعرفو بس يا حبيب
الما بتعرفوا كارثي بكل المقاييس
أسكت وخليها للقادر على كل شىء
بس المستغرب ليهو الجماعة بتاعين الهبت
ديل كيف بقدروا ينوموا بالليل ويضحكوا مع وليداتهم
العايشنهم بالحرام ديل .. وكيف لواحد اشتهر في كذا قضية
تمس الشرف والأمانة تكون عندو قوة العين البتخليهو يظهر
للناس عادي ولابس ومتريح ويتكشم مع انو حرامي
ومجرم والناس كلها عارفاهو ؟؟
خليك من الكوارث القاعدين يعملوها في الرياضة والسياسة
وباقي مؤسسات وقطاعات الدولة .
| |
|
|
|
|
|
|
|
|
|
Re: عدوى غباء وعوارة هلال مريخ تنتقل إلى فرنس� (Re: طلحة عبدالله)
|
يا طلحه الليله قريت كلام غريب
ناصر الخليفي عرض علي كافاني مليون ايورو عشان يتنازل لي نيمار عن البلنتيان :) غايتو العرب ديل محل ما يتلحو ليهم مجال بجيبو اجلو
| Quote: Nasser Al-Khelaifi, el presidente del PSG, envió la pasada semana un intermediario a ofrecer dinero a Edinson Cavani, máximo goleador del equipo, a cambio de que renunciara a lanzar los penaltis en favor de Neymar Júnior. La propuesta consistía en mejorar su contrato: ahí donde el club se comprometía a pagarle una prima de un millón de euros en caso de ser máximo goleador de la Ligue 1, Al-Khelaifi le ofrecía consolidarle esa cantidad. Marcara o no marcara goles. Según dos fuentes próximas al PSG, el dirigente esperaba pacificar así un vestuario revuelto que evidencia la crisis cada vez que Neymar y Cavani se pelean por lanzar los penaltis. Su intento fue en vano. |
مصدر الخبر
| |
|
|
|
|
|
|
| |
طلحة عبدالله
محمد البشرى الخضر
Maawya Hussein
أيمن الطيب
ياسر منصور عثمان
aosman
جمال ود القوز
Abdullah Idrees
أبوبكر عباس
طاهر بدر
الصادق اسماعيل
علي عبدالوهاب عثمان
فيس بوك
تويتر
انستقرام
يوتيوب
بنتيريست