|
|
|
 Re: عبارات مكتوبة فى الركشات واللوارى والهاب (Re: بلدى يا حبوب)
|
من اكثر الكتابات التي كانت تداولا في اللواري = غربة وشوق يا ابوشرءا وكان هناك حافلة في الديم مكتوب عليها - شينة وعاجباني اما بتاع ركشة من كترة الشواكيش كتب كلما نربي كتكوت يكبر ويفوت
حقيقة هذا الموضوع انا من المهتمين جداً به وما حصل مرقتة في الشارع وجات عربية ما قريت المكتوب فها شنو ومن الكتابات : 1/ واحد كاتب ( 5 ما 5 * 60 ) وقاصد بيها عل ما اعتقد ( دايرة ما دايرة في ستين ) 2/ واحد بتاع قلاب كاتب ( بس تشيل فوقي وتودي ) وكأنما يتكلم بلسان القلاب 3/ واحد بتاع بص كاتب ( واقفين تحننو وراكبين تجننو ) 4/ وكمان بتاع كارو كاتب ( حصاد الغربة ) وما عارف انو الزول دا كان مغترب وين
| |
 
|
|
|
|
|
|
|
|
Re: عبارات مكتوبة فى الركشات واللوارى والهاب (Re: منتصرمحمد زكى)
|
بلدي يا حبوب
تحياتي ليك و لي ضيوف البوست
الدافع من وراء كل هذه الكتابة تنفيس و آهات
و غضب مكبوت.
كبت الحريات مصادرة الصحف .... الناس بتعبر عن الجواها
بأشكال مختلفة
موضوع البوست ممكن يكون رسالة ماجستير أو دكتوراه لطالب/ـة
علم اجتماع او علم نفس
تحياتي و لي عودة اذا اسعف الزمن
| |
|
|
|
|
|
|
|
|
Re: عبارات مكتوبة فى الركشات واللوارى والهاب (Re: Hamid Elsawi)
|
التحية لك اخي بلدي يا حبوب على هذا البوست الذي تفوح منه رائحه البلد وطين البلد وذكرياتنا الجميلة والماضي الراح ...
ومن العبارات المنتشرة في تلك الفترة وعلى سبيل المثال لا الحصر وحسب ما نتذكره :
- خلوها يا حساد
- ود الارباب المحسي الما كضاب
- السايق الفيات
- الراعي واعي
- يا ابو فركه
- يا ود حسونة
- يا ود بدر من الفقر
- الزراف ركوب الجن
- ود العجوز
- المرسال
- ست الفريق
- شده وتزول
- الطير الخداري
- لحاق بعيد
- ماضي الذكريات
- المبروكه
وكثير من امثالنا الشعبية التي كانت شائعه في تلك الفترة ولكن الذاكرة اصبحت خربة وساعود لك بالكثير ان شاء الله ...
تحياتي : ياسر العيلفون .........
| |
|
|
|
|
|
|
| |
بلدى يا حبوب
منتصرمحمد زكى
Hamid Elsawi
ياسر السر
Salah Zubeir
فيس بوك
تويتر
انستقرام
يوتيوب
بنتيريست