|
|
|
 Re: عاااجل وكالات الانباء: ملايين السودانيين (Re: سيف النصر محي الدين)
|
قال احد الشعراء العائدين:
ام سردبة يا حلما طال النتظاره فهل من مزيد
نجيئك في الربيع كما النوارس
يا لسردبتك البديعة المشرئبة نحو السماء
تحمل الازهار و الوعد المضمخ و الورود
*****
و قال اخر
ام سردبة جيدن جيتي و الخير انبهل
الغايب يعود للبلد للناس و الاهل
و المرضان يطيب و المال يزيد
و الكل سعيد و الدنيا يملاها الامل
ام سردبة بعدك مافي لا شقا لا عذاب
ام سردبة من اجلك كل الكفاح و فيكي بنقول شعر الغزل
ما انتي هدفنا الوحيد من زمنا بعيد
بعانخي كان بحلم بيك كتير و المهدي من اجلك عمل
| |
  
|
|
|
|
|
|
|
|
Re: عاااجل وكالات الانباء: ملايين السودانيين (Re: عبداللطيف حسن علي)
|
بين نائم وصاحى فتحت موضوعك ونمت تانى قبل قراءته
وبرضو بين نائم وصاحى مره تانية هبشت الاتبوب وقريت
ملايين السودانين يعودون للوطن بعد زوال الانقاذ
انامتاكد انو الكلام قريته كدى
حسيت فى حاجه طارت منى ولقيت نفسى نطيت
وانا لمن اقوم من النوم بقوم مشوشر
نهائى ماحسيت فى غلط فى الكلام دا
يعنى فرحة مسبقة الدفع
بعطيك سته شهور الكلام القريتو يا دكتور
اكان ماحصل داير تعويض
عشان ترتيب الدواخل بعد الخجه دى صعب
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: عمر دهب)
|
هذا وقد اكتظت مطارات الدنيا بجموع العائدين الي سردبة ..
وتمددت وتطابقت الصفوف أمام مكاتب الطيران ..
في مشهد رائع كسى الصلات بالوان قوس قذح ..
شخصت إليهم عيون المسافرين من اقطار الدنيا ..
والدهشة التي علت وجوههم عكست بظلالها لوحات على زجاج الصالات الصقيلة ..
مع ذلك كانت شارات الفزع المدهونة بالحذر ونظرات الترقب ..
تزيد من تدافع قوات الأمن والحراس إلى باحات المطارات ..
ثم تسكن انفاسهم وترتخي اصابعهم القابضة على الزناد ..
إلا بعد أن أدركوا علة هذه الجموع الغفيرة ..
التي قدمت تبحث عن سفرية واحدة تقلهم إلى سردبة ..
بين آلاف السفريات المتجة لسائر اقطار الأرض إلا أرضهم.
:
ماشا معاك يا دوك.
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: محمد على طه الملك)
|
| Quote: كذبة إبريل يا دكتور سيف وللا شنو |
ضحكة ابريل دي يا محمد جلال..ياخي معقولة بس الناس ديل كل شوية يطلعوا لينا
بقصة؟ مرة ابكرشولا و مرة ام سردبة و غيرها من مراتع اهلنا البسطاء الجاتهم في صمة
خشمهم ديل.
Quote:
طالما طافت باحلامك اهازيج العودة علي اغصان ابريل |
استاذي و ملاذي ود الكامل..كيفنك. عودة وين تاني يا عزيز.
| Quote: انتو العالم دا مالوا بقي مافيهو معجزات وممل كدا |
معجزات وين يا عبد اللطيف مع الناس العاديين ديل؟ يصوروا ليك دبابة متهالكة يحيط
بها جنود حالهم يغني عن السؤال في وسط الخلا و يقول ليك لحظة دخول "مدينة" ام سردبة.
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: سيف النصر محي الدين)
|
Quote: بعطيك سته شهور الكلام القريتو يا دكتور
اكان ماحصل داير تعويض |
غايتو يا عمر دهب لو ام سردبة دي بنفس الاهمية المدينها ليها الكيزان ستة شهور ذاتها كتيرة هههههه.
Quote: هسع أصحاب التكاسي معسكرين خارج المطار الجديد في
أم درمان قالوا فتحوه أمبارح وحتى أصحاب الركشات سمحوا ليهم
ينقلوا ركاب لأنه متوقعين عودة ناس كثار والناس إتجمعت الأعمى
شايل المكسر |
هههههه و ما تقول كمان يا ابوراس انو قريب من ام سردبة دي. انا عارف الناس في السودان بقوا
محصنين ضد الاكاذيب دي ، المتضرر الوحيد هم اهالي ام سردبة المساكين الذين يتعرضون للابادة
مع غيرهم من سكان تلك المناطق.
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: سيف النصر محي الدين)
|
أنا تقريباً أول زول دخلت بوستيك ده ما فهمت حاجة،
وبالتالي كنت عاجز عن التعبير،
هس جاييك من بوست بسمات وأميرة بتاع التايتانك،
بعد ما غرفت شوية من الإثارة والمتعة،
فلما شفت عنوان بوستيك طوالي،
بدا لي السودان كسفينة غارقة،
وأهله يفرون منه،
....
ولكن هذه مجرد رؤى وخيالات،
وبإذن الله يا سيف ننتصر،
ويعود السودان أروع مما كان!
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: سيف النصر محي الدين)
|
Quote: شخصت إليهم عيون المسافرين من اقطار الدنيا ..
والدهشة التي علت وجوههم عكست بظلالها لوحات على زجاج الصالات الصقيلة ..
مع ذلك كانت شارات الفزع المدهونة بالحذر ونظرات الترقب ..
تزيد من تدافع قوات الأمن والحراس إلى باحات المطارات ..
ثم تسكن انفاسهم وترتخي اصابعهم القابضة على الزناد ..
إلا بعد أن أدركوا علة هذه الجموع الغفيرة ..
التي قدمت تبحث عن سفرية واحدة تقلهم إلى سردبة |
الخوف يا ملك يقوموا المسافرين التانيين ذاتهم يقرروا يجوا ام سردبة دي.
ياخي معقولة نحن نبقى في الزي ده طول عمرنا..من ايام الكرمك و قيسان مرورا بتوريت
و الميل الكم كده داك و نحن نراوح في نفس المكان.
وين توريت بل وين جوبا ذاتها ، ماذا يحدث في الكرمك؟ ما الذي استفدناه من هذه القصص؟
لا شي كبيرة جدا هو ما استفدناه.
| |
|
|
|
|
|
|
|
|
|
Re: عاااجل وكالات الانباء: ملايين السودانيين (Re: سيف النصر محي الدين)
|
تحياتي ياسيف،
شكرا لهذا البوست الممتاز!
مهم تذكير رعاع الفاشي وابواغه بان بلده ام سردبه هي رمز عزه وكرامه الوطن التي يجب ان يدفعوا بابناء الفقراء والمهمشين للموت لتحريرها !
ومهم تذكير هؤلاء ان الله لن يرضي عنهم مالم يحرروا ام سردبه - جنه الله في الرض، مالم يحرروها من مارقين وزناديق وكفار الحركه الشعبيه ...
هؤلاء الذين لايهددون امن الفاشي القومي وحسب ، بل يهددون العرش نفسه!
ياللبؤس. يالبؤس الفاشي ويالبؤس رعاعه وابواغه.
| |
|
|
|
|
|
|
| |
سيف النصر محي الدين
محمد جلال عبدالله
محمد الكامل عبد الحليم
عبداللطيف حسن علي
عمر دهب
محمد على طه الملك
محمد مختار جعفر
Khalid Kodi
Mannan
فيس بوك
تويتر
انستقرام
يوتيوب
بنتيريست