طلب مشورة أواستشارة من بورداب كندا وامريكا....

سودانيز اون لاين
nour tawir-اوتاوا\كندا
مكتبتى
رابط مختصر

الآخوات والاخوة بورداب كندا وامريكا..

حصل ابنى على الزمالة البريطانية فى تمديد الانابيب الى المشاريع الزراعية الضخمة او فى مجال النفط او الخزانات..

و يعمل بنفس الشهادة تحت مسمى Certified Project Manager فى واحدة من الشركات البريطانية ذات الاختصاص..

تلقى عروض مغرية من شركات فى امريكا وكندا..

ولكن العائق الرئيسى هو ال Sponsor

علما بأنه حاصل على الجنسية البريطانية هو وعائلته..

فبماذا تنصحوننا ؟

أولا الف مبروك لتخرج ابنك بهذه الشهادة الرفيعة...

لكن ما عرفنا قصدك بالـ Sponsor شنو... هل تعني ان الشركة الامريكية

ترسل له جواب بانها تتكفل بنفقات سفره واعاشته و..وكل شيء .. ام فقط شهادة

بقبوله للعمل في الشركة.. حتى نديكي الرد الصحيح..

بس عاوزة انبهك لشئ مهم...

اذا كان في الجواز البريطاني تأشيرة دخول للسودان او سوريا او ايران في الفترة من

عام 2011م وحتى الآن ، فهو سيواجه بمشكلة دخوله في المطار الى ان يتحصل على تأشيرة

دخول للولايات المتحدة من السفارة الامريكية في لندن...

هذه عن أمريكا .. لكن عن كندا.. فناس عطبرة موجودين هناك وحيدوكي الرد الصواب,,

عزيزتنا بسمات..

كتر ألف خيرك وأهتمامك..

المقصود بال Sponsor حسب فهى..

جهة تكون مسئولة عن وجوده فى البلد الحيشتغل فيها..

يعنى مش الشركة الحيشتغل فيها..

ولكن فى نفس الوقت..

كفالتى ما نفعت بالنسبة لكندا..

لانه مستواى المالى أقل بكثير من المطلوب..

فما فهمت يعنى شنو..

على العموم هو هسى بكون متابع البوست..

,اكيد حيلقى ليه مخرج..

عزيزنا أيمن نواى..

الكلام دا بالنسبة لامريكا, مش كدا ؟

لآنه فى كندا وزى ما قلت لبسمات..

رفضوا كفالتى لانه دخلى اقل بكثير من دخل طالب الكفالة..

حسب اوراق الشركة الكندية..

وعلى العموم..

هو حياخد كلامك دا..

والله يسهل عليه..

عزيزنا وشريكنا فى الحزن من نواحى الفيس بوك..

أحنا زمننا كان كلو خير وبركة..

والناس ّخاته اليقين فى قلبها..

والخّطاب يتخاطفوا البنات خطف..

والانجاب بكون من سن بدرى..

حتى أول الانجاب بيكون زى أخوك أو أختك..

الله يكون فى عونكم..

وفى زمنكم الآغبر والما معروف ليه اخر دا..

وعلى فكرة عندى احفاد..

بس اشوف لى زول بيعرف ينزلهم..

من الواتساب وأرسلها ليه..

يعملوا الــaffidavit , و كل ما كانو قراب كل ما كان افضل لانو افتكر في خانة للريليشنشب

يعني مثلا relative, family friend و هكذا. الموضوع عادي و ما اعتقد انك لو طلبتي من

متربي في كندا وليس في السودان ..ممكن يتهرب..السوداني دائما

ذو مروءة وشهامة ولا يتردد ابدا في تقديم المساعدة لاي شخص...

وبالمناسبة انت قريتكم او قول مدينتكم ما بعيدة من قريتنا...بس نحن

للشمال شوية منكم...

السودان الفيه زي ناس ود البوش لا يزال بخير...والله يطراهو دائما بالخير..

..ويا استاذتنا نور.. ما تشيلي هم لولدك..ما دام في سودانيين في كندا او امريكا

...واظن في كندا او امريكا في سودانيين عندهم دخول عالية جدا ومنهم رجال

اعمال ناجحين..وسوف لن بترددوا ابدا في عمل ال sponsor

و الضمان هو معرفة الـsponsor بالاستاذة نور.

(عدل بواسطة فردوس جامع on 03-17-2016, 04:02 AM)

كل التوفيق لإبنك في مشواره العملي.

في حالته في فيزا إسمها ال H1B visa و حسب علمي إنه الشركة هي اللي بتعمل ال sponsorship لما تعين موظف غير

أمريكي أو غير حامل للقرين كارد.

they don't assume that he knows someone already

عشان كده خليه يسألهم أكيد بيكونوا عندهم تدابيرهم للأمر...

الشركات اللي بتعين من خارج أمريكا عندها حصة من ال H1B visa.

سلام يا أستاذة نور ومبروك للإبن التخرج والنجاح..

بس ما قدرت افهم عبارة

تلقى عروض مغرية من شركات فى امريكا وكندا..

ولكن العائق الرئيسى هو ال Sponsor

كيف يتلقى عروض من شركات ولا تتكفله .. الشركة هي الكفيل الذى يقوم بكل إجراءات الإقامة..

نصيحتى الاتصال بالأستاذ المحامى وزميل البورد الوليد أحمد، فهو محامى ومرخص ومكتبه في نيويورك، ومتخصص في شئون جلب الكفاءات النادرة.

هذا موقع الأستاذ الوليد:

سلام عزيزنا سيف النصر محى الدين..

كلامك فى محلو..

لآنه الكفيل المطلوب عايزن دخلو السنوى يكون أعلى من طالب الكفالة..

وهى دى كانت المشكلة..

ألف شكر..

وأعتقد هو حيكون بيقرا فى الكلام دا..

عزيزتنا اميرة السيد..

ويا استاذتنا نور.. ما تشيلي هم لولدك..ما دام في سودانيين في كندا او امريكا..

...

والله انا ما كان عندى ادنى شك...

فى انه الحبايب فى البورد حيهتموا..

ويطلعونا من الحتة..

وهو كان فى امريكا شهر تسعة الفات..

وعمل انترفيو فى تلاتة شركات..

وكلهم قبلوه..

ولكن السؤال الاخير دايما كان..

مين الكفيل بتاعك؟

ودى اجراءات فى الدول الغربية لتأمين الشركة فيما أعتقد..

وليس عدم ثقة فى طالب الوظيفة..

وعلى العموم نفتش سودانى رجل اعمال دخله عالى..

عزيزنا سيف النصر محى الدين..

و الضمان هو معرفة الـsponsor بالاستاذة نور.

..

والله يا سيف..

هو عندو من القيم والاخلاق ما لا أرقى اليه..

عزيزتنا فردوس..

كلامك منطقى جدا..

و ما افتكر انه كان بيعرف حكاية الفيزا الانتى ذكرتيها دى..

وعلى العموم..

من متابعته للبوست بكون وصل لى حل لحد هسى..

ألف شكر..

عزيزنا ابوالريش..

بس ما قدرت افهم عبارة

تلقى عروض مغرية من شركات فى امريكا وكندا..

ولكن العائق الرئيسى هو ال Sponsor

كيف يتلقى عروض من شركات ولا تتكفله .. الشركة هي الكفيل الذى يقوم بكل إجراءات الإقامة

...

بالنسبة لامريكا...وزى ما قلت لواحد من المتدخلين..

تّلقى عروض من تلاتة شركات..

وسافر امريكا شهر تسعة الماضى..

وعمل انترفيو فى كل الشركات دى..

وكلهم قبلوه..

وزى ما قال لى كانوا متحمسين..

ولكنهم كلهم طلبوا الكفيل..

وهذا ما حدث بالضبط..

ولكن المعلومات اللى وردت فى البوست دا..

منك ومن الاخوات والاخوة الافاضل..

بتكون رّسته على بر...

(عدل بواسطة nour tawir on 03-17-2016, 11:28 PM)

سلام

اولا التهنئة على تخرج ابنك وربنا يوفقهز

عزيزنا الموقر منان..

هو متابع للبوست..

فاذا قام بعمل الوصية التى ذكرتها..

وقرر الحضور الى امريكا..

بالتاكيد سوف اتصل بك للقائه..

الف شكر..

عزيزنا ادم مهاجر..

فعلا من اكبر نعم الله على الانسان..

هى الذرية الطيبة..

و ربنا يوفق اولادك دنيا واخرى..

وفى اليوتيوب..

تستطيع ان تستمع الى خطبه فى مسجد التوحيد فى Petterborough

تحت اسم امجد مصطفى..