ضابط بالسفارة السودانية بالقاهرة يرفض استخراج جواز الكترونى

(عدل بواسطة محمد احمد القاضي on 03-21-2016, 06:02 PM)
(عدل بواسطة محمد احمد القاضي on 03-21-2016, 06:47 PM)
(عدل بواسطة محمد احمد القاضي on 03-22-2016, 07:18 PM)

تقول ليهو "ياباشا"

مايقول ليك "ياسيد"

تقول ليهو "يازول"

مايقول ليك "ياسيد"

__

قال ليك "مافى جواز اليكترونى". هل يقصد الجواز العضم زاتو و لا عضم الالكترونى موجود والضابط رافض؟

____

صورته الموقف لى شنو؟

سلام وتحية ود القاضي .

على حسب علمي الجواز الالكتروني حتى الآن يستخرج بواسطة اتيام تكلف من السودان

ويتم توزيعهم على السفارات و/أو القنصليات خصيصا لهذا الغرض

الرقم الوطني ومن ثم الجواز ..

الضباط الملحقين بالسفارات لا يستطيعوا استخراج جواز مباشرة من السفارة

التيم العامل الموفد من السودان هل موجود بسفارتنا بالقاهرة ؟

ضباط السفارة يقوموا فقط بتجديد الجوازات القديمة (الخضراء) لزوم شرعنة وجودك في الخارج

انتا كل يوم بتمشى السفارة لى شنو

بالتأكيد بتكون عارف معلومة انو الجواز الالكترونى بيتم استخراجو عبر اتيام

من الخرطوم تأتى خصيصا لهذا الغرض

عموما

مجرد دخولك السفارة بيأثر على فرصك فى الحصول على اللجوء

يا ود القاضي ياخ بوستاتك كلها بتوضح خطط بليدة لإكمال كيس محترم يساعدك في اللجوء لدولة الغربية وفي سبيل دا بتعمل حاجات عجيبة

مرة عميد في الأمن المصري يتهجم عليك. مرة جهاز الأمن السوداني يتعقبك في القاهرة

مرة شكوى لوزارة الداخلية المصرية

الأخوان في مصر ترجوك مليون مرة تعرفهم عليك عشان يساعدوك في مشاكلك العجيبة دي وإتجاهلتهم

قبل فترة بسيطة

افهمني الموظف بكل يسر وتهذيب

ان الجواز والرقم الوطني لايتم استخراجها الا بواسطة تيّم من السجل المدني

والتيم كان معاهم هنا لفترة،،،ورجع السودان

حتي سألني قال لي ،،،لما التيم كان هنا انت كنت وين

قلت لي ما سمعتا بيهو

طيب حا يجي تاني متين،،قال لي لِسَّه والله مافي معلومة

واضاف لو جوازك منتهي ممكن نجددوا ليك حتي تتمكن من الرجوع للسودان

شكرتو وفهمتو انو لِسَّه ساري،،وسافرت السودان قضيت غرضي هناك

وفهمت منه ان حتي الجواز الأخضر يمكن تجديده لذات الغرض

الراجل كان مهذب جداً ، وقال ليك بنجدد ليك جوازك ، أما طريقتك فكانت وقحة جداً

وأنا لو منو كان مش طردتك وبس ومعاه كفين لمن وشك يحمّر

تعامل مع الناس بإحترام يحترموك ، أما لو بقيت فيها أبو عرام وعايز توريهم شغلهم ،وإنت رتبتك شنو وهلمجر

فمصيرك حتكون لايص كده ، مرة شلتوني ومرة كفتوني ، ياخوي مشي أمورك بأدب وإحترام

واهلنا قالوا :الحسنة معطت شنب الأسد

بالمناسبة صحي..لان دخوله كل يوم للسفارة حيقلل فرصة قبوله كلاجئ

سياسي..وبعدين قصص اللجوء السياسي ساهلة شديد وما عاوزة قصص

معقدة بتاعة ده عذبني...وده شاكلني....وكل ما تعقد القصة فرصة القبول .

بتقل...وطبعا اريح لجوء هو البيتم عن طريق الامم المتحدة..وخاصة اذا

اختاروا ليك امريكا.....

..ويا د. اسامة انت المصحيك لغاية هسع شنو؟( وجه ضاحك).

نحن الوقت عندنا في نيويورك لسع بدري....واساسا في نيويورك مافي ليل

ونهار . ..واسمها المدينة التي لا تنام...

(عدل بواسطة صلاح عباس فقير on 03-22-2016, 05:08 AM)

وقصدت إستفزازه ليخرج عن طوره والراجل طول بالو وحاول يتجاوزك

والواضح تماماإنو بعرفك لتكرار زيارتك للسفارة!!!!

التصوير ممكن يكون فيه إجراء قانوني خاصة إنو القصة داخل سفارة..

والله ياود القاضي انا لو كنت محل الضابط دا وجيت عملت وقاحتك دي معاي

الا تطلع بي نقالة

حاول دق الكدر الى اسرائيل

يا غرق يا جيت حازمها

محمد احمد القاضي

بعد إطلاعي على عدد من التعليقات خاصة هذه أدناه:

Quote: كتب صاحب البوست وأظنه يحاول أن يطابق إسمه الأخير (القاضي) بأن الضابط منعه إستخراج الجواز لكن: 1- كتب othman mohmmadien :لا يوجد دليل على أن الضابط رفض استخراج الجواز من الفيديو المعروض أعلاه.. 2- وقال aosman: دي محاولة للظهور إلا...... 3- أما اسامة عثمان السيد فقال: اصلا مافي جوازات الكترونية في سفارة القاهرة حتي اللحظة 4- وفي مشاركة من Abu Baker Ahmed Abdel Rahaman نقرأ: تحياتى تقول ليهو "ياباشا" مايقول ليك "ياسيد" تقول ليهو "يازول" مايقول ليك "ياسيد" __ قال ليك "مافى جواز اليكترونى". هل يقصد الجواز العضم زاتو و لا عضم الالكترونى موجود والضابط رافض؟ ____ صورته الموقف لى شنو؟ "نتكو فى الشدر، نسمعو الخبر لامن [الشفوت] يجو" 5- Dr. Ahmed Amin : سلام وتحية ود القاضي . على حسب علمي الجواز الالكتروني حتى الآن يستخرج بواسطة اتيام تكلف من السودان ويتم توزيعهم على السفارات و/أو القنصليات خصيصا لهذا الغرض الرقم الوطني ومن ثم الجواز .. الضباط الملحقين بالسفارات لا يستطيعوا استخراج جواز مباشرة من السفارة التيم العامل الموفد من السودان هل موجود بسفارتنا بالقاهرة ؟ ضباط السفارة يقوموا فقط بتجديد الجوازات القديمة (الخضراء) لزوم شرعنة وجودك في الخارج ف ما تظلم جنابو ساكت ... 6- جلالدونا : و على حسب كلام الضابط انتا كل يوم بتمشى السفارة لى شنو بالتأكيد بتكون عارف معلومة انو الجواز الالكترونى بيتم استخراجو عبر اتيام من الخرطوم تأتى خصيصا لهذا الغرض عموما مجرد دخولك السفارة بيأثر على فرصك فى الحصول على اللجوء لو اصلا انتا مقدّم لى ال UN 7- اسامة الامام : ذهبت للسفارة لتجديد جوازي إلالكتروني ورقم وطني لبنتي قبل فترة بسيطة افهمني الموظف بكل يسر وتهذيب ان الجواز والرقم الوطني لايتم استخراجها الا بواسطة تيّم من السجل المدني والتيم كان معاهم هنا لفترة،،،ورجع السودان حتي سألني قال لي ،،،لما التيم كان هنا انت كنت وين قلت لي ما سمعتا بيهو طيب حا يجي تاني متين،،قال لي لِسَّه والله مافي معلومة واضاف لو جوازك منتهي ممكن نجددوا ليك حتي تتمكن من الرجوع للسودان شكرتو وفهمتو انو لِسَّه ساري،،وسافرت السودان قضيت غرضي هناك وفهمت منه ان حتي الجواز الأخضر يمكن تجديده لذات الغرض 8- ترهاقا :الراجل كان مهذب جداً ، وقال ليك بنجدد ليك جوازك ، أما طريقتك فكانت وقحة جداً وأنا لو منو كان مش طردتك وبس ومعاه كفين لمن وشك يحمّر تعامل مع الناس بإحترام يحترموك ، أما لو بقيت فيها أبو عرام وعايز توريهم شغلهم ،وإنت رتبتك شنو وهلمجر فمصيرك حتكون لايص كده ، مرة شلتوني ومرة كفتوني ، ياخوي مشي أمورك بأدب وإحترام واهلنا قالوا :الحسنة معطت شنب الأسد كامل تضامني مع موظف السفارة الذي يواجه هكذا مشاكل كل يوم 9- اميرة السيد :عزيزي جلالدونا. بالمناسبة صحي..لان دخوله كل يوم للسفارة حيقلل فرصة قبوله كلاجئ سياسي..وبعدين قصص اللجوء السياسي ساهلة شديد وما عاوزة قصص معقدة بتاعة ده عذبني...وده شاكلني....وكل ما تعقد القصة فرصة القبول . بتقل...وطبعا اريح لجوء هو البيتم عن طريق الامم المتحدة..وخاصة اذا اختاروا ليك امريكا..... ..ويا د. اسامة انت المصحيك لغاية هسع شنو؟( وجه ضاحك). نحن الوقت عندنا في نيويورك لسع بدري....واساسا في نيويورك مافي ليل ونهار . ..واسمها المدينة التي لا تنام... والله يديكم الصحة والعافية 10 - صلاح عباس فقير : يا ود القاضي، والله الراجل ده صبر عليك! والفديو بتاعك ده شهادة على إنو رجل محترم، إنت تقول ليهو يا باشا، وتزعل لما يقول ليك يا سيد! ود القاضي الله يكون في عوننا وعونك! 11- أيمن الطيب : زيادة على ده كلو التصوير!!!!انت صورت الموظف دا بدون علمه وقصدت إستفزازه ليخرج عن طوره والراجل طول بالو وحاول يتجاوزك والواضح تماماإنو بعرفك لتكرار زيارتك للسفارة!!!! التصوير ممكن يكون فيه إجراء قانوني خاصة إنو القصة داخل سفارة.. الحق إنو الضابط كان مهذب معاك وإنت إتعاملت معاه بصورة غير لائقة!!!

أرجو من صاحب البوست مراجعة ومذاكرة المثل السوداني القائل:

نفريـــن لو قالوا ليــــك رأسك مافي .... اهبشو.

تحياتي

التصوير تم دون علم الضابط ... ودا مخالف لقوانين النشر الإلكتروني ...

اتا زول متلقي حجج واتلامضت على ضابط شرطة أو على الأقل

موظف يؤدي في عمله وحاولت تعرقل سير العمل دون حجة ودون

سبب واضح إلا محاولة للإستفزاز لأهداف وأجندة شخصية .

شايفك اليومين ديل مسخن في القروب ( هه )

يا اخي زي ما قالو الاخوان الضابط غاية في التهذيب

وتعامل معه برقي تام رغم زلنطحيته

اما عن تعامل موظفي السفارة في الرياض فلا يحتاج الى دليل

فقط يمكنك ان تسال المراجعين ووستجد عنهم الخبر اليقين

يا ود الباوقة

القروب بقي زي المناحة ههههههه

الجماعة كلهم شغالين يغنوا (الشيخ) سيروا....

تصريحك بتاع سفارة الرياض ده من البوفيه ولا شنو!!؟،، ههههه

لما الانسان يكون غير موضوعي في تناوله للاحداث سيصل مرحلة يفقد فيها تأثيره على الاخرين

و حتى المعلومات التي يأتي بها مهما كانت درجة صحتها فلن يلتفت لها لان مصدرها بالنسبة للمتلقين غير موضوعي اي غير موثوق فيه

اقرب مثال للنقة الكتيرة دي راديو دبنقا

كل الناس تقريبا تسمع لي راديو دبنقا بحكم انها كانت تبث عبر نايل سات و لكن من النادر جدا جدا تجد شخص يستشهد بها و يستورد منها الاخبار لان المتلقين لن يصدقوه

و الحالة التي تعاني منها سيدي سيف اصبحت اشبه بحالة راديو دبنقا

عدم الموضوعية في الطرح ينتج عنه عدم الثقة

ههههههه

ندي القلعة معلمة كبيرة في غرب أفريقيا

اسمع برجع ليك بعدين

قريبا كما يقولون ...

وتم تجديد جواز سفرى بصورة غايه فى الأدب والإحترام

ما كل المتواجدين فى السفاره إرهابيين او انقاذيين أومابقوموا بى واجبهم تجاه المواطنين

حقيقى انا إستغربت من التعامل الراقى القابلونى بيهو

وعندما طلبت منهم ختم شهاده مرضيه لواحده قريبتنا ..يمين بالله وانا يادوب بسأل اوديها وين

واحد سحبها من يدى وقال لى تعال وراى

طلعت معاهو الدور الأول دخلت مكتب كنت متخيل ألقى لى فيهو زول رتبه قاعد مستنى المواطنين

لقيت الزول ده قعد فى المكتب وختم الورقه

شويه ألقى ليك الناس يقولو ليهو سعادك وياسيد وياهلم جرا

احترمتو جدا جدا

وقلت ليهو يديك العافيه ياخى....واتخارجتا

أها دى شهاده منى للتعامل الفى السفاره ..

وراجع ليهم تانى نهايبة شهر أربعه عشان أسأل عن موضوع الجواز الإلكترونى

ود القاضى

شكلك بتفتش على ( طريحة ) لكن الله ما كتب ليك

ونشكر له باله الطويل وتهذيبه والله مفروض يترقى على موقفه ده

بعدين انت اصلا عارف انه السفارة اصلا ما عندها صلاحيات

ولا امكانيات انها تستخرج الجواز الالكتروني

الكلام ده في اغلب السفارات بتقدم وبيجيبوا ليك الجواز بعد فترة

بالحقيبة الدبلوماسية

ضابط جوازات قمة في الانضابط والمهنية

غايتو كان زول تاني كان وراك ليهو هههههههه

ود القاضي ارحم نفسك عايز تسيء للرجل فاثبت

انه موظف كفء

ربنا يعينك غايتو

Quote: دى شهاده منى للتعامل الفى السفاره ..

هذه الشهادة تكفي

شكراً يا استاذ ملهم لقولك كلمة الحق

و أبنت أن طاقم السفارة في قمة الرقي

واحد مناضل وطالب لجوء في كفّة و ضابط سفارة الإنقاذ في كفّة تانية و بعد دا يقول ليك مهذّب وشغله وكفاءة وبتاع!!

معقولة بس!

من متين ناس سفارات الإنقاذ يتم الدفاع عنهم كان بالحق ولا الباطل!!

ليها عشان يعرف الحاصل شنو!!!.

رتبتك شنو ويا باشا وخلافوو ...

ثم موضوع اللجؤ ده بعد ما المهاجرين السوريين وصلوا أوربا أنسى تأني يقبلوا لجؤ

شوف ليك برنامج تأني .... العمرة الأيام دي فاتحه جرب حظك

(عدل بواسطة محمد احمد القاضي on 03-22-2016, 02:22 PM)

وما تسمع كلام الكيزان

الضابط رفض يديك جواز إلكتروني وقال مافي جواز إلكتروني وقال بس ح يجدد ليك في جوازك المنتهي الصلاحية من نوفمبر 26 2015

يعني لو شال جوازك القديم تاني لا يبقى عندك قديم ولا جديد ودا معناه حبسك في مصر من غير وثيقة سودانية يعني ح تكون بدون هوية

تمشي تشتكي السفارة في مكتب الأمم المتحدة وتطالب بجواز أممي

والثورة مستمرة

تبالغ ياخ

ما في حاجة أجمع عليها كل المتداخلين معك هنا بمختلف توجهاتهم مثل تغليطك في هذا الموقف

أرحم نفسك

(عدل بواسطة علاء سيداحمد on 03-22-2016, 05:42 PM)

إنت مشيت السفارة تريد جواز إلكتروني جديد لنج.

الضابط (حسب تقديري رائد أو مقدم) قال ليك ما في جواز إلكتروني هسه. بس بنجدد ليك القديم الأخدر دا (يعني مشّي بيهو أمورك لغاية ما تجي الجوازات الإلكترونية او فُرق الجوازات الإلكترونية). وإنت عارف الظابط دا ما بتكلم من فراغ، بل عندو توجيهات وهو رجل خبير ومرت عليه حالات كتيرة زي حقتك دي.

طيّب،

إذا إنت ترى أن تجديد الجواز القديم مخالف لنظام أو قانون أو لائحة أو منشور تعديل أو ملحق وخلافه وتريد توريط الضابط، خليهو يجددو واذهب به للجهة الأعلى من الضابط.

يعني ود القاضي محاججتك دي ما طلعت بأي حاجة ورفعت ضغطك ساكت، أو ربما تود تهزئة هؤلاء المؤتمرجية أو الكيزان.

ثانياً،

تصوير شخص غافل دون علمه أو الاستئذان منه يُعتبر انتهاكاً للخصوصية إلا إذا كان شخصاً عاماً في مكان عام، أو في مكان خاص مسموح بتصويره. عشان كدة أعمل حسابك إذا جيت المرة الجاية ماشئ السفارة. ممكن يكون في بلاغ ضدك، وعندما تطلب منه الشرطة توضيح مكان عملك أو سكنك سوف يقول لهم الزول دا بجي السفارة دي. ويكون خاتّي البلاغ في الدرج.

(عدل بواسطة محمد احمد القاضي on 03-23-2016, 07:03 PM)