|
|
|
 Re: صديقي إبراهيم الخليل أخو محمود ود أحمد (Re: محمد على طه الملك)
|
Quote: الظاهر سباق الهجن ما لبن معاك..
القعدة حلوة إلا الجكت دا حق مولانا مش ؟ |
كيف ما ملبّنا معاي يا ملك؟!
شوف الناقة العنافيّة الأصيلة والحوار ديل، الناقة دي مشيت إشتريتا من جنوب خزان أبرخم وشايل معاي مادة فحص المالطية في سيرمس، وعملنا الفحص تحت شجرة، وبعدها حملناها في بوكس لكسلا، في كسلا حنست سيد البوكس يدخلها قرية المكسرات تمهيدا لتهريبها لأرتريا، حلف بدينو ما يمشي سنت من جنب المطار، إتصلت برشيدي برطيخي في أرتريا قال لي: أبوبكر، فالك طيب، بجوك أتنين من أولاد راشد وبُكرة ناقتك بتصبح في مصوع، بس أرخي الجيب.
هي حاليا عندي بمديسيس، وولدها دا أبوهو ليهو تاريخ زاخر اسمو مشاكل، وشهر عشرة القدامنا دا كان ربنا فكّ ساجورنا بنطاقش بيهو البدو ديل.
قصدك أنو الجاكت بتاع مولانا القائد محمّد أحمّد؟
نوريك محنو؟
تعرف يا ملك، الخليفة كان بحبو حب شديد ولمان الجيوش مرقت للنخيلة قال لمحمود ود أحمد: ما تسوق أخوك معاك.
بالرغم من أنو ما كان بصلي والخليفة عارفو، لكن أصلو ما كان بسألو!!
لمان محمود عاد من كتلة المتمة والنخيلة، عاتبو على كتلة ود سعد وقال ليهو:
قطعتو لحمة الوطن
لحمة دي ما وقعت لمحمود، لكن فهم مقصد كلام أخوهو الفيلسوف وندم أنو ما ساقو معاهو.
قبل كرري بيومين، وبعد صلاة العشاء قال للخليفة: سيدي، إت عارف أنو مدفع الخواجات الجديد أوتوماتيكي؟
| |
 
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: علي دفع الله)
|
والله، يا "شيخ علي" قصّة منو الدقّس منو دي فيها قولان أو أكتر؟؟
هسع شفت الغرابة ديل كيف كانوا عسل علي لبن مع الجلابة في مسيرة الجبهة الإسلامية؟!
لدرجة انو فلان الجلابي وفلان الغرابي إتزوجو أخوات، حتى بالإمارة أبو البت أفحموهو بأنو الثاني أول من أذّن بالجامعة، والأشيا كانت ماشّة معدن، لحدي ما الجلابة إختلفوا!!
وعاشت الأسامي.
الحمد لله، الريالات القطرية لحمت لحمة الوطن.
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
قصّة أوتوماتيكي دي، أبداً ما جات باردة للخليفة، لكنو فضّل يفوتها للشفت ويشوفو داير يقول شنو؟؟
ما معقول القائد الأعلي يستفسر من مساعد قائد راية!
ما عارف ليش إتذكرت يونس شلبي لمان سعيد صالح في مدرسة المشاغبين قال:
حنفي إبن المعلم الزناتي إنهزم يا رجّالة
وقال مذيع الرادي قالها بالإنجليزي قال: يا mens
يونس شلبي دوّر حول مينس دي زي ربع ساعة؛ عشان يعرفها شنو؟ وكيف أصلا سعيد صالح عرف الكلمة دي وهم اولاد كار واحد؟؟
بسري قلت: شلبي أحسن من الخليفة
لا يستحي في المعرفة.
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
Quote: في كسلا حنست سيد البوكس يدخلها قرية المكسرات تمهيدا لتهريبها لأرتريا، حلف بدينو ما يمشي سنت من جنب المطار، إتصلت برشيدي برطيخي في أرتريا قال لي: أبوبكر، فالك طيب، بجوك أتنين من أولاد راشد وبُكرة ناقتك بتصبح في مصوع، بس أرخي الجيب.
هي حاليا عندي بمديسيس، |
لاحولالا والله لامن قمت من الكرسي وأنا بردد معقول بس تجي منك !!!!
إلا (مديسيس ) دي رجعتني بكاني..
ياخي السودان بلاوي كتيرة وزي ما بقولو الجهل مصيبة ..
بالجد جبتها نجلاء.
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
ابوبكر سلامات وكيف الحال ..
تعرف !!
لم ارتح للكتابة بهذه الطريقة ..
ثمة ما يوحي بأن شيئا مخاتلا يحدث ..
زي كانك داير تقول وبتدسدس في الكلام ..
اها قلت امكن عدم ارتياحي ده ما صاح ..
ومن الجيد كتابة التأريخ بأسلوب "مخاتل" ..
مخاتل !!
لماذا تتردد هذه الكلمة كثيرا في هذا المقام ..
يبدو انني لم ارتاح لكتابة فكرة تأريخية بهذه الطريقة ال .. "المختلفة" ..
حمدا لله قدرت اتجاوز الحاح كتابة "مخاتلة" ..
هي مخاتلة يعني شنو ؟!!
| |
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: محمد حيدر المشرف)
|
يا ملك،
الحادثة بتاعتي دي حدثت قبل سنة ونص.
تقريبا منذ عام 2009 بروفسور الأمين دفع الله ساهم مساهمة فعالة في السماح لإناث الإبل بالطريقة القانونية.
منذ دلك التاريخ تم تصدير عدد هائل من إناث الإبل البشارية والعنافية ويكاد يكون السودان حاليا خاليا من هاتين السلالتين
وهن حاليا موجودات بالإمارات، قطر والسعودية وما زال تصدير إناث الإبل مفتوح من السودان.
حصل بحكم وظيفتي أن شاركت في فحص أكثر من ست طائرات تصدير بكسلا وفق القانون السائد
حادثتي التي وصفتها أتحدث فيها عن تكتيك تصدير وليس تهريب بالمعنى الحرفي
كيف؟؟
حركة الإبل الرعوية في شكل مراحات بين أرتريا والسودان شبه مفتوحة، ولا يحتاج المربيين لتهريبها لأرتريا من أجل تصديرها، إذ ان الإجراءات أسهل من السودان وأقل تكلفة.
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: munswor almophtah)
|
ما يحتاج أقول ليكم انو محمد أحمد رزيقي، واضح فهو أخو محمود ود أحمد.
اسم محمد احمد أصابني بالملل؛ ح ارجع أسمي بطلي بالخليل.
رجع الخليل لبيتو بالملازمين، وبعد تأثير سجارة البنقو فكّ؛ بكى من أجل الإغريقي الذي كان يحاول زرع الألغام في النيل وردد هامساً:
الدنيا فرندقس بدون علم ما بتمشي
جاءته أمته الجميلة زينب، وزينب هذه من غرب شندي، ما بقول اسم قبيلتها من أجل لحمة الوطن!!
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
لمان تمت مع الخليل سنتين ونص، النبق بقى تفاح وأحبت وأغرمت بالخليل وأصبحت رقم واحد ونسيت حقدها وغلها على الغرابة.
عدم زواج الخليل جعل العيشة للإماء بالبيت أكثر من رائعة، زايد انو الخليل بعد يشرب بصبح في غاية الروعة.
مدثر صاحبي من كوستي قال لي: شفتا شنات طبعي وأنا عادي دي؛ بتنقلب مية وتمانين درجة لمان أشرب. سعاد زوجتي شغالة في محكمة كوستي، لما تحضر جلد السكرجية بتقول للعساكر بسرها:
حرام عليكم، وحات الله، لو عارفين العرقي دا بسوي شنو بالليل؛ ما كان جلدتو ليكم واحد فيهم!!
حاجة تانية محيرانية في تأقلم قلوب النسوان ديل!!
لمان حكوا لينا غزوة بني قريظة وكيف تم إعدام كل الرجال
كنت محتار كيف النسوان السبوهن ديل ممكن يتعايشن مع الوضع الجديد!!
لكن الظاهر عندهن أكتر من قلب!
الخليل بعد جا راجع من الخليفة، همس لزينب وهي في حضنه: ود أبظق دا ناوي يضيعنا، أقول ليهو الخواجات معاهم مدفع أوتوماتيكي، يقول لي: الملائكة تحارب معانا!!
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
Quote: حاجة تانية محيرانية في تأقلم قلوب النسوان ديل!!
لمان حكوا لينا غزوة بني قريظة وكيف تم إعدام كل الرجال
كنت محتار كيف النسوان السبوهن ديل ممكن يتعايشن مع الوضع الجديد!!
لكن الظاهر عندهن أكتر من قلب! |
ما تنسى انه في عرف وتقليد بني قريظة ان النساء ما هن الا مستودعات للاحساب و النسب.
لذلك تجد بني قريظة لا يهملون هذا الجانب في استراتيجياتهم العسكرية.
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: اسماعيل عبد الله محمد)
|
Quote: نقد ذاتي و اعتذار للخليفة عبد الله التعايشي و الأمير يونس ود الدكيم
11-29-2013 07:33 PM
كان مبتدأ و كان الخبر في الفروة كان حسن الختام
لا أدري علي وجه التحديد من هو ذلك الشخص أو تلك الجهة التي اطلقت شائعة أنّ الخليفة عبد الله التعايشي قد كتب الي الملكة فيكتوريا خطابا يدعوها فيه الي الدخول في الاسلام و يبشرها الى انها اذا دخلت في الاسلام فسوف يزوجها للامير يونس ود الدكيم اذا قبل , و تضيف الشائعة ان الامير يونس قد ابتسم لدي وصول الخطاب الي هذه الفقرة التي تتحدث عن زواجه من الملكة فيكتوريا , لا أدري و لكن من المؤكد ان هذه الشائعة رائجة وسط السودانيين المتعلمين منهم و غير المتعلمين و منذ فترة طويلة جدا حيث تناقلتها الاجيال جيلا عن جيل .
و قد كنت شخصيا من ضحايا هذه الشائعة و المصدقين لها الي ان تحداني الصديق العزيز محمد عبد الخالق رد الله غربته قائلا بان ذلك لم يحدث اطلاقا و ان الخطاب الذي ارسله التعايشي لم تكن فيه أي اشارة لا تلميحا و لا تصريحا لمسألة تزويج الملكة فيكتوريا من الامير يونس او خلافه من امراء المهدية .
و بالفعل فلدي اطّلاعي علي الخطاب المذكور ضمن كتاب جغرافية و تاريخ السودان لنعوم شقير لم اجد اشارة الي ذلك .
و أول ما نلاحظه قبل التعرض لمحتوي هذا الخطاب ان الخليفة لم يكتب فقط للملكة فيكتوريا و انما كتب كذلك الي السلطان عبد الحميد و الخديوي توفيق باشا و في هذه الخطابات يدعوهم الي اعتناق المهدية قبل ان تطأ جيوشه بلادهم و قد حمل تلك الخطابات اربع رسل وصلوا الي حلفا بتاريخ 12 ابريل 1887م فاُرسلوا الي الجناب العالي في مصر حيث قرئت الخطابات واُرسل خطاب الملكة فيكتوريا اليها , و رغم ان خطابات الخليفة قد اتّسمت بالادب و التهذيب فان الرد علي تلك الخطابات كان شفاهيا مع الرسل الاربعة و كان يتّسم بالاستفزاز و الاستخفاف و التحقير و الازدراء و هذا نصه : (( ان اولئك الملوك الذين تجرأ سيدكم علي الكتابة اليهم لأرفع جدا من ان يتنازلوا الي مجاوبته )) .
و نعود الي الحديث عن خطابه الي الملكة فيكتوريا تحديدا فهو بعد البسملة يخاطبها قائلا : (( و بعد فمن العبد المعتصم بمولاه القاهر خليفة المهدي عليه السلام الي عزيزة قومها فيكتوريا ملكة بريطانيا سلام علي من اتّبع الهدي )) و بعد ذلك يدعوها الي الدخول في الاسلام و اتّباع المهدية و يبشرها قائلا : (( و ابشرك بالخير و النجاة من عذاب السعير وتكونين آمنة مطمئنة لك ما لنا و عليك ما علينا و تتصل بيننا المحبة في الله و يغفر لك جميع ما فرط منك في زمن الكفر )) و يحذرها من الكفر و من ان تغترّ بجيوشها ( لأن ما نحن بصدده هو الدين الحق الذي تكفّل الله الملك القادر بنصرته و تأييده و رفع مناره ) و يذكرها بمصير هكس و غردون و ستيوارت الذين يصفهم بانهم ( رجالك المعروفين لديك بالشجاعة و حسن التدبير و الثبات و قوة العزم ) و في نهاية الخطاب يكرر لها الدعوة للدخول في ملة الاسلام و اتبّاع المهدي عليه السلام و يهددها بانها ان تفعل ذلك فان حزب الله سيطأ دارها و يذيقها السوء بما صدت عن سبيل الله . و لكن ما مناسبة هذا الحديث و هذا التصويب و التوضيح ؟
ربما تطوعا و نافلة للتكفير عن المساهمة في الترويج للشائعة التي تحدثت عنها و ما ترتب عليها من اذي و اساءة لاثنين من رموزنا الوطنية مهما اختلفت الاراء حولهما و لكن هنالك سبيل مباشر و هو ما ورد بصحيفة الصحافة الغراء بتاريخ 6/12/2012 بصفحة الرأي بقلم الاستاذ حسن محمد صالح بعنوان : الصادق المهدي صورة من يونس ود الدكيم , حيث كتب تحت ذلك العنوان مقالا تضّمن الكثير من التريقة و السخرية من الخليفة عبد الله التعايشي و الأمير يونس ود الدكيم و روّج لتلك الشائعة .
فنجد الاستاذ حسن محمد صالح يقول :( اراد الخليفة عبد الله التعايشي ان يخاطب الملكة فيكتوريا و يرسل لها رسالة مثل الرسالة التي بعث بها بني الله سليمان الي ملكة سبأ بلقيس مع الهدهد يأمرها فيها بان تسلم و اذا اسلمت يزوجها للامير يونس ود الدكيم اذا قبل الامير ) .
و هكذا يساهم الاستاذ حسن محمد صالح في الترويج لتلك الشائعة و بالتالي تصبح الشائعة حقيقة يتشكل بها وعي الاجيال و هكذا نصور رموزنا و كأنهم كانوا يعانون من نهم جنسي . فما رأي الاستاذ حسن محمد صالح في ان يمارس مثل هذا النقد الذاتي و ندعو معا كل من ساهم في ترويج لتلك الشائعة ان يمارس هذا النقد الذاتي تصحيحا للوقائع و اعتذارا لود تورشين و الامير يونس و كل امراء المهدية الذين ما كانوا يملكون من حطام هذه الدنيا سوي جبة متروزة و حربة مركوزة , و للاستاذ حسن محمد صالح اكيد الاحترام و التقدير .
عبد الله الحاج القطيني
[email protected]
|
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: اسماعيل عبد الله محمد)
|
قالت ليهو بعد أن جلست في طرف العنقريب: شنو أوتوماتيكي؟
إستغرب من نطقها للكلمة بنفس مخارجو! وقال ليها: المدفع لا يحتاج تعمير ومسافتو البصلا بعيدة خالص
يعني مسافة أنا أضرب طلقتين بيكون فكّ مسة طلقة وبدأ يطربق ب: الدواس فجر، المهدية مهديتم، إلا نُصّرة ما في..
إلتفت لزينب وقال ليها: عارفة أنو أهلك والشايقية والكبابيش جاين مع جيش الخواجات النصارى؟
قالت ليهو: بتخونم؟
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: محمد البشرى الخضر)
|
والله، يا ود البشرى، من أمس أهري وأنكت في موضوع المخاتلة دا، وأقول: الزول دا، ما قال عندو ماجستير؟! ما لو بخاتل فوقنا.
المهم، بعد "مخاتلة" شديدة، ربك رب الخير هداني لمقال كمال الجزولي "المخاتل" (الضمير راجع للمقال ولكمال) عن إبراهيم الخليل (ممكن تقوقلو الجزولي + إبراهيم الخليل)، و أحتج بيهو كختال منفلت عن الواقع، وإتّا عارف انو كمال الجزولي رئيس صاحبنا دا.
المهم تاني، زي ما قلتا، بعد دخول سمعة، المين إسّي أتغيّر؟؟
رقّدنا ليهو ولدم مع بت عمي نظير دحش وشوال دخن وقزازة عرقي، وبرضو زعلان!!
داير شنو؟
لا لا، مستحيل!!
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: muntasir)
|
Quote: حاجة تانية محيرانية في تأقلم قلوب النسوان ديل!!
لمان حكوا لينا غزوة بني قريظة وكيف تم إعدام كل الرجال
كنت محتار كيف النسوان السبوهن ديل ممكن يتعايشن مع الوضع الجديد!!
لكن الظاهر عندهن أكتر من قلب! |
لالا دي أخدتا فيها ناس دينا وصويحباتا في الكرعين ..
لازمن تفتح بها بوست عشان تديهن حق الدفاع .
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: محمد حيدر المشرف)
|
بسبب تعليق المنصور حول قراءة تأريخ المهدية عبر حمور زيادة ..
عندي مقالة بايرة لم تجد الرواج ..
فلنلصقها هنا ..
ودونما سبب ..
شوق الدرويـش .. أو هكذا يُحكى التأريخ..
"محمد المشرف"
أقرأ ,وبشيء من المتعة الخالصة, في رواية "شوق الدرويش" لحمور زيادة .. نعم ما زلت متقلبا في أطوار القراءة وصفحاتها, إلا أن الكثير من الإنطباعات قد تواتر على مخيلتي من كل صوب وعلى كل ضامر يأتيني من ذلك التأريخ الداكن القديم..
إنطباع أولي:
وكأنني أقرأ رواية لنجيب محفوظ, بيد أن مزاجها كان سودانياً صرفاً !!
إستقر هذا الإنطباع بذهني .. تواترت المرائي أمامي .. "حمور" كان حاضراً بمخيلتي .. في طاولة منعزلة بمقهى في "نص البلد" .. ربما بابراهيم باشا او قصر النيل .. فنجان القهوة التركية لا يلبث الا قليلا قبل إستبداله بآخر .. أغنية لام كلثوم يأتي صدى ذبذباتها بذات تلك الطريقة التي تأتي بها ذبذبات صوت أم كلثوم .. في مقهى قاهري .. ذات مساء قاهري .. في "نص البلد" ..
كان حضوراً قاهرياً كاملاً ل "لحمور" .. الا أن تقاسيم وجهه كانت معبأة تماما بذات ذلك الغباش الامدرماني الحميم .. وبالكثير من الحنين المخزون بين طيات تقطيبته تلك التي تعلو "النضارة", والى الأسفل تماما من تلك "الصلعة" الخفيفة .. بينما تنحفر تلك المعاناة الانسانية المحضة للابداع والسودانوية عميقاً بين خطوط الحزن في جغرافيا ذلك الوجه المسكون بالرهق العنيف .. ذات تلك المعاناة الانسانية المبثوثة في كل شبر من تأريخ وجغرافيا ذلك الوطن الحزين .. السودان !!
أعلاه ما طاف بخاطري وأنا أحاول لملمة الخاطر الأول ..
"وكأني أقرأ رواية لنجيب محفوظ .. بيد أن مزاجها كان سودانياً محضاً !!
صورة الغلاف كانت متطرفة قليلاً في الايحاء بالتناقض .. هكذا فكرت .. متطرفة في ابراز التناقض بين زنوجة الخادمة بين قدمي السيدتين ..وبياض السيدتان الجالستان في إعتداد .. ربما لم يكن ذلك القصد من الصورة على أية حال !!
نجح "حمور زيادة" في التطواف بنا بين تفاصيل ذلك التأريخ القريب/البعيد.. كنت وكمن يتجول "حافي حالق" بين أزقة أمدرمان شديدة البؤس .. بعضها ليست أقل بؤساً بكثير من سجن "الساير" .. ولربما رأيت في تجوالي ذلك "بخيت منديل" في صحبة غيره من المساجين وهم يزحفون بين زقاقات أمدرمان بأرجلهم النازفة بفعل القيود .. صور عديدة حفلت بها هذه الصفحات والتي قرأتها .. وأنا موعود بتصاوير أخرى عديد ة في مقبل الصفحات ..
وهكذا يحكى التأريخ!! .
لا أتحدث عن إحتمالات الخطا والصواب ولكن .. أتحدث عن فعل الحكي .. او كيف يحكى التأريخ .. الأمر أشبة بالهبوط في لحظة زمكانية محددة .. والتجوال فيها, وعبر تفاصيلها الحياتية ..بين شوارعها .. زقاقاتها ..بيوتها .. تلتقط العين هذا المشهد .. وتلتقط غيرها غيره من المشاهد, لتشكل في مجملها صورة بانورامية كاملة تقدم للاجيال القادمة دونما زيف ..
هذا الهبوط الزمكاني الابداعي ليس مسألة "مطلوقه ساي" .. يلزمه الكثير من الاعداد الجاد والقراءة العميقة والشغف بالتأريخ .. كما ويلزمه بالضرورة "مبدع من طرز خاص" .. يتمتع بقدرة عالية على إلتقاط المشاهد من بين الكم الهائل من المرويات وكتب التاريخ والوثائق .. ولربما كان ذلك وجه شبة آخر وليس أخيرا بين نجيب محفوظ وحمور زيادة ... ولربما طاف طائف بحمور زيادة أن يكتب أمدرمان كما كتب نجيب "مصر المحروسه" .. فحفظت الأجيال تأريخها دونما مرور على دور الوثائق ودونما التحاق بشعب التأريخ داخل الجامعات المصرية .. تناقلته طبيعيا من خلال وسيلة طبيعية جدا .. الحكي أو الحكاية أو "الحدوته" كما كتبها محفوظ ..
وتبقى ال Dilemma أو عقدة الموضوع .. هل يكتب الإبداع " الحقيقة " أو هو بالاحرى مساهم فعال في إبرازها من خلال الغبار الكثيف للأسئلة التي يثيرها .. أعتقد ان الابداع مساهم فعال في إبراز الحقيقة التأريخية .. وما تلتقطه عين هذا المبدع وفي جميع أحوالها من تنافض أو إتفاق أو خلاف مع ما تلتقطه عين ابداعية أخرى .. هو ما يصنع بانوراما التأريخ .. وهكذا فإن من الممكن جدا لجولة في متحف اللوفر مثلا .. أن تضع أما ناظريك ما يكمل مشهد الثورة الفرنسية المتواتر في الرواية والأفلام والكتب .. وكذا لا تكتمل صورة الثورة البلشفية الا بقراءة رواية "الام" لماكسيم غوركي .. والامثلة كثيرة.
الخاطر الثاني ..
الكثير من المناحي الفلسفية العميقة تجاه الحياة والحب والتضحية لشخصيات لا تبدو عليها سمات الفلاسفة والحياة الفكرية المترفة .. الجريفاوي ومنديل على سبيل المثال, يتحدثان ويفكران بطريقة اكثر عمقا من واقعهم الثقافي /الاجتماعي .. في حالة الجريفاوي تغيب الفجوة العميقة بين الدروشه بنسختها السودانية والتصوف بمعناه الفلسفي/الاكاديمي لعتاة الفلاسفة والمثقفين .. وفي مجتمعات تسود فيها غيبيات ود ضيف الله على سبيل المثال, يكون من العسير بمكان أن نجد اصداء واسعة لاشارت "النفري" لو جازت الاشارة !!..
قد يقول قائل أن المنحى الفلسفي في تناول معاني الحياة ليس محصورا على الفلاسفة .. ذلك صحيح بالتأكيد ولكن .. لا يمكن أن تكون فيلسوفا خامل الذكر من ناحية, وناشط غيبي/رجعي من ناحية أخرى ..
لا اعلم صحة اعلاه .. بل ولا اثق في قدرتي في التعبير حوله ولكن .. تلك الشخصيات, كانت تتحدث بما يفوق معينها الثقافي بالتأكيد !!
كان "حمور" حاضرا بالتأكيد !!!
حول صورة الغلاف ,,
أورد حمور مصدرها في الصفحة الاخيرة من الرواية ..
(ها انتم تعلمون أني أتممت قراءة هذه الرواية المرهقة ... قيود "المكية" أدمت مشاوير القراءة .. تمضي فيها وكأنك مسيح يحمل صليبه وهو مكلل بالأشواك وفي الرمق الاخير لطريق الآلام .. على بعد سطرين من الصلب .. 3 اسطر من القيامة .. يا الله !! .. كم هي متعبة هذه الرواية.. مدهشة.. ومحفزة الى الحد البعيد..)
صورة الغلاف مأخوذة من من مؤلف "الأب أوهر ولدر" عشر سنوات في معسكر المهدي 1882 -1892 !!!!!
قرأت مقتطفات هنا وهناك حول الرواية.. وجميعها تتفق في كون بخيت منديل يمثل الشخصية الرئيسية في الرواية ..
هل يجب ان تكون هناك شخصية رئيسية في الرواية ؟!!
لا أعلم ولكن .. بالنسبة لي .. كان الحسن الجريفاوي وحكايته داخل الرواية بمثابة المنوال الذي حيكت به او حوله باقي التفاصيل .. لذلك كان الحس الدرامي لحكاية الجريفاوي أكثر انضباطا من ميلودارمية بخيت منديل وثيودورا/حواء
يقول الحسن الجريفاوي في نهاية حكايته : في يوم ما ,, لم يحن أوانه بعد .. سيجلس الناجون منا ليسألوا أنفسهم كيف نجوا من كل هذا الايمان!!
شوق الدرويش رواية تتمحور حول الحسن الجريفاوي بصورة أساسية .. وهو في يقيني الدرويش .. وأشواقه الحكاية ,, ولا يبدو لي الآن وأنا في أقرأ حكايته في أواخر العام 2015 .. لا يبدو لي كناج .. لم ينجو من إيمانه .. لم ينجو من كل ذلك الإيمان ..
وهل العائد من المتمه هو الخارج إليها !! ..
لا لم ينجو من جائحة الهوس الديني قط .. وكان من الهالكين يوم غادر فاطمة .. فاطنه السمحه .. سماحة المسيد.. مسيد شيخه سلمان ود حمد الدويحي.. غادرهم ليلحق بالجهاد .. يا للفجيعة!!
حكاية بخيت منديل و ثيودورا او حواء
وبينهما مريسيله
حكاية الرق في المجتمع السوداني ..
ثثيودورا الأوروبية شديدة البياض ذات الشعر البندقي .. نشأت في الاسكندرية .. وكانت خطيئتها المسيحية الوحيدة قبلة واحدة قبل أن تترهبن وترحل لبلاد السودان من أجل خدمة الرب.. لتعيش تجربة استرقاق مريرة في أمدرمان .. كان مشهد ختانها ذروة درامية نجح حمور في إقتناص تفاصيلها الموجعة بايجاز بارع .. لم يكن ختانها ذلك في شان الله.. بقدر ما عقوبة لها لعدم إرضائها غريزة سيدها الجنسية !!
بخيت منديل حكاية استرقاق مريرة جدا .. في الواقع تم استرقاقه مثنى وثلاث .. وظل عبدا حتى فى زمان حريته القليل .. كانت رقيقا أول ما كان, لشاذ أوروبي كان يستعمله للاشباع الجنسي قبل أن يهديه لآخر تركي له إبنة شديدة الشبق .. وكان بخيت منديل أداتها الفعالة على ما يبدو لاطفاء شبقها الجنسي العارم .. ثم جاءت حكاية استرقاقة الثالثة إثر أسره في مصر عند هزيمة جيش النجومي.. وتلك كانت أهون فترات استرقاقه وأكثرها ثراءً والتصاقا بذاكرته عندما وهب نفسه عبدا في في حضرة العشق ل ثيودورا .. وكان ذلك هو الاسترقاق الأخير والذي مات عليه ..
بين هذه التفاصيل, نسج حمور حكايته بخيوط موجعة جدا .. وعلى الرغم من الخيالات الدرامية المجنحة في الحكاية .. الا أن الرصد الابداعي والتاريخي لحياة بخيت منديل تم باحترافية بالغة و واقعية شديدة .. نجح حمور في نقلنا زمكانيا للحكاية.. لم يفارق حمور تلك الواقعية الا عند محاولة اكساب بخيت منديل لغة داخلية وطريقة تفكير متجاوزه لمعينه الثقافي .. ذلك على الرغم من محاولة التأسيس لذلك من خلال علاقته بسيده المصري وصداقته داخل سجن الساير لمتصوف مغربي دارت بينه وبين وبخيت العديد من الحوارات ..
.ها قد أتممت قراءة شوق الدرويش ..
شكرا جميلا لحمور زيادة أن وضع في حافظة رواياتي العظيمة رواية جديدة .. الأجمل من كل ذلك فتح شهيتي للقراءة من جديد .. كان من السيء جدا أن لا تكمل قراءة الروايات للضجر الذي يعتريك من مساختها ..
أعلاه مجرد انطباعات قد لا تخلو من السذاجة .. ولكنها انطباعات جيدة لا تضر على اية حال .. ولست واثقا من قدرة القاريء على ممارسة .. فلندعوه "الانطباع" .. .. بل ولا أعرف جدواه .. بيد أني أرجح نفعه للكاتب والرواية والمتلقي و مُمارِس "الانطباع" هذا !! .. تمتعت بالرواية واستمتعت بتسجيل "الانطباع"
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: محمد حيدر المشرف)
|
من أقوالي (قدس الله سري)
وأنا في الواقع أثري النقاش حول معيارية الابداع في تناول التأريخ ..
| Quote: هذا الهبوط الزمكاني الابداعي ليس مسألة "مطلوقه ساي" .. يلزمه الكثير من الاعداد الجاد والقراءة العميقة والشغف بالتأريخ .. كما ويلزمه بالضرورة "مبدع من طرز خاص" .. يتمتع بقدرة عالية على إلتقاط المشاهد من بين الكم الهائل من المرويات وكتب التاريخ والوثائق .. ولربما كان ذلك وجه شبة آخر وليس أخيرا بين نجيب محفوظ وحمور زيادة ... ولربما طاف طائف بحمور زيادة أن يكتب أمدرمان كما كتب نجيب "مصر المحروسه" .. فحفظت الأجيال تأريخها دونما مرور على دور الوثائق ودونما التحاق بشعب التأريخ داخل الجامعات المصرية .. تناقلته طبيعيا من خلال وسيلة طبيعية جدا .. الحكي أو الحكاية أو "الحدوته" كما كتبها محفوظ |
والله الموفق ..
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
ضرب لي صديق مثقف كبير جدا، لا يقل عن حسن موسى في شيء، قال لي تم لينا الحكاية دي
قلت ليهو: الحكاية تمت
قال لي: تمت بتاعت فنيلتك؟!
ومسكني بالتلفون زي ساعة ونسني عن حكايتي، وحكايتو وقال لي كلام أعجب من حكاوي شهرزاد، حتى أنني خجلت من مستوى حكايتي، أصابني غضب أو قل حسد زي الذي قفز لراس منعم الجزولي تجاه حسن موسى في قصة "مدينتين"
وقلت ليهو: حكايتك شنو يا أخينا؟ عامل لينا فيها ألفة؟ ولّ أبو الفصل تشيل وتصحح في كراساتنا؟ يا زول، دي نهاية حكايتي، عجبتك عجبتك، ما عجبتك؛ النيسان في الطريق.
المغرب وبعد زعلي الما عندو سبب منطقي، هيستامينو نزل؛ ندمت على كلامي البايخ، وتأملت كلام حسن موسى في إثراء قصة المدائن، لقيتو من أبدع ما كُتب في النقد والإضافة، وعرفت ليش محسن خالد أداهو دور تاريخي (موسى عليه السلام) عظيم وإكتفى بدور هامشي لمحمد حسبو!!
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
Quote: أديت حمور حق التجول في زقاقات التاريخ وحظرتو عني!!
|
ابوبكر يا صديقي المستنير ..
الامر ليس كذلك ..
انا احتجيت على طريقة تناولك للمسألة ..
هسع شوف كيف انت زاتك اتراجعت عن كم حاجه كتبتها ..
Quote: قد يكون اسمه اسماعيل
لكن هذا غير مهم، وأنا أحبذ أن اسميه محمد ودأحمد أخو سيدي محمود ود أحمد.
|
في المداخلة الثالثة ..
Quote:
أحداث هذه القصة من وحي خيال الكاتب وأي تشابه لها مع الأحداث التاريخية؛ محض صدفة |
ثم ..
Quote: ما يحتاج أقول ليكم انو محمد أحمد رزيقي، واضح فهو أخو محمود ود أحمد.
اسم محمد احمد أصابني بالملل؛ ح ارجع أسمي بطلي بالخليل.
رجع الخليل لبيتو بالملازمين، وبعد تأثير سجارة البنقو فكّ؛ بكى من أجل الإغريقي الذي كان يحاول زرع الألغام في النيل وردد هامساً:
|
المسالة يا ابابكرانو هذا المجال الاحنا فوقو ده .. يقترح بالفعل نوع من التجديد في الكتابة كما تفعل انت ولكن .. فلنكن جميعا اكثر انضباطا باستحضار ذات المجال القاعد انت ونظرائك من المستنيرين تجددو وتكتبوا نوع جديد من الابداع ..
حور بهناك في مجال الرواية نضج شغلو ..
وانت لا تقل عنه في شيء عشان ما تنجض شغلك ..
مودتي التي تعلم
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: محمد حيدر المشرف)
|
ما كنت داير الخليل يموت في كرري، وكنت دايرو يهرب مع صديقو الشفت عثمان دقنة، وكمت داير أركبو ناقة بشارية بيضاء ناصع لونها، وأخليهو يشارك مع الفظي وظي في كسر المربع الإنجليزي، وأخلي الشاعر الانجليزي كبلينق يديهو بيت بيتين من التمجيد:
Fuzzy wazzy and their friend khalil
.......
| |
|
|
|
|
|
|
|
|
|
Re: صديقي إبراهيم الخليل أخو محمود ود أحمد (Re: أبوبكر عباس)
|
رقدت زينب في العنقريب الجنبو ، وعاينت للنجوم تشوف حظها، وتمنت أولاد عيونم خضر
ضحيتها كراوي في فريج مرر
فريج مرر دا حي بدبي البجن فيهو بناتنا الزعلانين انتو من جيتن لدبي.
عرفتني علي شابة غاية في الجمال
قالت لي: دي زينب بتي
وقالت ليها: دا بابكر الخلقني في شخصية زينب الأمة، في القصة الحكيتها ليك كتير
| |
|
|
|
|
|
|
| |
أبوبكر عباس
محمد على طه الملك
علي دفع الله
بريمة محمد
محمد أبوجودة
محمد حيدر المشرف
Muna Khugali
اسماعيل عبد الله محمد
munswor almophtah
سيف النصر محي الدين
محمد البشرى الخضر
فيس بوك
تويتر
انستقرام
يوتيوب
بنتيريست