الناس في بلدي في خروجهم على النظام رددو هتافات في واحدة من تلك التظاهرات "مرقنا مرقنا ضد الناس السرقوا عرقنا" واحد من أصحاب الخيال الواسع وبعد القطوعات المستمرة للكهربه قال لي أصحابو أبشركم الحكومة رجعت ليكم عرقكم على داير المليم.
واحد بلدياتنا ركب مكنة مصري وقال لي أمه طريقة اكلنا دي لازم نغيرها .. صينية وكيس عيش وعوارات .. لازم نبقى زيي المصريين صفرة وحركات وقصص .. المهم عايزك تحمري لينا جدادة كاملة ما تقطعيها وتختيها في الصفرة وتكوركي لي تقولي يا بلبل الفطااار .. الفطار يا بلبل .. المهم تقوم وتقع عملت ليه زييي ما قال وحمرت الجدادة وتعبت فيها وظبطت السلطات وجابت الكمشة الكبيرة عشان كل زول يغرف براه .. وكوركت ليه يا بلبل الفطاااار .. جاها من جوة خاتي البشكير في كتفه .. قال ليها ماليش نفس يا ماما .. كلي انتي قالو ليك بلبل لغاية هسي عايش الصدمة بعد أن شاف عضام الجدادة قدام كلب الجيران.
05-10-2016, 09:48 AM
ابو جهينة
ابو جهينة
تاريخ التسجيل: 05-20-2003
مجموع المشاركات: 22489
أيام الفريق الراحل إبراهيم عبود إبن عمي كان شيوعيا لا يشق له غبار ، كل يوم والتاني في السجن. فسمع والده ( عمنا ) بالبلد في أقصى الشمال بحالة إبنه ، فأتى وهو يتأبط أمرا وصل الخرطوم وذهب مباشرة للمعتقل وقال لإبنه : شوف يا إبني ، لو ما سبت الشيوعيين ديل والله أحرمك من الميراث. فقال إبنه : خلاااص أحرمني يا أبو العلا
فبُهِت الذي هدّد ، ثم ضحك ، ثم رجع قافلا لقريته *** طبعا أبو العلا في زمانه كان من الغنيانين الذي يشار إليهم مش بالبنان بل بكل الأصابع
05-10-2016, 11:01 AM
almulaomar
almulaomar
تاريخ التسجيل: 07-08-2002
مجموع المشاركات: 6485
أبا جهينة شكراً على المرور الأنيق والإضافة الثرة ، تعرف الثرة دي قربت أكتتبها بالسين بس فكرت ونظرت وعبست وبسرت وعرفت إنو لو عملتها كان عرجت بيك إلى السماء ذات الحبك مودتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة