Quote: الله يكضب الشينة يا مولانا استراليا ... نفــر
آمين يا مولانا أحمد ، لأنو أنا بالذات سأكون أول المتضررين وسوف لن يمنحني الجهاز تأشيرة بسبب المظهر ولأني سأفشلفي الدورة التدريبية المشار إليها..من هسه بقول ليكم.بالله يا القريبين من دوائر صنع القرار في جهاز المغتربينأنفوا لينا الخبر..أنا لا أظن أن حاج ماجد ممكن يقول كلام زي دا أو يقترح حلا كهذا..-بالله يا مولانا أحمد الشايقس إيه رأيك في ( دوائر صنع القرار ) دي؟
12-07-2015, 12:56 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أفا يا مولانا .. بعد الفال الطيب في بوست العلاج الجديد لسرطان الدم مالك قاطع قلبنا بالأخبار الشينة ديخبر زي دا تخليه لابو الزهور, أو هبّاني او بالعدم ابوحسين :) نحنا بنتفاءل بيك
12-07-2015, 01:19 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: بعد الفال الطيب في بوست العلاج الجديد لسرطان الدم مالك قاطع قلبنا بالأخبار الشينة ديخبر زي دا تخليه لابو الزهور, أو هبّاني او بالعدم ابوحسين :) نحنا بنتفاءل بيك
نعمل شنو يا باشمهندس.. حال الدنياتلال وسهول ..من هنا وغادي قبل تعبئة الإستماره تنعموا بالديباج والحلي والحلل كما قال الملك الضليل أو كما تغنت هيام يونس.. تخيل الأسماء التلاته التي أوردتها لاتندرج في قائمة المتضررين،الناظر هباني أصلا ما بجي قريب وابوالزهور ما بطلع قريب أبو حسينقيافه وفايت الناس مسافه إلا إذا وشى به واش.
12-07-2015, 12:56 PM
mustafa bashar mustafa bashar
تاريخ التسجيل: 10-16-2007
مجموع المشاركات: 1145
تحياتي محمد وضيوفهسبقني نصرالدين له التحية فقد كانت صورة الوزير اول ما خطر بذهني بعدينك دورة تدريبة للبيئة !! كيف يعني !!؟التعبير مستفز بالنسبة لي .. يعني شنو !!الزول بلبس وفق الدخل المادي بتاعو .. بلبس وفق الاولويات واللي اولها الاكل الماقدر ياكل منو اكل جيد .. ودة دليل واضح علي سؤ حال الاطباء عموما فما بالك ببقيتهم .. الاكل السمح بنعرفو واللبس السمح بنعرفو .. لكني اذكرهم برد سيدنا عمر بن الخطاب حين عابو عليه خشن الطعام والدورة دي دايرة ميزانية ومعلمين اها رسومها كم .. والبدرسهم منو وياتو مادة .. وهل بتم تقسيمهم حسب البيئات ! فلكل بلد بيئة غايتو جنس غايتووحكي لي صديق زمن مافي كورسات بيئة ! قال واحد مغترب اول مرة وفي صالة المغادرة كان لابس سفنجة .. فرفض ضابط الجمارك اعطاؤه الاذن بركوب الطائرة .. واداهو جزمة من داخل الاسواق الحرة تبرعا له
12-07-2015, 01:26 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الأخ مصطفى بشار..شرط الحصول على التأشيرة هو اجتياز الدوره التدريبيه..لكن ظني ، وليس كل الظن غثم ، أنو دا كلام جرايد، المسؤولينعندنا ما ممكن يقولوا كلام زي دا..كلو كلو..-نرجو من الأعضاء القريبين جدا من دوائر صنع القرار إفادتنا عشان نؤكد الحجز أو نلغيهو
12-07-2015, 01:33 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
سلام يا مولانا ود المرتضى و أسعد الله أوقاتك بكل خير،
Quote: دوائر صنع القرار
و الله قرارنا ده ثكلته امه و ليذهب الى الجحيم كان بتصنعو أشكال زى دى.يا مولانا الناس الزينا مغتربين ليهم ستين سنة مشمولين بى شغل المساطيل ده برضو؟ بعد ما شاب ودو الكتاب
12-07-2015, 04:32 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
امبارح القريبة دي كانت اخبارك سارة ...مالك الحصل عليك شنو ... ؟؟ 😂😂😂أسي الجماعة اياهم بكونو جهزوا ليهم كم معهد لتدريب و تأهيل المواطن السوداني المغلوب على أمره للاغتراب ..و الله الطالع بي مهنة راعي يعلموهو ليك فنون معاملة البهايم ...حا نبقى شعب راقي جدا ...
سلام وتحية مولانا وضيوفكـ الأكارم ...حتى وان صح القرار وطلع (مش) كلام جرايدفالمقصود به المغتربين (الجدد) ..والدليل ( البيئة الجديدة) .. هاهاهاهاعلى العموم وللحقيقة نقابل احيانا بعض السودانيين وهم يرتدون ملابسوالله العظيم الواحد في بيته (يختشي) يقابل بيها جاره لو جاهو زائر ..قبل فترة كنت في المطار لإستقبال زائر من الطائرة القادمة من (خرطومنا)وشاهدت (شباب) والواحد طالع من المطار بجلابية عادية ولا يضع حتى طاقية فقط في راسهوينتعل شبشب أكل عليه الدهر وشرب .. والله الواحد يستحي ويقعد يتلفت يمين وشمال ..المظهر جزء اساسي من شخصية الانسان .. بالذات المغترب الذي يعتبر سفيرا لبلدهوكما قال حكيمنا قديما (كل يا كمي قبل فمي)
12-07-2015, 05:35 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أبوالعزائم سلامات يا عزيز..وكفاره لل (السني)..أنا في حالة سغربه من تصريحات ماجد سوار ليس لسبب إلا إنو تصريحاتهلا علاقة لها باختصاصاته ، منح التأشيرة من عدمه أمر يتعلق بوزارةالداخلية ، وسبق لماجد سوار أن أدلى بتصريح مناقض وخصصت له بوستمخصوص أدرجت فيه الصورة أدناه، لاحظ، الفارق بين التصريحين 4 شهور..
يا جماعة الخير انتو مالكم متشاءمين كده... مع انه الخبر ده في صالحكم يا المغتربين لمن تاخدوا فترة تدريبية في كيفية اللبس والظهور بمظهر انيق حتبقوا زي ممثلين هوليود واظن دي من صالح المغتربين.. بس ما تلبسوا زي وزير السياحة.. لكن الخبر الأكيد ان السودان الآن يسعى لالغاء تأشيرة الخروج نهائيا لانها الدولة الوحيدة المطبق فيها هذا القرار العجيب والغريب انو السوداني عشان يسافر للخارج يحتاج لاذن من الحكومة وكأنو مسجون عاوز يطلع بره السجن باذن ويرجع تاني يوم...وحتى افظع الدول الدكتاتورية في العالم ما مطبقة هذا القرار القمئ والاسمه تأشيرة خروج... والحاجة الغريبة ان الحكومة دي تلغي تأشيرة الدخول لبعض الدول وما تلغي تأشيرة الخروج للسودانيين عشان يسافروا بره البلد.. حكمة والله وحكاية.. ودمتم بالف خير وصحة وعافية
أختنا الفاضلة بسمات سلام و تحية،أنا شخصياً ما عندى مانع أى جهة فى الدنيا تعلمنى كيف أهندم نفسى عدا الكيزان، و الله ياهو الفضل!! يعنى يهندمونى يلبسونى بدلة السفارى القميئة بتاعتهم ديك جهة طالعة و جهة نازلة؟؟!!!بالنسبة لتأشيرة الخروج أستبعد انهم يلغوها لانها نقاطة رهيبة (رسوم+ تحصيل ضرائب و زكاة). و لو فعلاً قررو يلغوها معانتو الكيزان شبعو حد التخمة المفرطة.
12-07-2015, 06:40 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
و الله قرارنا ده ثكلته امه و ليذهب الى الجحيم كان بتصنعو أشكال زى دى.
يا أنور يا أنيق*طالما ناغمنا المقربين من دوائر صنع القرار وعملوا غمرانين أحسن نناغم دوائر صنع الغبار..أفتونا..طبعا دوائر صنع الغبار دي دوائر تسويق الحوار و المعارضه والحركات و..كدا.-*طبعا يا أنور (أنيق) دي مشروطه بموافقة جهاز المغتربين، حايعملوا لجنة معاينةفي صاله رقم (4) عشان (يغرروا) إنك قيافه ويمكن (تمسلهم) في الخارج خير تمسيل وإلا فقعمستكفي البلد لا أكلت لاشربت..الله معاك.
12-07-2015, 07:11 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أبوسن يا حبوب..تجدني لا أتفق معك في هذه الجزئية..الأناقه غير..أعرف نساءا مكلبشات بالذهب ومعنكشات بالثياب المتلاصفة اللماعه عز النهار، بمجرد ما تشوفهم يضربك ميقرين كونتينر ZOMIG ما يفكو منك..وفي نساء ..يا سلام ياخ.. الزراق فيها تقول حرير..إبتسامه من القلب تكفي عن فيرساتشي ومنتجاتو.. زينة التعامل مافي زيها..وبذات القدر، لم أجد أحد مليارديرات زمن الكوليرا يرتدي ما يليق به حتى لو ماثل حسن البلقيه في جولات هارودز.والذي سمك السماء بلا عمد ، دخلنا قطاطي في أقاصي السودان رقيها وجمالها وبساطتها ونظافتها لايحلم بها أي من أصحاب القصورمن مستجدي النعمة..-واحد من المستوزرين ديل شاهدته في نشرة يقوم بزيارة لبلده نائية بكردفان وهو يرتدي بدله وربطة عنق وينظر بتعال لأولئك البسطاء ، يمكن عشان يوريهم إنو مسئول، وغض النظر عن عدم ملاءمة الزي بالمكان ، لكن ما أحسسته من طريقةالتزيي القبيحة تلك استنتجت أن من اختار له الملابس قطع شك معارضه.
12-07-2015, 06:49 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: أسي الجماعة اياهم بكونو جهزوا ليهم كم معهد لتدريب و تأهيل المواطن السوداني المغلوب على أمره للاغتراب ..و الله الطالع بي مهنة راعي يعلموهو ليك فنون معاملة البهايم ...حا نبقى شعب راقي جدا ...
بالضبط يا أبا حسين..بمجرد قراءة الخبر قلت في سري قطع شك في واحد من زمرة (فاقد الشئ) جهز كوادر تدريب وسلفا استأجربيت قرب جهاز المغتربين للتدريب وبقرب البيت بيت تاني زي اللستديو لتأجير الجاكتات والجاكات وكرافتات (لأنو في ناس كرافتاتهم زي الرابطنها في زريبه) وأيضا جلاليب وعبايات رجاليه ونسائيهوعمائم (قالب) مع ملفحه لجماعة (جزاك الله خير) و (أحسب) درجه ثالثه لأنو ناس أولى وتانيه تأشيراتهمتأتيهم كالخلافه تجرجر أذيالها وهم نايمين مثنى وثلاث ورباع مشغولين بسلة العملات ويتضاحكون ..(المؤمن حلوي)..أبوحسين، شوف لينا بيت قريب من هناك وخلو الرجل عليك وخلو العقل علي أنا المتيم قد مزعت ثيابي
12-07-2015, 07:35 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: حتى وان صح القرار وطلع (مش) كلام جرايدفالمقصود به المغتربين (الجدد) ..
د. أحمد سلام..الناس ديل ما بيعرفوا جدد من قدماء.. فما تقول لي مغتربين جدد ومحافظين جدد..لازم تكون لائق بمنظورهم ،وبهذه المناسبه أهدي ليك رقصة الكاتم للحكَّامه فاطمه الباتيل وأرجو ألا يستخدمالجهاز إبداعها شعارا لبرنامج الدوره التدريبيه ...
12-07-2015, 07:41 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10020
سنة 2008 كنت في اجازة ..ورجعت عن طريق سواكن ...ونحن واقفين قدام باب الباخرة للتدقيق في الجوازات ...الضابط رجّع إتنين لابسين عراقي وسروال ..والتاني جلابية .تحلف تقول نازلين من يومية قال ليهم امشوا غسلوا هدومكم وتعالو ...لانو ماعندهم هدوم غيرها ...والناس البسافروا بالباخرة بيشاهدوا مناظر مشابهة ..
12-07-2015, 07:48 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10020
والله يا د.بشير أخير نقبل النصيحة For Improvementأنا درست في مصر .. الطالب المصري تلقاهو يملك بنطلون وقميص واحدوكل يوم يلبسه بشكل .. والله يحيرك .. ولازم لون الشراب يكون Matching مع القميصوللحقيقة تعلمنا منهم الكثير ...شوف نحن كيف : نلبس القميص ونكفكف الكموما بنعرف (نشكـ) القميص مع البنطلون وبعداك نلبس معاهم شبشب ..شكل عجيب ...تعال شوف الزلمات وغيرهم كيف بلبسوا ...
12-10-2015, 08:00 AM
مجدي امدرمان مجدي امدرمان
تاريخ التسجيل: 01-02-2013
مجموع المشاركات: 109
مولانا محمد المرتضى ... وضيوفك الكرام ... السلام عليكم ...حكاية الهندمه والاناقه دي ثقافه ما بعرفها الا القليل من الشعب السوداني ...اما الناس المساكين زينا ... لهم الله ...بتذكر ايام ما كنا في المدارس الاوليه ( الابتدائيه )كنا بنلبس جلاليب بيضاء .. وكان هناك طابور يومي لتفتيش نظافة الجلابيه ولازم تكون مكويه...وترفع الجلابيه لتفتيش ملابسك الداخليه ... وتفتيش اضافر اليدين ما تكون طويلة ومتسخه ..والشعر ما يكون كتير وغير مسرح ... والشده ( الشبط ) او حزاء الباتا لازم تكون ناصعه البياض ...( كنا بنستعمل الطبشير )يعني كانو بعلمونا الاناقه والنظافه .... وتربينا على ذلك .... وما اعتقد في الوقت الحالي المدارس تدرس الاناقه وكيفية اللبس المهندم ....هم ما فاضين من الحشو ....والله المستعان ...تحياتي ,,
12-08-2015, 05:35 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
شوف يا المرتضى انا من المؤيدين لهذا القرار و لو كنت المسعول لطالبت إقامة ورش عمل لتعليم اي مغترب ، لدى تعامله مع اي مواطن من الدولة المضيفة ، أن ينأى عن المفردات السودانية الممعنة في المحلية قديمها مثلا ( جت ، و مباريها بالطوالة و اللييييييلة و العنكوليب ) وحديثها مثلا ( شتت و رافع قزاز و متجدع .....إلخ)
Quote: يا جماعة الخير انتو مالكم متشاءمين كده... مع انه الخبر ده في صالحكم يا المغتربين لمن تاخدوا فترة تدريبية في كيفية اللبس والظهور بمظهر أنيق حتبقوا زي ممثلين هوليود.. واظن دي من صالح المغتربين.. بس ما تلبسوا زي وزير السياحة..
هههه..نحن ناس مساكين وما عايزين واحد فينا يبقى فرانك سيناترا، بس ناس خوليو أقليسياس ديل يخلونا في حالنا، وليه الناس ديل يا بسمات افترضوا إنهم مؤهلين في هذا الإتجاه ليقيِّموا غيرهم؟ والله والله وما طالبانيحليفه في ناس جوازات سفر ما عندهم لكن أسلوب تزييهم يجلي النظر وشوفتم ترد الروح بينما مطالعة كثير من مسئوليالإنقاذ تتسبب حتما في انفصال للشبكيه، ليس لقلة المال فهم يتجشأوا يورو ورينجيت و (دونارات) لكن لقلة الذوق
Quote: لكن الخبر الأكيد ان السودان الآن يسعى لالغاء تأشيرة الخروج نهائيا لانها الدولة الوحيدةالمطبق فيها هذا القرار العجيب
والله محزن ومؤسف أنني يمكنني في أي لحظة مغادرة البلد الذي أقيم فيه دون إذن من أحدفي الوقت الذي لايمكنني مغادرة بلدي إلا بإجراءات وفورمات وتمغات وسداد مبالغ وصفوف والشبكه طاشه وسخف لايحدث إلا في الدول الفاشلة.إلغاء تأشيرة الخروج وجهاز المغتربين أمر حتمي،بالله استفتوا المغتربين القلتو عايزين تنظموا شئونهم سؤال واحد: هل نلغي الجهاز ولا نخليهو؟أكاد أجزم أن النتيجه ستكون 110% في صف إغلاقه.
12-08-2015, 09:19 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: شرطا يكون لبيس ..قديمة مش؟أطالب بشرط اطلاق اللحية للماشين السعودية مراعاة للبيئة ؤكده؟
والله يا مولانا دي بس ميسي مع بواتينج .. أرضا.. حسه لو الواحد داير يغترب في البرازيل حايدربو على البيئة الجديده مازدا؟غايتو من يسكن كوباكابانا أو قرب شاطئ إبانيما إلا تدربو باميلا أندرسون.زي ما قت، يا حليل الماشي لباريس جيب لي معاك عريس شرطا يكون لبيس من هيئة التدريس..تخيل إنهيار المعايير ، إنضربت باريس وانضرب اللبيس وانضرب التدريس ، هسه لازميكون عندك حساب في سيد سماء المصارف وسايق (لاندي كروزل) عشان يغنوا ليكمولانا الملك مبسوط مني.بمناسبة التماهي مع البيئة دا لعلك تذكر ذاك الذي تفتقت ذهنيته عن مجسم كعبه في الساحة الخضراء(طبعا هي ما خضراء) لتدريب الحجاج المرشحين قبل سفرهم إلى أداءالفريضه، الغريبه لم يقلدهم في ذلك إلا حبايبنا الصوماليين هذا العام.يا حليل حبوبتي حاجه ستنا، حجا مبرورا وسعيا مشكورا بمدخل البيت ومسبحة حول الرسغ وثياب ساكوبيس بيضاء كسريرتها مع شوية كحل وحبيبيالغالي رسول الله ، كله بدون simulator ..لها الرحمة والمغفرة والقبول والكرامة والزلفى
12-08-2015, 11:45 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: اللبس والاناقة ...مهنة لا يجيدها معظم السودانيين ...
شكرا أخي بشير،يمكن تعديل الكلام بأن الكثير من البشر لايجيدونها ، ففي كثيرمن الدول المتقدمة تجد ما يدهشك ، ومعاها عدم نضافه أجارك الله..
Quote: وبلداً ما بلدكـ أمشي فيها أم فكو ...
تجدني لاأتفق معك في هذه ، التزيي والنظافة جزء من الطبيعة البشرية السوية أيا تواجد المرء وأيا كانت إحداثيات تموضعه حتى درجة الرضا عن النفسوحتى لايؤذي الناظر ما إذا كان في الشانزلزيه أو حايم في أزقة الكلاكله فرقعت ،وتراني أفضل أن أكون أكثر أناقة في البلاد الأخرى لأسباب تعرفها وأثق أن مسألة(أمفكو) أردت منها المزح.. الأناقه ضروريه لدرجة المكايده عندهن ، مش سمعت القال :women dress to please men and displease other women شوف حسه ديل طلاب من أولاد أمدرمان في جامعة لايبزج بألمانيا سنة 1963 أورد صورتهم في بوست سابقحبيبنا كوستاوي فاكهة سودانيزأونلاين العامل حردان التكريتي وفيهم علي آغا والطاهر عبدالباسط والخال العزيز تاج الدين يوسف صالح وربما يعرف أستاذنا شوقي بدري كل تلك الكوكبة، قارنبينهم وبين ما تراه في الجامعات الآن في زمن الإنهيار العظيم ..قال (داقي سيستم) قال.
شوف يا بشير كنا وين وبقينا وين..
12-08-2015, 11:58 AM
willeim andrea willeim andrea
تاريخ التسجيل: 05-01-2002
مجموع المشاركات: 3813
Quote: تتذكروا بشاكير الحجاج ديييييك القالو لازم يكون عليها علم السودان؟اها البزنس كيفنو؟
طبعا دي يا محمد مابكون سبقهم عليها زول،فريغ الحج الغومي دا بكون في متعهد عمل كم كونتينر بشاكير من بنغلاديشواتفق مع الجماعه من قبل 11 شهر، يعني الإحرامات جاهزه من مُحرَّم، بشاكير ملونه مع الربَّه الفي الفيديو أدناه تكتمل السريالية..ديل يا محمد عملوا ليهم تدريب بيئي في حمد النيل ..والله الناس ديل بسطوني بشكل ،والمشاهدات ال 5400 عندي منهم براي 5500..
12-09-2015, 06:31 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: خلاص انا جهزت البيت .. اصلي ساكن امتداد الدرجة الثالثة يعني جمب المغتربين ..والبيت ملك .. مش ايجار ..بالله انتو .. ولا .. اهلكم واصحابكم .. الحيغتربو .. ادوهم تلفوني .. واكيد ليكم ..الخصم اللازم ..
حليمو..الانتهازيه زاتا ما لايقه عليك..خليك في اغترابك..إنت فاكر الموضوع بيت وخلاص؟ لازم يكون في واحد بيصدر (غرار)مواصفات الشكل وآخر يغرر الرسوم والثالث في البلديه والرابع يحدد موغع البيت ..الخ. إنت فاكرها فوضى؟ مش مرات كدا فجأة يصدر قرار بفتح استيراد ضفادع وتكون السفينه سلفا دخلت ميناء بورسودان وثغر السودانكلو شغال غاغ غاغ غاغ..؟
12-08-2015, 03:14 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: وما اعتقد في الوقت الحالي المدارس تدرس الاناقه وكيفية اللبس المهندم ....هم ما فاضين من الحشو ....
مجيدو يا أمير..المدارس؟ ياخ انت متفائل..أناقه؟هو مش في الأول نتفق على مصطلح مدارس؟
شرُفتُ أني - برفقة الوالد أمد الله في عمره - زرت ودرست في مدارس بجبال النوبهوكردفان ودارفور والشرق والوسط لكن ، وبعد 40 عاما لم يعد وجود لبعض تلك المدارسوالحال زي ما شايف..لهم الله..قت لي أناقه؟؟
12-08-2015, 07:23 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: انا من المؤيدين لهذا القرار و لو كنت المسعول لطالبت إقامة ورش عمل لتعليم اي مغترب ، لدى تعامله مع اي مواطن من الدولة المضيفة ، أن ينأى عن المفردات السودانية الممعنة في المحلية قديمها مثلا ( جت ، و مباريها بالطوالة و اللييييييلة و العنكوليب ) وحديثها مثلا ( شتت و رافع قزاز و متجدع .....إلخ)
دي ساهله يا الطيب، نقول اختلاف لغات ولهجات، لكن هنالك أصوات نصدرها باستخدام الفم ومحتوياتهعصية على الكتابة بأي لغه ، مثلا نعم: chkl ( مع تحريك الرأس عموديا)لا لا لا : tsu tsu tsu أو chem mchemm mchem( مع تحريك الرأس أفقيا)إمتعاض mtcheeeem (مع تكويم الشفتين يمين) وهذه تقوم بها النساء وتحريك العينين باتجاه تكويم الشفتين..سخريه huaa وأخيرا وليس آخرا: مرجله في الفارغه (كع) و : هييييييع. إبداع ياخ..نحن برانا..
12-09-2015, 01:22 AM
فتحي عباس نقد فتحي عباس نقد
تاريخ التسجيل: 08-21-2012
مجموع المشاركات: 629
الأخ/ محمد المرتضى حامدوالله ما عارفين نقول شنو الناس ما لاقية تأكل والعلاج ما متوفر إلا للميسورين والزول ده بدل يشوف حل لمشاكل المغتربين الما بتخلص ماشي يتكلم عن الهندام (يعني المشكلة بقت في اللبس بس)ودي صورة الرئيس حيقولوا شنو المفروض هو بيمثل رمز دولة
12-09-2015, 07:17 AM
نصر الدين عثمان نصر الدين عثمان
تاريخ التسجيل: 03-24-2008
مجموع المشاركات: 3955
رَحِم الله عبد المنعم الدرديري ،مُراقب مطار الخرطوم الأسبق، ومدير صالة المُغادرة (عند إفتتاحها) ،،كان يمنع أي راكب غير مُهندم من السفر، وإذا كان المُسافر (خاتي)طاقية،، بدون عِمة،، بيقول ليهو / تمشي تجيب عِمة حتي لو من الناس الجوا يودعوك، ،، في موول كبير بعاصمة خليجية،، شُفنا سوداني مع عائلته، لابس(عراقي -وسروال ، وطاقية) ،، طفلة صغيرة مع أهلها هرولت نحوه وقالت ليهو/ يا عمو إنت نسيت تلبس جلابيتك ولا - شنو ؟؟ قادت الصحافة المصرية حملة مُنظمة ضد خروج الناس في الشوارع ب(البيجامة)، وكادت أن تنقرض هذه الظاهرة الان،، لا أعتقد أن (الجهاز) حسُن النية ،، في دعوته لذلك، ربما هي مدخل لاقرار رسوم جديدة،، و- أو فتح جديد لـ (رشاوي) في الطريق،،تحياتي للمرتضى وضيوفه،
12-09-2015, 08:31 AM
اباذر عبد العال اباذر عبد العال
تاريخ التسجيل: 03-26-2015
مجموع المشاركات: 874
أندريه،هاو آر يو يا الزارعنك في الصريف..تخيل، المخبول دونالد ترامب يقول المسلمين ما يجونا ، كان قالوها الهنود الحمركان نقول معليش، لكن هذا القبيح زعلني جد، قالوا التركي ولا المتورك.. حاجه تفقع المراره، الموضه الأيام دي أي واحد عايز يتملق حكومة العالم وأسيادوالصهاينه لازم يشتم المسلمين والعرب، ترامب يقول ما نجيهم وناسنا يقولوا ما نطلع..نرجع لموضوعنا..كلام الأزياء والتزيي ده بيذكرني صديقي الأمين المبارك قال كان شغال في فرع بنك أجنبي في السودان وجابو ليهم مدير من بلاد الشام فأصدر منشورا يقضي بأن يرتدي رؤساء الأقسام بذله كامله، أها اليوم التاني عينك ما تشوفش إلا النور أي واحد مشا فتح السحاره وطلَع منها بدلة الطهور ( أيوا الختان) وغيره من المناسبات السعيده اللاحقه، المهم واحد فيهم بالغ عديل كدهلأنو جا بحاجه مقطوعه من بطانيه كاروهات برتقالي بأخضر ببنفسجي زي ديكور قنواتناومكاتب (المسئولين) عندنا ، يعني مجرد رؤيتها يتطلب استبدال القرنية ، فرآه المديرواقترب منه هامسا في أذنه قائلا: يا أستاذ منشوري غير ملزم.
12-09-2015, 12:41 PM
Esam Nouh Osman Esam Nouh Osman
تاريخ التسجيل: 05-06-2014
مجموع المشاركات: 39
عزيزي محمد المرتضى هو نحنا ناقصين تعقيد الشغلانية بقت فوق طاقتنا ..أتمنى أن يعرفوا أن كل مرق من السودان بقى أنيق جدا .. فاليشوفوا الناس في السودان الوزير الصحى من النوم وزرزر البدله فوق تحت ..أتوقع جازم إذا عمل بهذا الإجراء يكون الهدف الأساسي هو دفع رسوم له حتى يمتصوا قروش المغتربين بعد ما أخليت خزينة الدولة ..وبرضوا نقول نسأل الله جلت قدرته أن يصلح حال بلدنا ...
12-09-2015, 03:30 PM
طارق زروق طارق زروق
تاريخ التسجيل: 12-27-2007
مجموع المشاركات: 426
يستاهل المغتربين اكتر من كدة, لية يعني الذهاب للسودان سنويا, عشان ذلة تاشيرة الخروج العجيبة دي, لو اتفق 80% من المغتربين بس علي عدم الذهاب للسودان لمدة عام واحد فقط ,لتم الغاء هذة التاشيرة الغريبة .
12-09-2015, 07:04 PM
aosman aosman
تاريخ التسجيل: 02-04-2002
مجموع المشاركات: 3443
Quote: رَحِم الله عبد المنعم الدرديري ،مُراقب مطار الخرطوم الأسبق، ومدير صالة المُغادرة (عند إفتتاحها) ،،كان يمنع أي راكب غير مُهندم من السفر، وإذا كان المُسافر (خاتي)طاقية،، بدون عِمة،، بيقول ليهو / تمشي تجيب عِمة حتي لو من الناس الجوا يودعوك، ،، في موول كبير بعاصمة خليجية،، شُفنا سوداني مع عائلته، لابس(عراقي -وسروال ، وطاقية) ،، طفلة صغيرة مع أهلها هرولت نحوه وقالت ليهو/ يا عمو إنت نسيت تلبس جلابيتك ولا - شنو ؟؟ قادت الصحافة المصرية حملة مُنظمة ضد خروج الناس في الشوارع ب(البيجامة)، وكادت أن تنقرض هذه الظاهرة الان،، لا أعتقد أن (الجهاز) حسُن النية ،، في دعوته لذلك، ربما هي مدخل لاقرار رسوم جديدة،، و- أو فتح جديد لـ (رشاوي) في الطريق،،تحياتي للمرتضى وضيوفه،
أتفق معك تماما الأخ بلال وفي الغالب بكون من النافذين عندهم شركة تدريب ودايرين يشغلوها,,,, طبعا في الغالب حيطلب من المغترب دفع رسوم أو جهاز المغتربين يتولى الدفع للمدربين,,,, بعد كده أنا خرجت من السودان سنة 90 وعشت مع شعوب كتيرة وتعلمت عدة لغات,,, هل تفتكر في واحد بقدر يدربني كيف أتعامل مع هذه الشعوب؟ مثلا تركيا فقط أنا درست فيها وإشتغلت فيها لفترة أكثر من حداشر سنة وتعلمت لغتهم بطلاقة وعايشتهم,,, هل تفتكر في واحد من جهاز المغتربين يقدر يدربني كيف أتعامل مع الأتراك؟ وبعدين في مؤتمر جودة في السودان في شهر أتنين, لو الكلام ده صاح ,, يعني ما حأقدر أطلع ألي أمر من خلال هذه الدورة؟ وفترة المؤتمر كله ثلاثة أيام؟؟؟!!!!!!!!!
12-12-2015, 07:55 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: , لو اتفق 80% من المغتربين بس علي عدم الذهاب للسودان لمدة عام واحد فقط ,لتم الغاء هذة التاشيرة الغريبة .
لا أتفق معك يا طارق ، تأشيرة الخروج تكلفك فقط 3 ايام من عطلتك مع بضعة ملايين مقابل الضرائبوالزكاة والفضائية وتمغة الجريح و(أشياء أخرى) و (خدمات) ، كما أنها تتيح لك شوفة الوجوه النيِّره والتي تتعامل معها وهي توزع الابتسامة على المغتربين ، كما أن في الصفوف فوائد لاتحصى فمعها تحس بسودانيتك وأنك في وطن الجدود ، أضف إلى أنك تتعرف على أناس جدد في الصفوف وتتعرض لتجارب جديده ، والصفوف تحيي فيك فضيلة الصبر وفي ذلك أجر كبير فيه بشارة من المولى سبحانه وتعالى سيما إذا تلوت (إنا لله وإنا إليه راجعون)، ثم الفرحة وحالة الخفة والجزالة التي تغمرك وأنت تتسلم الباظبورط وعليه سمة التأشيرة وهي حالة كحوليات الأعشىتمر بك مرة كل عام ولا يحسها أو يعرف قيمتها إلا من عاد لتوه من أداء فريضة الحج المبرور مش السياحي بتاع الجماعه،أو شعور من حصل على درجة علمية بعد وجع مخصَّب أو أحرز هدف التعادل لفريقه في الدقيقه 91..شئ زي شعور (الراهب السارالسنين مشتاق يفتِّش ليهو دير)..أنظر للجزء الممتلئ من القزازه ياخ..
12-12-2015, 02:31 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: أتمنى أن يعرفوا أن كل مرق من السودان بقى أنيق جدا .. فاليشوفوا الناس في السودان الوزير الصحى من النوم وزرزر البدله فوق تحت ..
يا عصام، غض النظر عن مستوى (أناقة) المغتربين والمهاجرين من السودانيين، أظن - من خلال مشاهداتي - أن الذين ينتقدونأسلوب تزيي المغتربين غير مؤهلين لتدريب أي شخص كيف يرتدي ملابسه وكيف يجلس أو يتحدث.. الناس ديل مفروض يبدأوا بأنفسهم ، مثلا يستقدموا شخصا مؤهلا من الخارج ليدربهم أولا ونحن علىاستعداد لسداد مصروفاته، زي البجيبوهم يدربوا المريخ والهلال رغم انو الأخيرين ما سووا شئ لكن ..ما أضيق العيش لولا فسحة الأمل..فاقد الشئ لايعطيه..مسألة الذوق والفن والتحضر لاتبدو عليهم..نقول ليهم شنو؟
12-10-2015, 09:24 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
نصر الدين مني ليك سلام..ياخ شغال قطع رسين مالك ، إنضممت للجماعه ولَّ شنو؟هسه ديل منو..كاميرتك دي ماركة أن تكتفي بصدر المعيدي خير من أن تشوف خِلقتو؟على أية حال التي شيرت يمين الصوره فيهو لمسات كوكو شانيل..ستايل..
12-10-2015, 01:37 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: والله ما عارفين نقول شنو الناس ما لاقية تأكل والعلاج ما متوفر إلا للميسورين والزول ده بدل يشوف حل لمشاكل المغتربين الما بتخلص ماشي يتكلم عن الهندام (يعني المشكلة بقت في اللبس بس)
أخي فتحي..متى كان لهذه الإنقاذ صلة موجبة بمعايش البشر، متى اتخذت قرارا واحدا لصالح الشعب أو الوطن؟متى أقالت طوال 26 عاما ، ولو النذر اليسير ، من عثراتنا؟بعد ما يزيد على ربع قرن من الإنقاذ هذا حالنا ويمكنك تقديم ورقة بيضاء لأي مواطن عنوانها (إنجاز الإنقاذ) وسلهأن يكتب إنجازا واحدا..عندما تفشل الحكومات في توفير أساسيات الحياة للمواطن تنصرف لمثل هذه التوافه ..
12-10-2015, 02:30 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: بشرى سارة وظائف شاغرة بجهاز المغتربين بالخارج 1:استايلست 2:كوافيرات وحنانات 3:ثلاث صالون حلاقة حديثة تواكب الخارج 4:مغسله اتوماتيك للبدل وغسيل عادي ومكوجي حديث يكون 5:ترزي لخياطة المشروط من الملابس 6:محال تجارية لبيع الملابس بدل واحذية وعطور واكسسوارات عامة رجالية ونسائية 7:محل للصبغة تحديدا (عندنا شيب عجيب من الهموم وغيرا 9:محلات الليزر لازالة الحبوب والنخل والتجاعيد وغيرا وهناك مفاجاة اخرى
ربما اعتقدت أختنا نعمات أنها تقدم كوميديا تجاور الخيال ، لكنها في الواقع عبرت تماما عن كيف يفكر هؤلاء القوم، فما يسمى بجهاز المغتربين أصبح (حِلة) بكاملها، فعوضا عن أن تذهب للداخلية قرب ش النيل لنيل تاشيرة خروج لاداع لها أصلا ربطت جهات بعينها ذلك بدفع مبلغ مالي إلزامي يسمى (مساهمة) ثم تلته بنود أخرى كالزكاة (دون توفر شرائطها الشرعية) ، ورسوم فضائية وخدمات و (أشياء أخرى) ، إي واللههكذا أسموها ، وعندما لحظ مسئولو الدولة الفاشلة أننا ندفع عن يد ونحن صاغرون جابواحاجه لم تحدث في الكرة الأرضيه وهي ما يسمى ب (رسوم القدوم) ، نعم تدفع لأنك قدمت إلىبلدك. أها اقترحوا أن يبنوا ذلك المبنى سيئ السمعه وحيث أن تواجد الآلاف يوميا يستدعيخدمات أخرى كالتصوير والأكل والشرب والسف وتحويل العملات ، وتبع ذلك خلق وظائف لآخرينيقوموا بالإجراء نيابة عنك فأصبح لهؤلاء زي خاص ومكاتب ، وناس تغسل السيارات وناس تؤجرالمواقف الصعبة وناس تشحد وناس تبيع منتجات فولوكلوريه لأنو المغتربين ديل (سياح) وووو..وهكذا تكون الحي الذي سيتسع لو قيض لحاج ماجد أن ينفذ مشروع القيافه والإستعانه بخبيراتوخبراء التجميل الذين اثبتوا جداره في تجميل العرائس ومن حولهم وبراكم شايفين النتائجفي صالات الأفراح، إبداع مش كده؟ .. وهكذا سيتطور (حي) المغتربين ليصبح مدينة ،أهو دا وادي السيليكون بتاعنا..نعمات ، دعواتك معانا.طبعا زي كل السودانيين الكويسين عارفه نَص الدعاءما تنسي ، تنظيف السلم يبدأ من الأعلى..
12-12-2015, 08:26 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: في موول كبير بعاصمة خليجية،، شُفنا سوداني مع عائلته، لابس(عراقي -وسروال ، وطاقية) ،، طفلة صغيرة مع أهلها هرولت نحوه وقالت ليهو/ يا عمو إنت نسيت تلبس جلابيتك ولا - شنو ؟؟
عزيزنا بلال..في موقف غير بعيد ونحن في مطار أبوظبي في طريقنا إلى الخرطوم قام أحدهم ، وكان يرتدي عراقي وسروال ومركوب وطاقيه ، بفتج حقيبة يد بعد جهاز الاسكانر مباشرة وارتدى جلابية ولم تكن أفضل حالا من العراقي،وتحرك بضع خطوات ليسأل إحدى حسان السوق الحر (خرطوم وين)؟ بالطبع أشاحت عنه بوجهها لا أكثر.يا بلابل ، زي ديل لو دربهم قارديولا لن يغيروا سلوكهم وأمثالهم من مسافري العالم الثالث لايخلو منهم مطار.ديل خليهم ، ناس مساكين ، لكن الأهم يا يا بلال أن تقوم الجهات المعنية بالدولة بتوظيف اختصاصيينأجانب لتدريب الوزراء و(المسؤولين) و كل من سولت (لها) نفسها السفر ضمن وفد رسمي للخارج كيفيةالتزيي وكيفية إلقاء التحية وكيفية الجلوس فقد طفح الكيل.أتمنى أن تهتم القنوات الفضائية بتوظيف اختصاصيين يقوموا بتشذيب كل من يظهر على شاشاتها من ضيوفسواء كانوا (ساسة) أو فنانين بل حتى المذيعين والغالبية العظمى من المذيعات رحمة بالعباد.وألا ينقلواخبرا فيه فيديو عن اجتماع وفيه بعضهم يأكل من صحاف الفول المدمس والبلح بتلك الطريقة التي تعتلفبها الخيول..ارحموا من في الأرض يرحمكم من في السماء..
12-12-2015, 10:17 AM
Salah Habib Salah Habib
تاريخ التسجيل: 02-11-2013
مجموع المشاركات: 451
Quote: سلام مولانا وتحية طيبةبما انو الخبر لسه ما اتأكد اقترح ترجعوا بالسؤال الى خبيرنا الاستراتيجى والمهندسوالمستشار الاعلامى للمجلس الاعلى للجاليات والمغتربين و الشنو ماعارف بتكون عندو الاكيدة
رحم الله القذافي..عارف يا صلاح، مرات بيطلقوا بالونات حرارية ليعرفوا مواقع بطارياتالصواريخ والمضادات الأرضية ومدى كثافة النيران، لكن يبدو أنهم هسهاطمأنوا بأن من قَبِل برسوم القُدوم حتما سيقبل برسوم الحلاّق والكوافير ..طبعا بالنسبة للتدريب حاتاخد الشهادة بدون حضور..زي شعاع الشمس على البللور..عليك يا زهور..-* (القدوم) بضم القاف والدال ولا أعني (القَدُّوم) المستخدم في النِجارة.
12-14-2015, 07:31 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: أنا خرجت من السودان سنة 90 وعشت مع شعوب كتيرة وتعلمت عدة لغات,,, هل تفتكر في واحد بقدر يدربني كيف أتعامل مع هذه الشعوب؟ مثلا تركيا فقط أنا درست فيها وإشتغلت فيها لفترة أكثر من حداشر سنة وتعلمت لغتهم بطلاقة وعايشتهم,,, هل تفتكر في واحد من جهاز المغتربين يقدر يدربني كيف أتعامل مع الأتراك؟
aosmanعساك مرتاح..نعم، ديل ممكن يقولوا ليك في حاجات تركيه الأتراك ذاتم ما بيعرفوها لازم ندربك عليها..بحثت عن صور لمنظر جهاز المغتربين من الخارج فلم أجد.. فقط كنت أريد تذكير الشخص الذييترأس ذلك المبنى القبيح بأن عليه أن يبدأ بنفسه قبل أن ينصح الآخرين ، ولا أريد إيراد مثل يردده البعض في مثل هذه الحالات لأني أراه غير لائق..هذا الجهاز يسمى جهاز تنظيم شئون السودانيين العاملين بالخارج ، وقد ظللت ردحا من الزمنأتساءل : ماهي شئوني التي ينظمها لي ذلك الجهاز؟أنتظر الإجابه من أي شخص يقبع في ذلك الجهاز ويصرف راتبه من الضرائب التي ندفع..
12-14-2015, 09:08 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: الكيزان في كل قراراتهم يدخلوك بي حمد ويمرقوك بي خوجلي
يا ود أمدرمان مجدي..رغم أني ظللت أسمع هذا المثل أو تلك المقولة منذ نعومة خاطري لكن صدقني لي هسهما عارف قاصدين بيهو شنو..لكن من سياق إيراده ( وأنا أعرف الموضعين) يبدو لي أنه تطلع من قراراتم ساكت.. زي ودابرق الدخل بشباك وطلع من التاني.عموما يا مجدي ، برضو لو دخلوني بحلة حمد وطلعة بحلة خوجلي كويس ، ديلدخلوا البلد والشعب في بقعة سوداء في مجره حلزونية، ولامن خلاااااس بقينا في فوهةالبقعة السوداء دعونا للحوار..عشان نلاقيهم في خلاء مجرة المرأة السلسلة..قالوا الخلا ولا الرفيق الفسل.26 سنه بعدها يبدا الحوار..بعد أن ولَّت أيامنا الخُضر الجميلة تحت مطرقتهم وسندانهم عايزين يشاركونا ماتبقى من أيام الكهولة..قالوا (حوار) !!! لا يا (شيخ).. يا حليل حمد ويا حليل خوجلي..
04-07-2016, 11:58 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
** مولانا محمد المُرتضى حامد.. ** سلام وتحايا .. ## بحثت وأضنانى البحث عن دوله فى العالم تفرض على رعاياها تأشيرة خــــروج من بــلـــدهـــم !!! @@ فلم أجـــد إلا دولة سازونيا المُتأسلمه @@
** ظللت فى حالة بحث دائم (رئاسة الجمهوريه ,, ديوان النائب العام , الغازيته , وزارة الداخليه ) عن قرار رئاسى صدر فى 2005 بإلغاء تأشيرة المذله هذه .. وللأســـف ســـمـــع به الجميع ولاوجـــود له ... ^ ^ ^ ** كدى ينظموا لبس الوزراء ويعلموهم الأُتكيت ...
04-07-2016, 12:26 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
طالما المغتربين يمثلون واجهه و سفارة للسودان فمن الواجب على الدولة فرض لوائح بغرض تنظيم هؤلاء السفراء و تهيئتهم و لا اعتقد ان المسئول قد اصدر هذا القرار بمفرده و الغالب انه قد تلقى توجيهات و شكاوى من الدول المعنية و الشاهد في الامر ان السودانيين او الغالب منهم يتحتاج ان يرتقى قليلا بمظهره خاصة اذا كان يعمل في حقل مهم كالحقل الطبي و في هذا فائدة كبيرة له و لوطنه
الموضوع ليس بهذه الحساسية و لا يدعو للقلق على الاطلاق بل هو خطوة صحيحة مائة بالمائة في الارتقاء و تحسين فرص الاستفادة من شريحة المغتربين على اسس رأسمالية دونكم الفلبين مثلا تشترط مثل هذه الاشتراطات على المتقدمين للحصول على تأشيرات العمل في الخارج بل و تذهب الى اكثر من ذلك الامر الذي وسع فرص استقطاب الفلبينيين لدول الخليج و امريكا و زاد من الطلب عليهم
اي شغل يحتاج تنظيم و لعمري هذا قرار مناسب من مكان مناسب
04-07-2016, 01:00 PM
خالد المبارك خالد المبارك
تاريخ التسجيل: 03-20-2014
مجموع المشاركات: 571
Quote: هل تفتكر في واحد من جهاز المغتربين يقدر يدربني كيف أتعامل مع الأتراك؟
لا اعتقد بأن التدريب سيكون لاساليب التعامل بحسب الشعوب و انما التدريب على اساليب التعامل العام المتعارف عليه و الذي يسمى بالاتيكيت و هو فن من الفنون يتم التعامل به في البيئات المتعددة الجنسيات يضمن سلامة الذوق
يعني زي البيرقر و البيتزا و الكنتاكي انواع بتاعت اكل يمكنك تناولها في اي مكان و لا تجد سوء فهم او مشقة في ذلك لانها معلومة لدى الكل و مقبولة كذلك الاتيكيت اسلوب للتعامل معلوم لدى الكل يوفر الاحترام و يجد القبول في جميع البيئات
يعني لو تركيا او في الصين او في اي مكان في العالم هناك اسلوب واحد للتعامل مع البيئة العملية هذا هو المقصود و ليس الفلوكلور الخاص بدولة ما .
العالم ده ممكن تقنعو بي اسلوبك في حالة و احد بس و هي عندما تمتلك المعرفة و تكون ريادي و ليس مقلد شخصيا شغال مع كافة اجناس الارض بالعكس لايوجد اي احد من مواطني معي لكن بفضل الله خلينا بني الابيض ديل يعرفو حاجة و يقتنعو بينا حتى الثمالة لانو عولنا على المعرفة و ال know how و لمن الزول يصل مرحلة زي دي بعد داك فليمدد رجليه لانو ما سائل في اي ابن انثى
04-07-2016, 04:46 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
كنت في مباني المغتربين قبل ايام لمحاولة تقليل خسائر غربة سابقة وجدت اعلانا عن دورة تدريبية مجانية للمغتربين لاول مرة مع جوائز عند نهايتها طبعا دي البداية وتدريجيا ستكون الزامية وبرسوم هذا والله اعلم
04-08-2016, 10:33 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
مولانا عبدالكريم.. طابت أوقاتك ( بتوقيت جهاز المغتربين).. نعم، وكما جاء بالجريدة على لسان حاج ماجد أنه أتته معلومات موثوقة أن أطباءا سودانيين أعيدوا بسبب المظهر فتأمل كما يقول عزيزنا ملاسي ، متع نفسك بالركشه.. كما تعلم يا مولانا ، الجهات المخدمة في دول الخليج ، على سبيل المثال، تقوم بإجراء توجيه ( orientation ) للعاملين الجدد قد يمتد لشهر كامل عن كيفية نظام العمل وطبيعته والتعامل مع الأجهزة ونظام التخاطب واللوائح وال dress code ، يعني حتى لو لم تفعل الجهات المعنية ذلك فهذا الطبيب ، حتى لو كان إنقاذي قح، بالمراقبه ساااااي كده حايعرف من محيطه كيف يتماهى مع من حوله ، بدون أورينتيشن وبالملاحظه كده حا يدخل السيستم فيما يعرف ب (الأناقه بالنظر) ، اللهم إلا إذا جا بالليل طافي نورو ووقع في مكنة لحام أو إغترب عشان يرقص صقريه.. بعدين يا مولاي الأطباء ديل البالطو يغطي معظم ملابسهم وتوفره لهم الجهة المخدمة ، فلماذا يعادوا إلى بلادهم بسبب الزي؟ ياخ الجهة المخدمه مش أهون ليها تشتري ليهم ملابس جديده وقيافه ومعها جزمتين هاش بابيز وعلبة فير آند لفلي عِوضا عن تكبد مصاريف إرجاعهم ؟ مسكين أبيض اللون، غايتو أنا لو في محل سوار دا كنت قاضيت الجريده دي البهتتو في صمة خشمو ، كلامي وقع ليك؟
أما مسألة الحصول على تأشير خروج كشرط للسفر فأسبابها معروفة ، ياخ الأنظمه الفاشله تمتعك بالدهشة..
قلت لي سازونيا المتأسلمه؟ وعليكم مكرونيزيا ورحمة الله وبركاته..
شكرا مولانا على إحياء البوست بعد مائة يوم من العزله ، برضي ليك المولى الموالي..
04-08-2016, 08:20 PM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
أولا مرحبا بالجميع ..وبعد ... ليه زعلانين ، صراحة الكثير من السودانيين مبشتنين وكما قالوا لا يهتمون بلبسهم ، ولا بأناقتهم حتى لو كانوا في أعلى المراتب لأن التربية والسلوك الراقي المتحضر لا يعرفونها منذ الصغر ولا حين يكبرون ، أنظروا لطلبة الجامعات الخاصة والحكومية على السواء ، تخيلوا .. فيهم من يكون مستقبله واعدا بأن يكون سفيرا أو طبيبا أو مهندسا أو كما جاءت في المحفوظات ، أو صحافيا شهيرا ، .. أنظروا كيف يكون شكل القميص خارج البنطال ، وأحيانا قصير ، والبنطال كأنه كيس بندقية بالرغم من إلزام جامعاتهم بأن يضبطواملبسهم ويتقيدون بالمظهر العام .. ولكن ..!! عموما الرجل السوداني ( مبشتن ) وتعود على المظهر غير اللائق واعتاد عليه ..لذلك عندما يطلع خارج السودان لا يرى في ( بشتنته ) حرجا وينفعل إن نبهته ... كأنك تسيء إليه بينما هو من جعل من نفسه سخرية واستهزاء من الآخرين بسبب لبسه ومظهره ..وطالما هناك إجراء عن المظهر أتمني أن يطبق اليوم قبل غد ٍ وكفانا سخرية ونظرة تخلف من الآخرين علينا ، يا عالم .../B]
عزيزنا أستاذ محمد سلامات شايف يا أستاذ محمد الاكشاك الداير ما يدور حول حوش جهاز المغتربين ؟ كحلتهن ؟ قالوا ديل كلهن هيل فد كوز . أي كشك أجارو من 4 مليون ولي فوق . .. تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
أحمد الشايقي
محمد البشرى الخضر
mustafa bashar
نصر الدين عثمان
محمد أبوالعزائم أبوالريش
عبدالحفيظ ابوسن
ABUHUSSEIN
محمد على طه الملك
بشير أحمد
مجدي امدرمان
محمد مجيدو
الطيب شيقوق
willeim andrea
فتحي عباس نقد
بلال زكريا
اباذر عبد العال
نعمات حمود
طارق زروق
aosman
عبدالكريم أحمد الامين
Muna Khugali
خالد المبارك
Osman Musa
Dr.Elsadig Abdalla
Hani Arabi Mohamed
محمد مختار جعفر
فيس بوك
تويتر
انستقرام
يوتيوب
بنتيريست