|
Re: سكاتي ولا الكلام الني (Re: عبدالحفيظ ابوسن)
|
Quote: full stop بلغة نواحي امريكا ومن لف لفهم !! وبالترجمة الفورية توقف كامل وبالعربي نقطة سطر جديد وبي الرندوك قطم وبالدارجة القح كرس او كرز |
الأخ ود أب سن وضيوفك الأكارم يعجبني فيك ربطك للأشياء بالواقع ولعل أجمل ما فيها كرِّس أو كرز عند عربنا تستعمل الأولي ولعل الأخرى سائدة في نواحيكم بالمناسبة البريطانيون يستعملون فل استوب بينما يفضل الأمريكان استعمال بيريود بنفس الفهم عندنا هنا -ولنفس المفهوم-نستخدم point à la ligne بالمناسبة أمس لاحظت البوست وودت إضافة تعليق، ولكنني عندما رجعت لقيت دار الكـــ لاب تنقح يا زول ما نجيب سيرة البحر امكن بعدا نجي نكوس لي دا -في عضمو -ما نلقاو تحياتي ___ الحليلة
| |
|
|
|
|
|
|
Re: سكاتي ولا الكلام الني (Re: elhilayla)
|
نيوتن بقول الاصطفاء الطبيعي او ما تعارف عليه البقاء للاصلح الاصلح ليس بمنظور اخلاقي ! بل الاصلح للتحمل والبقاء . يعني هسة البودة دي تتلبب العيش لامن تغتس حجرو . وتسود رحم الله صديقي المرحوم الطيب الماحي الاسكافي والمثقف الثوري الذي سردت قصته هنا في الناس التنضح سكر مرة مفلس فلسة فار مسيد .. والفلس بغير مزاجي ورغبتي في الحياة . رغم اني لا اطلب كثيرا بضع لقيمات يقمن صلبي وصلب اسرتي . اها مع قرفي وهذه السلطة لم يستبن خيطها الاسود من الاسود منه الا للقليل ونحمده كنت منهم مع الفلسة ديك ونري عراة الوطنية منعدمي الضمير يتطالون في المشية الفخورة قلت ليهو داير ابقا انتهازي ياخ وانضم للناس ديل قال لي واتا قايل الانتهازية دي ما دايرة مؤهلات !؟، اها قال الهمباتي لا سمسار قوالة ولا رفيقي بعقرو وجني مكجن الناس السوا وبتنقرو والله المناقرة ما حبابا
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
يا جلال تنداح وين وكل الدروب مسدودة الزول شاحن جداد وقفوهو في التفتيش بتاكلو شنو قال ليهم عيش لمو فيهو جلدوهو وغرموهو. . الناس مالاقيه عيش زاتو النقطة البعدها قال ليهم دخن برضو جلدو وغرمو . الناس ما لاقيه دخن النقطة التالتة سالو قال ليهم والله ما نعرف انا بديهم قروشهم وهم ياكلو علي كيفهم اها نحن هسة شكلنا حننجلد في النقطة التانية
| |
|
|
|
|
|
|
Re: سكاتي ولا الكلام الني (Re: فرح الطاهر ابو روضة)
|
وكدة كدة يا الترلة القاطرة قندراني الغنية دي فيها جهل ميكانيكي ومفروض تراجع ويمنع غناءها القندران ما بقطر ترلة الزمن دة وهو زاتو مافي قندرانات ظهرن البطاحات 36 استك قالوا واحد واقف داير يقطع الزلط شاف بطاح وقاطرلو ترلة . لكن هي ما ترلة !! اخد الزمن المعتاد لحركة البطاح مع الترلة بقياس سريع في عقلو الزمن يساوي المسافة علي السرعة واحد وتطلع بالصفرين وجا خاش تراها الترلة قاطرة ترلة قال ليهو اخر حاجة قالها المرحوم شنو قال ليهو قال لي خش الزمن دة لو عندك دو ما تخش !!!
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
الادارة الاهلية خازوق الاستعمار في جسد الحكم نحو الديمقراطية وثم جعفر بخيت قالوا شيخ العرب بخت عنقريبو الهبابي تحت الشدرة والناس متفنين يسمعو ويطيعو . اها شغال ساي عربي وافرنجي .. مافي زول ما داس ليهو في طرفو وعفصو ولحق امهاتو وحبوباتو في البيت قرصهن واحد نط وقال ليهو هلا هلا يا شيخ العرب . نضميك متل الزول البشتر ليهو في شدرة بدلي الني و النجيض اها هسة بتقعوا مالكم !!؟؟
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
اللهم اني صايم دخل فجأة... واختو معاها صاحباتا.. بعد ما فاتو.. جا لي اختو وقال ليها... دي منو البت الحلوة.. اللابسة بلوزة بيضاء.. واسكيرت احمر.. وطرحة منقطة بالابيض والاسود.. وجزمتها حمرا بي ارضية بيضا.. وتلفون الايفون شاحن 50% .. ومناكيرها مخربش من غسيل العدة!!!!! قالت ليهو دي منى جارتنا.. قال.. اي م عرفتها م عاينت ليها كويس عشان صايم.. بس النظرة الأولى.. ( لا ياشيخ.. ربنا يقوي ايمانك ويقبل صيامك.. ياكاميرا سوني HD .. انت) ...
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
حني علي انا يا تيتي والحاصل بي سببو اتي قالوا الزول قبضو اخوان وغصبوهو يرقص ليهم رقيص العروس اها مشي اشتكي لي ابوهم الشايب اولادك بالرجالة دقو لي الدلوكة ورقصوني ابوهم قال ليهو وا ضيعة شيبي الما شفت رقيصك . تعالو يا عيال دقو ليهو وخلوهو يرقص
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
مجيدو يا دفعة هههه وحالتي انا قايل نفسي ما بتشالق ياخ كلمتو قلت ليهو وريني بس قانون هواك لكن عمل حميل !! اقلاها الزول يعرف بالظبطي يقول كذا ولا تقل كذا لو عجبنا نقعد لو ما عجبنا الباب يفوت بطاح ويقبض حقة الصعوط
| |
|
|
|
|
|
|
Re: سكاتي ولا الكلام الني (Re: عبدالحفيظ ابوسن)
|
سلام يا حفيظ
Quote: بتكون موجوع شديد لامن يغلبك الكلام |
شايف وجعك اليومين ديل زايد هوّن على نفسك يا رجل وأدخل برجلك اليمين مكبراً رافعاً السبابة لأعلى .. مخفضاً جناح الذل والحبة دي ما بتجيك
| |
|
|
|
|
|
|
|