|
ردود متأخرة - (الاستفزاز الشديد)
|
09:07 PM Jan, 28 2016 سودانيز اون لاين محمد البشرى الخضر-العين-الإمارات مكتبتى رابط مختصردي دخلتي من يوم طويل في ابوظبي, قريت المداخلات من التلفون لكن ما قدرت اعلّق في وقتها, المثل بقول - بتصرف - اسفه الراجل ولا تسفه كلامه فا شنو... سفه الكلام عيب وكدا, عليه بعد تعذر الرد في محله قلت ارد هنا تقول يا بكّور Quote: سلام يا ود البشرى،مهما يكن السياق الذي ردّ فيه عاطف على دينق ونفترض انو دينق اساء لعاطف واعتدى عليه:وين الحق الذي تدعيه ل عاطف بأن يصف دينق بال############ وينزع عنه حق التواجد هنا ويصف ذلك بعدم احترام للذات؟لا أرى في وصف عاطف بالكورز أي مشكلة؟؟فعاطف، وود البشرى، وجلالدونا ليسوا علمانيون ولا سلفيون ولا جمهوريونفهم كالكيزان في البحر بين ذلك سبيلالو سألتهم في ماذا تختلفون معهم؟ سيقولون: سوء التطبيق!! |
وعليكم السلام أبوبكر شكّاك: أولا انا لم افترض ان دينق اساء لعاطف, هذا ليس افتراض, عندما اصفك بكوز والحقها بمندس فهذا يعني انّك منافق, تظهر خلاف ما تبطن دا غير أن الحاقك لأي انسان لجهة ما او تنظيم او ديانة لا ينتمي لها فهذه اساءة بشكل أو بآخر الحق الذي اعنيه - وليس ادعيه - هو حق الرد البتديك ليه كل الشرائع و الأعراف و ألأكواد يبقى ثبت لي دي في الأول, حق الرد, حتى بعدين كان عايز تناقش التفاصيل و تقايس وتعاير ودي بتشبه دي ولا زادت عليها حبة أو كتير ويا تاجر البندقية شيل رطل لحمك بالضبط ما يزيد فتفوتة ولا تسيل نقطة دم بي راحتك بتلقى ليك ناس فاضين ومزاجهم رايق يقعدوا يعايروا ويقايسوا معاك, أنا كفاي تثبيت حق الرد و مبدأ البادئ أظلم انت لا ترى في وصف عاطف بالكوز مشكلة, أوكي.. أنا لا أرى رؤيتك وآخرون كذلك يرون رؤية مختلفة عننا الاتنين المهم كل هذه الرؤى لا تملك حق ان تفرض على صاحب الشأن كيف يتعاطى ويقيّم.
_____________________________________
التعديل لإضافة (الاستفزاز الشديد) للعنوان
(عدل بواسطة محمد البشرى الخضر on 03-28-2016, 12:30 PM) (عدل بواسطة محمد البشرى الخضر on 03-28-2016, 12:32 PM)
|
|
|
|
|
|
|
|
Re: ردود متأخرة ... (Re: محمد البشرى الخضر)
|
تقول يا محمد ياسين الخليفة Quote: يبدو يا محمد البشرى إنو فهمك للعنصرية معوووج...
ولو الإقتباس ده من أوله لآخره عندك ما عنصري... فعلى الدنيا السلام! أنا ممكن أعطيك العنصرية الجواهو حرف حرف... لكنو نتن وما بحتاج.
شوف إنتا حاولاتا تفنيد كم عبارة فيهو... وفشلتا رغم الإستماتة... إتبرعتا من عندك بدون ما دينق يحدد ليك وين العنصرية في كلام عاطف!
وعمرك سمعتا بزول قال أنا كوز مطرقع ولا داعشي؟
والشينة عندنا منكورة...
وعاطف بدل ما يرد بعنصرية كان يحدد ليهو موقفو بكل سهولة يا كوز معفن... يا ما كوز معفن.
نحنا عندنا مشكلة عويصة مع فهم معنى العنصرية والإعتراف بها... ويمكن عيشتنا في الغرب المفتوح ده لسنوات علمتنا معناها الحقيقي
والأهم من ده كلو إنو الحرية أدتنا الإرادة الحرة لنبذها ومحاربتها! يعني العنصري بنقول ليهو عنصري في وشو وفي العلن....
قيل: دعوها فهيّ نتنة!
--------------------------- بالمناسبة... أنا شايفك زول أغبش وقريب من حكومة السجم. أها عاوزني أجيب ليك الدليل؟ |
ويبدو يا محمد ياسين ان فهمك لفهمي للعنصرية متني عديل من النص مش معووووج الحبة دي :) ياخوي لا استماتة لا حاجة, قريت البوست بعد جيت من الصلاة وبستعد للمرقة و اثناء جوطة العيال وتجهيزاتم للمدارس بنصف عين ورديت بيد واحدة كمان , شوف المستميت منو كسر رقبة عايز يفرض رايه النقطتين العلقت عليهم بعد رجعت للبوست الأصلي و قريت تعليق دكتور عمر عبدالله عليهن تحديدا, ما عارف ليه افترضت انهن هن النقاط القصدهن دينق المهم دا السبب الخلاني اعلق عليهن وما اظني فشلت, هو الزول بفشل كيف لمّا يعبّر عن رأيه في موضوع مطروح للعام, أو يبدي فهمه المختلف عن فهم آخرين لكلام اتقال او اتكتب ولاّ آآآآآ فشلت في مسايرة القطيع في فهمه اكون يا ربي ؟ بمناسبة عيشتك في الغرب المفتوح العلّمتك ما هي العنصرية ما علّمتك حاجة تانية عن حرية الاختلاف و الاستقلالية وانو عادي جدا ممكن يكون في مكان ما على نفس الكوكب بشر طبيعيين يختلفوا مع فهم دينق ووجهة نظروا بدون ما يتم وصفهم او تجيير مواقفهم باي شكل كان
بالمناسبة برضو هي ما أغبش بل رمادي, وما عايزك تجيب لي دليل, يمكن لو كان بهمني رأيك وطريقة شوفك لي كنت ح اسألك, لكن شوف شوفك أبوي بالطريقة البتريحك وما تشيل همّي فهي لا تعنيي في كثير او قليل
| |
|
|
|
|
|
|
Re: ردود متأخرة ... (Re: محمد البشرى الخضر)
|
Quote: سلام يا ود البشرى، مهما يكن السياق الذي ردّ فيه عاطف على دينق ونفترض انو دينق اساء لعاطف واعتدى عليه: وين الحق الذي تدعيه ل عاطف بأن يصف دينق بال############ وينزع عنه حق التواجد هنا ويصف ذلك بعدم احترام للذات؟
لا أرى في وصف عاطف بالكورز أي مشكلة؟؟ فعاطف، وود البشرى، وجلالدونا ليسوا علمانيون ولا سلفيون ولا جمهوريون فهم كالكيزان في البحر بين ذلك سبيلا لو سألتهم في ماذا تختلفون معهم؟ سيقولون: سوء التطبيق!! |
| |
|
|
|
|
|
|
Re: ردود متأخرة ... (Re: جلالدونا)
|
أفا افا ... يا دوك ... حاشاك ان تسفه او يسفه كلامك أنا رديت على ما يليني من مداخلتك وهوالسلام, بقية حديثك رأيت انه رأيك في ما جرى بين الزملاء ربما لم تتح لك فرصة إدلاء دلوك في البوست المحذوف فرأيت ان تدليه هنا ومرحب بك بالطبع اما عن نفسي فا البوست كما اسلفت للردود التي لم استطع كتابتها هناك وليس عن المشكلة ككل و التي سبق ان قلت رأيي فيها
اهلا جلالدونا
اهلا حافظ الإمام و جزاك الله خير و لك ولوالديك
| |
|
|
|
|
|
|
Re: ردود متأخرة ... (Re: محمد البشرى الخضر)
|
صباح الخير يا ود البشرى يعني المشكلة ما في قبح الكيزان والمنظومة الحاكمة المشكلة لمجرد ان دينق نسب عضو لجهة سياسية وهو غير منتسب لها ؟؟؟؟؟؟؟؟؟؟؟؟؟؟؟؟ على العموم الكيزان هنا المعترفين بانهم كيزان يحسبون على اصابع اليد وانا ما عارف ليه الواحد بستنكر نسبته لمنظومة بيدافع عنها ومستعد ان يشتم الاخر نصرة لها وشايل همها ليل ونهار ؟؟؟؟ طيب لو العضو تطابقت وجهة نظره مع النظام وما عنده بطاقة عضوية كيزانية بنمسيه شنو ؟؟؟؟؟؟؟؟؟؟؟؟
| |
|
|
|
|
|
|
Re: ردود متأخرة ... (Re: فرح الطاهر ابو روضة)
|
وعليك السلام ابو روضة لا كيف ما مشكلة, يكفي الكيزان سوء ان النسبة لهم مسبة يرفضها الجميع, كلامي لأبوبكر عشان اقطع العرق و الحجة زي ما بقولوا, و نعم قناعتي ان لا يصح نسبة اي شخص لاينتمي لجهة حتى لو في الكورة كان هلالابي وقلت ليك انت وصيفابي يبقى اسألتك لكن بالطبع النسبة للكيزان اسوأ و للشيوعيين أفظع و للجمهوريين ... يا للهول :) اما من يستنكر نسبته لمنظومة ما لكنه يدافع عنها فلا تعليق لي خاصة لو عايزين ناخذ طريقة المنبر العرجاء في قراءة وتفسير و فهم الكلام هنا لكن بصفة عامة لو قدرت تثبت انتماء شخص لجهة و اخفاؤه هذا الانتماء - اثبات اثبات يعني مش عوارة مناضلي سودانيز المعتادة - حينها يصبح موضوع آخر
Quote: بنمسيه شنو ؟؟؟؟؟؟؟؟؟؟؟؟ |
نمسّي عليه بالخير و النور و السعادة هههه
| |
|
|
|
|
|
|
Re: ردود متأخرة ... (Re: محمد البشرى الخضر)
|
تحياتي ودالبشرى والحضور
Quote: وانا ما عارف ليه الواحد بستنكر نسبته لمنظومة بيدافع عنها ومستعد ان يشتم الاخر نصرة لها وشايل همها ليل ونهار ؟؟؟؟ طيب لو العضو تطابقت وجهة نظره مع النظام وما عنده بطاقة عضوية كيزانية بنمسيه شنو ؟؟؟؟؟؟؟؟؟؟؟؟
|
()
طيب يا بوروضة بي منطقك الناير المنور دا
نقلب ليك السطر الآخير
طيب لو العضو تطابقت وجهة نظره مع الشويعيين وما عنده بطاقة عضوية شوعية او بنكر انو شيوعي بنمسيه شنو ؟؟؟؟؟؟؟؟؟؟؟؟ فور اقزانبل كمال عباس وصبري الشريف وياسر العاملين جمهوريين ديل بتسميهم شنو مع مراعاة انا قلت ( مثال ) يا للة المكرفون معاك
| |
|
|
|
|
|
|
Re: ردود متأخرة ... (Re: الصادق الخالدى)
|
Quote: طيب يا بوروضة بي منطقك الناير المنور دا
نقلب ليك السطر الآخير
طيب لو العضو تطابقت وجهة نظره مع الشويعيين وما عنده بطاقة عضوية شوعية او بنكر انو شيوعي بنمسيه شنو ؟؟؟؟؟؟؟؟؟؟؟؟ فور اقزانبل كمال عباس وصبري الشريف وياسر العاملين جمهوريين ديل بتسميهم شنو مع مراعاة انا قلت ( مثال ) يا للة المكرفون معاك |
يا الصادق الخالدي الدنيا جمعة وما عايزين نفتل البوست انت قلت الزول ده بشرفني وانا قلت ليك بشبهك لانك في وقت سابق انتهجت نفس النهج القبيح على ايام ود ابراهيم وصفحة ناس البشاري وبقية القصة انت عارفه وقرض على كده ياخ الزول شبهك بالضبط وما غريبة انك تتشرف بيه وسلام
| |
|
|
|
|
|
|
Re: ردود متأخرة ... (Re: فرح الطاهر ابو روضة)
|
Quote: يا الصادق الخالدي الدنيا جمعة وما عايزين نفتل البوست انت قلت الزول ده بشرفني وانا قلت ليك بشبهك لانك في وقت سابق انتهجت نفس النهج القبيح على ايام ود ابراهيم وصفحة ناس البشاري وبقية القصة انت عارفه وقرض على كده ياخ الزول شبهك بالضبط وما غريبة انك تتشرف بيه وسلام
|
يا بوروضة عليك الله الزغللة البتسوي فيها دي خليها وركز البوست دا اسمو ردود متأخرة كلامك دا في حدي زاتو فتل وانا بمشيهو عشان عدم الفتل انت عملت استئناف وقل ليك فيهو ثقرة محتاجة توضيح ؤ اديناك ( مثال ) عشان نظريتك تظبط قصة انا دا ما بدورو ودا ما بنكوي بيهو ما جميلة تكوي لازم تنكوي وفوق نفس المحلة انا لي اسع ما بديت معاك الجرجرة لانو هنا الموضوع ما بستحمل
| |
|
|
|
|
|
|
Re: ردود متأخرة ... (Re: محمد البشرى الخضر)
|
Quote: وعليك السلام ابو روضة لا كيف ما مشكلة, يكفي الكيزان سوء ان النسبة لهم مسبة يرفضها الجميع, كلامي لأبوبكر عشان اقطع العرق و الحجة زي ما بقولوا, و نعم قناعتي ان لا يصح نسبة اي شخص لاينتمي لجهة حتى لو في الكورة كان هلالابي وقلت ليك انت وصيفابي يبقى اسألتك لكن بالطبع النسبة للكيزان اسوأ و للشيوعيين أفظع و للجمهوريين ... يا للهول :) اما من يستنكر نسبته لمنظومة ما لكنه يدافع عنها فلا تعليق لي خاصة لو عايزين ناخذ طريقة المنبر العرجاء في قراءة وتفسير و فهم الكلام هنا لكن بصفة عامة لو قدرت تثبت انتماء شخص لجهة و اخفاؤه هذا الانتماء - اثبات اثبات يعني مش عوارة مناضلي سودانيز المعتادة - حينها يصبح موضوع آخر |
هسي الشيوعيين والجمهوريين الدخلم شنو هنا ولا ضريرة عريس لابد منها ههههههههههههه عموما حتى قبح الشيوعيين والجمهورين غير مبرر لقبح الكيزان وما ارتكبوه في حق الوطن والمواطن السوداني على مدى ستة وعشرين عام والشغلانة مش قراية اعضاء المنبر العويرة كما تقول ولكن في تبني مجموعة لاجندة النظام الحاكم وفي جل القضايا المطروحة هنا مع رفض تام لنسبتهم للنظام وده الخلل هنا يعني الشينة منكورة لا اكثر ولا اقل ثانيا زي ما قلت ليك الما رافض قبح الكيزان وبدافع عنه تبقى ما عنده مشكلة لو قالوا ليه انت كوز اللهم الا لو اراد اثبات انها اساءة لتمرير عبارات عنصرية وقحة او فش غبن مكبوت ثالثا اها صلحناها ليك نقدم ليك او ناخر الميم بنسميه شنو
| |
|
|
|
|
|
|
Re: ردود متأخرة ... (Re: فرح الطاهر ابو روضة)
|
سلام
أنا ما عارف الناس ليه بتقر الشتيمة من طرف واحد
لما واحد يشتم الكيزان بأقذع الألفاظ والعبارات ويجي يصف زول بأنه كوز ، إذن كل الشتائم القالها دي بتنطبق على الموصوف
عندها لمن يتم شتمه الحق برد الشتيمة كما يرى
أنا برفض أي شتيمة عنصرية صريحة ولكن تطويع الكلام وتحميله معاني أخرى لتتم إدانة قائله دي برضها مرفوضة
نتمنى من الأخوين عاطف ودينق تجاوز مرارات الاختلاف
| |
|
|
|
|
|
|
Re: ردود متأخرة ... (Re: محمد البشرى الخضر)
|
كتب الأخ الصادق الخالدي ...... Quote: كمال عباس وصبري الشريف وياسر العاملين جمهوريين ديل بتسميهم شنو مع مراعاة انا قلت ( مثال ) يا للة المكرفون معاك |
صبري الشريف ما عامل فيها جمهوري بل هو جمهوري ـ كمال عباس ماعامل فيه جمهوري لأنه ببساطة غير جمهوري ــ يقف مع حق الجمهوريين في التنظيم والدعوة والتعبير ويثمن علي رؤاهم الإستنارية التي تثبت علي الديموقراطية وحقوق الإنسان والمواطنة وحقوق المراة وإعتقد أن فهمهم للدين متقدم وفكرهم الإسلامي منفتح ـ إختلفت وإختلف معهم في بعض القضايا ـ بالمناسبة دافعت وأدافع عن كثيرا من القوي الوطنية التي بيني وبينها قواسم مشتركة وتلك التي تثبت علي الديموقراطية ودولة المواطنة مع الإحتفاظ بحقي بنقدها والإختلاف معها
.
| |
|
|
|
|
|
|
Re: ردود متأخرة ... (Re: كمال عباس)
|
Quote: مهما يكن السياق الذي ردّ فيه عاطف على دينق ونفترض انو دينق اساء لعاطف واعتدى عليه: وين الحق الذي تدعيه ل عاطف بأن يصف دينق بال############ وينزع عنه حق التواجد هنا ويصف ذلك بعدم احترام للذات؟
لا أرى في وصف عاطف بالكورز أي مشكلة؟؟ فعاطف، وود البشرى، وجلالدونا ليسوا علمانيون ولا سلفيون ولا جمهوريون فهم كالكيزان في البحر بين ذلك سبيلا لو سألتهم في ماذا تختلفون معهم؟ سيقولون: سوء التطبيق!! |
| |
|
|
|
|
|
|
Re: ردود متأخرة ... (Re: أبوبكر عباس)
|
يا جلال، ما في مشكلة، أعمل بيك بوست سميهو: ردود متأخرة جدا بدل رفع الاقتباسات الموجعاك ساكت من دون تعليق أو أقول ليك: سميهو اللفي بالي وبالك ٢
| |
|
|
|
|
|
|
Re: ردود متأخرة ... (Re: محمد البشرى الخضر)
|
Quote: ويبدو يا محمد ياسين ان فهمك لفهمي للعنصرية متني عديل من النص مش معووووج الحبة دي : |
ايواتا ايك العنصريّة كدى ورونا بتبدا من وين و تنتهى وين و الفهم المعوووج ليها و الفهم المتنى من النص و ما تنسو برضو حكاية التلميح بيها دى و التفسير على الهوى و المزاج شخصيا لو قدامى اتنين واحد قال لى يا منافق و التانى قال لى يا عب بمسك فى تلابيب القال لى يا منافق و اقد عيونو الاتنين و .... بس _______ شكّاك دى لذيذة خلاس ..
| |
|
|
|
|
|
|
Re: ردود متأخرة ... (Re: محمد البشرى الخضر)
|
Quote: صبري الشريف ما عامل فيها جمهوري بل هو جمهوري |
يا كمال عباس تحياتي
صبري الشريف ليس جمهورياً حسب إفادته لي شخصياً وعلى العموم الإفادة أعلاه تعنيني أنا ولا تعني أي شخص آخر ووجدت لزاماً على أن أوضحها لأني سألته منها في إطار دعوتهم لقيام تنظيم سياسي وكان اسم صبريالشريف من ضمن الأسماء. فأجابني بوضوح لا لبس فيه أنه ليس جمهورياً
| |
|
|
|
|
|
|
Re: ردود متأخرة ... (Re: الصادق اسماعيل)
|
السلام على الشباب قبل وفاة المرحوم بإذن الله الخالدي قرأت بوست للرفاعي حجر عن احداث تلك الأيام, والآن البوست كالعادة لساتكه منفسات ووحلان لا اريد اجترار الأحداث بتفاصيلها المعلومة للجميع على اختلاف قراءتهم لها لكن اريد التعليق على بعض الجزئيات التي اوردها الأخ حجر في حديثه ارى فيها مغالطات و بعضها كلمات حق اريد بها باطل و أخريات يكادن يصلن مرحلة التدليس عديل كدا ولأن الحق يعلو ولا يعلى عليه فكان لابد من الوقوف عليها
أبدأ بالحجة التالية التي ساقها حجر تبريرا لما حدث Quote: لعل المعلوم بالضرورة ان الاستفزاز الشديد يؤدي للقتل , ويقف ركن دفاع اصيل وموقي دفاعاً بل سند تبرير وصك غفران لما اغترف الانسانمن جريمة , في حال الاستفزاز الشديد , وهو مستمد عمقه من الغضب المنهي عنه بحديث معلوم |
الحديث عن الاستفزاز وكونه مبرر مقبول لردود الفعل التي قد تصل القتل لنسلم جدلا رغم المغالطات أن ما جرى كان نتيجة استفزاز, قد نفهم الاستفزاز باعتباره رد فعل مباشر و لحظي حين يفقد الانسان القدرة على التحكم في اعصابه و يأتي بما أتى هذه مفهومة إلى حد ما لكن ماذا نسمي الإصرار و الترتيب و التجهيز لرد الفعل هذا؟ اعتقد اغلبكم سمع تسجيل المكالمات الهاتفية التي زعم صاحبها انه بحضرة القنصل السعودي بواشنطن وهو يهدد الآخر المقيم بالسعودية, هل هذا رد فعل!! دي واحدة و التانية وهي الأهم المح حجر أن الاستفزاز ناتج عن اختلاف سياسي و ملاحقة معارضين ومش عارف أيه من سائر الحجج التي لا تقف على ساقين هنا طيب قول ديل كيزان اولاد لذينا ماذا تقول في نفس هذه الاساءات و الأكاذيب التي تمس العرض و الشرف وجهت لأحد أكثر الأعضاء تطرفا و جهرا بمعارضته! هل برضو كانت نتيجة استفزاز وملاحقات معارضين .... إلخ
نواصل بإذن الله إن ما نفّس لساتكه برضك :)
| |
|
|
|
|
|
|
|