|
دعواتكم لزميلنا المفكر د.الباقر العفيف بالشفاء العاجل
|
|
 Re: دبي-الخرطوم.. ثلاثة مواقف مُخجلة (Re: Abureesh)
|
ملاحظاتك في محلها اخي احمد الامين
لكن هذه التصرفات غاالبا بل كلها احسبها من ناس الزياره للامارات ولمدينة دبي
السودانيون المقيمين في ا لامارات ناس اخلاقها عالية و يضرب بهم المثل
وفوق ده ناس اوتوكيت
لكن الفنان ده وصفك ليهو انعرف
| |
 
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: عمر عثمان عبد الوهاب)
|
تحية طيبة
حقيقة مواقف لاتحتمل
سافرت اخر مرة بطيران ناس
المعروف ان طيران ناس لايقدم وجبة للركاب . لكن يمكنك طلبها عند شراء التذكرة
جلس فى المقعد الجنبى سودانى وعندما مرت عربة الوجبات
أشار للمضيفة لاعطائه وجبة . فقالت انها ليست مجانية . فأصر بأن تذكرته بها وجبة
فاخذت المضيفة التذكرة واكدت له انها لا تتضمن وجبة . وهو مصر على ذلك وان ابن اخته لما
قطع التذكرة قال له فيها وجبة.. وكان الجدال بصوت عالى وكل الطائرة سمعت القصة
اخيرا اضطرت المضيفة للسكوت وذهبت واحضرت وجبة وقالت (باستهزاء) هذه الوجبة هدية لك
من الشركة.. وقبلها صاحبنا بكل سرور.. بصراحة ماعرفت اودى وشى وين!!!
| |
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: عمر عثمان عبد الوهاب)
|
| Quote: لكن هذه التصرفات غاالبا بل كلها احسبها من ناس الزياره للامارات ولمدينة دبي |
صدقت و الله يا ابوعمير، المقيمين يشهد الله ما سمعت حاجة سيئة عنهم، كلهم محترمين نفسهم و دايرين ياكلو عيش، و للأسف هم الخاسرالأكبر من هذه التصرفات.
أما بخصوص الفنان، فوالله انصدمت من تصرفاتو، دة غير الخفة بعد ما وصلنا مطار الخرطوم و تقليل مكانته بحديث لا يليق بقامته مع موظفين جمارك المطار.. الله يستر علينا جميعاً.
و دمت بخير
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: Abureesh)
|
| Quote: المشكلة يا عزيزى في التعليم..ما ممكن تربى الشفع ويقوموا بروس ساكت ثم تنتظر منهم النظام حين يكبروا |
أكيد أخي أبو الريش، اداب التعامل و السلوكيات حاجة مفروض نغرسها في أولادنا منذ الصغر، و بالطبع في البيت قبل المدرسة..
تسلم على تعريف البروس يا زعيم..
و دمت بخير
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: Ahmed Mohamed Elamin)
|
سلام الاخ احمد الامين والمتداخلين معه
بصراحة مواقف مخجلة ، سمعنا من قبل ان السودانين اصبحوا على راس قائمة الجنسيات الممنوعة من الدخول لدولة الامارات
للاسباب السالفة الذكر. طيب الشاب السكران من الذي اكمل له اجراءات سفره، ام هو اصلا مرحل للسودان؟ اما بخصوص الفنان
اصلا ليست لدينا فن يتعدى حدودنا، دا لو كان فعلا فنان مشهور مفترض يحجز على درجة رجال الاعمال بدل هذه التصرفات الغبية.
بصراحة اصبحت تصرفتنا ليست فقط في السفر ، ولكن ايضا في موضة الفيديوهات المداولة على الواتس لنساء سودانيات ، فيها ما
فيها من البذاءات والالفاظ التي يعف اللسان عن ذكرها. ومتدوالة على نطاق واسع في قروبات الجنسيات الاخرى.
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: بدر المعارف محمد المساعد)
|
بصراحة مواقف مخجلة ، سمعنا من قبل ان السودانين اصبحوا على راس قائمة الجنسيات الممنوعة من الدخول لدولة الامارات
بدر المعارف كلامك دا ما راكب لي
عندنا في الشركة شغل في دبي الايام دى قدمنا للتأشيرة اون لاين انا وعاى اثنين مصريين وسورى ويمني
انا التأشيرة وصلتني بعد اربعه ساعات الباقين عليك امان الله لي يوم الليله حايسين اها قالوا لي ياخ اتواصل معاهم ( انت بتعرف الامور دى ) اها دخلت مع الجوازات الامارتية محادثه اون لاين وبالتحديد مع موظف اسمه خليل ابراهيم
بعد اخد معلوماتي قلت ياخ زملاني ديل قدموا معاي للتاشيرة لكن ماجات وانا فى اربعه ساعات بس وصلتني قال لي بالحرف الواحد بس عشان انت سوداني
المصريين الاثنين كانوا معاي وشافوا المحادثه
ونشروا لخبر في الشركة وانا بقيت ماشى رافع راسى واعاين لي تحت فى ناطحات السحاب
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: لطفى العمده)
|
طبعا الواحد.لو ما مر بمثل هذه التصرفات
كان ح يقول انه بيحضر ليه فيلم من افلام الخيال العلمي
بالله الجماعة الثلاثة اياهم راكبين طيارة
وللا راكبين ركشة ؟؟؟
غايتو الحياة دي كلها
قبل ماتكون صيام وفلقة صلاة كبيرة سوداء
فهي سلووووووك
مرة واحد.فريش راكب بجواري
واضح انه يسافر بالجو اول مرة
واعتقد ذاتو بالبر اول مرة
كان بعاين في الصحن بتاعي فيهو وجبة العشاء
وبعد حملق كتير طلب مني انادي المضيفة
سالته ليه
قال لي صحني ناقص
قلت ليهو ناقص شنو ياعمك
قال الحاجة الزي البعرة دي
قمت شلتها من صحني واديتها ليهو
مضغها
قام تفاها بي سرعة
وهي لم تكن سوى حبة زيتوون
قال بعرة قال
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: ابوحراز)
|
مشاكل الركاب في الطائرة تحدث دائما من سوداني وغير سوداني
وقد شاهدت وعايشت بنفسي مشاهد وأحداث ومناظر من ركاب من دول
عديدة مختلفة يندي لها الجبين، ولذلك فهذا الأمر ليس حكرا على السودانيين
اللهم إلا اذا بتعتبرو السوداني دا ملك يمشي على قدمين مع أنه ليس
كذلك ولا يمكن أن يكون ذلك ..
كما أن حادثة الفنان والآخر الذي شتم يحتاج للوقوف على السبب
الحقيقي .. الذي أعرفه أن معظم مضيفي الطيران لا يحترمون
الراكب السوداني كما الآخرين وبالتالي فلا أستغرب أن يكون تصرف
الفنان والشاتم الآخر رد فعل لاستفزاز شديد من المضيفة أو المضيف.
السكران الركب الطائرة دا ذنبو في جمبو ان شاء الله يودوهوا التوج
عشان يتعلم الأدب .
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: طلحة عبدالله)
|
سلامات سيد البوست وزواره
حقيقة نحن شعب رغم مافينا من خصال طيبة لكن نفتقد للأتيكيت بصورة كبيرة
وتجربة الطيران في حد زاتا تجربة جديدة لكثير من السودانيين .
من المشاهدات العامة للسودانيين في السفر:
1/ مشكلة عدم الإلتزام بالوزن وتلقى الناس حايمة في المطار عليك الله شيل لي معاك
ووزني زايد وكمية من الوصايا الغير ضرورية حتى أصبحت حكايةا لإرسال عن طريق
المسافرين تجارة رابحة.
2/ عدم الألتزام بالمقعد على الطائرة عادي تلقى واحد قاعد في مكانك ويقول ليك اقعد في
الكرسي بتاعي!
3/ عدم الإلتزام بالصف في حتات كتيرة في الإجراءات.
وكمية من المواقف الغير جميلة يصعب حصرها.
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: عثمان الأمام)
|
Quote:
الذي أعرفه أن معظم مضيفي الطيران لا يحترمون
الراكب السوداني كما الآخرين
|
ودي برضو عقدة يجب ان نتخلص منها اخي طلحة
فاينما كنت واحترمت نفسك تفرض احترامك علي الاخر
امشي شوف المضيفات السودانيات في الرحلات الداخلية
بيعاملو الركاب كيف
شويه ويشلتوك
واحد اخونا في رحلة داخلية وقبل الاقلاع طلب اقراص بنادول
قالت ليهو ماعندنا
الراجل احتج واستغرب وبكل لباغه وفي حدود الادب
وفجاة المضيفة اتنرفزت
قاتليهو اته الصداع ده جاك هسع؟؟ وكت عارف نفسك مصدع
ماكان تبلع ليك حاجة من بيتكم وتجي
| |
|
|
|
|
|
|
|
|
 Re: دبي-الخرطوم.. ثلاثة مواقف مُخجلة (Re: عمر عثمان عبد الوهاب)
|
** الأُستاذ أحمد محمد الأمين.
** مساءك خير..
** اصبح يعترينا الخجل بالسفر فى طائره بها سودانيين وخاصة فى هذه السنوات العجاف الأخيره من ربع القرن الماضى..
** البدايه :- مظهر البعض فى ملبسه لايليق بالإنسان السودانى الذى كان محط إحترام كل المطارات وشركات الطيران مُنذ الستينات وحتى بداية الثمانينات..
** التعامل معنا كجنسيه :- يتم كما قانون الجيش الشر يعم والخير يخص.. (خطأ وسلوك سودانى \ سودانيه ينعكس على الجميع) .
** موقف كنت شاهدا عليه فى نهاية ديسمبر 2015 على رحلة فلاى دبى للخرطوم :-
راكب يرتدى سروال وعراقى وينتعل سفنجه وفمه ملئ بالسعوط والمضيف فى إجراءات عــد الركاب على حسب المنفستو ,
إذ به يقف فى باب الطائره وكله إصرار على النزول والسبب شنطتو شافا تحت قال مادخلوها بطن الطياره وكان مادخلت شنطتو مابقعد .. (شمطه أخدت ليها 35 دقيقه)
## أحتجيت فى إحــدى السفريات الى الخرطوم بأن الطائرات المتجهه الى الخرطوم دائمأً ماتكون مُتسخه وليست بنفس مستوى الطائرات التى تتجه الى محطات أُخرى
فكان الرد مُفحمـــاً مما أخجلنى وندمت على إحتجاجى :-
1\ نحن نتعامل على حسب درجة ثقافة المسافرين الى المحطه المقصوده.
2\ لاحظنا أن بعض الركاب السودانيين يكتبون تذكارتهم الشخصيه على مقاعد وجوانب الطائره الداخليه.
3\ بعض الركاب يبصقون النسوار (السعوط) على أرضية الطائره..
4\ بعض النساء يضعن حفاضات أطفالهم المستعمله أسفل المقاعد..
5\ سلوك بعض الركاب مع طاقم الضيافه لايتسم بإى نوع من الذوق وأدب المُخاطبه..
** نقلت كل ماذكر آنفاً لأحــد المسؤولين بمطار الخرطوم لعل وعسى **
(ودام الود بين الجميع)
ابو محمد فؤاد - الماكيكى.
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: طلحة عبدالله)
|
الأخ طلحة السلام عليكم
| Quote: وقد شاهدت وعايشت بنفسي مشاهد وأحداث ومناظر من ركاب من دول عديدة مختلفة يندي لها الجبين، ولذلك فهذا الأمر ليس حكرا على السودانيين |
أكيد الأمر ليس حكراً على السودانيين، و من المؤكد ان العشرات من هذه المواقف تحدث يومياً في شتى دول العالم، لكن ليس من الطبيعي أن تصادفك ثلاثة مواقف جملة واحدة في أقل من أربعة ساعات.
أما بالنسبة لعامل الإستفزاز، و لكن أين ديبلوماسية و ايتيكيت الفنان من هذا، قسمتك اذا بقيت مشهور انو تتعامل مع الواقع بحساب..
أما بخصوص انو المضيفين ما بيحترموا الراكب السوداني فستجد الرد في مداخلة الأستاذ عبد الكريم أحمد الأمين.
و دمت بخير
| |
|
|
|
|
|
|
|
|
|
Re: دبي-الخرطوم.. ثلاثة مواقف مُخجلة (Re: لطفى العمده)
|
الأخ لطفي السلام عليكم
اعتقد حكاية الفيزا السريعة دي من حسن حظك، و أكيد لخلو جوازك من أي موانع و الحمد لله.. للأسف في تضييق على السودانيين في الإمارات من قبل الحكومة الإماراتية، على سبيل المثال أصدروا من 30 ديسمبر 2015 قرار يقضي بمنع أي سوداني غير مقيم بالإمارات من فتح حساب بنكي، بالإضافة إلى إجراءات أخرى لا افقه فيها.. جايز قضية شيخ الأمين الأخيرة دي يكون ليها علاقة بالحكاية دي، بس للأسف دي كلها عوامل ستقضي على ما تبقى من سمعتنا الطيبة بالخارج
| |
|
|
|
|
|
|
| |
Abureesh
خالد المبارك
بدر المعارف محمد المساعد
Ashraf El Bagir
لطفى العمده
ابوحراز
طلحة عبدالله
عبدالكريم أحمد الامين
أبوبكر عباس
فيس بوك
تويتر
انستقرام
يوتيوب
بنتيريست