حملة تمويل مشروع الحجاي

سودانيز اون لاين
Mohamed Yahia Mahjoub-الخرطوم
مكتبتى
رابط مختصر

هل في حل للبحصل ده ؟

هل في بديل للعويل البنعمل فيه ؟

ما بدعي انه عندي حلول سحرية , بس بخت قدامكم مشروع احكموا انتوا عليه و قيموه , مشروع الحجاي

قصص فانتازيا من تاريخ السودان, بتم تقديمها للشباب و الاطفال في قوالب هم متعودين عليها و مستمتعين بيها , بمعنى انه نحول المعلومة الجامدة الفي البحوث البنتناقش فيها لمادة ترفيهية تجذب الاجيال الجاية لتاريخها, و مافي شكل تاريخ في شكل "فانتازيا" تاريخية

المشروع عمره 11 سنة بحث وتطوير, و حاليا بحاول انقله لمرحلة انتاج ثابت و مستقر

و الحاجة دي بتتم بمجهود الكل ما مجهود محمد يحيى براه

بعد المقدمة الطويلة دي, نجي للجد

في يوم 22 ابريل الجاي, حيتم اطلاق حملة على منصة التمويل الجماعي ذومال http://www.zoomaal.com/http://www.zoomaal.com/

الحملة هدفها جمع عشرين الف دولار في شهر واحد بس, عشان يتم انشاء استديوهات قصة مصورة , تشتغل على انتاج قصص عن تاريخ السودان من قبل كوش و حتى لحظة رفع العلم سنة 56

الحملة دي الاختبار الحقيقي بالنسبة لي انا , و الاختبار الحقيقي لينا كسودانيين في هل دايرين نصنع بديل ينقذ اطفالنا من التخبط و انعدام الاحساس بالانتماء او ضعفه. ولا حنواصل العويل (مع احترامي لكل البتعملوا فيه)

الحملة حتكون مناسبة للسودانيين خارج السودان, و حتى داخل السودان, عشان الموقع الاسمه ذومال ده, بدعم التبرعات المباشرة للحسابات البنكية داخل البلدان الما عندها نظام بطاقة ائتمان او حظر اقتصادي زي السودان

حاليا احنا بنكون في ملف الحملة , و حيتم اطلاقها زي ما قلت في 22 ابريل بعد شهر من الان

ده لنك صفحة الحجاي

https://www.facebook.com/alhaggay/https://www.facebook.com/alhaggay/