|
دعواتكم لزميلنا المفكر د.الباقر العفيف بالشفاء العاجل
|
|
 Re: حابي أشارك في جائزة الطيب صالح للقصة (Re: أبوبكر عباس)
|
مرّة حضرت لقاء مع فنان كبير، سألوهو كيف بدت علاقتك بالشاعر الكبير الفلاني؟
قال ليهم: لاقيتو في سماية ببيت المال، قلت ليهو يا أستاذ دايرك تعمل أغنية، قال لي تعال لي بكرة المغرب
مشيت ليهو تاني يوم المغرب لقيت الأغنية جاهزة وقاعد جنبو الملحن العظيم فلان.
بعد شفطنا الشاي كانت الأغنية ملحّنة جاهزة.
أها هسع أنا محتار، أشارك بنص قديم، ولّ أعمل ليهم قصة جديدة؟
| |
 
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
أها لو أديتوني الإذن بالمشاركة، عندي قصة جاهزة في راسي بس محتاجة تشطيب
اسمها عائدة
عائدة صديقة كانت مخطوبة لصديقي، مرّة مشيت شارع النيل أضهب، لقيتها قاعدة ليها في بنبر مع واحد قعاد حب
سلمت عليها وعرفتني بالمعاها.
غمزت لي بعينها بمعنى أوعة ترمي لي صاقعة من صواقعك
تاني يوم بالمكتب، إختلت بي خلوة شرعية وقالت لي وفي عيونها لهفة صدق:
بكور، ديرا أقول ليك كلام، لكن خايفاك ما تفهني
قلت ليها بسخرية: أصلا أصلا أنا ربنا خلقني عشان أفهم الناس وأحفظ ليهو الموازنات
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
يا عابد، حد يقدر ينسى نفسو؟!
جبت الشاي السادة وما جبت ليها، وقلت ليها: كدي قبل ندخل في الموضوع العميق دا، قولي لي ليش قدمتي سيدي الحسن علي الله؟
قالت: بسبب قصة ريم صاحبتك الحكيتها لينا زمان
هامش:
ريم كانت زميلة، كنت مفتكرها صديقتي، مرّة كنت مسافر كسلا أدتني جواب حلفتني ما أفتحو،وأرميهو ليها في قبة سيدي الحسن.
وأنا في مدخل القبة داير أرمي الجواب، الشمار غلبني وفتحتو، لقيتها كاتبة: يا سيدي الحسن تعرّس لي بكور ود آمنة دا.
لحسن الحظ كان معاي قلم نفس اللون، شطبت بكور ود آمنة وكتبت اسم زميل لينا تاني بعرف اسم امو.
لمان رجعت من الإجازة، لقيتم مخطوبين!!
قلت بسري لسيدي الحسن: سرك باتع يا مان
| |
|
|
|
|
|
|
|
|
 Re: حابي أشارك في جائزة الطيب صالح للقصة (Re: أبوبكر عباس)
|
Quote: هل الجائزة التي يتم الإعلان عنها الآن هي جائزة المناضلين ولّ الكيزان؟
هل لو بقت الجائزة بتاعت الكيزان وشاركت فيها وفزت، هل سوف أظل مناضل؟
أفتوني ساعدكم الله |
عاين يا معلّم
تفرزن بالمنظم او الراعي
إن بقت عندها منظم (مركز عبد الكريم ميرغني) تبقى دي حقة المناضلين
إن بقى عندها راعي (زين و الفاتح عروة ) دي حقة الكيزان
ان بقيت شاركت في حقة الكيزان وفزت ما في مشلكة لحدي هنا, المشكلة وين؟ لامن تمش تستلم الجائزة وتضطر تصافح الفاتح عروة و الضيف الرسمي اكان بقى علي عثمان او بكري او نافع أو ايا كان
احسن شي تعمل ميت وترسل واحد بدلك, وكان ما عايز تفوّت اللقطة و السيلفي و بتاع تقوم تودي يدك الشمال وراضهرك لحظة المصافحة و تعقد أصابعيك و تتمتم في سرّك (يا خرطوم ثوري ثوري ..إلخ)
هذا ما كان من امر استفساراتك اعلاه
بالنسبة للقصة البديتها واضح انها مسلية و لطيفة كسائر حكاويك, لكن يا قول الناظر ابو سن ما فيها كلام لكن طوّلت النوع الواحد دا من الحكي
حقّو تجدد شوية :)
عموما متابعين
| |
|
|
|
|
|
|
|
|
Re: حابي أشارك في جائزة الطيب صالح للقصة (Re: محمد البشرى الخضر)
|
يا أخي، الفاتح عروة دا عندو ابتسامة خطيرة
قبل كم يوم حضرت ليهو مؤتمر صحفي، الراجل بتكلم بشكل فني عن البايت والميقا بايت والسيرفرس وال...
في أمانة الله!
لكن في المؤتمر دا عرفت سبب اختيار الكويتيين ليهو غير الابتسامة؟
الراجل أحسن من يستطيع تهريب قروشم خارج السودان
المهم، وأنا بعاين للمؤتمر برضو تذكرت ورطة الاستاذ بشرى الفاضل بتاعت المصافحة، وفعلا نصيحتك في محلها
ثالثاً:
أي واحد مننا نحن الأدباء ديل، يدعي انو عندو اكتر من قصة أو اكتر من اسلوب حكي؛ تعرفو أدبيا كضاب.
أنا هسع قصصي ديل كلهن عبارة عن خيران في هضبة بتجمعن تحت عشان يعملن نهر واحد أو قصة واحدة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
قلت ليها بعد ولعت لي سجارة مع الشاي: أوكي، حجتك بتاعت تقديم سيدي الخسن رائعة وبتديك النمرة الكاملة
أها واصلي
قالت لي ممكن تكون جادي لدقائق؟
نزلت السجارة وختيتها جنب الكباية وعقدت حواجبي شوية.
قالت بصدق شديد: والله والله، الولدين ديل بريدم بصدق، وأنا هسع ما في انهم ممكن يعرفو؟ مشكلتي كيف أعرسم سوا وأحافظ عليهم؟!
اشمعنا يا بكور اتوا عندكم الفرصة دي؟!!
قلت ليها: قولي بعدين قدرنا نصاقع ناس "هي لله هي لله" في المحكمة بحقكن الدستوري في المساواة في التعدد، كيف نحاججم في موضوع اختلاط الأنساب؟
قالت: إتّوا ذاتكم ثقيلين، البمنع شنو تنسبوهم لأمهاتم؟!
إتّوا أصلا تعبكم كان شنو غير ال... ، ما تمتها لكن شلت لي جغمة شاي.
قمت علي حيلي حضنتها وأديتها بوسة وباقي الشاي والسجارة، وطلعت فرحان من المكتب أتمشى على الكورنيش
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
Quote: يا أخي، الفاتح عروة دا عندو ابتسامة خطيرة
قبل كم يوم حضرت ليهو مؤتمر صحفي، الراجل بتكلم بشكل فني عن البايت والميقا بايت والسيرفرس وال...
في أمانة الله! |
تصدق و تآمن بالله يا بكور انا كنت بلعب وست مع الفاتح عروه !
مع اولاد خالته عباس ابو العلا عبدالكريم رحمه الله و منعم اخوهو و زهير ابو شرف و عمك ابوشرف زاته ...
طبعا ده قبال قصصه ديك..:)
و وحياتك يا ها ابتسامته و حريف وست لما فايت الحد ...
ياخ الواحد شكله كبر ...
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: يحي قباني)
|
Quote: أي واحد مننا نحن الأدباء ديل، يدعي انو عندو اكتر من قصة أو اكتر من اسلوب حكي؛ تعرفو أدبيا كضاب.
أنا هسع قصصي ديل كلهن عبارة عن خيران في هضبة بتجمعن تحت عشان يعملن نهر واحد أو قصة واحدة |
طيب غيّر لينا الثيمة بتاعة بطل قصصك الظريف البتعاملوا البنات معاه بثقة زي أختهم :)
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: يحي قباني)
|
الأصدقاء المعجبين محب، قباني والمستنير علي دفع الله
شكرا على المرور السمح والتمنيات بنيل الجائزة.
يا قبّة، يا أخي، صاحبك موش بكون حريف ساكت، بكون بديك إسنا في قبولك
الكويتيين حرفا وفعلا زي ما بقولوا الإسلاميين إختيار صادف أهله
تاني هام ليك وللمستنير دفع الله، البوسة دي بوسة إعجاب أو قولوا بوسة دهشة، لا يهم بأي طعم كانت.
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: عمر دهب)
|
| Quote: طيب غيّر لينا الثيمة بتاعة بطل قصصك الظريف البتعاملوا البنات معاه بثقة زي أختهم :) |
لو كنت يا بشرى، متذكر الكلام بتاع ناس كبر الكبار داك بتاع "بنيّة الوعي الذكوري التناسلي" داك، كنت كبيتو ليك هنا خليتك تعرف حاجة.
لكن أقول ليك: أيوة أنا تالتن، ومحمد أحمد لو ما بقى تالتن شن فهمو وشن عمارو؟!
كيف دايرني أنقل هواجسن كيف من غير ما أكون تالتن؟!
دايرني كيف أضوي عتمة ظلامن من غير ما أكون تالتن؟!
أنا تالتن
درب الاستنارة دا صعب يا ولدي
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
أأوووووو
بكّور بكل صدق أعتذر ليك بشكل شخصي و لقراءك أيضا
ابدا ما كان دا الفهم الفي بالي و انا أكتب, العفو ياخ
ما ذكرت الحتة دي إلاّ لتكرارها في اغلب شخصيات ابطالك لا اكثر
بالمناسبة انا في الحتة دي فهمي تقدمّي جدا - حتة الحريات الشخصية أعني
وأبدا لا يمكن اعاير انسان او اشاتمه أو احاسبه على خياراته الشخصية مهما كنت بعيد عنها ولا اقبلها لنفسي
ثم مش اتفقنا ان الكتابة ادبية و فنتازيا و كدا وليس بالضرورة ان تكون انت نفسك البطل
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: حيدر حسن ميرغني)
|
أبداً يا صديق ميرغني، أنا شايف أشارك بيها في جائزة الطيب صالح فرع الفاتح عروة
وح يقبلوا
ليش؟
الأنقاذ ساكا رفع المقاطعة، وما عندها أي شيء تتنازل عنو للأمريكان، أها عادي ممكن يقبلوا قصصي دي، ويقولوا للأمريكان: آهو ولدكم اللبرالي شارك معانا وفاز ودا دليل على حرية الكلمة بالسودان.
أها وبالمرّة الواحد يطبق ليهو ظرف دولارات كبير، ورحلة نيلية، واحتفال بورداب بشارع النيل، وتوب من المسلمي، واستضافة بقناة النيل الأزرق، وأول شيء بشكر بكري ودينق وع ع.
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
يا بكور قصصك كلها رائعة وفكرتها جديدة ومتميزة
وتستحق تفوذ بأي جائزة
لكن بالنسبة لجائز الطيب صالح
تكون أخلت بأول شرط وهو الا يكون العمل قد نشر من قبل في أي من وسائل النشر التقليدية ( ورق )أو الميديا الحديثة
المطلوب يكون عمل جديد منك وللجنة مباشرة ..
أنقفل مع نفسك سبعة شهور وتحمل الكبت
وأرسل
مني لك مبروك مقدما على ثقة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: كمال عباس)
|
Quote: يا ما دخنت في حياتك ...
يا ما بُستَ في حياتك ... |
يا هندزه ده ما هو ده بطل الرواية ..
كان بقى هو وحاتك يخربو كان بعرفلهن أسألنا أنا دا ..
كان ما مصدق أها داك معاوية الزبير ..
ما تلخبت ؤ تقراها معاوية المدير.
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: محمد على طه الملك)
|
يا استاذنا ابو بكر
ابارك ليك الفوز من هسى و فى الحتتين كمان
و بالمرة كده
ممكن تخدم اخوك فى المحاولات دى و تقدّم لى معاك
طال ما الحكاية فيها مظاريف و نيل و توب ويمكن يكون فى مركوب كمان
و محاولاتى المتواضعة هى
العشا جداد ...
الكلب و الجعّة
حيوانات عنصرية .. الاسم القديم الكلب و الحمار
و اخوك برضو بيعرف للحوار
و ياريت تاخد معاك حكاية اروع ثلاثة ايام فى ام قنيفيطة
للمبدع صاحبى ود المدير
____
اما بالنسبة لى جرجير ده سيبك منو
لقى صاحبو مافى و راسو داش
اهو يتحاوم بين البوستات كدى و بس
غايتو جادات كان شايل ليهو تقيلة
--
صاحبك جلال
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
يا درديري، جبت لينا كلام صعب!
جنيع نصوصي الأدبية كتبتها قدام الناس هنا مباشرة من الكي بورد للقاريء المشارك في النص.
لا أستطيع المشاركة بنص غير معروف للقراء.
غايتو أنا برسل ليهم يمكن تكون متابعتم الاسفيرية ضعيفة والنص يمر ويفوز.
لو فشلت، مفكر أنشر أعمالي عن طريق دار نشر بدبي اسمها دار ميمنة للنشر.
ومفكر أجمع سبعة قصص قصيرة في كتاب واحد واضيف ليهن النص البتحدث عن دينا خالد والخواجيات.
ومفكر اسمي الكتاب:
دينا خالد
مجموعة قصصية
وصورة الغلاف نكون نحن الخمسة متجمعين حول نار في تل رملي.
يمكن الكتاب يجيب لي اكتر من قروش الفاتح عروة
شكرا ليك يا أمير على الاشادة بتميّز نصوصي
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: كمال عباس)
|
غايتو بكون مشرّك ليك في ركن مكان اعلان الجائزة
عزومة لوحدي في صاج سمك ودردشة حول الجائزة سأنشرها في بان اورينت الكورية البكتب فيها الفاتح ميرغني
غايتو صورة الغلاف وخمسة متجمعين حول النار دي ياها ذاتها صاج سمك :)
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: حيدر حسن ميرغني)
|
يا أخوانا، أكتر زول بستمتع بكتاباتي الأدبية هو الملك محمد طه.
يوم واحد ما شفتو خلط بين بكور الرواوي وبكور البطل.
المهم في كتابي الجديد: دينا خالد
مجموعة قصص اسفيرية
اخترتو ضمن نخبة من الأدباء الحا يعملوا تقديم للكتاب، وهم:
- محمد طه اللك
- معاوية الزبير
- دكتور زين عبد الله
- الرشيد محمود
- بروف عبد الرحمن
- درديري كباشي
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
سلام أخ أبوبكرعباس ...Quote: برضو دكتور محمد المشرف
لأنو يجيد لغة الجبهة الديمقراطية ديك
ودا بدي لي كتابي رواج بين قروبات الفيسبوك بتاعت أولاد الجبهة الديمقراطية
يا حبذا لو بدأ تقديمو بعنوان جانبي:
مدخل أول |
ب
أرجو أن تعرض أعمالك الأدبية أيضا ـ علي الأستاذ الناقد المتمكن عبد المنعم عجب الفيا
ـــــ كان يكتب معنا في هذا المنبر وقد ساهم في تغذية و رفد الشريان الثقافي والفكري لهذا الموقع وقتها ـ أرجو أن تسعي للحصول علي إميله ــ وأنا واثق من أنه سيقدم رؤيته النقدية
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: حيدر حسن ميرغني)
|
مستغرب ليش مصطفى بشار ما واجه هجوم لمشاركته في جائزة الكيزان!!
في إحتمال يكون مصطفى دا من الغرب؛ عشان كدا عندو حصانة
المهم مبروك يا أستاذ بشار
وأنا قلت بدل المشاركة، أطبع كتابي وأخلي في ضهر الغلاف جملة الحوار بين الكمساري والمرأة في قصة المداحين الأربعة، القال فيها الكمساري للمرأة:
"إتّي يا مرة مجنونة؟ نار شنو البتشتش بيها الله الناس وهم أحياء يوم القيامة؟! هسع انا بقدر أجدع سخلك دا حي في نار؟! نار شنو بالله، دا كلام ساكت!"
بي كدا ناس إسحق احمد فضل الله بكفروني وهئية علماء المسلمين بتوصي للمجلس الأعلى لشنو كدا ما عارف، يمنع دخول الكتاب للسودان
ويكون يا بكور بي كدا جاتك ليلة القدر
شيء ندوة بفينكس؛ الكتاب بخمسين دولار مع التوقيع
شيء هولندا، شيء فرنسا
شيء فرجينيا
ونرسلوا السعودية بالدس والامارات بالعلن من غير ندوة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
Quote: لو كنت يا بشرى، متذكر الكلام بتاع ناس كبر الكبار داك بتاع "بنيّة الوعي الذكوري التناسلي" داك، كنت كبيتو ليك هنا خليتك تعرف حاجة.
لكن أقول ليك: أيوة أنا تالتن، ومحمد أحمد لو ما بقى تالتن شن فهمو وشن عمارو؟!
كيف دايرني أنقل هواجسن كيف من غير ما أكون تالتن؟!
دايرني كيف أضوي عتمة ظلامن من غير ما أكون تالتن؟!
أنا تالتن
درب الاستنارة دا صعب يا ولدي |
من زمان شايف الجماعة الهنا ديل شابكنك يا مستنير يا مستنير
وكلامك كلو عن الإستنارة وما أدراك ما الإستنارة وما قادر أفهم لكن بعد المداخلة العميقة الفوق دى!!!!!
أحييك يا مستنير وأحي عمق إحساسك بمسؤوليتك وحريتك الشخصية بأنك تكون تالتن أو رابعن وتشرعن الموضوع
وتجد ليهو التخريجات المناسبة وفقما يتفق وقناعاتك العالية الموغلة في الفلسفات والإستنارات,,
أحييك يا مستنير يا أنيق..
_______________
* أنيق من أناقة وكدا.
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: El-Saddig Abdalla Abbas)
|
ولا تنسى يا بكور ان تضيف قبل قصة (عائدة) قصتك المشهورة مع تلك الفتاة التي كانت اجمل بت في الجامعة
وكنت انت وهي مضرب المثل في الريدة والحب بل و التفاني و لازال حتى اللحظة كل الطلبة بجميع الكليات
يذكرون تلك الايام ... بكري (الشاطر) وكيف انها اختارته من بين الالاف مع ان لا احد كان يجروء حتى على القاء
التحية لها من شدة سماحتها وهيبتها ..كنا نظن ان بكري هذا قد اتى من كوكب اخر .. والغيظ والحسد يلفان حبالهما علينا
وهو جلس معها في الكافتريا ويحتسيان (الليمون) في اغلب الاحيان او (البيبسي) في احيان اقل
لا بتفارقان ويكاد حديثهما لاينقطع . ماذا كان يقول هذا البكري عباس وهي تستمع اليه مبتسمة وتارة ضاحكة
ونحن صعب علينا حتى قولة (صباح الخير)
هل هو الحب العذري الذي قرانا وسمعنا عنه؟ وفعلا
في حب يا اخوانا اكتر من كدة؟ على قول ابوداؤد صاحب الثمانية اوزان من اصوات الحنجرة العشر
استمرا هكذا لأربعة اعوام
فجأة اختفت البت السمحة ومر يوم واسبوع وشهر لا حس ولا خبر .. وبكري يكاد يجن وشوية ممكن يدور على نفسه
جاءت الاخبار ان احدهم لا ندري من هو وزير او رجل اعمال كبير او سفير قد تزوجها ... وما هي الا ايام قلائل
الا واتضحت صحة الاخبار ... زاغت عينا بكري ويبدو انه من هول المفاجأة والدهشة والخلعة فتح عيناه ونسى ان يقلقهما
برزت وجنتاه .. وتجعد شهره وقمصانه المكوية لاربعة اعوام اصبحت مكرمشة .. نقص وزنه النصف
اصبح ساهما .. يمشي برجليه مسافات طويلة ...
ارسل اليها ورقة صغيرة مع صاحبتها وهي احدى الزميلات (انعام) ورقة صغيرة جدا فيها سؤال واحد:
اين كل الذي كان بيننا؟
بعد اسبوع او اقل من ارساله الورقة .. وكان يسير ذات نهار غائظ في شارع الجامعة
الا واتت سيارة فارهة مظللة وهي تسير بمحازاته وسمع صوت رجل يناديه .. بكري ؟ بكري؟
والتفت الى حيث مصدر الصوت الصادر من داحل العربة الفارهة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: Ahmed Yassin)
|
رد بكري ... نعم ...وبسؤال استنكاري ودهشة انا؟
نزل من العربة رجل يلبس بدلة سوداء وطاقية (كسكتة) سواقين وقال له
لحظة لو سمحت .. مازال بكري غير مصدق اكيد ان الرجل غلطان
ذهب الرجل الى شنطة العربة السوداء الفارهة وهو يقول لبكري دقيقة دقيقة بس
ادخل الرجل يداه الى داخل الشنطة واخرج اربعة صناديق بيبسي وكيس به تقريبا
ثلاثة كيلو سكر .. وكيس ليمون كبير ..وبكري واقف وهو يكاد لايفهم شيئا
مما يدور في اللحظة .. وبكري واقف يحك دقنه الطويلة
و وادخل السائق يده في جيبه واخرج ذات الورقة الصغيرة التي
ارسلها بكري مع (انعام) وفيها تحت سؤاله مباشرة الاجابة وكانت
هذا هو كل الذي كان بيننا
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: محمد البشرى الخضر)
|
مدير اعمالك حتة واحدة ؟
يكفيني ياخ اكون من ذوي الحظوة والله
كنت طمعان في توقيعك على نسخة من الرواية الفائزة بالجائزة
لكن بعد كده لي حق تطول كراعي من الفرح وانكر كل العنقالة اصحابي من امثال معاوية المدير
سأكون من اكثر المتفائلين بفوزكم بالجائزة
لدرجة اني ح أنوم كل يوم ورافع اصابعين يدي بعلامة النصر
جد الجائزة خايلة فيك بعد شوفت صورتك الحلوة دي .. شكلك اديب اديب بالجد
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: Ahmed Yassin)
|
| Quote: طيب غيّر لينا الثيمة بتاعة بطل قصصك الظريف البتعاملوا البنات معاه بثقة زي أختهم |
الاخ الحبيب والاديب المستنير بابكر
يوم الاحد كنت فى دبى كلمت واحد من اصحابى المقربين يجمع لى الناس البعرفهم كلهم مرة واحدة عشان انا ما قاعد كثير , قاموا عزمونى فى مطعم الفنانين , اتكيفت جدا عشان المكان طلع حاجة حقيقية ما منجور واتخيلت ليك نفسى زى الجماعة البمشوا يتصوروا فى استاد الكامب نو وينشروها فى الفيسبوك , المهم المكان طلع مطعم سودانى تقليدى واكثر حاجة ضاربة فيه هى الشية , يمكن تقييمى ليها ظالم شوية لكنه جا كدة بسبب التوقعات العالية الفرضتها كتابتك عنها زى انه بجيبوها ليك تطقطق , ما عارف دى شية ولا سرير , النصيحة الطقطقة فعلا صحيحة لكن ياخ دى ما شية جمر ابدا , دى لحمة سبق انها اتسلقت واتعملت فى حلة ولما تطلب يسخنوها ليك ويختوها فى الصحن البطقطق دة , لكن اكثر حاجة خلتنى اخت ايدى فى الواطة من المكان دة هم نوعية الناس الكانوا قاعدين فيه , تتخيل كان فى كورة ريال مدريد مع ملقا , لما ملقا جابت قون فى جماعة كدة قعدوا يغنوا ست الودع لى كشكشى , لذلك انا قنعت من المكان دة وزعلت شديد من بيعك للوهم لينا فى ما يختص بتصويرك الادبى ليه , الحاجة الثانية يا ابكر شايفك ضهبت ود البشرى ومارست معاه اللولوة الزول يقول ليك غير لينا فرمالة الولد الظريف صاحب البنات فى الجامعة قمت شبكتوا انا ما تالتهن ورابعن وانا حقيقة شايف كلامه صاح , قصصك كلها بتدور فى فترة زمانية ومكانية واحدة (الجامعة او بعدها بشوية) ودة افتكر بيعكس فقر وبؤس لفتراتك الثانية زى ما قبل الجامعة او فترة اغترابك , ياخ كان ممكن تكتب لينا عن ناس بانت والشخصيات العجيبة , محمد ود صفية , القمر , صلاح كبرو , استاذ عز الدين وعادل صفيحة اخوه وباقى ناس الدافورى , المهم خلى بالك من ملاحظات ود البشرى , الزول دة ناقد فنى ورياضى وادبى وسياسي واجتماعى لايشق له غبار بس مضيع نفسه بالصحبة الشديدة والعلاقات مع الناس , يعنى هسة لو كان زول حامض كان الناس اخدو كتاباته بجدية اكبر من كدة وكان قطعوا فيه لقب الاستاذ قبل ما يقولوا ود البشرى
بالله يا ابكر حاول اعمل ليك مداخلة تانية كدة جيب فيها سيرتى مقرونة مع سيرة دينا خالد لكن بالله سيرة المناقل نهايئا ما توردها
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
أحمد التجاني ودينا خالد أصدقاء، لكن الفرق بيناتم آلاف السنيين؟؟؟
دينا تنظر بتفاصيل حياتها والآخرين بعين البهجة والمتعة اللحظية
أحمد التجاني يعاين بعين الريبة السعودية والتوجس السوداني؟؟
كيف؟
زول يتلمى مع أصحاب شبابو في مقهى مفتوح، في جو ربيعي مبهج، والكورة شغالة بين برشلونة وريال مدريد، والجكس الشامي وبنات المعتربين السودانيين بشربوا في الشيشة، والجرسونات مصريين قمة في الظرافة، وميسي جاب قون، وقاموا الشباب غنوا ليهو:
ست الودع
كشكشي
كدا كشكشي
وكشفوا ليهو
وبرضو زعلان، لانو هو بحب الشيّة الناشفة!!
هو الأدب دا كيفنو؟ يعني إلا يدخلوك مكتبة الفجر؟!
فعلا: "الأدب قسم"
المداخلة الجاية بدخلك في بطولتها،
وبعدين أخوك الأسبوع الفات لاقاني في ليلة شعرية وشال تلفوني وكان معاهو ود البدوي
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: محمد البشرى الخضر)
|
B]أولا بالتبادي يا ود التجاني شايف صاحبك المستنير فطاني
يفطوه في جايزة الطيب صالح الكيزانية والشيوعية إن شاء الله
تاني هام كتر خيرهم الإماراتية ما اتلوموا معاك
بس كمان شن جاب قهاوي الإمارات لي (قهوة حجر)
علي اليمين (قهوة حجر) دي كان تكون على ضفاف خور دبي كان سوينا فيها البدع [
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: El-Saddig Abdalla Abbas)
|
طبعا يا الصادق، شيطان كتاباتي ما قاعد ينزل بالترتيب، والنصيحة كدا، هبشتني في حتة محسن خالد ومحسن دا يا أخي، مشيتو مسخت علينا الكتابة ومسخت علينا حاجات تانية، وزي ما بقول عمر نملة أخوي: "الله في، ما دايرلو فكي".
يا أيمن، بجي لمداخلتك الما فرزتا تهكمها من جدّها، لكن كلو زي ما بقول الأديب معاوية الزبير:"كلو رليفانت"
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: جلالدونا)
|
يا ابكر شكلك طولت ما مشيت للفنانين والله يخربهم لا عندهم شيشة ولا بنات قالوا البلدية منعتهم ، بعدين ياخ الكورة ملقا والريال برشلونة الجاب سيرتها منو ، اخوي وود البدوي كانوا معانا برضو وانا والله قايلك زمان هجرت بلاد العربان ورحلت جبرة بتاعت امريكا قرينزبورو ، كان الواحد سعي يلاقيك قبل ما تشتهر وتتغابي فيني العرفة
ود البشرى أعفي لي ياخ والله جيت الخميس ورجعت الاثنين برنامج مشدود وكان فيه سفرة ابوظبي وانا عارف انك في العين وان شاء الله الجايات اكثر وسنلتقي باْذن الله
الصادق يا أمريكي والله وما طالبني حليفة انا من أمس بفكر كيف ح اقدر امشي قهوة حجر بعد ما مشيت قهاوي دبي ، غايتو الحج الجاي لو ربنا قسموا لينا الدعاء كله ح يكون بخصوص دبي
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
تاني يوم، استاذ الجيلي سمح لناس فصلنا المغادرة بعد الحصة الرابعة عشان المباراة، لمان وصلت البيت، لقيت ود جيرانا ودفعتي طارق بونا، متأنق وممسح ضفاير شعرو بكريم بريل وجاهز للكورة، طارق دا رخلوا مدني في نهاية الابتدائي، أصلا من بيت المال، كانوا بحبوا الهلال، لكن بعد إتمدنوا؛ عشقوا الأهلي وأبوهو بقى سكرتير النادي الأهلي
قلت ليهو: الليلة كيف يا بوب؟
قال لي: الله يسترنا من سانتو، ناس الامارات ما لم ما أدوهو الجنسية؟
قلت ليهو: صاحبك كبر، ما عندو غير العربية الجاغوار السنينة دي، بطقطق زي السلامة عليكم
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
أمي قالت لي: ما لك أبيت الغدا؟ هي القشرة دي شنو الكلو مرّة بصومو ليها؟
بسري قلت ليها: لو لاعبين مع الاتحاد أو واحد من فرق الخرطوم أو بورسودان، وغلبونا، قاعد يجيني اسهال، والزمن داك استاد مدني ما كان فيهو حمامات، ولو طلعت جمب القضيب، الكشافات بتكون كاشفة المسرح، وما بعيد قطر سنار يجي ماري والناس مسطحة، أقبل وين؟!
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
ابداع والله يا ابكر وخصوصا سردك لسيرة ناس بانت وحبايب قلبي ناس الجرارة بس يا ابكر الناس ديل ما من عبود بنو جرّار من مناطق بارا وسودري وعبود دي ساكنين فيها اولاد عمهم ناس عبد الله الفاضل ، وبالله عرج بينا كدة علي ناس حسن كمونية وناس كونج كنج وناس سراج وبرضو لف كدة علي حلة ناس امجد وجيرانهم ناس شطة ودكان حامد
بالله برضو ما تنسي يا ابكر انه انا وحمد حماد وأمين يونس كنّا في مشوار المشي لمدرسة الأهلية أ بنكون ماشين بوراكم انت وغازي يوسف باعتباركم سناير وكدة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: aosman)
|
الإستاد إمتلأ حتى فاض تشعبطا في الكشافات، مشجعي الأهلي الما جوا لابسين جلاليب بيضا، حرصوا إن القمصان تكون بيضا ومكوية، الكشافات غيروا لمباتها من اللمبات الصفر الغبشاء ديك لبيضاء تخلب الابصار، كان في رزاز خفيف، لمان الهجمة تكون للإتحاد كنت بتابع إنكسار الأضواء في حبيبات المطر.
سيد سليم مدرب للإتحاد ولابس ليهو فنلة صفراء من غير خطوط سوداء كبقية اللعيبة،
حكم الوسط بابكر شنك، حلبي نظيف وصلعتو مع الإضاء الجديدة حاجة تفرح.
مدرب الأهلي عبد الصمد
أول من نزل الملعب كان الفاضل سانتو، وكل واحد من لعبية الإتحاد شايل ليهو كورة صفر بأسود، إنتشروا في الميدان وشاتوا الكور للجمهور هدية
جيركي قال: بكون ناس الوصل أدوهو قندران كور في التكريم!
الأهلي نزل لابسن فنايلم الزبرا، ويتقدمهم كابتن سنطة، الديبة من يومو حريف، لمان شاف ناس الإتحاد وزعوا الكفارا، لقط ليهو زهور من أطراف الملعب، وطافوا شتتوها للجمهور بالمدرجات!!
بدت الكورة، عشرة دقائق الإتحاد ما لمس الكورة
طق طرق، طقطق طرق، طق طرق طقطق طرق
كورة من طارق جوني بالمقاس لجكن في الناحية الجنوبية الغربية
الجمهور كلو يكورك لجكن (الفنان والصغير الحجم) بأن يمروح باك الإتحاد (كبير الحجم والإنفعال)
مروحو مروحو يا جكن
سوي ليهو المروحة يا جكن
وتسمع واي وواك من المدرجات
وجكن يمروح ويدوخ ليك في الباك الجهامة
ومع كل مروحة الباك زبدو يزيد
وسيد سليم يسب في الدين للباك، يلعن دينك يا معفن، جكن دا ما قدر....
جكن يستلم كورة تانية بخط التماس الجنوبي الغربي، جنب كنبة إحتياطي الإتحاد وسيد سليم،
الباك المنفعل يجي طائر بسرعة شديدة جدا وينزلق في الأرض عشان يكش جكن؟؟
بكل خفة، جكن يقفز والباك يدخل تحت كنبة الأحتياطي (الزمن داك كنب ساكت) بتاعت فريقو وجنب المدرب سيد سليم، وطوالي أبو السيد ختا يدو في كتف الباك الطايح ومزبد وعاصرو لتحت، وعيونو متابعة الكورة، لمان الكورة لمست الشباك؛ قبل للباك وقال ليهو:
لو جا دينك، ما بترجع الميدان، روق باقي الموسم دا، معانا هنا في الكنبة دي!!
بعد المباراة خلصت بهزيمة الإتحاد واحد صفر، الباك قال لأبي السيد: ليه بتسب لي الدين يا كوتش:
أبو السيد رد ليهو: أنا يا ولدي سبيت ليك دين؟! إتّا قدر ولدي أسب ليك دين؟! إلتفت لناس الإحتياطي وسألم: أخوكم دا حصل سبيت ليهو دين؟
كلهم لولوحوا راسم يمين شمال
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
ابداع والله يا ابكر وخصوصا سردك لسيرة ناس بانت وحبايب قلبي ناس الجرارة بس يا ابكر الناس ديل ما من عبود بنو جرّار من مناطق بارا وسودري وعبود دي ساكنين فيها اولاد عمهم ناس عبد الله الفاضل ، وبالله عرج بينا كدة علي ناس حسن كمونية وناس كونج كنج وناس سراج وبرضو لف كدة علي حلة ناس امجد وجيرانهم ناس شطة ودكان حامد
بالله برضو ما تنسي يا ابكر انه انا وحمد حماد وأمين يونس كنّا في مشوار المشي لمدرسة الأهلية أ بنكون ماشين بوراكم انت وغازي يوسف باعتباركم سناير وكدة
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: احمد التجانى احمد)
|
كتب كبير المعلمين ، المستنير ابكر الطويل:
لو انا بقيت في لجنة التقييم بتاعة الكيزان ، حا اقول ليهم..
العنوان ينطوي على اسقاط (جنائي) ، لأن الكاتب يشير الى كتابات المعارض الصادق المهدي ، خصوصا (الديموقراطية : عائدة وراجحة)..فحذف الديموقراطية وحذف راجحة ، وترك (عائدة) . فهذه القصة هي دعوة لإسقاط النظام. ترفض من غير ما يدفع للكاتب تكاليف المراسلة.
وبعد داك ، تحت تحت ح ارسل لناس المناضلين..واثبت ليهم انو الرواية فيها ترميز عالي ويدعو لسيادة قيم الديموقراطية والحقوق وشنو كده ما عارف..
اها بعد ما يقبلوها ، ويخلوها تفوز بالمركز الثاني (بدون مشترك) ، ح يقوموا ينشروها ، وح نعمل نايمين.. وح يقوموا يعرضوها في واحد من معارض الكتب..والجكس ح يكون واقف صف طويل عشان الكل يشتري نسخة ، وح يجي واحد يزحف ، ويقول للمصطفات: طوارئ ..طوارئ..(لأنو لو قال ليهن امن ولا بوليس سري ح يجضمنو زي الترتيب)..ويقوم يخش جوه المعرض ويصادر ليك كل النسخ الموجودة من قصة (عائدة)..مش لأنها رواية ضد القيم والأخلاق وتسعى لتقويض النظام ، وانما لأنو الجكس الداير يقراها كتير شديد..فشنو حسادة كده ح نصادرها..!!
اها لو قمر بقت واقفة في الصف ، انا ح اجي جاري واجر صاحبك بتاع (طوارئ..طوارئ) واقول ليهو: الحريقة في القصر الجمهوري يا عمك..اها ح يقوم ينط في موتورو المن غير لوحة نمرة ومن غير تسجيل ويفحط..!
وانا اقوم ، قدام الجكس طبعا ، انزل ليك تقريظ (مش تقريص يا عمك) وشكر ومدح واعمل ليهم فيها انو قمر هي من كتب الرواية (يا سلام على التواضع ) ومنتظرة دورها في الصف عشان تدخل توقع على النسخ (توقيع الكاتب)..اها الجكس يقوم يبرطع..يا استاذة لو سمحتي وقعي لي هنا..شى كلينكس ، شئ مناديل ، شي اشارابات..ياخي واحدة ما لقت حاجة غير سفنجتها ..ووقعنا ليها فيها ثم ضمتها على صدرها ..ومشت ..!!
اها يجوا ناس الإعلام ويشيلوا ويصوروا وقمر توزع في البسمات شمال ويمين ، فهي بتعرف كيف تندمج وتنغمس في الدور..لمن يمرق فيها واحد سمين ويقول: بالله دي الكاتبة؟..ومال ابوبكر عباس يطلع شنو؟..واقوم انا الم الموضوع (نظام جودية ومنعا للأحراج) واقول ليهو: انتا نسيت يا استاذ ، ابوبكر عباس ده من ابطال رواية الأستاذة وهو شخصية خيالية ساااااااااااااااكت..!!
كبر
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: Kabar)
|
| Quote: يا دكتور أناعارفه نص أدبي لكن ما تلخبط لينا أهلينا أرجنتينا. خلف الله وحمد والديبه وصلاح بمبان ديل جيل براه، وعلي قلد وعليوه وعثمان الله جابو والدحيش ديل جيل تاني. يمكن يكون القاسم المشترك بينهم طارق جوني. التحيه عبرك للزول الشاطر حمد حماد. حليل الأهلي يا بكور ،آخر زياره لي لمدني لقيت الإستاد منور وقلت أخش لي كوره، الزول البقطع التذاكر ما كان عارف اللاعب منو، قطعت التذكره أديتها لواحد من الجمهور وغادرت من غير أعرف اللاعب منو |
أنا برضو في زيارتي الشهر الفات لمدني، مشيت دخلت الأهلي والمريخ كوستي (آخر مباراة كورة دخلتها كانت سنة تسعين بإستاد الخرطوم مع الهلال الهزمونا فيها تمانية صفر ومنها بطلت الكورة)، يا اخي، لقيت ليك تاس الأهلي كورتم بقت زي ناس المريخ زمان (جديع دوم).
الأهلي يا حافظ، كان أغنية، في زول بصدق أنو أولاد جيلنا بمدني ما كانوا بشجعوا لا هلال ولا مريخ؟!
لليلة ما شجعت فريق غير أهلي مدني
كتب انو دا نص أدبي؛ عشان المتابعين الحريصين الزيك، ما يجوا يقولوا لي لخبت الأجيال يا فردة
نوصل ليك تحياتك لحمد حماد عبر أهلو المعانا هنا
| |
|
|
|
|
|
|
|
|
|
Re: حابي أشارك في جائزة الطيب صالح للقصة (Re: أبوبكر عباس)
|
هسع يا كبر، قبل حكاية عائدة، أنا مورط معاك؟!
رسلت لهاشم الحسن الدرافت بتاع المجموعة، رجع لي قال لي: بخصوص استاربكس، لازمن وحتما نلقى لينا طريقة ندخل فوقها قصة ضحى بتاعت كبر.
قلت ليهو؛ المعالجة الدرامية ما صعبة، مسمار مسمارين بركبها في القصة، المشكلة اسم كبر دا في الكتاب ننزلو وين؟
هل يعقل نكتبو مساعد قاص؟!
| |
|
|
|
|
|
|
| |
أبوبكر عباس
عبد الخالق عابد
محمد البشرى الخضر
Muhib
يحي قباني
علي دفع الله
حيدر حسن ميرغني
كمال عباس
محمد على طه الملك
جلالدونا
ملهم كردفان
أيمن الطيب
El-Saddig Abdalla Abbas
Ahmed Yassin
احمد التجانى احمد
aosman
Kabar
فيس بوك
تويتر
انستقرام
يوتيوب
بنتيريست