|
|
|
 Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
كان يوما أسودأ سقطت فيه حقوق المواطنة تماما وخسر فيه السودانيون كل الضمانات والخدمات الاجتماعية والتي كانت تقدمها الدولة الوطنية
بناء على حقوقنا في المواطنة وتحولنا إلى دولة بوليسية امنية يحكمها الحزب الحاكم ويخصخص كل مرافقها (ببيعها لنفسه) و يحيل المواطن في بلاده
إلى الشارع مفصولا من وظيفته دون جريرة إلا عدم الانتماء للحزب الحاكم وما تلى ذلك من انتهاكات يعرفها الجميع ومستمرة إلى يوم الناس هذا
| |
  
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: بشير حسـن بشـير)
|
قال زميل المنبر أحمد الشايقى :
كان يوما أسودأ سقطت فيه حقوق المواطنة تماما وخسر فيه السودانيون كل الضمانات والخدمات الاجتماعية والتي كانت تقدمها الدولة الوطنية
بناء على حقوقنا في المواطنة وتحولنا إلى دولة بوليسية امنية يحكمها الحزب الحاكم ويخصخص كل مرافقها (ببيعها لنفسه) و يحيل المواطن في بلاده
إلى الشارع مفصولا من وظيفته دون جريرة إلا عدم الانتماء للحزب الحاكم وما تلى ذلك من انتهاكات يعرفها الجميع ومستمرة إلى يوم الناس هذا كان
يوما أسودأ سقطت فيه حقوق المواطنة تماما وخسر فيه السودانيون كل الضمانات والخدمات الاجتماعية والتي كانت تقدمها الدولة الوطنية
بناء على حقوقنا في المواطنة وتحولنا إلى دولة بوليسية امنية يحكمها الحزب الحاكم ويخصخص كل مرافقها (ببيعها لنفسه) و يحيل المواطن في بلاده
إلى الشارع مفصولا من وظيفته دون جريرة إلا عدم الانتماء للحزب الحاكم وما تلى ذلك من انتهاكات يعرفها الجميع ومستمرة إلى يوم الناس هذا ..
أقول إنو دى وجهة نظرك ... و أحترمها ..... بس الآن كل الشعب السودانى
عرف حقوقو و أصبح حر يقرر كل واحد فيهو لى نفسو .... بينما كان زمن
الديمقراطية المزعومة كل شى يقضى بالأمر و القرار لى حزبين فقط ...
و حزب تالت كان هرجلة و ظهور فقط و هو الحزب الشيوعى .... زى
رغوة الصابون و معظم اتباعو كما هي العادة بيرجعوا للتدين بعد وصولهم
سن الأربعين إلا القليل .... و كل صاحب صنعة أو مهنة .... حرفة يعنى
هو اليوم في وضع مريح ..... أما ناس النقة و بتاعين الضللة فهم كما هم
سودان اليوم هو للجادين و المجتهدين .... و ليس للكسالى و الممدين ....
و بجيك راجع إن شاء الله .....
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
و حزب تالت كان هرجلة و ظهور فقط و هو الحزب الشيوعى .... زى
للاسف يا مامون ما عندك اى علاقة بالحقائق بل بتكتب ما يحلو لك ..
الحزب الثالث هو حزب الجبهة الاسلامية وكان مشارك فى الحكومة فى عام 1988 فى حكومة سميت بحكومة الوفاق بعد خروج الحزب الاتحادى منها
الشيوعين كلهم كانوا ثلاثة اعضاء فى البرلمان نقد / عزالدين على عامر / المستقل محمد صالح ابراهيم ولم يشاركوا فى اى حكومة
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
قال زميل المنبر خالد حاكم :
و حزب تالت كان هرجلة و ظهور فقط و هو الحزب الشيوعى .... زى
للاسف يا مامون ما عندك اى علاقة بالحقائق بل بتكتب ما يحلو لك ..
الحزب الثالث هو حزب الجبهة الاسلامية وكان مشارك فى الحكومة فى عام 1988 فى حكومة سميت بحكومة الوفاق بعد خروج الحزب الاتحادى منها
الشيوعين كلهم كانوا ثلاثة اعضاء فى البرلمان نقد / عزالدين على عامر / المستقل محمد صالح ابراهيم ولم يشاركوا فى اى حكومة
إن شاء الله دايماً متأسف يا خالد .... و دايماً فهمك زى دا ....
الناس ما قاعدين يقولوا الجبهة الإسلامية دى دكتاتورية و متسلطة ....
الحمد لله إعترفت إنها حزب من أحزاب الديمقراطية بى منظورك
و نها عندها وضع مكنها من المشاركة في حكومة ما بعد الإنتفاضة
و إنو الحزب الشيوعى دا ما عندو وزن و لا أهمية و لا تقل وطنى
عشان يشارك بيهو في الحكم ..... يا ترى السبب شنو يا العارف
الحقايق ؟؟؟
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: Hassan Farah)
|
Author: Hassan Farah
بس الآن كل الشعب السودانى عرف حقوقو و أصبح حر يقرر كل واحد فيهو لى نفسو .... .. و كل صاحب صنعة أو مهنة .... حرفة يعنى هو اليوم في وضع مريح ..... .................................................................................. ماهو جزاء الكذاب؟الكذب آفة توعد الله صاحبها لما فيها من تزييف للحقائق وعلو الباطل وإفساد العلاقات بين الناس وبث الفتنوقد يستهين البعض بهذه الآفة ولا يشعرون بفداحة كذبهم وما سيخلفه من مآسي في المجتمعات وليتهم يتوبون إلى الله قبل فوات الأوان وقبل أن يلاقوا العقوبات في دنياهم وفي قبورهم ويوم القيامة جزاء لكذبهموقد وردت كلمة الكذب ومشتقاتها في القرآن أكثر من 280 مرة حذرت من عاقبة الكذب ومكانة الكاذببن عند الله ولعنه لهم ”{ لعنة الله على الكاذبين } ( آل عمران 61 )( ألا لعنة الله على الكاذبين ) 11 هود ،( أن لعنة الله عليه إن كان من الكاذبين ) النور 24كما حثت العديد من أحاديث الرسول صلى الله عليه وسلم على ترك آفة الكذب فقال الرسول في ذلك:”عليكم بالصدق، فإن الصدق يهدي إلى البر،وإن البر يهدي إلى الجنة، وما زال الرجل يصدق ويتحرى الصدق حتى يكتب عند الله صديقا،وإياكم والكذب، فإن الكذب يهدي إلى الفجور، وإن الفجور يهدي إلى النار،وما يزال الرجل يكذب ويتحرى الكذب حتى يكتب عند الله كذابا” -صحيح مسلم
هسة إنت جايي منبهل كدا مالك ؟؟؟ عندك كوليرا ؟؟؟
الليلة البلد فيها أكتر من 100 حزب و حركة مسلحة و غير مسلحة ....
في زول منعهم ؟؟؟ مش كل واحد إختار طريقو ؟؟؟؟ الجنوبيين
أخواننا الزمان مش قالوا ما عاوزين معانا وحدة ؟؟ دا مش رايهم ؟؟؟
أها الليلة مش عندهم بلد براهم و بدل أخواننا بقوا جيراننا ؟؟؟
الناس العندهم مهن ديل مش واحدين كتار منهم إختاروا يمشوا برا
السودان مهاجرين و لاجئين بالكذب و الصدق ؟؟؟ مش سافروا ؟؟
و العاوز يشيل جواز البلد المشى ليهو و عجبو شالو و بقى مواطن
فيهو ؟؟؟ إذا إحتفظ بى سودانيتو ما فى زول مانعو و إذا إتملص
منها ما فى زول مانعو .... قبل الإنقاذ دى الكلام دا كان خط أحمر ...
الكذب هنا وينو ؟؟؟؟ جايى تعمل لى فيها شيخ أب زيد ؟؟؟؟؟
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
الكذب هنا وينو ؟؟؟؟
..................................................
الكذب هنا:
كل واحد فيهو لى نفسو .... .. و كل صاحب صنعة أو مهنة .... حرفة يعنى هو اليوم في وضع مريح .... هو اليوم في وضع مريح ....
الله يسألك من من اصحاب المهن اليوم تحت حكم لصوصكم يوجد فى وضع مريح؟...العامل؟ المزارع؟ المهندس؟ الطبيب؟ الاستاذ الجامعى؟ الخريج الذى لم يحصل على وظيفة؟؟؟
فقط لصوصكم هم الذين فى الوضع المريح وقد تكون انت واحدا منهم
و الكوليرا انتم سبب انتشارها وخير لكم ان تحذروا من العقاب الربانى فى الدنيا قبل الآخرة
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: MOHAMMED ELSHEIKH)
|
و أما تصدير الذرة للسعودية في عام 89 و 90 فلا أعتقد لأنو في الوكت داك كان
خطاب الرائد يونس محمود مسخن معاها حتى أنها رفضت تحويل مبلغ 217
مليون ريال تبرع بها السودانيون العاملون هناك لمتضررى السيول ......
يا مامون انا شاركت فى عملية الشحن والتصدير فى التاريخ المذكور والكلام ده كان قبل المقاطعة مع السعودية لانو المقاطعة بدايتها كانت بعد اجتياح صدام حسين للكويت والكلام ده كان فى اغسطس 1990 وعملية التصدير قبل التاريخ ده بشهور
يعنى انا شاهد اعيان ومشارك فى عملية التصدير بصفتى موظف بالبنك الزراعى السودانى فى ذلك الزمان وموسم 1988/ 1989 من انجح المواسم الزراعية التى مرت على السودان
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: خالد حاكم)
|
إن شاء الله دايماً متأسف يا خالد .... و دايماً فهمك زى دا ....
الناس ما قاعدين يقولوا الجبهة الإسلامية دى دكتاتورية و متسلطة ....
الحمد لله إعترفت إنها حزب من أحزاب الديمقراطية بى منظورك
و نها عندها وضع مكنها من المشاركة في حكومة ما بعد الإنتفاضة
و إنو الحزب الشيوعى دا ما عندو وزن و لا أهمية و لا تقل وطنى
عشان يشارك بيهو في الحكم ..... يا ترى السبب شنو يا العارف
الحقايق ؟؟؟
يا مامون اعتراف شنو وانكار شنو !!
ياخى دى حقائق معروفة للجميع بانو حزب الجبهة الاسلامية القومية كان ترتيبه الثالث بعد حزب الامة والاتحاد الديمقراطى فى انتخابات 1986 وانو شارك فى الحكومة بصرف النظر عن اسباب حصوله للترتيب الثالث وعن اسباب مشاركته فى الحكومة لانو دى نقاط اخرى ممكن نتكلم فيها اذا فتحت ليها بوست منفصل !
نعم الجبهة الاسلامية القومية سابقا ( والمؤتمر الوطنى حاليا ) حزب ديكتانورى عندما قام بالانقلاب على نظام ديمقراطى منتخب كان هو جزء منه فى حكومته وبرلمانه بصرف النظر عن سلوكه الغير رشيد والغير اخلاقى وهو يتزعم المعارضة فى البرلمان !
الحزب الشيوعى رغم انو ما عنده وزن ولا اهمية ولا ثقل وطنى كما تقول لكنه غير منزعج من وضعه هذا لكن الاسلاميين هم اكثر ناس منزعجين من الحزب الشيوعى واكثر حزب حاربه الاسلاميين منذ عهد الديمقراطية الثالثة فى ستينيات القرن الماضى ومؤامرة حل الحزب الشيوعى وطرد نوابه من البرلمان بطريقة غير دستورية وطريقة غير ديمقراطية اتى من تحت راس الاسلاميين ورغم انو الكلام ده ما سر لكن راجع اعترافات المرحوم على عبدالله يعقوب فى برنامج ( اسماء فى حياتنا ) !
سؤالى ليك كيف لحزب ما عنده وزن ولا اهمية ولا ثقل وطنى يكون الشغل الشاغل للاسلاميين لنصف قرن من الزمان ومازال ويتم محاربته بكل الوسائل المشروعة والغير مشروعة ؟
انا بالمناسبة لا شيوعى ولا ادافع عنهم ولا انتمى لاى حزب سوى طائفى / يمينى او يسارى وهنا اتحدث بصفتى مواطن عادى فى حقائق معروفة ومبذولة فى الشارع العام والشيوعيين اقدر منى فى الدفاع عن حزبهم وافكارهم !
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: خالد حاكم)
|
Author: Hassan Farah
الكذب هنا وينو ؟؟؟؟
..................................................
الكذب هنا:
كل واحد فيهو لى نفسو .... .. و كل صاحب صنعة أو مهنة .... حرفة يعنى هو اليوم في وضع مريح .... هو اليوم في وضع مريح ....
الله يسألك من من اصحاب المهن اليوم تحت حكم لصوصكم يوجد فى وضع مريح؟...العامل؟ المزارع؟ المهندس؟ الطبيب؟ الاستاذ الجامعى؟ الخريج الذى لم يحصل على وظيفة؟؟؟
فقط لصوصكم هم الذين فى الوضع المريح وقد تكون انت واحدا منهم
و الكوليرا انتم سبب انتشارها وخير لكم ان تحذروا من العقاب الربانى فى الدنيا قبل الآخرة
يا زول الكلام دا ما كذب أبداً أي زول صاحب مهنة من بتاع الورنيش للمكانيكى
مسترزقين في أمان الله و ما عندهم شغلة بالحكومة ... عارفين الرزاق هو الله
و كل زول عارف كدا و راضى بى قسمتو عايش في أمان الله ... التعبانين في
الدنيا دى هم القوقليون المتلك ديل ..... خلوا رب الكون و تكلوا إموركم على
الحكومة و ألهوها ... الجعان ...سببو الحكومة و العيان سببو الحكومة
و البيموت كتلتو الحكومة .... و ناسيين إنو دا كلو شغل الخلاق العليم
و الرزاق الكريم ..... عشان كدا تعبانين شديد .... بعدين تقول لى الله
سبحانه و تعالى حا يسألنى من الناس الذكرتهم إنت ديل ، يعنى هو
ما عارفهم و للاّ كيف ؟؟؟ و شايفك طوالى ركبتنى مع الحكومة
و سويتنى لص كمان .... كأنك بتعرفنى مع إنك قلت قد تكون واحد
منهم .... و دا بهتان واضح أنا أفوض أمرى فيه لله .... لأنى و الحمد
لله ما شغال فى الحكومة دى و لا أى حكومة غيرها و ما بشتغل مع
حكومة مهما كان المنصب لأنى ببساطة قانع برزقى و شغلى بعيد
من الحكومة و ماكل حلال طيب و لله الحمد و راضى بيهو مع قلتو
بس بركة الله تعالى واصلاهو و مكفينى و عينى ما بتمشى على حق
غيرى و لا بعاين للأحسن منى عشان أحسدوا و لا بتجسس على
غيرى عشان أعرف كان هو لص أو ما لص .... شغلتى الأدانى
ليها سيدى و له الحمد و الشكر مقضيانى تمام و أنا مقضيها تمام
و مؤمن إنو كل شى حتى الحكومة زاتها ما بجيبها إلا الله ...
لو إنت زهجان من حكم الله أرجع ليهو بالدعاء ياخ يمكن يخفف
عليك الحسد و الغل الفى صدرك دا عشان تعرف إن هو وحدو
البجيب الحكام و هو وحدو البقلعهم مهما عمل الناس ...
عشان كدى يا سيد هون على نفسك شوية و أعرف إنو الكون
دا فيهو ناس عايشين بالبركة ساكت و صابرين على حكم
الله لاكين سعيدين شديد و شايفين الدنيا بى نظرة غير نظرتك
القبيحة دى ... قلت لى الكوليرا إنتم سبب إنتشارها ؟؟؟
تقصد بى إنتم دى منو يا سيد؟؟؟ إنت قايلنى أنا شغال فى الحكومة
و للآَّ يمكن أنا البخلى الضبان ينشرها ؟؟؟ شفت نظرتك كيف ؟؟؟
يا زول دا بلاء من الله لينا كلنا و السبب إنت دا و الناس الزيك
نسيتوا الله و إتعلقتوا بى خلقو و هم ضعاف زيكم بس إنتو ألهتوهم
عشان كدى سيدى تبارك و تعالى داير يرجعنا ليهو و نعرف إنو
هو وحدو القادر على تغيير الحال كلو .... كلامى دا واضح و ما
عندو علاقة بى حكومة و لا سياسة ... أعرف ربك سبحانه و تعالى
و شوف أمرك بى شنو و نهاك عن شنو و إجتهد فى طاعتو و أطلب
منو حاجاتك كلها حتى الملح الراقد دا .... و صلى فجرك حاضر
كل يوم و فوض ليهو أمرك كل ليلة ترقد عشان تنوم ... و شوف
الدنيا حا تكون كيف ؟؟؟
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
تعرف يا أخ مامون المعتصم
كل ما أقابل سودانيين وأخوض معهم في شأنهم العام .. يتبرع الكثيرون منهم بالقول بأن الشعب السوداني
قد أصبح واعياً بالكفاية وعرف مؤامرة الجبهة الإسلامية على الديمقراطية وايهام الجيش بأن قيادة الانقلاب
ليس لها اتجاه سياسي وهذا خبر نازل في جريدة القوات المسلحة في يوم 2 يوليو 1989 بالبنط العريض
(لا إنتماء سياسي لثورة الإنقاذ) وصورة الجريدة في الحفظ والصون يمكنني ارسالها لأحد الزملاء لانزالها
هنا في حال (المغالطــة)
واذا كنت لا تعرف ما ذا يسمى هذا التصريح .. فالله تعالى ورسوله والمؤمنون يسمونـه (الكـذب) والرجل
يكذب ويتحرى الكذب حتى يكتب عند الله تعالى جل شأنه (كــذاباً)
لكن في كل مرة يخيب ظني وأجد أحـد الاخوة السودانيين كحالة (حضرتكم) لا يزال يغالط بأن الأوضاع على
ما يرام وأن الحريات حدها عنان السماء ودعني أزيدك بأنه لا توجد اسهالات وأن مياه الشرب نقية وأن العلاج
مجاني وساهل وفي متناول المواطن البسيط وأن المعيشة متوفرة وسهلة والناس في رغد من العيش
في هذه الحالة لا بد من أخــذ حضرتك ( كنموذج ) والاستدلال بأنه لا يزال يوجد من هو في قناعة شرق
وكل الناس في قناعة غــرب ....
وعلى الله قصــد السبيل ونسأل الله أن يعوضنا خيراً
أحمد الشايقي
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: Nasruddin Al Basheer)
|
Quote: ٣٠ يونيو الأسود
محمد السن بن عوف
قبيلك كنتو بتسوولو عيد وحفايل...
وهسع فيكن العار والتدسدس خايل...
البلد اللكان شماخ كرامة وطايل...
هسى مرمى جاموغه ومهورب ومايل...
قبل ما تجونا يالعار البقالنا ملامه...
كنا على الشعوب لينا احترام وكرامه...
الجيش اللكان بتدك حوافرو الهامه...
هسى مدنقد الجرتق بجيبو تمامه...
بعد عشرين سنه فوق سبعه يا المحسوره...
دمك سال بحور وكراع مشيك مكسوره.....
الكانن معاك شامخات عوالى قصورا....
يا اللسع بشيرك بفتح الماسوره.....
قبيل بتحلبو يا عمر الابوها كنانى...
ساند البو وحاكل شاة كريت بالتانى....
هسى تراك سارح بالفساد متفانى....
تحلب فى تراب بلدى وضرع سودانى....
قبيل بنقول مجاعة الحبشه والصومال...
و هسع ديلا طارن تنميه واعمال....
واته تراك يا خيبة ام رعوده شمال....
مأجر جيشنا للمابقدروك.... بالمال.....
يا البغله المباريه الخيل كفاك زليتنا...
ارحل ياخ مليناك ومغسه مليتنا...
قبل تنقذنا اريتك فى الوعر خليتنا...
بعد ما كنا فوق روس الشعوب دليتنا...
ولد سلمان هدا البديك تعليماتو...
اته رئيس وكت يادوبو تحت اماتو...
خساره عليك ها العمه وشنيبك زاتو....
شوفلك موس واحلقو ان ماك قدر كاراتو....
قبال كان نقرر والشعوب بى ورانا....
من عن فاس ولا عند الخليج تبرانا....
هسع سيتنا للدول البقت بطرانه...
زى عنز المحل اخر المراح فترانه...
يوما تابع السيخ ومره عبد الشيعه...
حد ماليك اضينه مع الرجال وتبيعه...
ياخ وكت اصلو بايعنا ومسيها زريعه...
اتقل فى العروض امكن تغلى البيعه
السايمو بصلات فى سويق قوز بره....
بعرض حبه واحلف هن عقاب الصره....
الا تراك يا كيشة الملوك يا عره....
لاعبنبك جهال ساكت كتابه وطره....
السودانى عزة نفسو كانت سيمتو...
القاضى المهندس والبراشى بهيمتو...
سنين عازنو فى البلدان ورافعين قيمتو...
لامن جيت تمهزلبو وهدمته قديمتو...
قبيل عمتنا فوق راس العقال والتاج....
واسى وجوهنا اسود من رماد الصاج...
حكمكن جوه حكم النازى والحجاج...
وبره تقعدو بينات الاسوده نعاج....
مره يرسلولكن شافع استقبلكن...
ومره يقولو ليكن شوفو مستقبلكن...
بدل ها الزله ولا المصرى يستهبلكن...
كان تتغتو بالستره وتقعدو قبلكن...
كل الماضى حافظين يالرخيس اخبارو...
فى الاكلونا فى الغشونا لفو ودارو...
قبالك كتار حكمونا ظلمو وجارو...
لكن حفظو للوطن العزيز مقدارو...
كفاره وسلامتك يا بلد محنانه....
حاكمنك خيابه ومرجفين وخيانه....
واقفنلك صفوف للمويه بالجركانه....
بلد النيل بقت تصحى وتنوم عطشانه....
يالسد البنوك بى مال ربا وجربندى....
هسع وقفو ديانتك خليجى وهندى....
الصينى البناك جبهة خزلتك تندى...
ايها زول يقول مرهون ورقتك عندى......
القطرى السعودى والكوايته معانا....
واقفنلك صفوف اتناترو الديانه....
بعد رهنوك جميعك يابلد ورطانا....
هسى املصو منك وقالو ما همانا....
الدين والوطن وشريعة الاسلام....
مرقن ونسه ساكت يا وجيع وكلام...
الباعو الكتاب واتدرعو الهدام....
ما بخلوك تتطور تمش قدام....
الدقن التبيع دينها وتعبد المال....
ما بتبنيلها امه ولا بتعدل الحال...
ديل حراس رزق فسده وبواقى رجال....
سرفو بلدنا بالمغسه وملوها ضلال....
يوم البعث ياالفسدة الظلم مدحور...
وين تندسو لاملجا ولا فى جحور ...
شغلتو الشعب بالجنة وبنات الحور ...
وعطشتونا فى سهلة وتلاتة بحور ...
قالو الثوره نحنا وقالو نحنا انقاز...
والطاقات بدشرن بالسدود والجاز...
وعود تعليم وصحه وكل يوم انجاز...
وهسى مرقنا ساكت لا فحم لا غاز....
ليه ما سمعتى يا بلد الغوالى حديسى....
قبل تنزلى من هادا التقولى رئيسى....
انت تراك تعببرى فى المغيس وتقيسى...
واحنا رمانا للحبشى وكلاب السيسى....
مادام حاكمك الديوثى هادا الخايب...
تشبعى فى الهوان كل يوم تشوفى نصايب...
ديشك فى اليمن فاتك مأجر غايب....
ما خساهو فى الفشقه ام دموع وحلايب...
نحنا ترانا هسى بعاد غسب من دارك...
الا قسمته فى الغربه بنجيبلك تارك...
قبيل فوق صحه كنا فداكى واولاد كارك...
وهسى تشوفى حد قدرتنا نوقد نارك....
يا من قت بجيب عبدى ان بقيتا دعانى...
براك. شايفنا ياجبار نئن ونعانى...
انا والمظاليم و كل اضان سامعانى...
ندعوك بالسكات والوجعه فيها معانى...
من سيد فكرة البلوه ونوايا الجانى...
واى عميل وخاين مستبد كيزانى...
النار البتاكل الزول وتطلب تانى...
تبقالهم مطامح فى ام لهيب وامانى... |
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: أحمد الشايقي)
|
صاحب البوست العار,
لم أقرأ كل المداخلات أو الردود
لكن لاحظت انك تكرر ان هذا( رأيك)!!
الواضح انك تستعمل حرية الرأي
و حرية الإختيار بدون اي فهم!!!
الإجرام و النفاق و الانحطاط برضو إختيار!
من يختار أن يجرم في حق الشعب فهذا إختياره!
لذلك يحاسب على ذلك و ينفذ فيه العقاب!!!!
لك أن تزهو بهذا التقدير من المتداخلين
في ضريطك هذا! الذي لا يستحق الرد عليه!
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: أحمد الطيب بدرالدين)
|
بسم الله الرحمن الرحيم
د.سعاد إبراهيم عيسى
لا ضرورة لإعادة كلما سمعتموه مرارا وتكرارا، عن ما فعلت حكومة الإنقاذ بالوطن والمواطنين، ومنذ مقدمها قي مثل هذا اليوم،وقبل ثمانية وعشرين عاما، من تدمير وتحطيم لكل ما كان قائما من مشروعات تنموية ناجحة ونافعة، كانت ملأ السمع والبصر، وفى كل المجالات، اقتصادية واجتماعية وسياسية وغيرها، قاد القضاء عليها إلى ما آل إليه اقتصاد البلاد من تدهور ثم انهيار اليوم، ليس أدل عليه أكثر من انحدار لقيمة العملة الوطنية التي أصبحت بلا قيمة أمام العملات الأخرى. وهى العلة التي ظل المواطن السوداني يتحمل كل تبعاتها بعد إفقاره الذي ظل يعيشه ضنكا وبؤسا قاد الكثير منهم لمراحل التسول.
وقبل كل ذلك الفشل الفاشل، فقد أفلحت الإنقاذ في تدمير الإنسان السوداني بعد أن قهرته أولا، ثم عملت على تجريده من كل قيمه وأخلاقه وخصاله التي عرف بها من بين كل شعوب العالم، كرم وأمانة وعزة نفس وترفع عن الدنية، كل ذلك بعدان حرمته من حقه في الحياة الكريمة التي ربطتها بمدى ولائه لسلطتها طوعا أو جبرا، عبر جريمة التمكين..طبعا إلا من رحم ربى من بعض المواطنين الذين نأوا بأنفسهم فافلتوا من إعادة صياغتهم.
يحدث كل ذلك اليوم، وفى مقدمته الفساد غير المسبوق الذي نجحت حكومة الإنقاذ في جعله قاعدة حكمها، بينما الأمانة والشفافية استثناءا، نسال قيادات الإنقاذ كيف ينظرون إلى كل ذلك إذا ما استرجعوا خطاب ثورتهم الأول وما جاء به من مبررات كانت سردا لفشل الحكومة الديمقراطية الشرعية كما زعموا، والتي جعلوها مبررات اغتصابهم للسلطة لإنقاذ المواطنين منها. فماذا يقولون وقد ابقوا على كل ما سردوا من فشل بل ضاعفوا بعضه، وأبدعوا في ممارسة بعض آخر، خاصة الفساد، حتى أصبح فسادهم مدرسة يهتدي بمنهجها كل الفاسدين أينما كانوا.
فقد استمتعت حكومة الإنقاذ على امتداد هذا العمر المديد منذ انقلابها، بانفرادها بالسلطة والثروة، فحققت بذلك كلما خططت لتحقيقه لمصالحها الخاصة قبل مصلحة الوطن والمواطن، خاصة التمتع بنعيم الدنيا وهنائها، فعبثت بحقوق المواطنين وعدالة تحقيقها، حيث أجازت لسلطنها حق أن تمنح وتمنع، يقرب وتبعد، تثرى وتفقر، ثم تعز وتزل، ففعلت كل ما تشاء وتختار دون آن تسمح لمشيئة واحتيار الآخرين أن تجد فرصتها في التطبيق، مستندة في كل تلك الأفعال على معيارها الوحيد الذي اعتمدته للتمايز بين المواطنين، أي مدى ولائهم لسلطنها الذي يعلو على الولاء للوطن، وبذلك جعلت كل من دخل مؤتمرها الوطني، فهو امن، ومن نأى عنه لأي سبب كان، فهو في مرمى نيرانها التي لا تنطفئ.
لا شك أن الله بمهل ولا بهمل. فان مد لهم في السير على طريق الظلم والفساد الذي اختاروه بمحض إرادتهم، فأين وصل بهم ذلك الطريق اليوم، 30 يونيو 2017م، والذي يمثل ذكرى اغتصابهم للسلطة، ولم نسمع بأن هنالك من هلل وكبر وذكره بالخير، كان ذلك من مغتصبيها أو من والاهم، فما الذي ألجمهم عن ذكراه التي كانوا يملئون بها الدنيا ضجيجا؟ ولعلهم علموا بان دوام الحال وهدوء البال من المحال.
اعتقد أن قيادات الإنقاذ اليوم، يقفون في أكثر من مفترق طرق، وهم مطالبين في ذات الوقت بالاختيار بين أمرين أحلاهما مرا. فمشكلة السعودية ودول الخليج مع دولة قطر، التى تزداد تعقيدا يوم بعد يوم، على الحكومة السودانية أن تبدى رأيها في أي الفريقين كان مخطئا، اما قصة الحياد وانتظار ما تجود به الأيام من حل فلن يدوم طويلا، فالحكومة مدانة للجانبين المملكة السعودية وقطر بما يجعلها عاجزة عن ان تفصح بما تراه حقا لأي منهما. فأى ورطة يعيشها النظام اليوم؟
طبعا من أكثر القضايا المثارة والمتداولة على أوسع نطاق اليوم، هي قضايا الفساد ألانقاذى الذي لم يسبق له مثيل ولن يعقبه. ورغم كل محاولات السلطة واستماتتها لتغطيته والتستر على فاعليه، فان الله ريما أراد أن يضع له حدا. بعد أن ظلت قضاياه الواضحة وضوح الشمس منكورة، وممارساته مستورة، ومرتكبي جرائمه خاصة من أهل البيت وأصحاب الولاء، في علم الغيب، حتى غيض الله له من يعريه، ويوقف كل طرق ووسائل الغطغطة والدغمسة التي ألفناها وكرهناها.
ولحكمة يعلمها الله، خرجت للوجود قصة الفريق طه ومن حيث لا يحتسب الجميع. ففي تلك القصة تعرية لكثير من مثالب نظام الحكم، من غياب للمؤسسية، تمثل في خلط للأوراق، وتداخل للاختصاصات، وبلا تحديد قاطع الصلاحيات وعدم الفصل بين السلطات. فالفريق طه الذي لم يصدر قرارا صريحا بفصله، بل بإعلان من يخلفه، ولحكمة نجهلها أيضا، أحاطت بقصته، وبقصة صمت السلطات وامتناعهم عن الإفصاح عما يمنعهم من الإجابة على الكثير من أسئلة المواطنين التى لا زالت مجهولة؟ .
وبما أن السلطات قد تركت للمواطن الحق، في أن يصل إلى كل ما أخفى عنه من جانب السلطات من حقائق، أن يستقيها من شبكات التواصل الاجتماعي المختلفة حقا أو باطلا. فقد جاء بصحيفة الراكوبة الالكترونية، أن السيد الرئيس قد التقى بالفريق طه بالمدينة المنورة، وأخطره سيادته بأنه ليس محظورا من العودة للسودان.. يعنى ما عنده أي مشكلة تمنعه من العودة متى أراد. وبما أن كاتب الخبر قد أشار إلى انه فد استقاه من صحيفة السوداني، وهى من ذوى القربى بالنظام فيصبح الخبر صحيحا.
وما دام الرجل لا حظر عليه، فلماذا تم احتجازه ومنعه من السفر أولا ثم السماح له لاحقا؟، ثم ما الداعي لكل الضجة التى صاحبت قصة إعفائه وكثافة غبار الإشاعات التي أحيطت به، وما يدهش حقا أن الفريق طه أيضا لزم الصمت ولم ينبت ببنت شفة حول كل ذلك، فهل ذلك لثقته في نفسه، أو في صلابة الأرض التي يقف عليها، وما يجد من حماية تامة من السيد الرئيس الذي وصلت صلته به، أن وصف نفسه بأنه أصبح بمثابة ابنه..
جاء بالراكوبة أيضا، أن وفدا من الحركة الإسلامية قد التقى بالفريق طه بالمدينة المنورة وبجدة. حيث طلب الوفد منه أن (يتحلل) من الأموال التي حصل عليها بغير وجه حق، كما زعموا، ومن العقارات التي امتلكها بدبي وبدون وجه حق أيضا حسب زعمهم. وقد حددوا المبالغ المطلوب التحلل منها بما يساوى 107 مليون دولارا، بينما تحددت العقارات بعدد أربعة فلل، بأرقى منطقة بدبي، يقولون بان الرجل قد حصل عليها بطرق غير مشروعة. وبما أن الحركة الإسلامية لم تنف هذا الخبر حتى الآن يصبح من حق المواطن أن يعتمده حقيقة.
وقبل أن نتطرق لرد الرجل الفاجع لمطلب وفد الحركة الإسلامية بالتحلل، نسال أولا عن الصفة التى جعلت هذا الوفد يتكبد مشاق الالتقاء بطه ثم البحث عن طرق لإعادة أموال الشعب المنهوبة إن صح زعمهم، إلى خزينة الدولة التى ظل نهبها متواصلا. ثم ما الذي جعل الحركة الإسلامية تهتم بما زعمت بأن الفريق طه قد نهبه، قبل أن تهتم بما نهب غيره، خاصة من كوادرها وهم داخل السودان قبل أن تشد الرحال إلى من هم خارجه؟ ثم هل من صلاحيات هذا الوفد أن يفعل ما فعل، وان كانت محصلته فتح أبواب يراد لها أن تغلق للآبد؟
وقبل أن نشير إلى ما أجاب به الفريق طه، على طلب التحلل مرة أخرى، لابد من أن أشير إلى خبر جاء ببعض وسائل الإعلام من أن الفريق طه عندما واجهه السيد الرئيس بما أشيع عنه من فساد، كان رده أن ينهله سيادة الرئيس 72 ساعة ليأتيه بالخبر اليقين. وربما كان ذلك الخبر، والله اعلم، هو السبب الذي جعل إصدار أمر بإعفائه عصيا على الرئيس.
فقد أجاب السيد طه على طلب الحركة الإسلامية، وبلا لف أو دوران، بان كل الذي فعله في شان الأموال والعقارات التي اتهم بنهبها، كانت بعلم سيادة الرئيس، ومن بعد حدد صراحة الأفراد الذين حصلوا على ملكية تلك الفلل الذين ينتمون جميعهم إلى أسرة السيد الرئيس، أما المبلغ المحدد ب 107 مليون دولارا فقد فصل أوجه صرفه وسلمها للسيد الرئيس مما يعنى تبرئة نفسه من اغتصابه. فما الذي ستفعله الحركة الإسلامية على ضوء تلك التصريحات، إن صحت، فهل ستعمل على مطالبة المتهمين الجدد باغتصاب أموال الشعب أم ستخليها مستورة؟
يبدو أن الفريق طه قد بدأ العزف على الأوتار المحظورة ، خاصة ويبدو أيضا أنه يملك من المعزوفات ما لا يطرب المسئولون سماعها، بعد أن صرح بان هنالك من يعملون على تشويه
سمعته وان لم يكفوا عن ذلك، فهو على استعداد، بان يكشف عن فساد كل النافذين في الحكومة والحركة الإسلامية وحزب المؤتمر الوطني يعنى سيهدم المعبد على رؤؤس الجميع بعد أن شيدوه وحصنوه بما ملكت أيديهم من أموال الشعب من اجل الحماية التى سيفتقدونها كلمح البصر أن غيض الله للفريق طه أن يبدأ في العزف المنفرد، الذي أن اغضب المسئولين فانه سيطرب الشعب أيما طرب.
على كل فقد جاء بمواقع للتواصل الاجتماعي، بان طه قد حزم أمره للعودة للسودان، وان لم تفصح إن كانت هي عودة نهائية للاستقرار به، خاصة وقد تنبأت بأنه سيجد فرصة أخرى في المواقع الدستورية، وليه لا؟ فهو لم يكن الأول ولا الأخير في منحه إجازة محارب، ام زيارة خاطفة، ستخفق لها قلوب كل من عناهم بالكشف عن فسادهم بالأجهزة المختلفة.
وفى كل الأحوال، هل ستستر السلطة لازمة الصمت عن كل الذي لحق بها أم ستجلى الحقائق قبل فوات الأوان؟.
أخيرا، تقول الأغنية (يا الضايقين حلوها مرها تضوقوه)
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: Hussein Mussa)
|
تعرف يا مأمون هذا منبر حر للجميع
لكل رأيه الذي يجب أن يحترمه الجميع فيه
هذا اذا أمر بالمستطاع
ما ارجعني للكتابه في بوستك المهبب هذا هو ملاحظه يجب عليك الا تغفلها
في كتاباتك
فأنت عدلت في بعض مداخلاتك ومنها تعديل لك في الرد علي مداخلتي
ولم تذكر سبب التعديل وهذا تقصير منك تجاه زملاءك فكان الأجدر أن تذكر
بعد التعديل انك عدلت لسبب كذا وكذا ولكنك لم تفعل هذا حفظاً للأمانه والحقوق
ان وجدت
شعب عملاق يتزعمه أقزام
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: بشير حسـن بشـير)
|
Author: MOHAMMED ELSHEIKH
وعليك السلام يا مامون
الحمد لله اديتني مراقة اني نسيت ايلم عليك وهذا ليس من شيمي
وبالذات انت منذ حضورك هنا كانةبيننا ود خاص رغم خلافنا السياسي
هنذا اقدم لك اعتذاري
ولك صادق تحياتي.
السلام عليكم يا محمد الشيخ
كتر الله خيرك إن شاء الله و لك الود المتبادل أيضاً ...
ليت الناس يعلمون أن لكل شخص رؤيته و أن الله هو
من يحكم بينهم في ما هم فيه مختلفون ....
نعم بيننا خلاف فكرى و لكن ليس بيننا حرب لنقطع السلام بيننا ...
لك التحية تانى و الحمد لله لقيت ليك مراقة و ما أخدت إسنا ...
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
Author: خالد حاكم
و أما تصدير الذرة للسعودية في عام 89 و 90 فلا أعتقد لأنو في الوكت داك كان
خطاب الرائد يونس محمود مسخن معاها حتى أنها رفضت تحويل مبلغ 217
مليون ريال تبرع بها السودانيون العاملون هناك لمتضررى السيول ......
يا مامون انا شاركت فى عملية الشحن والتصدير فى التاريخ المذكور والكلام ده كان قبل المقاطعة مع السعودية لانو المقاطعة بدايتها كانت بعد اجتياح صدام حسين للكويت والكلام ده كان فى اغسطس 1990 وعملية التصدير قبل التاريخ ده بشهور
يعنى انا شاهد اعيان ومشارك فى عملية التصدير بصفتى موظف بالبنك الزراعى السودانى فى ذلك الزمان وموسم 1988/ 1989 من انجح المواسم الزراعية التى مرت على السودان
طيب يا خالد ......التصدير لمحاصيل القضارف كان قبل الإجتياح
أوكى .... و الموسم كان من أنجح المواسم لمنطقة القضارف ...
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
زميل المنبر عبدالعظيم عثمان جاب قصيدة للمدعو
محمدالحسن بن عوف .... و هو من اكثر المنافقين الأنا شخصياً
بتأسف إنو يكون سودانى .... و باين عبدالعظيم دا ما شاف
شريط تحرير هجليج لما كان زولو دا بيشكر في الحكومة
و بيرضع من شطرها ....... كدا فتش عليهو في اليوتيوب
عشان تعرف غبينة الزول جات من وين .... القصيدة دى
عملها ما بعدما صاع في دبى و مشى جزيرة كش و كان
بيستجدى حق الفيزا و تمن التذكرة من كش لى دبى ...
يعنى دا مثال سىء للإستشهاد بيهو .... لذلك المعجب بيهو
أكيد أسوأ منو ... و للاَّ كيف يا عبدو ؟؟؟؟
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
Author: أحمد الطيب بدرالدين
صاحب البوست العار,
لم أقرأ كل المداخلات أو الردود
لكن لاحظت انك تكرر ان هذا( رأيك)!!
الواضح انك تستعمل حرية الرأي
و حرية الإختيار بدون اي فهم!!!
الإجرام و النفاق و الانحطاط برضو إختيار!
من يختار أن يجرم في حق الشعب فهذا إختياره!
لذلك يحاسب على ذلك و ينفذ فيه العقاب!!!!
لك أن تزهو بهذا التقدير من المتداخلين
في ضريطك هذا! الذي لا يستحق الرد عليه!
أحمد الطيب بدرالدين ..... إنت زول مخبول و مريض نفسياً
بكل شجاعة أقول ليك راجع أقرب طبيب نفسى جنبك عشان
حالتك ما تتدهور أكتر .... و كلامى دا طبعاً من عناوين بوستاتك
فقط لأنى منعت نفسى و لله الحمد من الدخول فيها حتى لا أصاب
بمرض الجُضمارة ....
إنت تحتج على المتداخلين معاى و تجى بى دنقوسك واقع هنا ؟؟؟
لو إنت شايف البوست دا عار ، تكون إنت العار زاتو ........
سريع جداً خلى أقرب زول أو صديق يوديك لأقرب مصحة عقلية ...
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
Author: بشير حسـن بشـير
تعرف يا مأمون هذا منبر حر للجميع
لكل رأيه الذي يجب أن يحترمه الجميع فيه
هذا اذا أمر بالمستطاع
ما ارجعني للكتابه في بوستك المهبب هذا هو ملاحظه يجب عليك الا تغفلها
في كتاباتك
فأنت عدلت في بعض مداخلاتك ومنها تعديل لك في الرد علي مداخلتي
ولم تذكر سبب التعديل وهذا تقصير منك تجاه زملاءك فكان الأجدر أن تذكر
بعد التعديل انك عدلت لسبب كذا وكذا ولكنك لم تفعل هذا حفظاً للأمانه والحقوق
ان وجدت
شعب عملاق يتزعمه أقزام
أيوة يا بشير .. عارف إنو منبر حر و كل زول حر في رايو
و أوجه شكر و تقدير كتير للإخوان بكرى أبوبكر و الأخ
جورج بوك الشهير بدينق و مولانا عبدالله عبدالله و بقية
الإخوان أصحاب الجهد المالى و الفني الذين أسسوا هذا المنبر ......
قلت ليك نعم هو منبر حر .... عشان كدا أنا كتبت رايى هنا
و لم آمر أي شخص أن يتبع رأيى .... و لك المثل أيضا أن
تكتب رأيك .. كما تفعل الآن ... و بما أن مواضيعك لا تجذبنى
فأنا أحترم نفسى و لا أداخلك فيها كى لا أزعجك أو أزعج
غيرى بدخولى .... معليش على جفاء ردى ...
أما التعديلات فهى دائماً لتصحيح لغوى فقط لا غير ....
| |
|
|
|
|
|
|
|
|
|
Re: تلاتين يونيو ألف و تُسعمية تسعة و تمانين - (Re: مامون المعتصم أحمد)
|
كدي ورينا فهمك للرجالة والرجولة شنو عشان نعرف نتداخل معاك....
بمفهموك دا يعني تاتشر وميركل واولبرايت وكونجليزا رايت ودكتورة سعاد بمفهوم انك من فصليلة الذكور اعلم وافهم وافضل مكانة منهم....
القران لم يفاضل بين الرجل والمراة في العقل والعلم والمعرفة...
رسولنا الكريم قال خذوا نصف دينكم من هذه الحميراء...
دكتورة سعاد التي تتحدث عنها باعتراف الجميع عالمة جليلة وتمتلك من المعرفة والعلم والمقدرات الادبية ما لا امتلكه انا وكثير من الرجال او المسترجلة فلا ضر في ذلك كوني استعين بمقالاتها الشجاعة في كشف الظلم والجهل والظلام...
| |
|
|
|
|
|
|
| |
مامون المعتصم أحمد
أحمد الشايقي
خالد حاكم
بشير حسـن بشـير
MOHAMMED ELSHEIKH
Hassan Farah
Nasruddin Al Basheer
عبدالعظيم عثمان
فيس بوك
تويتر
انستقرام
يوتيوب
بنتيريست