تعالوا نشوف شوية كدة من اللحظات الرومانسية في حياة الاسرة السودانية

سودانيز اون لاين
Adam Youssif-Jeddah, Saudi Arabia
مكتبتى
رابط مختصر

ترويها حواء السوان

* السرة بت محمد

مرة وصلني راجلي للمدرسة البدرس فيها

وأنا نازلة قلت له: ح اشتاق ليك يا حبي

قال لي: أنزلي .... أنزلي ،، فكينا من الفارغة دي

وأعملي حسابك ما تقعي تكسري كراعك

وماتروح عليكي الحصة الأولى.

----------------------------------------------

* بخيتة بت ادم

اشتريت لراجلي هدية تلفون عشان تلفونو قدم

غلفتو وكتبت شعر وكلام حلو ف يكرت صغير أديتو الخدية فتحها بشراسة ووشو فيه علامات استغراب

وتعجب وانا مبتسمة

فجأة طلع التلفون ورمي الكرت وقال : دة لي أنا؟؟؟

قلت ليهو : ايوة حبيبي

قال: بي كم؟

قلت ليهو : 500 جنيه

قال لي: غشوك وحااات الله ، دة بي 350 بس

وبعدها كورك فيني وقال لي: هسي أكان اديتيني ليهن كاش ما كان أحسن

على الاقل تساعد في مصاريف البيت

-------------------------------------------------

* عواطف محمد

مرة راجلي سافر مامورية شغل ، حبيت اشاغلو رسلت ليهو رسالة في الواتس

قلت فيها: البيت مضلم.

بعد شوية الباب دق .. مشيت فتحتو لقيتو جارنا جايب ليهو زردية ومفك

وقال لي: ابوكم ضرب لي اسي وقال الكهرباء بتاعت بيتي قطعت

-------------------------------------------------

* أم رهف

حبيت أفجائ زوجي

ختيت شموع من الباب لي غرفة النوم وقعدت في غرفتنا منتظرة رد فعلو

دخل يعطس ويكح وعفص الشموع ومسكني من يدي وقال لي/: يا هبلة

عايزة تحرقينا

الله يحرقك

----------------------------------------------------

* روان

مليت من الروتين في حياتي الزوجية وذات يوم عملت كيكة وجلست في

الصالة وولعت شموع ونومت الأولاد وهيأت الجو

دخل راجلي وريحتو دخان شيشة

استقبلته وقمنا نقطع الكيكة شال كم قرمة وقال لي: ليه مقعدانا في الضلام كاننا في قبر

بعدين الكيكة دي ما بتتامل لينا برانا امشي اضربي لناس بيتنا يجوا ياكلو معانا