|
Re: تحويل جهاز المغتربين الى مفوضية (Re: أيمن محمود)
|
الايام الفاتت كنت في مباني الشرطة في المزاد لاتمام اجراءات الخروج المكان والتعامل كانا جيدين جدا ،،، مش كده وبس بل من قلة المراجعين الواحد ممكن يدردش مع الموظف عادي الحاجة العجيبة الاتضحت من خلال الدردشة انو ناس جهاز المغتربين رافضين يسلمو ناس الشرطة السجل الضريبي الالكتروني للمغتربين وعليه ناس الضرائب ما قادرين يعرفو منو دفع كم ومتين ! ناس جهاز المغتربين رافضين يدو ناس الضرائب السجل الضريبي للمغتربين لانو ناس الشرطة رافضين يتحصلو لناس الجهاز على رسوم الخدمات - الرسوم بتاعة الخدمات البدفعوها المغتربين بتمشي لناس الجهاز وما بتمشي وزارة المالية - وعليه جهاز المغتربين بيبتز ناس الضرائب بالسجلات!!
| |
|
|
|
|
|
|
Re: تحويل جهاز المغتربين الى مفوضية (Re: أيمن محمود)
|
حياك الله يا باشمهندس،
Quote: الان جميع الخدمات بقدموها ناس الداخلية للمغتربين مجانا وناس جهاز المغتربين مصرين انو ناس الداخلية يفرضو رسوم خدمات ويسلموها ليهم!
وناس الداخلية رافضين .. ترى لمن تكون الغلبة؟ |
ولا عزاء للمغتبربين.............
--
باقي مغتربي السعودية .. معظمهم بقوا خارج الخدمة .............. خليهم يتصارعوا على جثثهم.....
| |
|
|
|
|
|
|
Re: تحويل جهاز المغتربين الى مفوضية (Re: ياسر منصور عثمان)
|
حبيبنا أيمن .. مودتي .. شكراً كثيراً يا دوب أنا عرفت كرار التهامي أمس في التلفزيون كان ليه مصاب بخرف .. تعرف يا الحبيب أيمن قال إيه : قال : (( أستطعنا إدماج المغتربين العائدين وعائلاتهم في المجتمع )) سبحان الله .. تقول الناس لاجئين .. إندماج شنو .. الواحد يمشى من المطارعزيز ومكرم أهله في إنتظار .. تقول الواحد العريس .. أكثر سيارتين ما عارف كرار التهامي كان زول متمكن في الخطابة والحديث .. لكن عرفنا السبب ..
كثير ألف خيرك يا ايمن .. بوست مريح ..
| |
|
|
|
|
|
|
Re: تحويل جهاز المغتربين الى مفوضية (Re: ياسر منصور عثمان)
|
السلام عليكم باشمهندس أيمن
بل قل أحالة جهاز المغتربين الي التقاعد
عشرون عاما أدفع لهذا الجهاز ولم أحس يوما أنه يمكن ان يفيدني في شيء.
عادة أدفع مبلغ مقابل الخدمات واذا دفعت في يناير مثلا أدفع عن كامل الفترة المتبقية من العام ... مقدما يعني كمان !!!!
حاولت ان أفهم ماهي الخدمات ... ماعرفت.
| |
|
|
|
|
|
|
Re: إقتراح بتحويل جهاز المغتربين الى مفوضية (Re: قصي محمد عبدالله)
|
تحياتي أيمن ... مجمع الشرطة بالمزاد تدخله تظن انك في مكان خارج السودان ... معاملة راقية جدا" وتنهي معاملاتك في وقت قياسي وياريت يتم احالة جهاز المغتربين للتقاعد الأبدي فما هي فائدته ... فبراير الماضي مشيت الجهاز الساعة 9 صباحا" طلعتا منو الساعة 4 عصرا" ... مايو ويوليو مشيت مجمع المزاد ما اخدتا 10 دقائق ... تاني البوديني جهاز المغتربين شنو.
| |
|
|
|
|
|
|
Re: إقتراح بتحويل جهاز المغتربين الى مفوضية (Re: محمد البشرى الخضر)
|
Quote: يعني حاليا لو مشيت مجمعات الشرطة بدوك تأشيرة الخروج دون خلو طرف من الضرائب و الزكاة؟ ولاّ الوضع كيف؟
|
انا طلعت من السودان نهاية شهر 4 الماضي ... مشيت جهاز المغتربين في الامتداد وعملت برنت للمستحقات ... طبعا ناس الجوازات حولوهم من الجهاز الى السوق الشعبي الخرطوم تحت كبري الحرية مباشرة ... مجمع حديث وضخم جدا ولكنهم بطالبوك بانك تكون دافع الضرائب .... يعني ما بتقدر تعمل تأشيرة الا تكون مشيت جهاز (تعذيب) المغتربين ودفعت الضرائب ... ابرزت الورقة بتاعت الضرائب والخدمات وفي زمن وجيز بتكون خلصت الاجراءات ... رسوم التأشيرة طبعا تم رفعها الى 150 الف تقريبا (ما متذكر كويس) ... كما انه لا يتم عمل الختم في الجواز مباشرة ولكن بيدوك ورقة مختوم عليها التأشيرة وبياخدوها منك في المطار ... . . ما عارف الان في مستجدات ولا لا ؟؟؟
| |
|
|
|
|
|
|
Re: إقتراح بتحويل جهاز المغتربين الى مفوضية (Re: الهادي الشغيل)
|
تصريح أعجبني فنقلته لكم :
إذا كانت الدولة عجزت عن توظيف العائدين..فهل عجزت عن مواساتهم بالكلمة الطيبة!!! وهل عجزت أيضا عن منع وإيقاف مثل هذه التصريحات المستفزة!!! هؤلاء العائدون كانوا يدفعون لك راتبك وحوافزك ونثريات وفاتورة هاتفك وكهرباء مكتبك ووقود سيارتك!!! والله لوفيك نخوة وشهامة السودانيين لن تصرح بمثل هذا التصريح
| |
|
|
|
|
|
|
Re: إقتراح بتحويل جهاز المغتربين الى مفوضية (Re: الهادي الشغيل)
|
جهاز المغتربين ظلم المغتربين ظلم الحسن والحسين وربما أكتر لأنه ظلم ذو القربي أشد مضاضة شوية مترفين علي حساب المغتربين ويتلاءموا عليك وكأنك عبد رقيق عندهم (يتلاءموا عليك حتي وأنت بتدفع ليهم في قروشك) لو حسبتوا كم من دخل جزية المغتربين يروح للعاملين عليها وكم يرجع في شكل خدمات لكان الأحسن يلغوا جهاز المغتربين ويسرحوا العاملين (يخلوهم يطلعوا هم ذاتم يغتربوا بدلا من العيش علي إمتصاص دماء المغتربين )
المهم هذا هو حال الضرائب ودافعيها في كل بلاد السودان 90 في المية من دخل الجبايات والضرائب بتمشي للعاملين علي جمعها والباقي يروح شمار في مرقة والمرقة دي هي المتعطلين في المجلس الوطني والقصر الجمهوري والأجهزة الامنية
| |
|
|
|
|
|
|
Re: إقتراح بتحويل جهاز المغتربين الى مفوضية (Re: Nasr)
|
* يعني حاليا لو مشيت مجمعات الشرطة بدوك تأشيرة الخروج دون خلو طرف من الضرائب و الزكاة؟ ولاّ الوضع كيف؟*
سلام ود البشرى و التحية لصاحب البوست و جميع الضيوف
بدون خلو طرف ما باشروا ليك , لكن معاهم في نفس الصالة موظفي الضرائب و الزكاة بتمشى ليهم قبل دفع الرسوم بس أحيانا بيضطروا الاتصال هاتفيا على زملاوهم في الجهاز لمدهم بالبيانات الضريبية و كذلك الزكويه حتى يتم الاجراء لك لانه السيستم بتاعهم الداتا غير مكتمله فيه عموما التجربه ممتازة لحد الان من حيث المنشات و كذلك نظام العمل , المكان موهل و مؤسس جيدا الموظفين معظمهم يودون أعمالهم ببشاشة و طيب خاطر لدرجة اننى كدت انسى صلف و غرور الموظفين و خصوصا ناس الشرطة , لن تصدق وجود ضابط شرطة سودانى يتعاطى مع المراجعين بصبر و دون التكبر و الجلافة التي ارتبطت بهم منذ عهد بعيد لدى بعض الملاحظات عليهم كالاتى : يجب ان توضع مواعيد العمل في لوحة بارزة خارج المبنى و يتضمن ذلك مواعيد عمل الخزينه عدد الموظفين لا يتناسب مع عدد المراجعين مما يصيبهم بالملل و الضجر و من ثم تبدا عملية التراخى و الاتكاليه يجب البدء في انجاز موقع الكترونى لاستقبال طلبات التاشيرة و التجديد و اصدار الوثائق و اراحة المراجعين من ارق تصوير المستندات و ضياع زمنهم في التجول بين منافذ الخدمة في المكاتب بمعنى ان تتم الإجراءات الاوليه و تسديد الرسوم الكترونيا عبر الموقع و الحضور فقط للمكاتب للاستلام
| |
|
|
|
|
|
|
Re: إقتراح بتحويل جهاز المغتربين الى مفوضية (Re: احمد التجانى احمد)
|
الأخ أيمن وضيوفه فى هذا البوست
تحياتي ,,,
لدي سؤال أكرره متى ما أجد بوستاً فيه سيرة " جهاز المغتربين " أسمحوا لي بتكرارهـ هنا لعلي أجد إجابة
ماذا سينقص المغترب فى حال تم إلغاء جهاز المغتربين ؟؟؟
كمغترب لأكثر من 10 سنوات أجزم بأنه لن تنقصني شيئ فى حال تم إلغاء هذا الجسم الغريب
| |
|
|
|
|
|
|
|