|
Re: تحذير هاااااام للمسافرين السودانيين عبر (Re: Hassan Makkawi)
|
بمناسبة المصريين يا مواطن أمس كنت مع احد الاخوان وكانت السكرتيرة متصلة على شخصين من الجنسية الكينية للانترفيو اها الكينيين جو داخلين واثناء ما الراجل بيشرح ليهم الواجبات والحقوق دخل واحد مصري بيعرف صاحب الشغل فقام صاحب الشغل سال المصري رايك ايه؟ طوالي المصري قال ليهو: أعوذ بالله اعمل حسابك منهم انا والله ما قدرت عليهو ونطيت ليك في حلقو وقدام الناس قلت ليهو: ياخي انت ما بتخاف الله الدنيا رمضان وانت منو زاتك عشان تفتي؟ شكلة لي رب السما تاني يوم اتصلت و سالت قالو لي الكينيين اشتغلو عالم فارات المصريين ديل
| |
|
|
|
|
|
|
Re: تحذير هاااااام للمسافرين السودانيين عبر (Re: ASHRAF TAHA)
|
تحياتي يا مواطن ولضيوفك الكرام،
إنهم يجعلون من العشرة الأواخر لهذا الشهر الفضيل موسماً للنصب والاحتيال والانتهازية بجدارة...
وللأسف أصبحت صورة متكررة .. ففي نهاية كل رمضان .. نشهد أرتال من الأسر رجالاً ونساء وأطفالاً متكدسين على طرقات الميناء وتحت الكباري وبعض المعتمرين الذين ألقت بهم الفنادق خارجاً...
كان الله في عون (محمد احمد السوداني) خارجاً وداخلاً.......................
| |
|
|
|
|
|
|
Re: تحذير هاااااام للمسافرين السودانيين عبر (Re: معاوية عبيد الصائم)
|
ود الصايم رمضان كريم هذه الأيام هي موسم الاستغلال الكيف كيفك .. تذكرة الطيران ون وي وصلت 2350 ريال رحلة ساعة ونص وحتى اسطانبول 450 ريال فقط تخيل !!!!!! الخطوط السودانية التي كانت أعرق خطوط الطيران الأفريقية الآن حالها يغني عن سؤالها وتركت المجال للقاصي والداني يعمل العايزه الخطوط البحرية السودانية حدث ولا حرج نحن اقرب ساحل للسعودية وتذاكرنا أغلى تذاكر والسمسرة أصبحت عادة سنوية والما غنى عايز يغنى من خلق الله .. قول يا لطيف ويا مثبت العقل والدين ..
| |
|
|
|
|
|
|
|