بوست للمثقفين فقط: وضعية ترفو حكايا لتُروى - نصوص قصصية لصلاح الزين

Quote: وليس كالوظيفة، لاهثين يخبرونه: الحزب موقع للرؤية جد شفاف (مثل جناحي الذبابة الخضراء)، مثلاً، به تتمكن من تحديد الفارق بين أنواع الأطعمة وتاريخ الملوك (لم يخبروه كيف يذب تلك الذبابة الخضراء عن وجهه، ولكنه غفر لهم ذلك)

Quote: حافظ الإمام محي الدين · كالغاري غايتو كان يوم أسود ي أبابكر الجبت لينا فيه كتابات صلاح الزين هنا، الناس بقت تكتب كلام صعب خلاص، إنت منو القال ليك نحن ناقصين ألغاز؟ كتابات صلاح الزين دي موجوده عندنا هنا في شكل سلوك وتصرفات ، الواحد تلقاه متابع المنبر وقرأ ليه كم بوست ويجي يلف ويدورحول بوست معين عارف الناس سلفا ما قرأته لأنه إتخور سريع ويقعد يرسل في إشارات عشان الناس تكون ما فاهمه حاجه ويكون هو مبسوط جدا إنه سطّح بالناس ويوهم نفسه إنه كلامه ده صعب على الناس ذوي الذكاء المتوسط. حضرت كم ندوه شارك فيها صلاح الزين إما بتقديم المحاضر أو بالتعقيب على كلام المحاضر وفي الحالتين نفس الكلام عن النص والنصوص والتناص مع النص، والغريبه دائما في واحد بمسك المايكرفون ويقول لي صلاح بالله إتكلم لينا بالعربي فيبتسم صلاح حتى تبين أضراس عقله. أعتقد دي واحده من أزمات مفكرينا وبعض المثقفين وأشباه المثقفين فلا يتلقى الأفكار إلا فئه قليله وسرعان ما تموت الفكره بموت المفكر. أحيانا قاعد يجيني إحساس الناس قاعده تعمل كده لخطأ في الفكره في عضما لأنه لو وضح الموضوع بإيجاز بكون بيّن ضعف فكرته أو حجته وبذلك يكون فقد كل شي.