Quote: الامير جيناكم اولا بعشق هذا الزم الاغبر وبنداوس في الارزقيه بجانب وكمان الغبش لديهم مسدااااااااااااار
وكل كلمه منك دواءلكل داء الوطن يناااااااااااااااديكم ومشروعهم حنظل
( نحنا برضو العزة فينا )
قــصـــة ريــدة بيـــن إتنــيــــن بيـن شــايقي وحمـريـة
قال عشانا بـفـارق نــاس كـــريمة وبسـكن القٌــطـيـــة
وياكل معـــــاها ام ظماطـــة وام طرطبـــو والنعـــيميـة
ويشرب معاهـــا موية الحوض ويقيــــل في التبلــديــة
ويشبع من عفوسه كمان ويشيل حــشاشـة طوريـــة
ويتيرب الفـــول مع انقــــارا ويـرجع للحلة عــشــــيـــة
وينسي النيل معاهو نخيلو ويسكن غرب المـــــفـــرية
ود كلو عشان السمحة ست الريدة اصيلة حمـــــريـة
قرت معاهو في الخرطوم وجات بي شهـادة جامـعيــه
لامن عرفـت الشايقي المسكين غرق حباها بالنــيــة
قاتلوا انســى للمـوضــوع وانا بيـن اهــلي حـــوريـــة
ما ببدل ريـــدة ود عمي لو طلبـــتــــني الجنــــائيـــة
وما بفوت كردفان الغــــرة لو دهـب وزنـــوني وكتيـــة
انا بلدي فــيهــا رجـــال ماليييين عينـــــي بالمــــيــة
ماببدلهم بـي دولار وكلمتــهم عنـــدي مقضــــيـــــة
ابويا وعمي اسيــــاد راي وود عمي حيكــون ليـــــة
ما بخليه مهـــما يكــــــون الا الدنيا تقضــي علـيـــة
ارجوك لا تعيد لــي طلـبك ودعمي عنده الأولــويـــة
الا الشايقــي بقي عنيد واتلايق ذي الملوخــــيـــة
وحلف يوصــل دار حمر ويلاقــي ابـــوها قايــــلـيـــة
اتوكـــل ركـب البصات والخوي جـــاها ضــــهـــريـــة
اجر اتـــوس وصعّــــد دخـــل حلتــــهم مـــغــربيـــة
ادلى هناك وسط السوق وادي فريضتـــه بالنــيــة
تم صلاتوا بعد سلم شـــاف درفون شايلــو كوريـــة
مصنقر جمبو مستغرب وفي يده كيـــس شعـيريـــة
حلف تمشي معايا بيتنا واعذارك ما مقبولة نهائيــة
وانت ضيفي في امـــان وفي بيتنـا راحـتك أبــديــة
الشايقي رافق الـدرفون وفي راسو افكار فرايحــية
ديل ناس شافعهم كريم وكيف يكون كبيركم يا بنية
ديل النسابا ولا بلاش ياااا ربي تهون لي قاســيــة
يااا ربي ســــهل امري والبت ديـــك تكـــون لـيـــة
في الراكوبة اتفضل والشافع- يابا جتلك بي هديـة
ومرق الوالد يهـــرول هديتك سمحة ومنك محــرية
مرحــب بيكا يا ضيــفنا ويا بنــية جيـبي الصـينــيـة
جات السـمحة تتــقدل وشــافت الضيف بحــنيـــة
سلام بيـــتنا بيــــك نـــور وخيـــرا جانا كـــمــــيــة
دخلت السمحة لاختها وكانت بتطــق في طاغـية
قالتلها حمودي جابلو ضيف شكلو مامن البلاد دية
بكون غريب او دوار بس عيونه فيها حكاية مخـفية
قامت السمحة تتاوق وصبحت في حالة لا اراديــة
شنو الجابك يا ود الناس ما قتلك الشغلة مقضـية
وسرعت تحكي لي امها-يمة الليلة حياتي منهية
ردت امها بي تحـنان قولي بســم الله يا بنـــــيــة
في شنو مالو الضيف ما من زمان بيتنا تـــكـــيــة
وابوك معروف بين الرجال وعيـنو بتحمل المــــية
لا يايمة دا ماالموضوع الضيف ماجاي بسمح نية
امها فهمت الموضوع قالتلـــها روقـــي يا بنـــيــة
اصلو السمحة والزيك خطابــها بجوها يــــومـــية
بكرة نصارح ابوكي ونشوف نهايـــة هالقضــــــية
لا يا يمة مادايراة قولي للضيف اليشوفلو شايقية
قالتلها القسمــة عند الله ويا بتي خليـها بالــنيـة
قالت والله ما دايـــراه وودعمـــي يبقي دخـــريـة
ابوهــا حيــروا الموقف وسأل الضيف بي حـنيــة
منو الاداكا وصف البيت وجيتنا طوالي قـول ليـــة
نزلت السوق وصليت ولقيت حمودي حلف علية
نرافقوا البيت ونتعشى ونبيت معاهو للصــــبحية
اتبسم الوالد وقال والله دي قصة عجيبة يا اخيـة
وما ممكن تكون صدفة اكيد دي اقــدار الهــــــية
بكت السمحة بي شفقة وبقت حالتـها قسـيــة
سمع ود عمها القصة وفكر فيها بي دقة عقلـية
قال انحنا الضيف بنكرمو بي عيونا وادينا المــــية
والله ضيفنا ما يرجع الا ومعــاه قسيمة ممضــية
ونبقي انحنا عبرة ومــثال لي بــنت الافريقية
كان نضال اووئام وله خالد شطة عشيق الحمرية
مــــــــــــــــــــــودتي وتقديري
شــــــــــــــــــــطة