|
Re: بدون زعل (Re: Mahamed Eltaze)
|
سلامات يا عبدالحفيظ,,
إختلاف المفاهيم وزاوية فهمك لأشياء كثيرة بتحدد شكل قراءآتك !!
نسمع هنا من يطلق على البعض لقب معارض وموالى ساااااى كدا بس لى الله سيدنا دا!!! يعني ممكن واحد يصرف ليك بطاقة شيوعى وفجاء يجى آخر يقلبك كوز زي الترتيب..
الرماديين خلهم الفيهم مكفيهم
إنت افرز بطريقتك من يقول ويفعل من اجل وطن طيب وخير ويسع الجميع ومن السايقاهو أجنداتو وحاجات في نفسو ,,,
الفرق بين صراع فكرى أو سياسى وأشكال أخرى لصراعات ما أنزل الله بها من سلطان نراها هنا واااااااااضح وضوح الشمس ولك أن تختار,,
تحياتى
| |
|
|
|
|
|
|
Re: بدون زعل (Re: Mahamed Eltaze)
|
مرحبا التازي وحبابك واشكرك قالوا اتنين اخوان دايرين يركبو المواصلات بعد ركبوا وقعدوا .. شمو ريحة عفنة .. وقالوا البص دة عفن ركبو في البعد .. وبرضو شمو العفنة واتدلو منو بعد ركبوا خمسة ستة بصات لقوها عفنة .. واحد فيهم سأل اخوهو انت يا فلان خريت !؟؟ اخوهو رد ليهم آي ... ليه !!!!!
| |
|
|
|
|
|
|
Re: بدون زعل (Re: عبدالحفيظ ابوسن)
|
سؤال هل المعارضة قول ام فعل ام قول يلزمه الفعل الى الان لم اصنّف نفسى كمعارض لسبب بسيط جدّا انى عاجز على فعل شئ من اجل الوطن ____ عبد الحفيظ و ضيوفو ... سلام يااخ
| |
|
|
|
|
|
|
Re: بدون زعل (Re: جلالدونا)
|
مرحبا ايمن وحبابك اي صحي زاوية الشوف كما يقول اهل الادب والشعر ياتو جمبة انت شايفها وعاجباك المعارضة ترهلت وبقت عدم باب ..وبقا بابها زاتو ما بنفرز من ابواب السلطة طبيعة الاشياء ان تكون المعارضة والحكومة من اجل الوطن .. والدرب واضح لكل ذي بصر وبصيرة اها يا صاحب مصطلح الرمادي دة من خشيت ما واقع لي .. قد يراني بعضهم رمادي واراه رمادي هو ايضا .. فدرجة البياض تقدير ذاتي خاضع للنظر .. ومابين اللون الابيض والاسود ملايين الدرجات اللونية كما فهمته من الرسامين تقوم تقرا لي زول يصنف زول انو معوق وانصرافي .. ثم تجده لا ينفك من بوستاته حوارا ومشاكسة لو شايفو انصرافي خليهو ياخ
| |
|
|
|
|
|
|
Re: بدون زعل (Re: عبدالحفيظ ابوسن)
|
مرحبا قصي سأحاول تبسيط فهمي دون ابتذال نقول انا حرستك بير مفتوحة خشية ان يقع احدا فيها .. وانصرفت انت منها لمشاهدة مشاجرة عسي ان تكون حجازا انصرافك اوقع احدهم ودق عنقه ولم تثمن مشاهدتك للشجار في حله
| |
|
|
|
|
|
|
Re: بدون زعل (Re: عبدالحفيظ ابوسن)
|
Quote: اتنين اخوان دايرين يركبو المواصلات بعد ركبوا وقعدوا .. شمو ريحة عفنة |
سلام يا صديقى هنا الضرب رُكَب ياود ابسن من لم تُشَخِّصهم لايعرفون الفرق بين معارضة الحكومة ومعارضة الوطن. ........... سواق تكسى ليهو تلاتة يوم ما استَحَم سايق عربيتو ,, ركب معاهو واحد دماغو عالية شمَّ العفنة قال للسواق: اسمع ياخينا إنت عربيتك دى مكنتها كم حصان؟ قال ليهو ليه؟ قال ليهو: يتخَيَّل لى فيهم واحد مات.
| |
|
|
|
|
|
|
Re: بدون زعل (Re: عبدالعزيز الفاضلابى)
|
فاضلابي يا صاحب البوست كلو في النكتة قال مظفر قتلتنا الردة قتلتنا ان الواحد يحمل في الداخل ضده هذا الوطن ليس مسجلا بأسم شخص ليعتقد ان الاوحد في الحديث عنه و الخيران كتار وما اظن نعومو تسابي
| |
|
|
|
|
|
|
|