القسيس سيف أو خلينى أشرفك بلقبك المناسب .. الـبـُخـســة نمرة 15 ...
إن شاء الله إنت حا تكون طوالى موهوم و متخيل إنك البابا ذاتو و نازل
في الناس ديل البيقودو و ديل البيسوقو ... جيت من دخلت المنبر دا ناطى
في حلوق الناس ديل ناس البنا و ديل كيزان و ديل ما عارف إيه و إيه
و الشماليين و أنصاف العرب و و و و و و تهوهو سـاااااااااااااكت
و كلامك كلو نجر و أوهام و كذب .... نجى نهديك كان تحس شوية
و تقول أستغفر الله .... بس واضح إنك فعلا قسيس و شابكنا قص و لصق
من النت لآيات القرآن الكريم ... للإستدلال جوراً و بهتاناً بيها و لكنها ألزمتك
الحجج كلها في رقبتك دى ... و نحن طوالى بنشكى البيبهتنا لى الله ..
و بندعيهو عشان ربنا يفضحوا لينا ... و هسع دى ركبتك تب ..
الليلة عملتنى حاكم و قائد و سايق الشماليين ... و تتأسف على الإسلام
حقنا نحنا و تمرقنا لا دين و لا دنيا و تتألى على الله و تصدر أحكامك
بالنيابة عنو كمان ؟؟؟؟ نعم دنيا و خيل و مال ما عندى .. لاكين دين في
و الحمد لله الذى أنعم على بنعمة الإسلام دون عناءٍ و لا تعب منى ...
لعلمك و علم الوازيك و لازيك .... شخصى الفقير لله لم يشتغل و لا دقيقة
واحدة عند أي حكومة في الدنيا ... و لا وقف ليهو قدام شباك من شبابيك
المواهى عند أي حكومة ... مسلم بسييييييييط قارى سنة رابعة أولية ..
لاكين الإســلام أعز عندى من روحى و من أي شى في الدنيا دى ..
ســودانى عربى زنجى و عاجبنى حالى و خلقة الله فينى ....
و راضى بى أحكام المولى كلها حلوها و مرها و أفراحها و أتراحها
رغايبها و مصايبها بما فيها مصيبة وجودك إنت معاى في النقاش دا
في اللحظة دى ... و أسأل الله تعالى اللطف في المصايب و العفو عند
الزلل و النجاة من الفتن ما ظهر منها و ما بطن ... و ما أكثر الفتن
و أهلها في هذا المنبر ... يحكمنى من يحكمنى طالما هو مسلم و ربنا
جابو ... في صلاة جماعة و آذان في الجوامع ؟؟ تانى ما يهمنى عمل
شنو و ظلم منو و ضرب منو ... دا حسابو مع ربنا الجابو ... و أنا
مسئول عن طاعتو .. و لو ظلمنى بشكيهو لى ربنا بس ما بخرج عليهو ..
عاوزك و المعاك تعرفوا إنى انا ما تابع منهج غير الأمر بيهو الله تبارك
و تعالى و سنة الرسول صلى الله عليه و سلم و هديه ... ما تجى تنزل
ليك جريدة فارغة عنى و إنت لا بتعرفنى لا شفتنى ... و تنسبنى على هواك ..
شايفك شغال نبؤآت و قراية مستقبل و علم غيب ... خفف شوية على روحك ،
يكفيك فخراً إنك من تنبأ بتنصير شمال السودان .... بئس النبأ و المتنبى ..