07:44 PM August, 05 2017 سودانيز اون لاين اخلاص عبدالرحمن المشرف- مكتبتى رابط مختصر الي مني خوجلي احترت جدآ ما الذي استطيع ان ازحيه لك هدية شعر ،قصة ، اغنية ،قصيدة ،مديح ام دوبيت اكتب لك من قديمي الذي لم انشره ام اقول فيك كل الكلام ال ما انكتب ثم تواضعت امالي في ان أكتب لك وبس
وكت ضاقت علينا الماهله . سرجناخيولنا لارضا قالو هي الطاهره سرجنا خيول الغربه تتلفت يمين وشمال تشوف بلدآ ناسا حنان هناك في مقرن النيلين قبل ما يجونا ناس شينين ولما حالنا كان زين ونحن كمان بنملأ العين قبل التنار واليانكي والكذابين
08-05-2017, 09:44 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10216
. بحبك ومافى غيرك نور يهِل ويغمرُ طريق الشوف وما فى بَلَاك نور بِسْطَع ولا فرحاً يسوقنى يطوف . صحَّ لسانك بت المشرف .............................................. عندما قالت بت الخليفة كلمات طيبات في حق سعادة الأخ عمر علي حسن قلنا رداً على كلماتها :
العُمــر عُمـرين في حقُّـو تب وفّيتي لخِصالو الحميده وحُسن الطَّبِع وفيتي حباب بِت الخليفه المِن منابعو رِويتي المنــابر نـوّرت بي طلتـك يـوم جيتي . ترحيب سابق ب بِت ابونا الخليفة أثر عودتها بعد غيبة : . حباب بِت الخليفه الطلَّه بس تكفينا الـراي والفهـم ، مـا تبخليبـو عليــنا من والداً كريم تب ما نطق بي شينه من قولـة سـلام يتكي المَنَسَّــل لينــا . والتقدير لكِ بت المشرف ..يامن تعرفين قدر من يستحق التقدير
08-06-2017, 10:58 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
التحية ليك اختنا اخلاص و الاف زيها للعزيزة منى و عبر هذا البوست اسمحى لى اهديها الونسة دى ______ زينوبة قلبه ابيض ...وحنينة...لكن لايوقة ..تمسك الموضوع تقتلو لياقة..لمن الموضوع زاتو يزهج منها .. راجلها الزين قاعد في خشم باب البرندة جات ماشة عفصتو في كراعو من غير ما تشوفو" أحححححححي...عفصتك؟؟ أعفى لي يا الزين"(بسيطة يا زينوبة مافي حاجة) دخلت الاوضة ومرقت.. " الزين عليك الرسول تعفى لي ما شايفاك" ( مافي حاجة يا زينوبة) مشت المتبخ وجات " الزين كراعك نعل ما ورمت.... اعفى لي يعني"(لا كويسة يا زينوبة) دخلت الاوضة وهو دخل ورقد..عاينتلو" الزين كراعك نعل ما قاعدة تنتح؟..وحات الله ما شايفاك، الرسول تعفى لي "( لا حول الله ...مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو قامت كوعت وصحتو" الزين..الزين..نعل ماك مضايق من كراعك...اعفي لي عليك الله صنقر في نص العنقريب..وقال لها ( زينوبة ..في المتبخ تحت الشباك..تحت الشباك طواااالي..في فرار جيبيهو ) جابت الفرار..اتناولو منها...ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟؟؟)!!!!!! _____ شكراً حبيبتنا منى .. فقد امتعتينا بضحكات البراءة ذاك اليوم
08-06-2017, 08:58 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الاستاذ محمد فضل الله المكي بت الخليفة ايقونة من ايقونات المنبر بس الا غالية شديد الطلة مرة مرة ولما تحضر زي ما قال الشاعر مع التحريف منبرنانور وبق نور
Quote: . بحبك ومافى غيرك نور يهِل ويغمرُ طريق الشوف وما فى بَلَاك نور بِسْطَع ولا فرحاً يسوقنى يطوف . صحَّ لسانك بت المشرف .............................................. عندما قالت بت الخليفة كلمات طيبات في حق سعادة الأخ عمر علي حسن قلنا رداً على كلماتها :
العُمــر عُمـرين في حقُّـو تب وفّيتي لخِصالو الحميده وحُسن الطَّبِع وفيتي حباب بِت الخليفه المِن منابعو رِويتي المنــابر نـوّرت بي طلتـك يـوم جيتي . ترحيب سابق ب بِت ابونا الخليفة أثر عودتها بعد غيبة : . حباب بِت الخليفه الطلَّه بس تكفينا الـراي والفهـم ، مـا تبخليبـو عليــنا من والداً كريم تب ما نطق بي شينه من قولـة سـلام يتكي المَنَسَّــل لينــا . والتقدير لكِ بت المشرف ..يامن تعرفين قدر من يستحق التقدير
مافي شيء بيغير مشاعرنا الصادقة محمد فضل ود أبوي.. لا بعد طويل لا غياب من أي شكل كان مشتاقة كتير والله للونسة معاك ومع سيادته عمروالطيب وشيقوق وباقي العقد الفريد.. كانت اوقات حلوه جدا وشقية بطفولتها ومرحها وتسابقنا علي "الونسة" في البوستات بإحساس جديد في كل يوم وأشعار البادية وحكاويها والنوادر تضيف معرفة مرحة لنا جميعا...الناس ديل إختفوا كلهم مالهم؟ مشتاقه ليهم كثير والله ومتمنبه أشوفهم مرة تانيه بيتواصلوا بالبوستات العظيمة
لكن أنا اسه إخلاص دي أجيب ليها كلام يشبه كلامها السمح شديد ده من وين؟ وأرد بس بشنو كلمني؟؟ إنت وإخلاص غمرتوني بكلام أبهجني كثيرا
08-08-2017, 12:39 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وكت ضاقت علينا الماهله . سرجناخيولنا لارضا قالو هي الطاهره سرجنا خيول الغربه تتلفت يمين وشمال تشوف بلدآ ناسا حنان هناك في مقرن النيلين قبل ما يجونا ناس شينين ولما حالنا كان زين ونحن كمان بنملأ العين قبل التنار واليانكي والكذابين
وقلنا بس يا إخلاص نبحث عن مكان نشعر فيه بالأمان.. فنحن نعرف أن بالغرب انظمه لا تسجن مواطنيها الا بتهم ضد القانون والقانون عندهم لا يضعه المجرمين ولا يمر بدون مراجعات واحتجاجات وموافقات.. يعني ما ممكن مثلا شيخ لعبوط يقوم من نومه ويضع قانونه ويقول اسه يتطبق ولا ممكن وزير عدل ساي حزبه ذاته يصعده علشان يطبق عقده في الناس ..لازم حزبه يكون متأكد منه.. ولا حزبه ذاتو يسقط.. ولا مهمة البوليس يطلع يضرب الناس في الشوارع ولا يجي قاضي درس عمره كله بس علشان يتعلم جلد البنات ويطبقة بفخر!
تتلفتي في بلدك يا إخلاص ارض جدادك وإنتي علي حق وما بتتلفتي في بلادهم لأنك أيضا علي حق.. وفهم الحقوق بيختلف علشان كده صاروا هم أوطاننا التي نعيش فيها ونكن لها كل الحب والتعظيم.. لكن يبقي الوطن إن ذهب منه أهل السوء هو الأم والأب والإبن والحبيب ومنتهي السعادة والمبتغي
08-06-2017, 09:41 PM
elhilayla elhilayla
تاريخ التسجيل: 02-05-2002
مجموع المشاركات: 5551
يكفي ان ارجع وأجدك موجودة لأسعد واطلق تنهيدة ارتياح عميقة.. ما اجمل المكان حين نقصده وندلف له فنجد فيه أعزاء صعب علينا وعليهم اللقاء وجهاً لوجه من زمن بعيد.. سأرجع لأقرأ انتاجك وقطعا سأستمتع به واكتشف جوانب اخري عظيمة عنك..وسنتبادل الحكي عن الذكريات وعن كلماتك المرسومة هنا..
شكراً يا غالية.. ورجوع أكيد🌹
08-06-2017, 10:51 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
مني بت الخليفة طولتي من المنبر ونقول ظروف بس مرة مرة طلي مرات الواحد يدخل المكتبة ويقرأ ويقول يا رب يجو يا رب واهو جيتي لك كل الود وباقات ورد واماني جميلة ودعوات صالحات 🌹🌹🌹🌹🌺🌸🌸💐💐🌻🥀💐🌺🌺🌹
08-06-2017, 11:38 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10216
الحبيبة دكتورة نعمات دومإ تذكريني ب نعناع الجنبنة المسقي في حيضانه من التراث النوبي بصوت المبدعة دنيا مسعود تحية لشهداء ليلة العيد ولاسرهم ولازلت اذكر احتفالنا في بيت ناس ميرغني طه القومة.لك يا وطني
08-10-2017, 03:03 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
وما كنا لولا نضالها وزميلاتها وكل ذلك الجيل الرائد من الحركة النسوية لقادرات اليوم علي أن نطرح افكارنا ونعلن عن مبادئنا ونناقش بقوة المنطق والمساواه فيه حقوقنا الإنسانية والنسائية.. رحم الله فاطمة السودان
والعزاء لكم جميعاً..
08-15-2017, 07:04 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
فاطمة احمد ابراهيم انارت الدرب ابنات ونساء السودان وهزمت دياجير الظلام مهما حاولوا لن يستطيعوا طمس ما قدمت الاجر المتساوي للعمل المتساوي الحق في التعليم الحق في النيابة الحق في شغل المناصب الدستورية اما المسترزقون من كدح غيرهم النهابون باسم الاسلام فقد تعروا هم سخام وركام وهي روح ملائكة
08-15-2017, 08:30 AM
عبدالوهاب احمد صالح عبدالوهاب احمد صالح
تاريخ التسجيل: 02-07-2017
مجموع المشاركات: 88
سلام المتداخلين جميعا : مدخل : فى واحد من قرى الجزيره كان فى زول جنو (طشمه لا مؤاخذه ) يوم جاء بدرى لقى الناس بتصلي فى العصر فى حوش المسجد لانو جوه كانت سخنه . قام طوالى بى حالتو ديك دخل مع الناس فى الصف . لما انتهت الصلاه قام واحد من المصلين وبى كل سماحة الاسلام واهلنا فى الجزيره قال ليهو يا قلان الليله الجابك شنو لينا ؟ قال والله جيت مارى وعجبتني ملمة الرجال ساكت . المقدمه دي انا جيت مارى بتصفح فى المكتبه لقيت البوست ودخلت عجبني العنوان . ورغم اني ما بعرف زول ولا الموضوع لكن والله عجبتني جدا الحميميه والكلام الصادق الجميل والموده الفقدناها فى الزمن ده . ادام الله الموده والتواصل . وشكرا جزيلا واعتذاري لاقتحامكم .
08-16-2017, 01:23 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ده كان حالنا زمان وبقينا نفتش ليه اسه ومره نلقاه ومره ننتظره يتلطف علينا.. الحميميه والأسرة والصحاب ولمه ما بتعرف الكضب ولا الكراهية وما بتتمني الا انها تستمر في طيبتها ووداعتها كأنها قاعدة مع بعضها علي ارض او علي كراسي متقابله..
سعيدة بي مداخلتك يا عبد الوهاب ومتأكده اخلاص والباقيين كمان سعداء بيها🍃🌷
08-16-2017, 02:00 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
يا سلام يا عبدالوهاب كلماتك بلسم واعتذر علي تاخر الرد بس والله ما كنت عارفة أرد علي كلام رقيق زي ده كيف بت الخليفة عرفت الحاصل وهي من اكثر الناس شفافية وردت ورحبت و عبرت يا وهبه انت سيد البوست ه
08-27-2017, 04:52 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الحبيبة مني خوجلي السعوديين هنا بدأت اجازة عيد الاضحي اعرف الحمولة النفسية الثقيلة لعيد الاضحي عليك كنت بعد ما حصل اشعر بالغضب ثم تحول الغضب الي حزن ثم تحول الحزن لدهشة كيف استطاعوا هكذا فعل في ايام مباركات الان لا دهشة فهذا ديدنهم ان يفجعون ويطأوا علي كل موروثنا
الان الشعب يقول لهم لقد فهمتكم ولن تكون كما قالها بن علي نقاومهم ونقاوم محاولتهم لقتل النيل والفرح العيد يتبارك عليك مقدمآ وليكن عيد رغم أنفهم 🌹🌹🌺🌺🌸🌸🌺🌺🌹🌺🌸❤️❤️🌻🌻🌻💐💐💐🌻🌻🌻💏🥀🥀🥀 💐💐💐🌻🌻🌻🌻🌹🌹🌺🌺🌺🥀🥀🥀🌸🌸🌸🥀🥀🥀🌺🌹🌻🌻❤️❤️
08-27-2017, 06:02 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11833
كل طالب قتل ليلة العيد بأيديهم ضيفيه يا مني الحبيبة لشهداء ليلة العيد ح يحكي ليهم انو الشعب صامد رغم القهر وح يبشرهم بقرب خلاصنا وح يطمئن الحبيب عليك وح يقول لهم لا زالوا رغم طول بقائهم علي كراسي السلطة يرتجفون ولا زالوا في ضلالهم القديم يذبحون البشر تقربآ لعجل السلطة ج وقد نسوا ان الفداء من رب العباد كان بكبش عظيم 28 فارس لا زالت بطولتهم تلهم الجميع تحية لهم في عليائهم تحية لفارسنا الجديد
سلام استاذ الفاتح ميرغني معليش لم اري مساهمتك القيمة التي شرفتني بها الا الان وشكرآ علي انزال همس الشوق ،صدق قدر ما حاولت انزلها خذلتني تقنيات البورد ،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صديق مهدى على
Muna Khugali
محمد فضل الله المكى
أحمد الشايقي
عبدالحفيظ ابوسن
الشامي الحبر عبدالوهاب
جلالدونا
elhilayla
يحي قباني
مني عمسيب
نعمات عماد
عبد المنعم سيد احمد
MOHAMMED ELSHEIKH
الفاتح ميرغني
فيس بوك
تويتر
انستقرام
يوتيوب
بنتيريست