|
|
|
 Re: امنه ومحمد (Re: مها عبدالمنعم)
|
اليوم داك مانمت فعلا اول مره احس اني كنت غبيه حتي يمكن القروش البلمهن ليو ويشتري بيها الهدايا بشتريها ليها هي يلا الحمدلله علي ارادة الله اصلا بعد ارجع اهلي مافي شي بلمني بيو الله يسعده ببت عمه الكذاب المحتال .
البنات اتفقن يعملن تخريج قبل النتيجه بعد خمسه يوم وانا كنت عاوزه ابعد مادايره ابدا أشوف خلقة الولد الصدقت اربعه سنه اني زوولتوفي الآخر لو ما المرض كنت استمريت مخدوعه ..الحمد لله تلفون زاتو ما عندي وشريحتي أصل اهلي تاني م بفتحه ..تاني يوم م سمعت ولا لأي ز وله وقلت مسافره خلاص والتخريج ما بقدر اقعد ابوي عيان غايتو الله يسامحني
وسافرت انقطعت علاقتي تماما بأي شي يذكرني الجامعه اظن قريب شهرين يوم ابوي سألني من النتيجه وأصر اسأل قمت فتحت التلفون اضرب لواحدة من البنات فتحت التلفون تجيني الرسائل زي المطر وقبل استوعب الحاصل التلفون يرن محمد ألما دايره اتكلم معاه فتحت ورد يا بهدوء غريب
النتيجه كيف
تمام مبروك الإمتياز
نتيجتك خبره شنو
جيد
تمام مبروك
سكت وانا سكت طوالي قلت يلا مع السلامه ما اكتر عليك
يازوله اصبري مالك فهميني الحاصل عليك شنو ومالك ا ختفيتي كدي
الجامعه وخلصناها تاني في شنو
في نحن
منو نحن
امونه
امونه تطير عيشته عاوز شنو
يازوله ماني دائر شي وكت عاصره ليمونه اشان تتكلمي لكن ما ها المحريه فيك ودعتك الله
وقفل السكه في وشي يلا الله يهدي الجميع تاني تلفوني م ق فلتو الحمدلله الكليه وافقت اعمل الخدمه عندهم معناه البندر جاك زول
يتبع
| |
 
|
|
|
|
|
|
|
|
Re: امنه ومحمد (Re: مها عبدالمنعم)
|
قلت م اتوجعت أكون بكابر قدام الناس ما في زول شاف دموعي إلا كم نفر قارب.صحتي اتراجعت شديد.وما بقدر انو م.لمن طولت وأخلاقي ضاقت خفت اجن قلت احسن شي امشي مسافات طويله اشان أتعب والقلب يتهدقبل يحصل شي فعلا لقيت دا علاج مع بشكل ما طبيعي امرق العصر امشي بالساعات وارجع المغرب تعبانه تعب عجيب كسرت شوكة قلبي الحمدلله
العيون ابن يخضعن لي في شي جو اي بحركن الأيام ماشه متمهله شديد وانا منتظره شنو ماعارفه يوم راقده النهار تحت الشجره جات صاحبتي قالت لي انتي ابدي الخدمه حقتك اكسبي ومنك بدل ت ترقدي من ضل شجره لضل شجرة تانيه زي كنت منتظره زول يديني الفكره تاني يوم طوالي سافرت عملت الورق والحمد لله ح انزل في الكليه كنت فرحانه انو ح تبدأ مرحلة جديده من حياتي
النسيان صعب عديل لكن كمان عشت أيامي صاح بتجي لحظات ضعف غريبه بس في النهايه م بتاخد زمن كتير مشكلة النوم اتصالحت معاها شديد…
جا اليوم الحاسم والغريب مشيت الكليه حقتهم صاحبتنا ضربت لي قالت أسأل ليها لو في فرصه تجي تعمل خدمته في الجامعه وانا داخله قلبي انقبض بالله دا المكان الاتخدعت فيو اربعه سنه لا عشت حياة البنات ولا كان عندي علاقه مع اولاد قفلت نفسي عديل علي نفسي هو كان الصديق والحبيب والزميل!
ماانكر انه كان فيني شوية هبل معقول الاعتقاد في زول للدرجه دي معقول ماكنت شايفه والا عميانه الحمدلله في الإمتياز المرقت بيو من الكليه وانا في أفكاري دي قلبي رف عديل بعرف الإحساس دا معناه محمد قريب لازم أجري قبل يلاقيني وقعدت اتمحرك غصبا عني كنت عاوزه اشوفو فعلا رفعت راسي أفتش عليه لقيتو فعلا داخل من باب الكليه طوالي بحركن مقصودده اتوجعت علي باب الشارع حنتلاقي معناه صدفه في النص ابتسمت من خباثة قلبي يهي لي حاجات ظاهره أنها مفتعلة وسحبت كل الأحاسيس جو اي لمن وصلت المنتصف تماما وصلت ز وله رايقه هاديه النصيحه هو اتفاجا جدا لمن اتغيرت تعابير وجهه انتصرت عليه الحمد لله !
السلام عادي بنفس المحبه والشوق العرفتهم بيه وقال لي عندي موضوع راح معاي مكتب المسجل اعملو ولازم اقعد معاك قلت لي أنت كمل وتعال لي في الكليه عندي شغله اخلصه .
ماكان في شغله ولا شي كنت عاوزه استعادة نفسي الهبله الماصدقت شافته ونسيت بت عمه..قعدت في كافيتريا الاساتذه شربت لي عصير بدون طعم اول ما هل العيد قلبي رجف زياده اتونسنا في كل شي إلا بت عمه لمن الكوت بدأ يتسرب قلت لي انا ماشه الزمن راح والغريب ما قال لي عاوز يقول لي شنو إلا وأنا ماشه قال لي آمنه انا عقدت وزوجتي أن شاءالله قريب هسي جيت بشتري في الشيله ردت امنه تانيه بطريقة إليه مبروك يا ها بت عمك ذ؟
أيوه دائر احكي ليك التفاصيل اشان تفهمي ليه عملت كدا
يازول بعد عقدت علي مره تانيه اي تفاصيل ما عندها معني ربنا يسعدك وجواب بقول الله يكتلك كتلتني مرتين !
يتبع
| |
|
|
|
|
|
|
|
|
|
Re: امنه ومحمد (Re: حيدر حسن ميرغني)
|
Quote:
Author: حيدر حسن ميرغني
يامرحبا بعودتك يامها العطبراوية
واصلي
قصة مشوقة رغم التفاصيل المؤلمة
نتعشم في نهاية حلوة
|
تسلم يارب
أن شاءالله البت دي الله يجبر بخاطره
| |
|
|
|
|
|
|
|
|
|
Re: امنه ومحمد (Re: مها عبدالمنعم)
|
انشغلت والا انشدهت مابعرف سبحان الله ربنا اداني قوه ظاهرية كبيره احسن شي اعملو ما ألقي وقت فراغ نزلت في مركز صحي دوام تاني ينتهي دوام الجامعه اتنين غالبا ارجع انوم واتونس شويه مع البنات والساعه خمسه اطلع المركز أجي راجعه عشره هلكانه والبشوف مصائب الناس يقول الحمدلله علي الصحه والعافيه ومرض القلب حتي هو ابتلاء وشديد ما في علاج ينفع
محمد ضرب لي بعد شهرين تقريبا من اخر مره اتلاقيناعزمني العرس ماعارفه ليه م حسيت بشئ الألم في الأول كان أكبر بعد داك كنت منتظره تأكيد انه حصل وزي الكلام حلم حلم يوم العرس اتقليت زي حبة البن تماماورسمت الصوره الظاهر به.بتاعة البت الشجاعه المشكله دائما بتجي وين لمن تكون قصتك الناس كلها عارفاها الدفعه القبل والبعد بالليل البنات يتهامسن ويتغامزن خاصه بنات الغرفه العاملات لي الاستضافه بنات الدفعه ا لورانا لمن ماعلقت اخد الشمار بتسأل علنا صحي الليله عرس محمد!
وأنا بضحكه باهته هبله اقول أيوه
والسؤال التاني ليه
وأنا في الامتحان العسيردا مفروض مابرف لي جفن
النصيب غلاب
والبنات ماقصرن عملن لي سهره صباحيه نمت وصحيت صداع غريب ماقادره أرفع راسي اتناولت التلفون قاصده اضرب لزميله تجيب لي بندول عندي شغل مهم وما عاينت للرقم لمن سمعت صوت راجل بقول ألو حسيت بنفسي طرت هناك ونزلت كرر الو
بكل تردد الدنيا رديت الو !
محمد!
كيف حالك
حالي زين وانت
الحمدلله خبرك شنو تمام
مالك ضارب الصباح كدا
بضحكة انتصار غبيه والا شنو ماعارفه قال
بسم الله كدي براحه عايني الضارب منو
بكيت بكيت بكيت لمن قعد يحسن فيني اخيرا اتمالكت روحي وردتي
عرست!
السوال الغبي دا جا طاير من وين ما عرفت قعدت أعتذر في النهايه خلاص ا تفضحت عنده المكالمة انتهت كيف مابتذكر بتذكر قعدت في الأرض وعزيت عديل انا أبكي والداخلية تبكي معاي لزي الساعه عشره ضربت امي قالت لي تعالي راجعه حبوبه اتوفت الحمدلله ربنا لمن يريد يستر زول يسبب الأسباب انشدهت في البكي والناس ما أخدت باله الحزن طبيعي بكي حبوبة مصيبه غطت مصيبتي
يتبع
| |
|
|
|
|
|
|
|
|
|
Re: امنه ومحمد (Re: مها عبدالمنعم)
|
يمكن أصعب من الحب الشماته خاصة لمن تجي من بنات زيك الحمدلله الأيام مرن بمرهن والقلب اتقفل بطبله نحاس كبيره .خلصت الخدمه واتعينت مساعد تدريس بمزاج المرتب عادي وأقل من الشئ الكنت متوقعاه .اشتغلت في مستشفي دوام ليلي بقيت ما بقدر احك راسي الحمدلله العمل في تلاته أمكنه وفر لي دخل محترم وخلق لي علاقات مريحه يبدو اني نسيت تماما محمد او يمكن انه الحب الأول بياخد راو بعدين بيخفت تدريجيا
الخطاب كتر دقهم علي باب ابوي وهو يمد حبل الصبر لمن جا الزول ألما بترفض وافقت بعد هم وافقو وكلام امي يرن في أذني
الحب يجي بعد الزواج بالعشره وبتنسي وحصل الأمر
اتزوجت والحمد لله كلام امي صاح حبيت بس بطريقه مختلفه محمد ابدا ما التقينا ولو صدفه
ندمانه علي شي واحد ياريت سمعت عاوز يقول شنو اشان السوال المره مره بجي في رأسي خاصه لمن أشوف اتنين مع بعض في الكليه يمكن كان مات وادفن
كان يحبني وجبرو علي بت عمه والا أختار بت عمه وقال التبرير الأسهل جبروني عليها
انا الاتخدعت والا هي؟
تمت
| |
|
|
|
|
|
|
| |
مها عبدالمنعم
حيدر حسن ميرغني
محمد البشرى الخضر
فيس بوك
تويتر
انستقرام
يوتيوب
بنتيريست