|
Re: النجدة..... (Re: عثمان عووضة)
|
معليش يا عمّك قلت اسجّلها وأنجدك بيها لقيت الحكومة بتابع في ندى القلعة في S24 فا شنو ... اسمح لنا
كل سنة وانت طيب و القابلة المنقة طرحت إن شاء الله :)
| |
|
|
|
|
|
|
Re: النجدة..... (Re: عثمان عووضة)
|
بالله هسي دا رد زول من الزمن الجميل وشنو كدا ما عارف، لزول لسه في مقتبل الحياة الزوجية! يمين أنا يوم الزواج قالوا لي اضبح ليها كديسة من أول يوم و أهو ماشين كويس، ما بتعرف تفتح تلفزيون زاتو 24 ساعة قاعدة في الواتساب 😉
| |
|
|
|
|
|
|
Re: النجدة..... (Re: عثمان عووضة)
|
يا عثمان عووضة كل سنة و أنت طيب
يا جماعة بالله عليكم الله كان ما نزلتوا ليهو اللقاء كامل الراجل دا كتر خيرو جاب لينا ود الأمين في عرسو كنا أول مرة نشوف الباشكاتب لايف ومن ديك و حبينا غناهو
| |
|
|
|
|
|
|
Re: النجدة..... (Re: Moawia Mohammed)
|
كل ثانية وانت بالف صحة وخير وسعادة يامعاوية محمود والله زول اشتغل بي مافي بالله شوف هاشم صديق والباشكاتب: شلت قولن شيل وصفقة وقلت بس يا ريتني ابقى نسمة في حلم الاميرة او سبايب في الضفيرة او عقيد في تبر جيدها او قليب في راحة ايدها يا زمان اسمعني واكتب البريدها وريدها سيدي وريدي سيدها الزمان لو حتى بالغ ما اظن في زول يعيدها
| |
|
|
|
|
|
|
Re: النجدة..... (Re: عزالدين عباس الفحل)
|
( عووضة كل سنة وإنت طيب ، بتعرف الأستاذ الصحفي الأماراتي أبو الريش ؟ بجريدة الإتحاد الأماراتية ،). ــــــــــــــــــــــــــــــــــــــــــــــــ ههههههههههههههههه، اهو ود الفحل جابو ليك لآيف.
غايتو يا عووضة معاوية قريبي لي هسّع يكون مِتحشر جوّا البطانية، بالله بالراااااحة عمل ميّت.
ملحوظة، الله لا حضرني خرفك...
| |
|
|
|
|
|
|
Re: النجدة..... (Re: معاوية المدير)
|
يا ود المدير انت ما مشيت مع الوفد الحيكومي ولا شنو😉😉 .... ولدي لمن كان صغير قال لي يابوي الله. لا يحضرنا خرفك....ملي ابريق ساكت بتنشف ريقنا😁😁 ملحوظة: عليك جنكيز خان زيارة الوفد الحكومي الجاية جيب. لي معاك. عدد واحد حلة بريستو😈😈
| |
|
|
|
|
|
|
Re: النجدة..... (Re: عثمان عووضة)
|
عثمان عووضة
الأستاذ الصحفي الأماراتي علي أبو الريش ؟ روائي وشاعر وإعلامي كان عندو عمود مشهور ، في آخر صفحة في جريدة الإتحاد الأماراتية ، وصل إلي منصب مدير التحرير ، أفتكر من راس الخيمة ، عرفتو ؟ ،،،،،،،
عزالدين عباس الفحل ابوظبي
| |
|
|
|
|
|
|
Re: النجدة..... (Re: عزالدين عباس الفحل)
|
ايوا زول. ضعيفوني. كملان من لحم الدنيا وطوالي زهجان سنة كم وسبعين كدا كان. عندو رواية بنشرها في الاتحاد علي حلقات استمرت زي تلاتة سنة اظن اسمها السيف والزهرة رئيس التحرير كان خالد محمد احمد. وزهجان من الرواية يوم في اجتماع التحرير قال ليهو يا علي اخبار روايتك شنو قال ليهو. خلاس بكرة. اخر. حلقة خالد تاني. يوم. جاب. خروفين. في الفطور وقال. بمناسبة انتهاء. الرواية 😉
| |
|
|
|
|
|
|
Re: النجدة..... (Re: عثمان عووضة)
|
شلت قولن شيل وصفقة وقلت بس يا ريتني ابقى نسمة في حلم الاميرة او سبايب في الضفيرة او عقيد في تبر جيدها او قليب في راحة ايدها يا زمان اسمعني واكتب البريدها وريدها سيدي وريدي سيدها الزمان لو حتى بالغ ما اظن في زول يعيدها
الكلام دا حصل ليك زمان ول هسه
عشان نتصرف
| |
|
|
|
|
|
|
Re: النجدة..... (Re: حمد عبد الغفار عمر)
|
الحلة كانت دايرة تضيعك لانو كنت ماليها كوارع خيل وتكشكش في التلج وحايم جوة الشقة عامل راسك المدوقس دا. اما اذا. دار محور سؤالك عن السخان فالعندو الحنة يحنن نخرة الوزة بتاعتو او كما قال جلالدونا 😞 😞 😞 😞 😞
| |
|
|
|
|
|
|
Re: النجدة..... (Re: عثمان عووضة)
|
الله الله
عمكم عثمان الليلة جاب من جــــووووووا
أحمد الشايقي
Quote: يا زمان اسمعني واكتب البريدها وريدها سيدي وريدي سيدها
|
| |
|
|
|
|
|
|
Re: النجدة..... (Re: أحمد الشايقي)
|
Quote: غايتو يا عووضة معاوية قريبي لي هسّع يكون مِتحشر جوّا البطانية، بالله بالراااااحة عمل ميّت. |
ههها، يا ود المدير دخان شنو ياخ، صاحبك دا لسه عايش في الستينيات. إن شاء الله يكونوا سجلوا ليهو سهرة قيقم
| |
|
|
|
|
|
|
Re: النجدة..... (Re: أحمد الشايقي)
|
يا احمد الشايقي المغسة المغسة دايرة تشقنا ياخي السودان دا كان حاجة عجيبة خلاس يمين الله الغنية دي انا سمعتها من ود الامين قبل كم وتلاتين سنة وانا قاعد على بعد مترين. الا ربع منو احييييي يا فشفاشي ..... ينعاد عليك وعلى اهلك بمليار خير وبركة
| |
|
|
|
|
|
|
Re: النجدة..... (Re: محمد البشرى الخضر)
|
ياسلام الأسد النتر زول حميل من الزمن الحميل مديد العمر وموفور الصحة لك وللباسكاتب ولأسرتك الجميلة ولكل من يحب الباشكاتب والله نحن من حب الباشكاتب سامي ولدي بحب الباشكاتب قبل ان يبلغ الثلاثة سنوات. كن بخير يا صديقي جني
| |
|
|
|
|
|
|
Re: النجدة..... (Re: jini)
|
https://youtu.be/8FtpcWNf2VQhttps://youtu.be/8FtpcWNf2VQ
https://youtu.be/sM9me558S9Ehttps://youtu.be/sM9me558S9E
لو في واحد حريف يظهر لينا الفيديوهات دي جني
| |
|
|
|
|
|
|
Re: النجدة..... (Re: جلالدونا)
|
ود اللمين وين يا عمك مع البرنسات دي كما قال ابو داؤود تعرفو البرنسة سلفني بسمة ونظرتين وارجاني آخر الشهر مقطع اخر غنية لي طه
| |
|
|
|
|
|
|
Re: النجدة..... (Re: عبدالحفيظ ابوسن)
|
يا ابو علاء عليك الله شنو في بلدنا دي الما بقى مسيخ وممصمص ياخي الخرطوم زمان تجي ماشي في الشارع الساعة واحدة صباحا تلقى مكرفونات الحفلات تتطاقش الفنانين ابو الامين ، وردي ، حسن عطية ، ابو داؤود ، عثمان حسين ، عوضية عذاب 😜 😜 😜 😜 😜
| |
|
|
|
|
|
|
Re: النجدة..... (Re: jini)
|
حيدر يا حيدر يا حرف الجيم ياخي يسعدك ربي ويخلي ليك اولادك ويخليك ليهم ...... ياخي الباشكاتب دا خليك من غناهو ياخي. دا زول مثقف ثقافة تحيرك... يمين تقعد تربع يدينك وتسمع ليهو بالساعات ما تزهج عجيب ياخ ودمت والمعاك في خير وبركة
| |
|
|
|
|
|
|
Re: النجدة..... (Re: محمد البشرى الخضر)
|
والله يا ابو حتحوت كلامك بكون صحي الزول دا ما من عوايدو ...الايام دي شايفو ضبلان وكل شويتين يقول ليك نعسان اخد لي غمدة واجي تتذكر صورة اب صلعة البحك فيها ضهرو ديك؟😉 😉 😉
| |
|
|
|
|
|
|
|