|
|
 Re: الممثل عوض شكسبير يعتذر !! (Re: محمد ابو شيبة)
|
سلامات وعوافي يا محمد
كل زول في السودان جوه وبره، موجوع في حاجاتو، حاسي بي غبينة وبي خيبة أمل وهزيمة نفسية مش بس الفنانين وعوض شكسبير على وجه التحديد طالما أن الموضوع هنا بخصو.
كل الناس الموجوعة دي بجمعها احساس واحد، إنو الوضع ده ما سليم، وإنو الحاجات مفروض تكون أحسن من كده، وإننا كشعب سوداني بنستحق واقع أفضل من واقعنا على مختلف الأصعدة،
المشكلة كل واحد بعد داك بيتوجع براهو، وهنا تظهر حقيقة تقسم الموجوعين ديل لي قسمين اتنين، مجموعة الوجعة والسكات والغبينة ومجموعة الوجعة والكلام ومحاولة تغيير الواقع من خلال الكلام، في مختلف قنوات التواصل الاجتماعي (فيسبوك - تويتر - مواقع الكترونية ...الخ) أو في أي منتديات ولقاءات واجتماعات وخلافه.
لكين ده كلو ما بفيد، ولا واحد من المجموعتين ديل بفيد في تغيير النظام/ الواقع في الحقيقة لأنو مافي عمل ملوموس يتطور ليصبح في يوم ثورة تقتلع هذا النظام الذي (خرب السودان) باختصار.
تجي هنا المداخلات مثل النظام غاشم ويسفك الدماء بلا تردد وأولاد الناس والكلام ده، الاجابة بمنتهى البساطة وبقراءة بسيطة لتاريخ مختلف حركات الكفاح والنضال والثورات على مدى تاريخ العالم القديم والمعاصر، يقول لا يوجد نظام ظالم باطش مهما بلغت قوته وسطوته يستطيع أن يحبط ثورة شعب مؤمن بضرورة التغيير، إرادة الشعوب للتغيير أقوى بإضعاف من سطوة وبطش الدكتاتوريات.
الخلاصة الناس تلم وجعها ده وتقذفوا في وجه الكيزان من خلال تنظيم بسيط وكل وسائل التواصل والتنسيق متاحة ولنا في ثورة الشعب المصري خير مثال.
شعب اتحد وقف وقفة واحدة قوية مهابة، حقق ما يصبو له بكنس قلعة من قلاع الدكتاتورية الممتدة عبر التاريخ.
ما عارف الكلام ده جا هنا ليه، بس يبدو أن شكوى عوض شكسبير من مرارة الواقع أوقدت نار هذه الكلمات المتواضعة
| |
 
|
|
|
|
محمد ابو شيبة
فيس بوك
تويتر
انستقرام
يوتيوب
بنتيريست