|
|
|
 Re: الفزعة في استشارة - شنطة اتأخرت 20 يوم (Re: الطيب عباس)
|
احمد ربك لو الشنطة وصلت سليمة
وكل محتوياتها بها
استلمت حقيبة من مطار الخرطوم قبل 3 سنوات
وهي الوحيدة التي تاخرت عن العفش
ووقعت على اقرار بذلك
واتصلوا بعد اسبوع للحضور لاستلام الحقيبة
وحينما تخلفت الحقيبة
تذكرت قصة الشاة القاصية
وادركت تماما ان الحقيبة سياكلها ذلك الذي اكل يوسف
كان بالحقيبة رسالة ماجستير
طباعة اخيرة
2 موبايل نوع عادي ابو 100 ريال
6 عطور
كريمات وصابون
ذواكر موبايلات بمبلغ 1000 ريال
ولحسن الحظ واثناء التفتيش رايت كل شيء في مكانه
واكثر مايهمني رسالة الماجستير
حينما ركبت السيارة فتحت الحقيبة
تفقدت الموبايلات فكانت عبارة عن صناديق فارغة
صندوق الذواكر فارغ
الشامبوهات ناقصة
الصابون تركوا لي اثنين
عمود حلاقة كان في مكانه
ومنذ ذلك اليوم تغير اسلوب الشحن عندي
واغلف كل اغراضي
اما الوصايا فاني احملها معي
| |
  
|
|
|
|
|
|
|
|
Re: الفزعة في استشارة - شنطة اتأخرت 20 يوم (Re: ابوحراز)
|
احمد ربنا انها رجعت بالسلامة
المفروض في هذه الحالة
المتعارف عليه .. كما في الخطوط السعودية مثالا
تمشي مستودع العفش في مبنى الخطوط السعودية بالخالدية
وتبحث بنفسك عن الشنطة طبعا هي بالالاف المؤلفة والمرصوصة فوق رفوق عالية
لو ما لقيتها حتعمل كشف بالمحتويات (طبعا في ناس بقولوا دهب وموبايلات ) كل ما خف وزنه وغلا ثمنه
كشف طويل عريض .. بالاضافة للتياب السودانية ووووو الهدايا .. وامام كل شىء داخل الشنطة السعر
نفترض المبلغ وصلتو انت 10.000 ريال
وتسلم الورقة وتوقع وتكتب تلفونك وتمشي وانت (فرحان) وفاكر انك (حتلقط) المبلغ .... بدوك اسبوع او اسبوعين
بعد نهاية الفترة المحددة حيسلموك 0شيك) على البنك البريطاني (ساب) عارف المبلغ او التعويض كم؟
مابين 1800 ـــ 2000 ريال
رحلة سعيدة
| |
|
|
|
|
|
|
|
|
|
Re: الفزعة في استشارة - شنطة اتأخرت 20 يوم (Re: Ahmed Yassin)
|
سلام أخوي أحمد
صح تلتلة دخلت فيها ربنا بس العالم بيها
تلفونات ومتابعة وايميلات الخ
ناسنا في الخرطوم ولا بيردو لي كانو زاتو
لقيت الشنطة متاخرة في مستودع السعودية في جدة
وصلت بعد 20 يوم رغم اني كاتب رقم هاتفي السعودي بالمفتاح وكاتب اسمي بشريط لاصق في الشنطة لقيتم مزالة من محلها وبباقي لاصق حتيتوني
ما اعتذرت القطرية قلتا ليهم انتو ولا اعتذرتو
ولسة بيلاوعو
قلتا ليهم عايز كاش
وعندك شروط عامة للنقل على موقعكم
وانا صاحب حق
اخر شي قالو لي تعال اشرب ليك قهوة معانا ما عارف متكاسل امش ليهم 5 يوم من دقو لي
حبيت اذاكر لسة قبال ما امشي ليهم
ههه سلام كتير وتحياتي
| |
|
|
|
|
|
|
| |
مجاهد محمد الهادي
محمد الامين احمد
بكري عباس علي
الطيب عباس
ابوحراز
Ahmed Yassin
فيس بوك
تويتر
انستقرام
يوتيوب
بنتيريست