هههه ياالملك .. متابع لصيق بى وين .. هو نحن لاقين فَرَقة نتابع؟ بس ياخى تفتح التلفزيون كده طوالى تلاقيك واحدة .. تنتظر شوية فإذا بــ فى جوّاى ـــ تجيك ناطة فى نص الكلام ..
الشمالوسودانيات ديل جنوا؟؟ ..
ياسيف حاسب على كلامك بيجيب ليك الهوا ... كمان السماحة عاوز تعمل لينا فيها داروين ؟؟ :) .. معناتها الناس الشينين لسه ما إتطوروا ؟؟ أو سقطوا فى الإنتخاب الطبيعى ؟؟ .. أو البقاء للأسمح والفناء للأقبح؟؟ .. وقس على ذلك من المآلات ..
داروين ده بوديكم التوج ..
03-04-2016, 02:03 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
في عالم اليوم, عالم منابر التواصل و الانستغرام و الشو أب.
الخرج الجميع في طلب النجومية و الظهور الإعلامي. الشاعرات أكثر قبول
للأسر من الموسيقيات, و الفنانات. و مع ملاحظتك برضو ما يفوتك زيادة الفئات
الأخرى أيضا. أما الجمال, فلا يصلح الظهور الإعلامي و الوقوف أمام الكاميرات و السيلفي, إلا به.
سماحة, شعر, موسيقى, غناء كلهم بجو مع بعض بالصاح أو الكضب. ممكن يكون أي جانب من هذه الأعمدة مصنوع و اي كلام, حتى السماحة ذاتها, خليك من الشعر التعبان. جيب العندك و حصل السوق. و بعد شوية حتشوف عدد القنوات حاصل كم!!
مودتي
03-04-2016, 02:20 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
هذا الشعر الركيك. ....هو تعبير عن جفاف عاطفى وأخلاقي.....فقدتها الأنثى السودانية فى ظل المشروع الحضارى. ......أما عن الطائفة المعنية الظاهرة فى الاعلام تأثرت بالطفح المادى دون الآخرين.....لذا وقع عليها ضرر جفاف مشاعر الرجال.....هذا كله عبارة عن صراخ عاطفى لاغير.
03-04-2016, 04:35 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
بالاحرى اي ظواهر اجتماعية سالبة في المجتمع الحالي السبب فيها الجامعات
قد يراها البعض شئ ايجابي و لكن في كل الاحوال هناك تحول من التوسط و السماحة الى الغلو و الفحش
طبعا مسألة الشعر دي غالبا ما تكون عند الفتيات من المساق الادبي الذي يوصف بالفارغ و عديم الفائدة و ضياع الزمن
اضف الى ذلك فهي لن تحظى بوظيفة مرموقة و جادة ان وجدت ، او لن يكون لها دور في المجتمع عملي
و اذا وضعنا في الاعتبار نزع الحياء الذي غالبا ما يحدث للفتاة بعد دخولها الجامعات المختلطة
يعني انثى تعلمت القراءة و الكتابة و اختلطت بالذكور و تعودت عليهم حتى لا تكاد تجد فيها حياء او انوثة
و ليس لديها ما يشغلها من عمل جاد او علمي معقد بالاضافة الى انها بعد ان تعودت على الخروج يوميا بحجة الجامعة و التعليم فانها بعد التخرج لن تجلس في بيتها لانها ادمنت الخروج
لذلك يتم البحث عن مخرج و سبب للظهور و الخروج اي سبب اي شئ
فنانة
مذيعة
شاعرة
الخ الخ
وظائف مجانية
لا تحتاج معاينات او شهادات خبرة او مؤهلات عملية في زمن عز في التوظيف
فقط تحتاج الى (مؤهلات) و اسر مغلوبة على امرها لا تستطيع ان تلقى باي كلمة تجاه البنت او توجهها او اسر منفتحة (متحضرة) ترى في ذلك نوع من الترف و الشهرة
زمان كنا نقول للواحده اذا شذت عن المألوف دي دايرة العرس او السبب البورة !!!
لكن في الزمن ده حتى بعد العرس مافي قعدة في البيت خخخخخ
انه ادمان الخروج من البيت و الوقوف على المرآة كل صباح و التستر خلف المساحيق
قادر الله
03-04-2016, 08:55 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
ما عندى مشكلة مع الشعر .. حتى مرات أنبهر من البلاغة الدارجة والرندوك البناتى .. الملفت للنظر هو كلمة - فى جُوّاى - دى .. لا تكاد تخلو قصيدة منها ودائماً تُنطق بحرقة وعصِير ألَم ..
عموماً أنا شايف بوح البنات ــ رغم الجرأة ــ إلاّ أنه يفتح لينا الباب لنرى رؤية الحياة بعيون المرأة التى تمثل تلاتة أرباع المجتمع .. وأهو فرصة نشوف التلاتة أرباع الأخرى من الدنيا وهى الجزء الأكبر الذى غاب عنا عمرنا كله .. عمرنا كله قضيناهو لعب مع الأولاد، قراية مع الأولاد، رحلات مع الأولاد، ونسة مع الأولاد .. رؤية محصورة فى مجتمع الأولاد .. النوم كان أخير .. :)
خليهم يطلِّعوا الجوّاهم .. :)
03-04-2016, 09:28 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
يا جماعة سيبو الشناف ودعوا ألف زهرة تتفتح. بالإضافة الى ان النساء والبنات ديل ليهم دور كبير في تنفيس المشروع الحضاري المزعوم. والسودان القديم فيهو المرأة شاعرة ومزارعة وراعية وكمان تاجرة، فهي بوادر عودة للجذور.
ياسر
03-04-2016, 09:46 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
سلامات ودالمدير .. كدى شوف المقاطع المستحيلة الجابها المرهف طلحة ده .. شوف فيها كم جوّاى ..؟ :) ..
وكما قلت إنه أدب مرحلة .. وجميل أن نسمع من العافصات على جمر الحياة القاسية وماخدات مؤبّد داخل جدران البلد المكتحة بالحر والغبار العالق ..
ليهن حق يطلّعن الجوّاهن بحرقة المغصة من غدر الغدارين اولاد الهرمة أولاد النهار ضه الساكّين الزوغة لبلاداً كُتُر ..:) ..
أنا غايتو مامتابع الميديا كتير ـــ أتابع بى وين وأنا على سفر حول العالم فى قطارات اليوتيوب؟ ــ لكين زمان سمعت شاعرة جهادية صوتها فيهو بحّة وقلبها حار وشِعرها قوى زى الرصاص ، إسمها هاجر ..
03-04-2016, 12:00 PM
أيمن نواى على
أيمن نواى على
تاريخ التسجيل: 05-02-2015
مجموع المشاركات: 4327
زمان كان الرجال هم الشعراء...... زمن الحقيبة الشاعر يقعد فى الكرسي جنب الفنان......ويستمع الأداء....واحدة من الشليقات لست الفنان......شنو العجوز دا. .....الشاعر سمع الكلام.....قطع فيها شعر.....عيوني غير عيونكن شن سهرا. .....بدور القلعة وجوهرا. .....وهى كانت اسمها بدور.
الرجال زمان نيرانهم مارقة برة.....جاهزين دموية ونور......واحدة ما تعدى الشخيط الاحمر.....وإلا الله قال بقى قولا.
واحدة جاية مارقة كشفت الشارع......لقت تلات رجال.....فرجعت على جوه البيت.....الأول قال هل يخفى القمر فى سماهو. ....التأني قال أبدا لا.....والتالت قال شفناهو شفناهو.......زمان الراجل ما يشوف ليهو طرف توب إلا يعقد يجوعر الليل كلو شيء شعر....شى مديح......الصباح يصبح مورود ......ناس البيت بيعرفو خلاص الجنا مكتول هوى....بيقومو يعرسو ليهو.
هسى الآية أصبحت معكوسة البنات بقن شاعرات. .....مايمر ولد بى جنبهم إلا يقطعو فيهو شعر.....ما باقى إلا أبو البت يمشى يعرس على بتو......والولد يتعزز دارير اقرأ الجامعة.
03-04-2016, 12:15 PM
Munir
Munir
تاريخ التسجيل: 02-11-2002
مجموع المشاركات: 10496
زمااااااااااااااااااااااااااااااااااااااااااااان..مرت زرت قناة تلفزيونية في مدينة ريجاينا..واكتشتفت حاجة عجيبة وغريبة.. انو القناة دي عندها حوش طويل ومليان دواليب.. شي هدوم ..شي بدل..شي احذية..وهناك سرداب طويل طويل فيهو مرايات وادوات مكياج..!
اها قمت كتبت الفكرة دي هنا في سودانيز اونلاين.. وعينك ما تشوف الإ النور..!!
قنوات امسودان الشغلانة وقعت ليها.. وهسع ده لو مشيت وعملوا معاك حوار وجيت اتفرجت في روحك.. ح تقول: وينو انا ؟..
البنيات سمحات سماحة (جوانية )..وح تظلموهن كتير لو عاينتو فقط للشكل..
وكويس انك جبت نهي الكباشي.. واستشهدنا بيها من قبل وبنفس القصيدة..و قصيدة نهي الكباشي علمتنى معنى اول مرة اكتشفوا عن الجنجويد..والله صحي..!
اهديكم بعض من اشغال غدير شيخنا (ودي الزولة البتقول أي حاجة كنت بتمنى اقولها شعرا..والله صحي)..!
شوف فكرة النقد الإجتماعي.. طبعا الناس ح تسرح مع حكاية (اتلمت سحابة وصبت مطرة اشكالها قلوب قلوب)..
ودمتم..
كبر
03-04-2016, 01:25 PM
Munir
Munir
تاريخ التسجيل: 02-11-2002
مجموع المشاركات: 10496
شاعرات ومغنيات كمان يا دكترة لعلي أسبح في اتجاه مغاير لوجهة البوست الشعر والغناء كانا موجودين في مخيلة ووجدان وعواطف المرأة السودانية منذ أن وجدت المرأة السودانية لو ذهبت لـ أي ( بيت بكاء ) وتأملت الوصف المرسل حزناً على الميت لوجدته شعراً من أبدع ما يكون ولو تأملت ( أداء ) و ( تنغيم ) ذلك الشعر المرسل حزناً على ميت لوجدته أغاني بكائية كأجمل ما يكون الغناء لو ذهبت لـ أي ( بيت عرس ) وتأملت الوصف المرسل فرحاً بزواج العريس لوجدته شعراً من أبدع ما يكون لو تأملت ظاهرة أغاني البنات أو الأغاني ( مجهولة المؤلف ) لوجدت أن ذات الأغنية بذات الميلودية اللحنية قد أضيف إليها أبياتاً من الشعر حسب بيئة وثقافة الجغرافية المحددة نعم كل ذلك كان يتم في ( حياء ) وتكتم وربما في سرية وذاك الحياء وتلك السرية كانوا يتسقون مع مفاهيم مجتمعية مثل ( عورة صوت المرأة ) وما شابهها من أحكام وقيم ونحن نستعد لواداع والدتنا المسافرة للحج لأول مرة قبل نحو ثلاثين عاماً فاجأتنا شقيقتي الكبرى بقصيدة ملحنة صدحت بها عندما ( إتلم ) الأهل والجيران لوداع الحاجة وأيضاً ليلة زواجي قد فاجأتنا بقصيدة ملحنة أغنية كأبدع ما يكون فخر الأخت بأخيها وبالطبع هي لم تكن إستثناء ولن تكون سوف تجدها كثر في كل مجمتع وفي أي جغرافيا لكنها ( محصورة ) في محيطها بفعل محاذير ذلك الزمان
الجديد الآن تغير الزمان واتساع التعليم أفقياً ورأسياً ثقافة العصر المنفتحة على ثورة الاتصالات الواتساب النت المفتوح القنوات التلفزيونية تقبل المجتمع في رضا لما كان يعده سابقاً من الموبقات
حدثنا الأستاذ الطيب صالح أن خطوة المرحوم طلسم في السماح لكريماته بالغناء تعد ثورة لا تقل في تأثيرها عن ثورة الشيخ بابكر بدري الذي بدأ تعليم المرأة ببناته ما رفضه مناؤو الشيخ بابكر بدري ومناؤو الأستاذ طلسم أصبح الآن من ( أبجديات ) مهام أي أب
على الرغم من كون هذا الشعر مرسل و باللغة العامية, بعيد عن اللغة المميزة و البلاغة و غيره, إلا أنه يفتقد أيضا للقضايا الملحة في بعض الأحيان. يعتمد فقط على الفكرة و لا يحلق بها كما ينبغي.
اتفق مع حمد في سبكة , نقطة بتفرق, و الفكرة العامة للنص. لكن تخيل لو واصل النص:
نقطة بتفرق
من دم أحمد ولى الدومة
من دم اوشيك ولى دينق
...
,,حاجة على ذات المنوال,,
...........
دمعة بتفرق
لمن تنزل أو تتحجر جوة العين
من ام شقيانة
أو أطفال فاقدين والدين
...
,حاجة كدة بتشبه نهج النص,
كانت ح تجعل للفكرة أجنحة إضافية لتحلق بها.
المشكلة مشكلة جيل؟؟
احتمال كبير!!
03-04-2016, 03:52 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
يا سيف ومنير غايتو بتنا بتاعة الضهاري لو قالت في "جواي" يا ها الواطاتنا اصبحت
ظاهرة الشعر علي مر العصور والتاريخ هو تيرمومتر حقيقي لمعرفة تطور الشعوب . اقول قولي ده وفي بالي ظاهرة الحمامي والوراق في عصر الانحطاط التي اعقبت سقوط الدولة العباسية وسقوط بغداد حتي قال احدهم:
قفا نبك من ذكرى قميص وسروال ودراعة لم يعف رسمهـا البـال
تتخيلوا!!
تجي لظاهرة في "جواي" الانتبه ليها دكتور منير وحركة اليدين ال>كرها اخونا سيف فديل ما بيخرجو من حالتين وهن:
الاولي: الدائرة الموضوعية الشعرية للبنات ديل ضيقة لدرجة انو غلب تيار الاباحية في اطلاق مفرادات الولع والحب والشوق واللهفة وغيرها من التي كانت الي عهد قريب مختصرة للعنصر الرجالي في مجتمع محافظ وله اسوار دينية وثقافية ضاربة في الجدور وده نيجة للوضع العام البتعيشو البنت السودانية علي العموم ليس بمعزل عن المجتمع ككل ومقايل ظاهرة المدائح النبوية الانتشرت في فترة ليست بعيدة
التانية هي قلة المخزون اللغوي مما ادي الي تكرار مفردة "جواي" واللف باستمرار حول المفردة دي ومحاولة حشدها من غير مبرر
03-04-2016, 07:38 PM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
سلام أخى السنوسى بدر .. لا أخفى عليكم أنى مالاقى زمن أتابع الأشعار لكين حاسى أنو شعر البنات ده داير ليهو روقة وتفرّغ بمزاج .. لأنى مؤمن بأن ذلك نبض النصف الآخر المكمِّل للحياة .. وبالجد كدى تأمّل كيف أن نظرة الأولاد تختلف عن نظرة البنات .. زمان شعر النساء كله سيرة ومديح للأب أوالأخ أو الإبن .. لكين الزمن ده الكلام ده اختفى مع الجندرة الحاصلة والتى خلقت عدااوة بين الجنسين ..
وبالنسبة لأشعار هؤلاء البنات ، زى ماقلت ليك ما سمعت منهن كتير لكن ماسمعته لفت إنتباهى لقوة التعابير واختلاف النَفَس النسائى من النَفَس الرجالى فى شهيق الكلمات وزفيرها :) .. و زى ما قلت إنو الأهم هو أن هؤلاء النسوة يعبرن عن المجتمع بمنظور عمرنا ما حنقدر نشوفه إلاّ نبقى بنات .. :) ..
03-05-2016, 03:05 AM
Munir
Munir
تاريخ التسجيل: 02-11-2002
مجموع المشاركات: 10496
زمان نوع هذا الشعر المعاصر لم يكن يستهوينى لأننا متعودين على الشعر القديم التقليدى المقفى الموزون بتاع المدارس الجلدونا فيهو ..
لكن طبعاً روعة الشعر والكلام ليست فى الوزن والقافية فقط، وإنما فى الحكمة وقوة التعبير وcontrast المعانى .. رُبّ قصيدة تكون كلها أى كلام ولكن يكون فيها بيت واحد يجعلها خالدة عبر العصور .. وبدون مجاملة قصائدك الجبتيهم لينا من طرف المفكِّرة ديل مليانات full :) ..
قبل فترة كان هناك برنامج فى التلفزيون إسمه سحر القوافى يقدمه أربعة من فطاحلة اللغة والشعر إرتقوا بذوقنا وتذوقنا لهذا الضرب من القصيد .. كنت أتابعه بشغف لكنه توقف ..
03-05-2016, 03:35 AM
Munir
Munir
تاريخ التسجيل: 02-11-2002
مجموع المشاركات: 10496
يادوب الواحد سمع بعض هذه الفيديوهات .. بديت من تحت لفوق .. شعر قوى .. سمعت لـ شعر غدير وهو متمكن وموضوعاته جميلة .. بس نصيحة ليها تغير طريقة الإلقاء التى تشبه طريقة أحاجى جنة الأطفال ..
أما الشاعرة الجابتها وضاحة فإن قصيدتها عجيبة ورهيبة .. بس بدل تقول جُوّاى، غيرت النغمة وقالت جُوّاك ـــ فكتها فيهو ـــ :) ..
البنات ديل ساعة يقوموا علينا يخلونا نتحسس مشاعرنا ونقُش عرق الدروب المزمنة .. ونمشى نعاين فـى المراية ..ـــ ما مراية عبدالعظيم عثمان بتاعة السودان الجديد ـــ :)
Quote: بعدين او ماتقيم به الشاعر هو درجة انفعاله بهموم الناس وقفة الخضار التى بلا شكاكبر همومنا ومضطرين ندخلها فى كل شى خاصة فى الشاعر لنعرف درجه احساسو بينا
يا عمر دهب إنت قايل الناس كلها همها فقط قفة الخضار وأكلوه واشربوه ؟؟ .. الحياة فىها أبعاد أخرى كتيرة .. وما تنسى ما ملأ ابن آدم وعاءً قط شراً من بطنه .. فكيف إذا كان همه كله ملء بطنه؟
Quote: يعنى واحدة من البنات ديل ممكن تكتب كل اشعار البنات ديل
.. ياخى أحكامك فيها خلل .. عليك الله حاول استمع بعدين أحكم ..
سلامات عمر دهب .. طبعاً أنا عملت ليك الشنكل من البداية لأنك جيت تعمل لينا البوست سياسة وكيزان ووو .. وإنت ياخى جديد فى المنبر ده لكين موضوع سياسة وكيزان ده أقدم منك بكتير ونحن سئمناهو وبقى ممجوج .. وأهو معروف إنو الكيزان ديل تختة مجانية أى واحد شغال فيهم نبذ ويكون محمى بحصانة المعارضة ولأنو مافي واحد منهم لسانه طويل فى المنبر يرد بالتنابذ والتشاتم .. فهم تركوا الأسافير لنضال الكيبورد فإنه لا ىؤذى جناح بعوضة .. لكين الراجل يمشى يشيل كلاش ويطلع ليهم الميدان ..
ونحييكم على التقليب الناعم لطواهرنا الاجتماعية التي بدأت تنشتر يصورة لافتة
أنا أعتقد الظاهرة أصبحت ظاهرة ليست بسبب كثرة الشاعرات
لكنها بسبب كثرة المنابر ( قنوات فضائية منتديات يتيوب فيسبوك انستقرام تويتر واتساب )
لأنه كما قيل من زمان قديم المرأة السودانية في حياتها العامة تميل لآرتجال الشعر .. زفة أخ عريس تنويم طفل صغير رثاء والد أو أخ ختان وخلافها من المناسبات .. وكذلك أثناء كثر الملل في الآعمال الروتينية ( غسيل طبخ كنس وهكذا )
وكذلك تفشي الظاهرة نجم عن التقليد الأعمى للقنوات بعضها لبعض .. أي برنامج تلفزيوني تجد له نسخة بأسم مختلف في كل القنوات الأخرى وخاصة البرامج التنافسية ..
وخير مثال برنامج ريحة البن والذي أعتقد له القدح المعلى في ظهور الشاعرات وأنتشارهن .
بل تسبب ريحة البن وشعاره في توليد يمكن أكثر من مائة قصيدة قوامها البن نفسه
من نوع
قليتك بن
شربتك بكري
اتقريفت ليك
حمصتك
وهكذا
وفوق هذا وذاك بعضهن يخلطن بين الصدق والجرأة ( مثال المهندس قباني أسمعوه )
تفتكر الواحدة منهن من المثال أعلاه لو قالت أي كلام بكل صراحة فهو ينمئ عن صدق مشاعرها بغض النظر عن المعايير الأخرى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة