اما الرخ القايل نفسو زول..قنب يقول.. " هذا انسان وطني لانه لا يرضي الحرب"ياخ قوم لف وقبال ما تقوم تلف اكتر من ما انت لافي..اعرف انو اغلب الشعب السوداني دا ما عاوز الحرب.. فكون انو قريمان كان او مفتاح يمشي يمسك مايك ويقول لا للحرب فهذا لا يعني انهم وطنيين او ربما غير ( انتهازيين).انتهازي كل من يحاور، يبيع ويشتري باسم الفقراء، الجوعي المعدمين..انتهازي كل من حاول ان يسوق ويمجد وجوه من هم، اصبحو الان.. وصمة عار في ذاكرة هذا الوطن الحزين.
01-01-2016, 07:10 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
كل عام وانت بالف خير نعم كل الشعب السوداني لا يريد الحرب ويحلم بسلام ووطن بلا نزيف دم وكل الشعب السوداني مدرك بأن الانقاذ هي التي تتشر الموت والدمار في كافة أرجاء ولن تستطيع إيقاف هذه الحرب لأن السلام العادل يفقدها كراسي الحكم والسلطان وجل الشعب السوداني له قناعة بفشل هذا الحوار ولا يهتم به من قريب أو بعيد والجلوس مع القتلة والمجرمين خيانة وطن ومواطن والباب مفتوح على مصرعيه لكل من أراد أن يبيع مواقفه بقاعة الصداقة فليذهب غير ماسوف عليه هؤلاء الوطن لا يحتاجهم
01-01-2016, 01:35 PM
Mustafa Mahmoud
Mustafa Mahmoud
تاريخ التسجيل: 05-16-2006
مجموع المشاركات: 38072
الحوار او حوار الطرشاناظهر حقيقة ناس كتار هنا في المنبرو الخلايا النائمة طفحت من علي بالوعة مافيا الكيزانو علية ارجو من كل الشرفاء مقاطعة بوستات كل من يدعو للحوار او شارك في الجوار مع القتلة و الحرامينه في مافيا الانقاذو لقد نما الي علمنا ان جهاز امن الكيزان اعطي الضوء الاخضر لبعض اعضاء المنبر من الامنجيه من الخايا النائمة و امرهم ب مهاجمة كل من يقف ضد حوار الطرشانو لقد ثبت بكل وضوح انهم لم ياتو هنا لجوار با اتو لاجندات اخريو عليه عليكم اليقظة و الجزر من كل بوستات الامنجيه و صبيان الجبهة الاسلاميه و كل الخلايا النائمة في المنبر و عاش السودان بدون كيزانو العار العار العار لكل من شارك او يدعو للمشاركة للحوار مع مافيا الكيزان
01-01-2016, 08:29 PM
rani
rani
تاريخ التسجيل: 06-06-2002
مجموع المشاركات: 4637
Quote: من يبغي الثورة ... فإلى السودان, ومن يبغى العمل المسلح ... فإلى الميدان
طيّب ما تراهو دآك المطار فاتح علي مصراعيه، الورجغة وطقطيق الحروف هنا والزمن يمضي لازمتا شنو ؟، والحكومة الفاجرة مدّت الحوار لأجل غير مُسمى اتركوا كبابي عصير البُرتُكان في مكانها والحقو من مضى . طبعاً يا راني ما فيهم وآحد يقدر يقوم من من كرسيهو يقيف علي حيلو خليك من يصل المطار، لكن اكان وصلتُن التزاكر المقطوعة بعرق ودم الغلآبة الذين طحنهم الفقر وتحكم فيهم العوذ يهبو بسرعة البرق خفافاً وثقالآ ويتزينوا بأفخم البِدل إستعداداً للوقوف علي المنصات لإستفراغ وطرش العفن الذي في دواخلهم، ثمّ بعد ذلك الرحلآت النيلية منها وغير النيلية . قسماً عظماً لو لا مص دماء الغلآبة لما وصلت تراجي ووفدها المطار، ناهيك من يصلو السودان ؤُ ينططو من ولآية لولآية . ناس تسافر ؤُ تاكل أفخم الطعام ؤُ تنزل في أفخم الفنادق ؤُ تتفسّح وتستمتع برأس السنة وحفلآت الكريسماس علي حساب من طحنتهم الحرب، ويزعمون أنهم ذهبوا لإيقاف الحرب، فتأمّل !...
01-01-2016, 11:14 PM
طه جعفر
طه جعفر
تاريخ التسجيل: 09-14-2009
مجموع المشاركات: 7343
شكرا راني كل و انت بألف خير كتبت ما كنت أفكر فيه مع دهشتي غير المحدودة في عمايل حيدر قاسم لدرجة القول ( ليتني كنت معكم) طيب ليه ما مشيت يا أخينا؟ ما ياها ديك قاعة الصداقة
لماذا هذه الهرولة؟
01-02-2016, 01:18 AM
rani
rani
تاريخ التسجيل: 06-06-2002
مجموع المشاركات: 4637
ان تفاوض هذا النظام، يعني.. أن تُنسي كانك لم تكن.. هو أن تقبر ماضيك حتي وإن لم يكن لك ماضي هو ان تعيش ما تبقي لك من أيام في صراع ذاتي هو ان يصبح الانسان جواك مافي..
أفتح شرايين القلب . . أفتح شرايين القلب وادي الوطن حقو من الوجع تنفك يا جدو يا عمو علم عصافيرك خليها تعرف صاح إنّو السماء مفتوح لي طلعة الأرواح إنّو الوطن مجروح بي زيف حكم مفضوح والفي الفؤاد ما بروح لا بطلقة لا بومبان لا فلوس لا فتح بيبان لا بطبلة لا ديدبان وأنت يا غلبان أعرف كمان إنّو ما كدا بتنحل كان خوف منك كان ام إنهزام لا ببنقو لا إدمان لا سلم لا عصيان محتاج مقاديفك للوعي والإنسان
محتاج مقاديفك للوعي والإنسان
أفتح شرايين القلب وادي الوطن حقو وأعرف كمان إنّو ما كدا بتنحل لا حوار مع القتله لا بنقو لا إدمان لا سلم لا عصيان . . أدي الوطن حقو أدي الوطن حقو . . راني السماني
01-02-2016, 02:38 AM
rani
rani
تاريخ التسجيل: 06-06-2002
مجموع المشاركات: 4637
Quote: طيّب ما تراهو دآك المطار فاتح علي مصراعيه، الورجغة وطقطيق الحروف هنا والزمن يمضي لازمتا شنو ؟، والحكومة الفاجرة مدّت الحوار لأجل غير مُسمى اتركوا كبابي عصير البُرتُكان في مكانها والحقو من مضى . طبعاً يا راني ما فيهم وآحد يقدر يقوم من من كرسيهو يقيف علي حيلو خليك من يصل المطار، لكن اكان وصلتُن التزاكر المقطوعة بعرق ودم الغلآبة الذين طحنهم الفقر وتحكم فيهم العوذ يهبو بسرعة البرق خفافاً وثقالآ ويتزينوا بأفخم البِدل إستعداداً للوقوف علي المنصات لإستفراغ وطرش العفن الذي في دواخلهم، ثمّ بعد ذلك الرحلآت النيلية منها وغير النيلية . قسماً عظماً لو لا مص دماء الغلآبة لما وصلت تراجي ووفدها المطار، ناهيك من يصلو السودان ؤُ ينططو من ولآية لولآية . ناس تسافر ؤُ تاكل أفخم الطعام ؤُ تنزل في أفخم الفنادق ؤُ تتفسّح وتستمتع برأس السنة وحفلآت الكريسماس علي حساب من طحنتهم الحرب، ويزعمون أنهم ذهبوا لإيقاف الحرب، فتأمّل !...
سلامات الزول النضيف/ معاوية المدير.. يا صاحبي هؤلاء، مسترزقون جوعي يدعون ما لا يفعلون.. نعم يا صديقي، ستجدهم هنا كل يوم، يستعرضون عضلات الكتابة ومحاولاتهم الفاشلة لخم الناس وتمرير أجندة المشروع الحضاري الذي يشهد فشله كل يوم فشل، او كما قالها اللمبي.. . . ديل كل همهم؛ بيت هناك، عربية اكل نضيف وتزاكر سفر ماشي جاي مجاني.. دعهم يمارسون السقوط كما يحلو لهم، ولكن تأكد سوف يسجل التاريخ يوما ما أسمائهم ضمن الخونة التاجروا بإسم الوطن والفقراء الجوعي..
01-02-2016, 03:30 AM
rani
rani
تاريخ التسجيل: 06-06-2002
مجموع المشاركات: 4637
شكرا راني كل و انت بألف خير كتبت ما كنت أفكر فيه مع دهشتي غير المحدودة في عمايل حيدر قاسم لدرجة القول ( ليتني كنت معكم) طيب ليه ما مشيت يا أخينا؟ ما ياها ديك قاعة الصداقة
لماذا هذه الهرولة؟
سلامات العزيز/ طه جعفر.. وكل عام وأنتم بألف خير. طبعاً هم أكيد عاوزين يمشو، بس قبال المشي عاوزين يتاكدو اذا حصل فشل وفكرو يرجعو يكون مقبولين.. ويجوك بعدين يقولو، كان همنا توقيف الحرب وما تبقي من مجان الكلام.. البيعملو فيهو الجوز ديل، دي الإنتهازية البي فهم.. ولكن، الشعب ليهم واعي.
01-02-2016, 04:03 AM
rani
rani
تاريخ التسجيل: 06-06-2002
مجموع المشاركات: 4637
يا وطن صدقني ديل والله ما بتعبو من قول الفات والفات الفات في دينو خمسة وعشرين لفات
اللفة الاولي اتكسرو فينا بنات الحور ودبابات وجو حلتنا جو حلتنا اتقسمو حبة القمح الخايدة في دم الجنين وفتحوا في كل البيوت بارات للرقيص سموها يوم الزواج عرس الشهيد وكلام كتير مطامس وفي الاخر دؤبو الوطن دلقان والدلقان رئيس مركب ركب هلكان . . راني السماني
01-02-2016, 04:34 AM
rani
rani
تاريخ التسجيل: 06-06-2002
مجموع المشاركات: 4637
مداخلة وصلتني عبر رسالة: --------- يا راني كل سنه وإنت طيب يا عزيزي ،، عارفك ما بتعرفني !! لكن قرات اليوم كلماتك عن من حاول أن يقنعنا أنهم البطل المخلص وأنهم أبعد عن الارتزاق وأنهم يروا ما لا نرى ! وأنهم بمصلحتنا أدرى !! قرات كلماتك واعجبتني ،، ما زال في شبابنا من يعرف حبكة هؤلاءالملاعين ،،
وبصراحه نحن نعول عليكم وزي ما شايف الكثير يتساقطون أمام أعيننا ،، تتألم شويه ، لكن بسرعه تعرف ده شئ زي الغربال ولولاه لكان الكل في أعين الناس سواء . ببساطه عبرت عن ما أحس به وده نجاح كبير ليك .
أنا دفعتك في سودانيز أونلاين وكنت أكتب باسم ****** ولسبب أو لاخر لا أستطيع الدخول ،، شكرا لك يا عزيزي
******** الاسم:
******* المدينة:
****** التليفون:
01-02-2016, 05:39 AM
Mohamed Yassin Khalifa
Mohamed Yassin Khalifa
تاريخ التسجيل: 01-14-2008
مجموع المشاركات: 6316
Quote: انتهازي كل من يحاور، يبيع ويشتري باسم الفقراء، الجوعي المعدمين
العزيز راني كل سنة وأنتم بخير وكامل الأماني بوطن حر وخال من أرباب الظلم وأهل الظلام!
بلا شك أنك وصفت بدقة كل من هرول لخوار من إغتصب السلطة وأهان التراب وإستباح الحقوق وأباد العباد. فلا خوار مع من باع وأشترى من أجل بقائه... ولا حوار مع من لا عهد له ولا خلقة ولا إخلاق. ومن يحاور من يقصف الجبال ليبيد الأطفال المحتمين بالحواكير والجحور... ومن يدمر القرى ويسمم الأبار بدارفور... هو نفسه من يدعي العروبة والإسلاموية بالدمازين والتي حرقها ليقف على أطلالها مردداً أمسح أكسح ما تجيبو حي!
إن خوار هذا النظام الآثم لخمسة دقائق، ستطيل من عمره خمسة دقائق... وهي مشاركة في الأثم وإمعان في الضلال وإهانة للذات وظبز للتاريخ!
هي تجارة رخيصة تفوقت على تجارتهم بالدين والفضيلة!
01-02-2016, 09:34 AM
rani
rani
تاريخ التسجيل: 06-06-2002
مجموع المشاركات: 4637
Quote: العزيز راني كل سنة وأنتم بخير وكامل الأماني بوطن حر وخال من أرباب الظلم وأهل الظلام!بلا شك أنك وصفت بدقة كل من هرول لخوار من إغتصب السلطة وأهان التراب وإستباح الحقوق وأباد العباد. فلا خوار مع من باع وأشترى من أجل بقائه... ولا حوار مع من لا عهد له ولا خلقة ولا إخلاق. ومن يحاور من يقصف الجبال ليبيد الأطفال المحتمين بالحواكير والجحور... ومن يدمر القرى ويسمم الأبار بدارفور... هو نفسه من يدعي العروبة والإسلاموية بالدمازين والتي حرقها ليقف على أطلالها مردداً أمسح أكسح ما تجيبو حي!إن خوار هذا النظام الآثم لخمسة دقائق، ستطيل من عمره خمسة دقائق...وهي مشاركة في الأثم وإمعان في الضلال وإهانة للذات وظبز للتاريخ!هي تجارة رخيصة تفوقت على تجارتهم بالدين والفضيلة!
سلامات الغالي/ Mohamed Yassin Khalifa وكل عام وانت في أبهي ما يكون.... نعم هي كذلك " تجارة رخيصة" .. تم فيها شراء الذمم بابخس الأسعار..
لماذا يا وطن لماذا لم تاتي بي.. للبحر لاكوس في ضل الحراز وطن لماذا لم تبني لي قبلة؟ لاركع حين يشدني الحنين الي الاله الازلي أخلي الخوف وابطل اقايط الدبورة بوجع المساكين المنهكين المعدمين الشايلين فسيح الموت جواهم وغلبو اليسوي معاهم عزرائيل
بإنهزام طفل ضهاري محتاج ليك سنة ضوء عشان تحس أطراف محنتوا ومحنتو وصلت في الحلم لطرف المدينة يا عمو معاك قدام والباقي كداري ونسة حبوبات سمنة ولبن وكان وكان في بيتنا الخير زمان . . راني السماني
01-02-2016, 11:06 AM
rani
rani
تاريخ التسجيل: 06-06-2002
مجموع المشاركات: 4637
Quote: اتفق مع كل ما ذكر في هذا البوست والحمد لله انه ما زال وسيظل هناك شرفاء واعون على المبادئ ماضون ندين المتحاورين والمادين قرعتهم والمؤلفة فلوبهم
سلام عزيزي/ احمد الشيخ.. عارف.. من أسهل الاشياء هو ان نجد لانفسنا ما يبرر فعل اقبح الاشياء.. يعني الحرامي البيسرق، اكد تماماً هو بيكون عندي مبرر انو بيعمل كدا ليه.. وكذلك لهؤلاء الساقطون ما يبررون به لانفسهم زيف ما يفعلون.. ولكن للشعب ذاكرة..
01-02-2016, 11:19 AM
rani
rani
تاريخ التسجيل: 06-06-2002
مجموع المشاركات: 4637
Adam Mohajer · University Of Khartoum كل عام وانتم بخير وعصابة الانقاذ ما زالت جاسمة على صدورنا وكتمت انفاسنا. اخي الفاضل انا علقت في احد البوستات وقلت وقلت ان الذين ذهبو للحوار ما هم الا كيزان مستترين وقلت ان المدعو كبر يردد نفس كلام الانتهازية تراجي بالهجوم على ا شاوس الحركات المسلحة وقيادتها والحركة الشعبية في شخص ياسر عرمان يا اخي لا يمكن ان تكون معارض وتكشف ظهر من ضحى بحياته من اجل قضايا عادلة . كبر هذا من اكبر المنافقين ولاحظت في مداخلاته دائما يكثر من الكلام ويدخل عدة مواضيع لا علاقة له بالبوست محاولا تشتيت فكرة البوست الاساسية عروهم هنا في المنبر واخرسوهم الى الابد.
01-02-2016, 01:41 PM
rani
rani
تاريخ التسجيل: 06-06-2002
مجموع المشاركات: 4637
"تابعوا ماشيتموا او طاوعوا من خفتموا فالزاحفون الي الفجيعة انتمو فقط افهموا ان لا و ثيقة او وفاق و لا حقيقة او و ثاق تخفي عن الأطفال عورة من دفنتم من رفاق . " ---- محمد مدني
01-03-2016, 11:05 AM
rani
rani
تاريخ التسجيل: 06-06-2002
مجموع المشاركات: 4637
"بدل شاهيك اشرب دم اذا قلت الكلام النى وانا الما عندى ليهن شىء لا فى البنك ولا فى الدين سوى الكلمة المابتنداس ولا بصبح مكان الرف ولا عصفورة جو الكف ولا صقر يحلق فوق وينزل كف نبض الشعب اجمل من بريق الماس واجمل من حليب الستره ما حبيت مشارب كاس كما القمرية بين اغصانها اشرف من موائد ناس واقرب للوطن من ناس وخيراً جانا ما عم البلد وسواس أذن فلتقرع الاجراس مريم حضرى الكراس أميرة ومى تعالن جاى نغنى لاخر المشوار نغنى لاخر الانفاس نغنى لاخر المشوار نغنى لاخر الانفاس" ---- محجوب شريف
01-05-2016, 00:15 AM
rani
rani
تاريخ التسجيل: 06-06-2002
مجموع المشاركات: 4637
غايتو اديكم النجيضة: الضجة والهيلمانة الحاصلة بخصوص ما اطلق عليه حوار هذا.. لم يتعدي حدود هذا البورد شبر ولو وصل مكان تاني، ما بيكون اتخطي الفيس بوك وبعض القنوات التي لا يشاهدها سوي السودانيين بالخارج.. فالقنوات المصرية، التركية واللبناية هي ما تسيطر علي شاشات التلفاز بالداخل.. وسودانيس اونلاين عشان تدخل ليها من الداخل، بتكون كانك زول تعبان ونفسو يمشي جكة، فالنت هنالك كسيح.. ملخص الكلام اعلاه.. الناس المشو الحوار ديل، الكيزان حرقوهم بابخس ثمن.
01-26-2016, 11:33 AM
Mustafa Mahmoud
Mustafa Mahmoud
تاريخ التسجيل: 05-16-2006
مجموع المشاركات: 38072
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة