لا أخى الهادى ليس مقصور عليك..بس أعتقد الموظفين جدد ولايملكون الخبرة الكافية فى المعاملات...عندى كيس لم يستطيعوا حله ولجأوا لمكتب خارج القنصلية ودلاهم على الحل..تقديرى.
03-27-2016, 03:36 PM
Elhadi
Elhadi
تاريخ التسجيل: 01-06-2003
مجموع المشاركات: 9603
Quote: بس أعتقد الموظفين جدد ولايملكون الخبرة الكافية فى المعاملات.
إذا الموظفين جدد ولا يملكون الخبرة الكافية طيب مشغلنهم ليه ؟؟ لأنو الزول البكون لديه معاملة مع السفارة خصوصاً المعاملات الهامة جداً ما ممكن يدفع تمن إنو الموظف لا يؤدي عمله بالصورة المطلوبة من وقته وماله وأعصابه
السفارة الانجليزية اتفه من الاميركية وبلطعووك في الشارع زي الكلب واي زول عاوز فيزا بردوا ليهو سلبا ريجيكشن . والغربية يدوا الفيز لي ناس المؤتمر الوطني وناس الحكومة الحراميةاما التعبانين الزينا ديل تجيب قدر ماتجيب يقول ليك سووري واعذار واهية والجواز بيترسل لي بريتوريا عشان من هناك يجيك القبول او الرفض ومافاهم سبب ذهاب الجواز الي بريتوريا يعني الفاتحة هنا دي كافتيريا.بعدين زول عندو جواز انجليزي وعاوز يستقدم زوجتوا سنة وسنتين عاااادي مايدوكفيزا حتي لو زوجك شغال في ناسا . والله عبط وقلة ادب شديدة وتعامل تافه جدا وان دل انما يدل علي هوان الشعب السوداني وتدني قيمته لدي البعثات الديبلوماسيةوانا ما سكت واتكلمت ورفعت شكوي لي مجلس العموم في الفيسبوك عملت صفحة معا من اجل انتزاع حق السفر الي بريطانيا.حكومتنا هي السبب طبعا والكيزان معظمهم عندهم ازدواجية في الشخصيةوالجنسية ونحن المكتوين بالنار لو حكومتنا كانت بتحترم الانسان كانت استدعت السفير البريطاني واحتجت ومبدأ التعامل بالمثل مكفول ولكن (من يهن يسهل الهوان عليه)كمان السفير الجديد فاضي وبشجع المريخ. تسلم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة