|
|
 Re: الدبلوماسية السودانية (Re: Mohamed Adam)
|
دبلوماسينا ماقادرين يعرفوا قدرات دولتهم الحقيقيةـ
اقتصادية، اجتماعية، سياسية، عسكرية... الخ
بموجب ذلك مفروض علي الدبلوماسي الناجح ان يعرف قدرة دولته الفعلية، وكيف يجعل من دولته فاعل مؤثر داخل المنظومة الدولية ويعرف متي يساوم ومتي يقبل ببعض التنازلات في اطار Win win وباقصر طرق وفترة ممكنة مش 20 سنة دولته تكون والغه في عدة عقوبات من بينها اقتصادية وامنية وغيرها..
كذلك علي الدوبلوماسي ان لايقوم بمبادرات، دولته ماقادرة تفي بها وان امكانياتها المتاحة محدودة
الدبلوماسية السودانية، دخلت السودان في معمعة الارهاب العالمي، منذ ان فتحت حدودها لكل من هب ودب من الارهابين ومن بعض مجرمي دول العالم ليدخلوا الدوله بلا هويات قانونية اللهم الا من شهد وقال الف مرحب بمشروعهم الحضاري، الدمروا بيهو البلد.
زي ما اسلفنا نجد الواجهة السياسية وفي مقدمتها الدبلوماسية، حسبت قدرات الدولة السودانة غلط، بالذات في حين الهوشة والفوره بتاعت الدين قاموا اتغروا بالبترول "الكان" وهو ذاتو بتاع دولة الجنوب هم مجرد همباته ليس الا.
علي طول قاموا ينظروا ويتفيهقوا للاسلام كانهم صحابة رسول الاسلام بدولة المدينة حين فتح ابوابها لكل انسان حتي لو، غلف وبطن اسلامو بالشرك،
فشئ ساحات للفداء شئ قطع ايدي وجلد للقوارير والتلصص علي خصوصياتهن، وشئ امريكا دنا عزابها، المهم سادلين في الغي والسفهه، حتي حلت الفكرة محل السكرة والبترول العاريه شطل واتلحس!!!
الدوبلماسية بتاعتهم قامت بنهج جديد لايختلف عن الاول الا في الانبطااااح"
دفعوا لاي امريكي صاحب قرار او مؤثر عليه او بيعرف من هو مؤثر في قرار العقوبات بامريكا الا ودفعوا له من اموال علي حسب طلبه او عقدوا معاه صفقات ريعيه.
كذلك ما خلوا اي فرد، دولة، شركة، جالية ممكن تخدم في عملية رفع العقوبات عن برجوازيتهم الطفيلية بالدولة السودانية، الا واغروها بالمال السخي وبامتيازات اخري عاجلة من جيوبهم او آجلة تقطع لهم من اراضي السودان!
يبقي منا سبق يحق لنا، ان نقول، الدوبلماسية السودانية فاشلة بمعني الكلمة، لانها لم تعرف قدرات الدولة الحقيقية ولذا السودان تعرض لعقوبات اقتصادة وامنية وماقدرت ترفعها عنه في فترة و جيزه وظل قابع تحت سلطانها لعشرين سنة!!!
تابع باقي فشلها:
| |
  
|
|
|
|
Mohamed Adam
فيس بوك
تويتر
انستقرام
يوتيوب
بنتيريست