|
Re: الجنن عبد القادر و امحومد زين ود عمر و معا� (Re: أبوذر بابكر)
|
(2)
و"قيس" فى فلواته يحنس فى "الصيد" ويتفكر فى عويناتن قال شنو، عشان بشبهن عينين "ليلى"
ده ياهو الجن يا بلاش جِن راسو عديل مو طرطشه
والسبب فى كل الحالات، ياهن العوينات ذاتن محل ما تمش ووين ما تقبل
تعدد الجنون والسبب واحد
يكون يا ربى ياهو ذاته
الجنن عبد القادر ؟
محمد زين ود عمر، الوحيد النافس "قيس" على ميدالية الجنون الذهبية طفش بالخلا بى وشو وقعد ينوح وعلم خلق الله كلها النواح البودى القبر وفعلا مشى ليهو بى كرعيهو
جاهو دريباً عارق وسحره ابجنن فارق الفى عقاله بزارق الليلة ان طار مو مارق
سمحورك مو نقنيق وفى الصندل عودو شقيق الناجر الصف ماهو نعيق مجضم وفاك الريق
والجاغريو سادر فى "تنويح" الناس وعبد القادر ما هاميهو كلام الناس
و"قيس" المسكين خلاص، منو العوض وعليهو العوض
ومحمد زين بقى ينشبك فى الماشى والجاى ويسأل من "أم عيسى"
وأم عيسى وين عاد تانى
عربك ختمو الفاو وشيلك نيق مو حجاو يا ام درعن راتع العلاو طعمك قونديل مو تمير جاو
اهلك رحلو ودرجو على مرضان ما عرجو يا بكيرة الاندرجو البكا للزول شن فرجو
والسبب كلو شنو؟
غايتو بس الله يجازى الكان السبب
| |
|
|
|
|
|
|
Re: الجنن عبد القادر و امحومد زين ود عمر و معا� (Re: أبوذر بابكر)
|
سلام أخونا أبوذر
جابتني أم عيسي وأمحمد زين
تلك الملحمه العفيفه من الغزل وجابوني الإتنين عشان سبق وأني إستمعت للملحمه الغزليه في شريط كاسيت بداية الثمانينات وعلي بعد كيلومترات قليله من أطلال الموقع
المنطقه تقع ما بين أم قرضه وعين اللويقه
تحركت راجلاً من الخياري تجاه الشمال الجغرافي حتي جاوزت أم قرضه متجهاً لعين اللويفه التي لم نصلها ووقفت علي أطلال قرية أم عيسي
كان دليلي أحد أصدقائي من أهل المنطقه وهو الذي أسمعني الشريط الكاسيت للأسف لم أسمعها ثانيه ولكنها تطن في أذني لأكثر من ٣٦ عاماً كامله
عمي أديتو ......قطاعه لاها جساره ولا ها بتاعة الساق مني ...أم صقاعه عسلية الأهلو ....رفاعه
عمي قطاعتي ......تلاقي في حمد .....وفي الرضي في ركبو البي ...تويلي الساق مني القاد..حرتي
يا ناس الركب...الفازعين تعالوا شوفو ...محمد زين يبقى أم خد .....درت وين سافل أم قرضه وصعيد للعين
سلام وتحيه ومتابعه
| |
|
|
|
|
|
|
Re: الجنن عبد القادر و امحومد زين ود عمر و معا� (Re: بشير حسـن بشـير)
|
الله يحييك ويسعدك و يعليك يا بشير
بالجد ما كنت متوقع القى زول عنده المام بقصة وملحمة ام عبير و ابن عمها محمد زين
وهى قصة حزينة ومؤلمه فعلا وتستحق انها توثق وتحكى وتروى
انا حقيقة سمعتها من مصادر متنوعه وكعادة السرد الشفاهى عندنا وعدم التوثيق الدقيق، بكون فى شوية اختلافات فى ثنايا القصة وتفاصيلها ولسه بنتمنى من المهتمين انهم يوثقو للحكاية من مصادرها الاكيدة
حقيقة هى دراما تستحق الكتابة عنها ولو كانت فى اى بلد غير بلدنا اكيد كانت طلعت فى مسلسل او فلم او ما شابه لانه فيها تفاصيل وابعاد عجيبة وغريبة وربما تستحق الدراسة كمان
الشى المتمنى اعرفه وبشدة هو زمن حدوث الحكاية دى، يعنى حصلت متين تحديدا
اشكرك يا بشير واهديك كل الود والتقدير
| |
|
|
|
|
|
|
Re: الجنن عبد القادر و امحومد زين ود عمر و معا� (Re: أبوذر بابكر)
|
سلام أبوذر وحياك الله
والله يا أبوذر لم أندم علي شيء مثل ندمي أنني لم أمتلك تسجيل لتلك المناحه دعنا نسميها كذلك لأن الفرصه كانت مواتيه لي في ذلك ولكن .....
الشاعر المحبوب هو عقلي أمحمد زين عمر المحبوبه هي بنت عمه الساره المكنيه بأم عيسي يقال أنها كانت فائقة الجمال في كل شيء هام بها إبن عمها أمحمد زين كما يكني نفسه بذلك وإنتشر خبر هذا الحب العفيف بين العربان والبوادي وتأثر والد الساره بذلك ورفض تزويجها له عقاباً علي إذاعته هذا الحب العفيف النظيف هام أمحمد زين زمناً وهو يبكي ويندب حظه لعل عمه أبو الساره يحن عليه ويزوجه إياها ولكن لم يتم ذلك وتزوجت الساره من رجل آخر وجن أمحمد زين ومرض ورفض الحياه ولكنه مات في عمر الستين الملحمه كانت علي ما أذكر من محدثي ودليلي وكان من أهل عين اللويقه كانت في ثلاثينيات أو أربعينيات القرن الماضي توفي أمحمد زين بعد أن بث مئات بل ألوف بيوت الشعر بكاءاً علي محبوبته ولكنه لم يجد من يحفظ تلك الثروه أو يكتبها الا بعض الأبيات من هنا وهناك ولكن الملحمه الحقيقيه موجوده وسأحاول أن أجدها وآتي بها
القصه تشابه الي حد كبير قصة تاجوج والمحلق
سلام ولي عوده بمشيئة الله
| |
|
|
|
|
|
|
Re: الجنن عبد القادر و امحومد زين ود عمر و معا� (Re: بشير حسـن بشـير)
|
تحياتى ليك يا بشير وتقدير لاهتمامك وحضورك السمح
انا سمعت رواية مختلفة شويه وهى انه محمد زين كان فعلا متزوج من بت انه ام عيسى وحصلت مؤامرة كانت نتيجتها طلاق الزوجين، واطراف المؤامرة كانت والدة ام عيسى ومعاها واحد من اغنياء مجتمعهم وكان رجل كبير فى عمره، اغرى أن الزوجة ودبرو مؤامرة خبيثة وحصل الطلاق وحتى والد ام عيسى ما كان مدرك للخطة المرسومة وبقى ضحية برضو بدون ما يعى ويدرك ابعاد المؤامرة بعدها سعى محمد زين عشان يرجع زوجته والرجل الدنيئ تزوج منها، و اضطربت حال محمد زين لدرجة فقدان العقل والجنون وسمعت انه مات مقتول فى الخلا والبادية فى مكان اسمه القليعة البويضا
محمد زين شاعر اصيل و مجيد ونظم شعر كتير بعد الماساة الحصلت ليه
يا ريت يا بشير نلقى مصادر موثوقة وملمة بالقصة عشان نعرف التفاصيل الحقيقية
واجدد ليك الشكر والتقدير
| |
|
|
|
|
|
|
|