|
البِطانة التي نهانا الله عنها (Re: قصي محمد عبدالله)
|
الخطاب موجه من الله تعالى للمؤمنين. يقول تعالى:
( ياأيها الذين آمنوا لا تتخذوا بطانة من دونكم لا يألونكم خبالا ودوا ما عنتم قد بدت البغضاء من أفواههم وما تخفي صدورهم أكبر قد بينا لكم الآيات إن كنتم تعقلون ( 118 ) ها أنتم أولاء تحبونهم ولا يحبونكم وتؤمنون بالكتاب كله وإذا لقوكم قالوا آمنا وإذا خلوا عضوا عليكم الأنامل من الغيظ قل موتوا بغيظكم إن الله عليم بذات الصدور ( 119 )
آل عمران
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
الأخ قصي تحيه ليك ولي ضيوفك الكرام بتمني مقص الرقيب يكون بعيد شويه بس
Quote: من دونكم : من غير أهل ملتكم. |
الأي الكريمه بتتكلم عن المنافقين ياقصي و الدليل
Quote: وإذا لقوكم قالوا آمنا وإذا خلوا عضوا عليكم الأنامل |
ومخصوص جبتها من كلامك عشان تكون بي يدك انت - تكسب فيها ثواب وكده -
Quote: ياخي أي جماعة تستشار بصورة مستمرة ويسر إليها ويؤخذ برأيها تعتبر بطانة.. |
دي زي منو كده ورينا و أضرب لينا أمثله ......
Quote: ما عندك غير كتب السلفية التي يمكنك أن تطور بها من ثقافتك الدينية ... |
من القائل ؟!!! ولي بس السلفيه هل هم أصحاب الحق المطلق الذي لا باطل فيه ولاحق مع غيره ؟!!! باقي الناس دي كلها تمشي الشارع كفار وله ماعندهم علم وله شنو - اسي انا ماسلفي ؟ انا كافر يعني وله تفسيرك لي حالتي شنو
Quote: هنالك فرق بين البطانة ، وزملاء المهنة و ناس التعامل الوقتي (بياعين مثلا) خلينا في البطانة |
ومنو القال ليك ديل مابطانة زميل الشغل دا بطانتك الفي الشغل البتسأل في مشاكل الشغل وبديك راي ياطفشك ويارقوك بي سبب رايو
و السلام ختام تخريمه ============= ماتوديني مع الناس البيهناك
| |
|
|
|
|
|
|
Re: البِطانة التي نهانا الله عنها (Re: Mahamed Eltaze)
|
حباب الأخ التازي، شرفت المنشور ، مرارا وتكرارا
Quote: من القائل ؟!!! ولي بس السلفيه هل هم أصحاب الحق المطلق الذي لا باطل فيه ولاحق مع غيره ؟!!! باقي الناس دي كلها تمشي الشارع كفار وله ماعندهم علم وله شنو - اسي انا ماسلفي ؟ انا كافر يعني وله تفسيرك لي حالتي شنو |
وبعدين ياخي ماكل شئ ينحت في المخ مناسب لكل مكان. هسي عليك الله الدخل السلفية هنا شنو ؟؟؟؟؟؟ ----
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
الأخ قصي مشكور علي الترحيب
Quote: هسي عليك الله الدخل السلفية هنا شنو ؟؟؟؟؟؟ |
ده سؤال وجيه انا احيك عليه فقد كتب الأخ قصي محمد عبدالله هذا التعليق
Quote: ما عندك غير كتب السلفية التي يمكنك أن تطور بها من ثقافتك الدينية ... |
من هنا قامت جات السلفية ناطه ما من راسي ساكت بس
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
بطانة بتاعة فنيلتك ...... اقعد صاقر لي بطانتك وبطانتي لحدت ما قطرك يصفر وتلقى روحك في الرقة السورية او سرت الليبية واسمك ابو القعقاع السوداني .... اما بطانتنا البنحبها واحدة بس بطانة ابعلي وحسان ام هبج والله يا قصي لمن امشي هناك لي اهلي وخصوصا في الخريف يا اخي متعة المتعة .... واما احبابنا المسيحيين ديل اخوانا وجيرانا وتب ما بنخليهم وبنوادهم وبنحبهم وقبل كم يوم والله كنا في عزاء اخونا وحبينا و زميلنا في السوق ميشيل القبطي في وفاة حبوبتو ...وعلى الحلف بشيل معانا الفاتحة زي الترتيب .... فما تحبكها اوي خليك كوووووول ولك الجنة .... فتك بعافية يا قصي
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
عن أبي سعيد الخدري رضي الله عنه, أنَّ رسولَ الله صلى الله عليه وسلم قال:
((مَا بَعَثَ اللهُ مِنْ نَبِيٍّ، ولا استَخْلَفَ مِن خَليفةٍ، إلا كانَتْ لَهُ بِطَانَتانِ:
بِطَانَةٌ تَأْمُرُهُ بِالمعْرُوفِ، وَتَحُضُّهُ عليه، وَبِطَانَةٌ تَأْمُرُهُ بِالشَّرِّ، وَتَحُضُّهُ عليه،
والمَعْصُومُ مَنْ عَصمَ اللهُ))
| |
|
|
|
|
|
|
Re: البِطانة التي نهانا الله عنها (Re: مني عمسيب)
|
Quote: السلام عليكم اخي ... قصي ..
غايتو نحمد الله السخر لينا البطانة النهانا عنها في العيش فيها
وابعدنا من البطانة الامرنا بالعيش بها والا كنا سوف نكون من الجاهلين !
قااااااادر الله وحليل بت امي |
سلام بت عمسيب، البطانة هم المقربون منك، الذين تجالسيهم وتشاوريهم وتسري إليهم وتأخذي بآرائهم في مواضيعك الخاصة..
و إن شاء الله بطانة خير .. نفعك الله بهم ونفعهم بك..
شكرا على رفد المنشور.
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
سلام ياقصى
انت هسه عشان تكون بطانه ان شاء الله كويسة يلزمك توقف كلمات صنان وفار بعدين الناس هنا مجتمعين هنا يتشاورو فى الفساد داك الضد الشريعة جد بى جد انت كمان كون بطانتك بالكلمة الطيبه وجاهد فى الفساد الهناك عندنا لان بلدنا الان محتاجه لى كلمة الحق فى وجه السلطان الظالم
| |
|
|
|
|
|
|
Re: البِطانة التي نهانا الله عنها (Re: عمر دهب)
|
شكرا الأخ عمر دهب على المرور،
بخصوص:
Quote: بعدين الناس هنا مجتمعين هنا يتشاورو فى الفساد داك الضد الشريعة جد بى جد |
كلامك غير صحيح نهائيا:
الناس هنا بتتكلم في كل شئ ، ولك أن تنظر فقط إلى الصفحة الأولى من المنبر العام لترى شتى ضروب الحياة...
أما بخصوص:
Quote: انت كمان كون بطانتك بالكلمة الطيبه وجاهد فى الفساد الهناك عندنا لان بلدنا الان محتاجه لى كلمة الحق فى وجه السلطان الظالم |
أولا
البطانة حدودها بسيطة ولكن مخرجاتها بعيدة المدى وقد: تقود المنطقة المستهدفة للخير. وقد تقودها إلى هلاك شامل..
فالمخرجات ( خيرها أو شرها) قد تكون مادية أو اقتصادية، وقد تكون فكرية وعقائدية وإيمانية ، وهي الأهم.
مرة ثانية بخصوص: Quote: انت كمان كون بطانتك بالكلمة الطيبه وجاهد فى الفساد الهناك عندنا لان بلدنا الان محتاجه لى كلمة الحق فى وجه السلطان الظالم |
الأمر يشملنا جميعا .. هنا فقط للتذكير ..
شكرا على المرور
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
قصي سلام يا حبيبنا نصيحه لي الله وانا من بطانتك بس ما تجي تقول لي كم من فئة قليلة هزمت فئة كثيرة المنبر انت فيهو ليك عامين وحسب معرفتي بيك انت ما زول صراعات اسفيريه انت زول طيبان هنا لو حاولت تخش في صراعات زي دي بتكون خسران وبتحارب في طواحين الهواء المنبر فيهو الجمهوريين والشيوعيين والبعثيين والكفار ذاتم ..... الخ شوف انت في وسط كم بطانه الموضوع دا جلي امشي كمل الماجستير وتعال بوجه جديد والبحاول اداوسك زوغ منو زي زوغت بوست الناظر هباني اقول ليك نصيحة تانية بعد ترجع ما تكتب والي انت وضارب الكبسه عشان اعصابك تكون مريحه وخليك كوووووول عليك الله ما تقوم تفكني بي اية و ل بوست ..........
| |
|
|
|
|
|
|
Re: البِطانة التي نهانا الله عنها (Re: عباس الدسيس)
|
Quote: قصي سلام يا حبيبنا نصيحه لي الله وانا من بطانتك بس ما تجي تقول لي كم من فئة قليلة هزمت فئة كثيرة المنبر انت فيهو ليك عامين وحسب معرفتي بيك انت ما زول صراعات اسفيريه انت زول طيبان هنا لو حاولت تخش في صراعات زي دي بتكون خسران وبتحارب في طواحين الهواء المنبر فيهو الجمهوريين والشيوعيين والبعثيين والكفار ذاتم ..... الخ شوف انت في وسط كم بطانه الموضوع دا جلي امشي كمل الماجستير وتعال بوجه جديد والبحاول اداوسك زوغ منو زي زوغت بوست الناظر هباني اقول ليك نصيحة تانية بعد ترجع ما تكتب والي انت وضارب الكبسه عشان اعصابك تكون مريحه وخليك كوووووول عليك الله ما تقوم تفكني بي اية و ل بوست .......... |
شكرا الأخ عباس على المرور، انت مشيت بعيد وضيعت الطرق نهائيا، فلكل مقام مقال. وكل حديث له منشوره. تمشي وتصل وتجي بالسلامة
| |
|
|
|
|
|
|
Re: البِطانة التي نهانا الله عنها (Re: عباس الدسيس)
|
Quote: اديتني بالقاضية يا قصي انا قلبي عليك تطلعني اوف صايد |
مافي قاضية ولا شئ، نحاول نحصر الحديث حول موضوع المنشور... وهو "البَطانة"
--------- أي حديث آخر له مكانه ... وقد تم تخصيص "زريبة للهوامل " ليجتمع عندها رفقاء نخر وتحويل مسارات المنشورات... الخاصة بي. الله يكفيك شرها...
| |
|
|
|
|
|
|
Re: البِطانة التي نهانا الله عنها (Re: عباس الدسيس)
|
Quote: قصي انا اترجيتك ما تلبعني بي اية ولا بوست عليك الله دا عشان منو؟؟؟ |
أذكر به نفسي، وقراء المنبر، و الزملاء الأعضاء، واستفيد من الزوايا التي يملكونها ولا أستطيع الرؤية من خلالها... انت بس هات ما عندك بشأن الموضوع في المنشور المخصص له.. وما تحاول تعصر على مخك كتير .. خلينا في الظاهر. فالمخرجات الطيبة خيرها يعم القارئ والزميل.. الحالي والآتي، إن شاء الله. شكرا على كثرة تردد.
| |
|
|
|
|
|
|
Re: البِطانة التي نهانا الله عنها (Re: قصي محمد عبدالله)
|
Quote: أذكر به نفسي، وقراء المنبر، و الزملاء الأعضاء، واستفيد من الزوايا التي يملكونها ولا أستطيع الرؤية من خلالها... انت بس هات ما عندك بشأن الموضوع في المنشور المخصص له.. وما تحاول تعصر على مخك كتير .. خلينا في الظاهر. فالمخرجات الطيبة خيرها يعم القارئ والزميل.. الحالي والآتي، إن شاء الله. شكرا على كثرة تردد. |
والله انت يا قصي زول لذيذ عايز تعرف وجهة نظري شنو في حكاية مناداة دينق بالاخ اولا انا ثقافتي الدينيه قدري وكلمة اخ ما قاعد استعملها وجزاك الله خير كرهتهم عند الكيزان بقول للزول شكرا او الله اديك العافيه اما اخ بدلها بقول يا فرده يا حبيبنا يا زول وعندي الناس كلهم فرد قصي انت الهنود البنقول ليهم صديق ممكن تمشي دينيا ؟؟؟؟ خلاس دي اخر حاجة تاني ما بتردد وقت زهجت مني
| |
|
|
|
|
|
|
Re: البِطانة التي نهانا الله عنها (Re: عباس الدسيس)
|
Quote: عايز تعرف وجهة نظري شنو في حكاية مناداة دينق بالاخ اولا انا ثقافتي الدينيه قدري وكلمة اخ ما قاعد استعملها وجزاك الله خير كرهتهم عند الكيزان بقول للزول شكرا او الله اديك العافيه اما اخ بدلها بقول يا فرده يا حبيبنا يا زول وعندي الناس كلهم فرد قصي انت الهنود البنقول ليهم صديق ممكن تمشي دينيا ؟؟؟؟ خلاس دي اخر حاجة تاني ما بتردد وقت زهجت مني |
أهو انت عصرت على مخك لمن (نزيت كيزان وهنود) المهم 1: ما عندك غير كتب السلفية التي يمكنك أن تطور بها من ثقافتك الدينية ... المهم 2: هنالك فرق بين البطانة ، وزملاء المهنة و ناس التعامل الوقتي (بياعين مثلا) خلينا في البطانة (المقربين من الأصحاب)
| |
|
|
|
|
|
|
|