خرجت صباحاً وهي تتوشح بالطرحة الحمراء وﻻ تدري ان هذا اليوم يصادف يوم عيد الحب. ﻻحقتها النظرات من هنا وهناك حتي وصلت اسوار الجامعة وﻻحظت ان اغلب الطﻻب يرتدون اللون اﻻحمر . سألت صديقاتها عن السبب . فاخبروها بان اليوم هو عيد الحب فتمنت حينها ان تجد القلب الذي تحبه . وادركت تماما انها ستجد اليوم القلب المنتظر .
عادت مسرعة للمنزل فتوشحت بالكامل باللون الحمر .
وعندما صعدت للحافلة عائدة للجامعة جلس بجانبها شاب وسيم جميل الطلّة فادركت حينها انها وجدت القلب المنتظر ﻻ محالة .
اقترب الشاب منها اكثر فاكثر وسألها (كورة المريخ الساعة كم !!! ()
صباحكم زين وام تي ان
صباحكم حب في يوم عيده
02-14-2016, 07:39 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
لا يحتاج الحُب دعوات ، هو في وجدان العاشقين، نسمة من صدقٍ وتفاني في التضحيات ،، الساحة الخضراء ،،التي شهدت تجيش الشباب،، الي حتفهم ،،بالموت في حروبٍ مُستعرة،، لبقاء السلطان، ليست مكاناً ملائماً للحُب، ولن ترضي عنك أمريكا ، مُش لو إحتفلت بالفلانتاين أو بنيت مُستشفي في جيبوتي،، إن شا الله الطرش اليطرش ،،( عبد الْقَيُّوم ) ومافي زول بالله يقول عبد الْقَيُّوم ده - منو،، تحياتي لصاحب البوست وضيوفه.
02-14-2016, 02:13 PM
اباذر عبد العال اباذر عبد العال
تاريخ التسجيل: 03-26-2015
مجموع المشاركات: 874
Quote: ناس ام الطيور يا اللمين..كل واحد فيهم زي اليوم ده شايل فراروا ويحسحس في شدرو داخل جنينتو لا عندهم عيد حب ولا عيد زواج
أم الطيور الفيها عربتين بس(كومر ولاند روفر) واتصادمن قدام الطاحونة ام الطيور التي انجبت بربار الماركسي والزبير محمد الحسن ام الطيور التي فيها امام الجامع والمأذون وسيد الطاحونة وابو المساعد الطبي شخص واحد
بالغته مع ام الطيور ياخ!
02-14-2016, 05:47 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: لا يحتاج الحُب دعوات ، هو في وجدان العاشقين، نسمة من صدقٍ وتفاني في التضحيات ،، الساحة الخضراء ،،التي شهدت تجيش الشباب،، الي حتفهم ،،بالموت في حروبٍ مُستعرة،، لبقاء السلطان، ليست مكاناً ملائماً للحُب، ولن ترضي عنك أمريكا ، مُش لو إحتفلت بالفلانتاين أو بنيت مُستشفي في جيبوتي،،
بلال حبابك
اصحاب الدعوة مفروض يعتذروا ويقولوا
عفواً اذا شوقا دخلنا اليكم من باب الحب
تحياتي
02-14-2016, 09:29 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: أم الطيور الفيها عربتين بس(كومر ولاند روفر) واتصادمن قدام الطاحونة ام الطيور التي انجبت بربار الماركسي والزبير محمد الحسن ام الطيور التي فيها امام الجامع والمأذون وسيد الطاحونة وابو المساعد الطبي شخص واحد
بالغته مع ام الطيور ياخ!
اللمين يا اللمين ناس ام الطيور البعرفهم ...عيد حبهم مع فراريهم ..الواحد يكون حاقب فرارو في اباطو والمركب جاك زول
Smile Smile
02-15-2016, 07:22 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: جهات عليا تتدخل وتلغي إحتفال للوطني يتعلق بالحب
الخرطوم: أسامة عبدالماجد
كشفت امينة الفكر والثقافة بالمؤتمر الوطني ولاية الخرطوم ،د. امينة التجاني ،عن أن جهات عليا لم» تسمها» تدخلت ورأت الغاء برنامج(مهرجان الحب) الذي كانت قد دعت له أمانتها أمس بالساحة الخضراء تحت شعار» الحب للجميع «، وأثارت دعوة الحزب الحاكم بالخرطوم للإحتفائية التى تم تداولها فى وسائط التواصل الإجتماعي ردود أفعال واسعة ،وأكدت أمينة فى حديث لـ(آخرلحظة) بان الغرض من الاحتفال كان تقديم برنامج يبصر الشباب بدورهم في المجتمع ،ونفت ان يكون هناك خلافا حول المنهج وانما في الفكرة. وكان من ضمن البرنامج محاضرة للداعية بدر الدين ابو البراء.
آخر لحظة
اها عيد الحب طرشق في الخرطوم :)
غايتو الكيزان وانصار السنة كرهتهم للحب عجيبة :)
مرة واحدة انصار سنة أخدت ليها شاكوش جاااامد
اها حردت الحب وقلبت شيوعية طوالي ... والله صحي ()
ولغاية هسي حردانه يا ابا ذر .. وبعدين أنت مالك مع ناس ام الطيور ياخ!
02-18-2016, 10:25 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
عندنا واحد صاحبنا دائم الخلط ومشهور بالخلطات طويلة المدى فكان دائما ما يسوق زولتو ويمشوا الحته الفيها جخانين كلية المعمار جامعة الخرطوم ومكتب المدير كانت تلك الحتة من الاماكن المفضلة لديهم
اها جماعة انصار السنة في الفترة دي بدأوا يعملوا دوريات ومناصحة للطلاب
في يوم صاحبنا الخلاطة دا كان قاعد هو وزولتو في الحتة ديك وامام الناس في زاوية منزوية الكلام دا كان قبل المغرب بشوية والقعدة بدت الساعة 1:30 ظهر
اها فجأة كده جاهم واحد من انصار السنة وقعد يقول ليهم
يا أخي .. يا أختي
ما خلا رجل وامرأة الا وكان الشيطان ثالثهما
ووو.. وووو .. الخ
صاحبنا الخلاط لامن زهج منو قال ليهو:
يا مولانا والله نحن قاعدين هنا لينا 4 ساعات ما شفنا لينا شيطان غيرك ()
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الامين موسى البشاري
بلال زكريا
اباذر عبد العال
محمد مجيدو
فيس بوك
تويتر
انستقرام
يوتيوب
بنتيريست