|
|
|
 Re: البوستات المنبثقة (Re: عبدالحفيظ ابوسن)
|
ههههههه صدقت و الله يا عمّك
زي المسلسلات في رمضان مع التراويح تحضر جزء من الحقة في قناة قبل الصلاة و الباقي في قناة تانية و لو جاكم ضيف الاّ تساهر للإعادة في قناة تالتة
| |
  
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
ذكرني قراية زمان
يقول ليك ما تقرا الاخدود في مدن الملح الا تقرا التية
ولا كتب قرامشي و هادي العلوي ومهدي عامل .. الراسخين في العلم ! يقول ليك اقرا دة اول حتي تقرا دة عشان تفهم .. القراية كانت حارة لكن تراهو مافي ملهيات الا السينماء ولا سهرة التلفزيون . الزمن رااااقد .. حتي الونسة زاتها كانت قراية مفيدة . تقعد مع الشباب تعرف اخر اصدارات المكتبات . والقراية كانت مخرج آمن لفك تناقض الواقع وتديك الاحساس بقدرتك علي احداث فرق
لكن هسة
عييييييك الملهيات كترت .. جوة البيت وبرة البيت . وضاق العالم ليصير داخل يدك بموبايل .. والونسة زاتها زادت وتنوعت علي قفا من يشيل . تتونس مع زول لا شفتو لا بتعرفو . قدر الزمن المخصص للمتع الروحية لا يكفيك ويدخل في زمن شغلك واسرتك ووقت نومك
اها المنبر جزء من الزمن المخصص . تخش تلقا بوست مربوط بي بوست تاني . وناسو غتيتين ولا واحد يخت ليهو رابط . تبقا زي الاطرش في الزفة
والانبثاقات زادت مع الاستيكة تأستكني امشي انبق ليك بي هناك ولو جيت ااستكك . وانت تمشي تنبثق انبثاق جديد من انبثاقي
الفي شنو والمافي شنو
عندك باص ورد ولي مثل ما لكم باص ورد ويوزير نيم
الواحد يخش في بوست يمرق بي بوست وينبثق
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
اها اي بوست حالي هو بوست منبثق مالم يثبت العكس
تخش تكشف وانت ماشي جمب الحيطة زول يشوفك مافي . ومرات الانبثاق زاتو بكون خفي زي الشعر الرمزي يقول ليك المعني في بطن المنبثق
هي لكن ايها المنبثق افتح لينا كرشك دي من قولة تيت . خلينا نبتاثق معاك ولا لو ما عجبنا نمشي ننبثق برانا . والنفوس لو ما اتطايبت المنبر بشيل انبثاقتنا كلها
ضيعتو لعب البلي زاتو ياخ
وهديتو الحوار
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
صدقت يا عربي
حقو اول البوست رابط للسفينة الام اووووب سوري !! اقصد البوست الام وتحت العيال الذين فرختهم وانبثقوا منها .. اقلاها اخير لينا من المساككة وتوير النفس دة
في حلتنا اسرة مشهورة . ساكنين كلهم في عشرة واحدة . عشرة بيوت ملصقات خمسة خمسة . يكونن عشرة في كوستي . مرصوصات رصة قطر . اها الاسرة دي ساكنة في العشرة كلها . والبنات والاولاد انبثقوا منها وتزوجوا وولدوا وانبثق منهم منبثقين اخرين . اي منبثق بني ليهو اوضة وبرندة وانبثق فيها . اوضة وبرندة وحوش صغير ليها
متاهة بس .. خش حرامي لملم الهدوم ونط بي هناك لملم . ولامن البوقجة حقتو كبرت . قالت يتخارج .. ينط الحيطة للشارع يلقاهو بيت واحد منبثق .. وجمبو حيطة .. ينط منها يلاقي حيطة
نط ليهو زي كم حيطة كدة وما لما في الشارع . والليل قصير . نط لقا واحد منبثق راقد براهو . صحاهو من النوم والحرامي بكامل سلاحه وعتاده الحربي
صحاهو وقال ليهو
يا اخونا انا حرامي . وسرقت منكم .. وياهون دي هدومكم . دايرك تمرقني الشارع بس
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
اها البوستات المنبثقة دي بتورط الدقوسات الزي دة . تعتبرو بوست علي سبيل التنظير العام وتخش تشوت .. وانت ما عارف انك شايت زول
ف شنو
الواحد بقا يلاوز ان تصيب شخصا بدرابة وانت لا تعلم
لكن حا تعلم بعد فترة
الفلقتو داك يلبد ليك في جخانين المنبر واركانه ويلبعك علي حين غرة منك وانت تحسبه صديقا لك . تنخلع حتي ينبئك واحد عالم بشعاب البورد انو الزول دة اتسدا فيك ويذكروك ذكير وانت برضو طاشي
عندي قناعة انو البورد دة فيهو لبدان وترصد . ومافي زول بخلي حقو لي زول ولو بعد ربعين وقيل اربعة ارباع
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
حفيظ يا حفيظ
Quote: بوست منبثق .. ومرات الانبثاق .. بطن المنبثق
هي لكن ايها المنبثق .. خلينا نبتاثق معاك .. نمشي ننبثق برانا .. بشيل انبثاقتنا كلها
ضيعتو لعب البلي زاتو ياخ |
ضيعتنا معاك .. وهسه أنا منبثق بدون ما أشعر تصدق
مودتي أيها المنبثق 
| |
|
|
|
|
|
|
|
|
|
Re: البوستات المنبثقة (Re: عمر أبوعاقلة)
|
ود آب سن سلام , اها أخبار الدولة الجديدة عندكم شنو ؟؟؟
معليش سؤال خفيف , طبعا انت ساكن كوستى حيث كوستى عاصمة الدولة الجديدة , اها بتكون تابع للدولة الجديدة ولا دولة الجنوب الفاتت ولا دولة الشمال ؟
تحياتى
لبوستك المنبثق , هههههها
| |
|
|
|
|
|
|
|
|
|
Re: البوستات المنبثقة (Re: صديق مهدى على)
|
يعني يا ود أبوسن زول كتب بوست.
هماك الموضوع رحت رادي بمداخلة مهمة في نظرك
لأنها ترد على نقطة لا تتفق معك
مهما كانت تعبانة وردئية في نظر صاحب البوست يجب تركها لتفضح كاتبها
ولكن مسحها يحول البوست من بوست للتحاور والجدل لبوست للتعبئة في إتجاه واحد
وعندما يمنعني أحد من الرد على كتابة لا زالت تعرض في سينما البورد
ينسى أن هنالك فرصة أخرى لعرض المداخلة بدون أن تطالها إستيكته
أنا لا أرى داعي للإستيكة
لأن الإستيكة هي وعي القراء
ويجب أن نحترمه ونحترم حقه في الإطلاع على كل الكتابات
أما الزبد فيذهب جفاء وأما ما ينفع الناس..
| |
|
|
|
|
|
|
|
|
|
Re: البوستات المنبثقة (Re: عبد الصمد محمد)
|
تسلم ابوعاقلة
ياخ الضاع منو هسة !؟ عليك امان الله مرات اقرا عشرين رد ما اعرف السفينة الام راسية وين
لكن عندي ذكاوة بعرفو بوست منبثق .. لكن انبثق من ياتو محل بغلبني .. استغل ذكاوتي اعرف انو منبثق من ابوعاقلة واقول كدة اسك ليك بوستات ابوعاقلة .. وما ألقاهو !! تراهو منبثق من رد لابوعاقلة
فشنو حقو ناس الانبثاق ديل يعملو لينا زي ما قال هاني عربي .. وبطريقة الشعر الحديث ولا النثر
مدخل اول
حيطة
باب الخروج للداخل
باب الخروج للخروج
وهكذا
امكن نقدر نفهم شوية عشان ما يجي يوصفونا بالدافوري !!
الواحد لامن يشوت يكون عارف كورتو ماشة وين
| |
|
|
|
|
|
|
|
|
|
Re: البوستات المنبثقة (Re: عاطف عمر)
|
مرحب صديق
سيظل هذا الوطن واحدا في قلبي .. ولا احلم او افكر مجرد التفكير في قسمته
الخزي والعار لمن يفكر في تقسيمه
والخزي والعار لمن يسعي لتقسيمه او تقسيم نفوس اهله
لذا ردي علي سؤالك
كيف ارد علي غير موجود داخلي
مع اكيد الاحترام
| |
|
|
|
|
|
|
|
|
|
Re: البوستات المنبثقة (Re: عاطف عمر)
|
تشكر عاطف
يعني الانبثاق دة من 2005 شغال
ومن هنا احي الاخت
لنا مهدي
واضيف بدون انبثاق بوست مطالبا بعودتها
تعرف جد كدة
فكرت اسمي البوست
البوستات العنقودية
لكن صرفت النظر قلت تفكيري كدة بقا حربي عطفا علي القنابل العنقودية
وسبحان الله العنقدة بالدارجي هي قوة الراس والعناد الغبي
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
Quote:
يا اخونا انا حرامي . وسرقت منكم .. وياهون دي هدومكم . دايرك تمرقني الشارع بس |
أضحك الله سنك أخي عبد الحفيظ، ضحكتني وأنا في المكتب لما الخواجة الجنبي سألني
؟Are you okay
حقيقي في بعض البوستات حتي ولو لم تسرق _ قصدي حتى ولو لم تتداخل تحتاج تسأل شخص تثق فيه
يمرقك الشارع.
| |
|
|
|
|
|
|
|
|
 Re: البوستات المنبثقة (Re: Fatima Alhaj)
|
Quote: ينط الحيطة للشارع يلقاهو بيت واحد منبثق .. وجمبو حيطة .. ينط منها يلاقي حيطة
نط ليهو زي كم حيطة كدة وما لما في الشارع |
هههههههههههههه،
تعرف يا ود ابسن، مشيت البلد ؤ عندي صاحبي قلت امشي ازورو،
اها قاعدين انا وهو في كراسي في الشارع، قمت سألتو من واحد
جارهم كان صاحبنا برضو .
قال لي، شُفت بيتهم دا، وأشار إليه، اخوهم الكبير إتزوج قام فصل جزء
من البيت ؤ جاب مرتو، اللخو التاني إتزوج فصل حِتة من البيت ؤ جاب
مرتو، اللخو التالِت إتزوج فصل حِتة من البيت ؤ جاب مرتو وهكذا، قال
لي، شُفت بيتهم الكان زمان واسع دآك، بقى مرصوص كلو ابواب زي
اتبخانات المدرسة ...
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
ههههه يا ود المدير
واحد صاحبنا وصف واحدة من تلك الاوض المنبثقة . قال لو كنت نايم وجيت تنقلب الا تمرق وتجي خاش تاني
وقال
ادبخانتهم زي الداير ترفع كورنة
سألنها ليهو
قال من كترت الاستعمال قربت تقع .. وهي حفرة ساي .. تقعد ومستعد للنط خارجها
| |
|
|
|
|
|
|
|
|
|
Re: البوستات المنبثقة (Re: عبدالحفيظ ابوسن)
|
Quote: ومرات الانبثاق زاتو بكون خفي زي الشعر الرمزي يقول ليك المعني في بطن المنبثق
هي لكن ايها المنبثق افتح لينا كرشك دي من قولة تيت . خلينا نبتاثق معاك ولا لو ما عجبنا نمشي ننبثق برانا . والنفوس لو ما اتطايبت المنبر بشيل انبثاقتنا كلها
|
شكرا ود اب سن
بالضبط المنبر بقى مليان بوستات منبثقة
منبثقة دي طبعاً ملك حصري لعصابة مايو الاشتراكية والاتحاد الاشتراكي السوداني زمن التيه الاكبر الشمولي في السودان
لجنة ولجنة منبثقة عنها والجرائد لما تكتب الكلام د كان شكله كدا كلام مثقفاتية عصي على الفهم والإدراك
عود على البوستات المنبثقة في المنبر وهي تكثر في حال تم مسح بوست لأحدهم أو جرت هزيمته هزيمة نكراء أدت لقيامه بمسح كل المداخلات التي لا يطيقها أو لا يطيق أن يقرأها الآخرون في حدود سيادته البوستية
والاسوأ أن بعضها مخصص للشتائم والبعض ممن يعتقدون امتلاك ناصية البيان يعنونها بأسماء كل حيوانات حديقة الحيوان حينما كان لدينا حديقة حيوان أو بالعدم باسماء حيوانات القرية
والمراد هو الشتم غير المباشر
بصراحة أرى البوستات المنبثقة مجالات للشتائم غير المباشرة وفي النهاية هي حيلة الضعيف ... العاجز
لك كل تحية
أحمد الشايقي
| |
|
|
|
|
|
|
|
|
|
Re: البوستات المنبثقة (Re: الامين موسى البشاري)
|
للضمان كدة يا الشايقي
اي بوست تشعر بيهو غميس فهو منبثق
وبي ردك دة يعني ممكن نضيف
اي بوست في اسمو عنوان حيوان مضطهد فهو منبثق
غايتو ما عارف لكن بكري دة حقو يعيد النظر في خاصية المسح
قالوا ابونا ودبدر واحد جاب ليهو نبذ من زول .. قال ليهو فلان قال انت كلب
فرد عليهو
هو انا القا مقام الكلب وين .. الكلب صاحي وسيدو نايم .. وانا نايم و سيدي صاحي
| |
|
|
|
|
|
|
| |
عبدالحفيظ ابوسن
Hani Arabi Mohamed
محمد البشرى الخضر
عمر أبوعاقلة
صديق مهدى على
عاطف عمر
Fatima Alhaj
معاوية المدير
أحمد الشايقي
الامين موسى البشاري
فيس بوك
تويتر
انستقرام
يوتيوب
بنتيريست