|
|
|
 Re: البشير: مشتركو الهاتف في السودان (28) مليون (Re: محمد بشير عبادى)
|
السلام عليكم
الأخ محمد بشير عبادي وضيوفه الكرام
يبدو لي و الله اعلم انو البشير ماعارف يعني شنو حكومة إلكترونية - و الله أعلم
ويبدو لي انو لمن يطلع بره الخرطوم دي بيكون مجرين وراهو انتنا بتاعت اتصالات حايمه وراهو عشان الشبكة
ياراجل كدي انت اطلع بره الخرطوم دي شوف شبكة بتقري ليك 3 جي متين غير في المدن الرئيسية - ودا إحتمال وإحتمال
انت عارف يعني حكومة إلكترونية يعني اجهزة كمبيوتر وطابعات وحبر ورق وخوادم وتدريب وتطوير شبكات الإتصالات وتأهيل لي موظفين
تأمين الخوادم تدريب تاهيل ناس يعني ويعني ويعني ودا غير البرامج البتشتغل الحكومة الإلكترونية - دي براها مشكله - بالدولار 14 دا حيعمل شنو
زمان كان في صندوق دعم المعاشين أو حاجه زي دي كدا كان عمل اجهزة جريت وول الصينيه بالأقصاد وكان طارح اجهزة كميه كبيره في عطاء
و الوقت داك الدولار قاعد في بنك السودان - تصدق بي سبب العطاء دا زاد الدولار لمن بنك السودان ضخ تاني يوم عملة
اها اسي دي لو جا عمل كدا كان يصل ليك 140 بدل 14 الحبه دي
وفي النهايه بقول ليك
الكلام الفوق دا كلو كلام ساي
| |
 
|
|
|
|
|
|
|
|
Re: البشير: مشتركو الهاتف في السودان (28) مليون (Re: muntasir)
|
إطلعت مؤخراً على عدد من التصريحات من المهتمين والقائمين على امر الحكومة الالكترونية في السودان، ووجدت ان الغالبية منهم يتحدثون عن ضعف استخدام الحاسوب والانترنت لدى السودانيين، وضعف سعات الانترنت ، والبعض الاخر يتحدث عن عدم توفر الارادة السياسية باعتبارها من اكبر المعوقات التى تواجه الحكومة الالكترونية ، لكن دوما نتناسى اخفاقاتنا وضعفنا وهواننا على الناس بان نرمي باللائمة على الارادة السياسية كـ (شماعة) ، علما بان غالبية الدوائر والمؤسسات الحكومية والجهات الخدمية تجد في ميزانياتها بند مخصص للموقع الالكتروني وتطويره بما يخدم المجتمع والجمهور من طالبي الخدمة سواء خدمة معرفية اوتجارية وغيرها ، الا ان صانعي القرار في المؤسسات الحكومية او الخدمية وغيرها ليس لديهم الادراك والوعي باهمية تقديم الخدمة لطالبها بيسر ودون عناء ، هنالك بلدان كثيرة جعلت من الخدمات المقدمة من الوزارات والهيئات الحكومية الكترونياً بالكامل ، وشعارهم في ذلك (وزارة او هيئة بلا مراجعين) دول الخليج كمثال تستطيع إجراء كل معاملاتك البنكية مثل ( فتح الحساب – التحويل – سداد الفواتير الحكومية – التداول – وغيرها ) عن طريق موقع البنك على الانترنت دون الحاجة الى مراجعة البنك الا في العام مرة واحدة لتحديث البيانات اذا هنالك تغيير في العنوان او شي اخر، ووزارة الداخلية تكاد يكون 90% من معاملاتها تتم إلكترونياً بالكامل ( اصدار الجواز - خروج وعودة – اصدار تاشيرات – تجديد رخص القيادة – تجديد رخص السيارات – وغيرها من المعاملات التي لا يمكن حصرها) ، وجميع الوزرات الحكومية الاخرى تمشي على نفس الخطى بخطوات ثابتة وفعالة . لا اعتقد ان البنية الاساسية للحكومة الالكترونية في السودان غير متوفرة من ناحية التشريعات خاصة بعد صدور قانون المعاملات الالكترونية وقانون جرائم المعلوماتية . والأعداد الكبيرة من مستخدمي الانترنت في السودان والوجود على الانترنت أصبح كبيرً جداً ، وسعات الانترنت من مقدمي الخدمة مقارنة مع بعض الدول الاخرى لايتعبر عائق أمام المضي قدما في موضوع الحكومة الالكترونية فقط اذا توفرت الارادة من قبل صانعي القرار في الوزارت والمؤسسات الحكومية والخدمية ، لان هذا الامر يتعلق بالوعي وبأهمية توفير الوقت والجهد للمواطن وتقديم الخدمات الكترونيا بفعالية عالية وحماية للمعلومات ، وهذا الامر لا يتوفر مالم يتم التعاقد مع شركات متخصصة. تم إطلاق موقع بوابة الحكومة الإلكترونية في 23/05/2007م حيث ما ورد في الموقع تحت ادارة المركز القومي للمعلومات كذراع استشاري للدولة لتنفيذ استراتيجية الدولة في تنفيذ البرامج الشاملة للحكومة الإلكترونية. وساهمت البوابة في توفير الروابط الالكترونية التي توصل المستفيد بالخدمة ، لكن عند زيارة موقع الخدمة لاتجد اي معلومات متوفرة للخدمات ، لان غالبية المواقع الالكترونية للجهات الحكومية التي تم ربطها لا تتوافر فيها قاعدة بيانات بمعنى (قاعدة البيانات) ، الامر لا يعدو الا كونه صفحات تعريفية لا تقدم ولا تؤخر، فقط اريد بها إظهار الجهة المعنية بانها موجودة على ارض الواقع لكنها لا تقدم خدمات عن طريق الموقع . اعتقد بان الخطوات التي تقوم بها حاليا وزارة الداخلية السودانية متمثلة في ادارة السجل المدني وذلك بتسجيل المواطنين في السجل الوطني ( الرقم الوطني) وتسجيل العنصر الاجنبي وتقنين وجوده ولا شك ان هذه خطوة كبيرة ومتقدمة جداً وبداية مشرقة في هذا المشوار، ومشوار الألف ميل يبدأ بخطوة .. نحن لا ننتظر ان يكتمل المشروع في سنة او سنتين ، نحن نأمل ان يرى المشروع النور لو بعد عشرة اعوام .. لان اكتمال الحكومة الالكترونية يعني توفير الوقت والجهد والقضاء على المحسوبية والرشوة وبروقراطية المكاتب .. بما ان الناس متساوون امام القانون، بالحكومة الالكترونية يتساوى الناس في المعاملات الالكترونية ويتم التعامل معهم حسب وقت ورود المعاملة للجهة الحكومية . هنالك تطمينات نسمعها من وقت لاخر من القائمين على هذا الأمر بأن المشروع سينتهي في نهاية هذا العام.. ولا شك ان الاعوام تجري عاماً وراء عام .. والمشروع لم يبدأ حتى الان في اعتقادنا المتواضع ، وان كنا نأمل من السلطة السياسية في البلاد ان تتابع المشروع وتوليه الاهتمام الكامل ، وان لا تعتمد على التقارير الورقية في الجلسات والاجتماعات الخاصة وان تحاسب المقصرين لان الامر يتعلق برفعة وتقدم البلد ، مع امانينا بان تكون بلادنا في مصاف الدول تقدما تقنياً وفنياً يجعلنا نباهي الدول من حولنا لتقديم نموذج حي ومشاهد وملموس على ارض الواقع .
مقال منشور في صحيفة المستقلة - الخرطوم
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: Mahamed Eltaze)
|
مرحبا أخ محمد التازي
البشير بايراده لهذه الارقام يوضح مدى انتشار ثقافة استخدام التقانة الحديثة وسط المواطنين ودي بتشكل ارضية مهمة لاستخدامات الحكومة الالكترونية..
الان ثبت نجاح التحصيل الالكتروني وبعض المعاملات الاخرى كالجمارك وغيرها
مشروع الحكومة الالكترونية مشروع ضخم ومتكامل والحكومة السودانية بدأت التخطيط له مبكرا بواسطة خبراء ومختصين واعتقد العمل شارف النهايات
وده سيحدث نقلة كبرى ان شاء الله في السودان على كافة الصعد
شكرا على المداخلة
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: محمد بشير عبادى)
|
السلام عليكم
الاخ محمد بشير تحيه طيبه ليك ولي ضيوفه
| Quote: بدأت التخطيط له مبكرا بواسطة خبراء ومختصين |
سلملي علي الخبراء و المختثين وتحيه ليهم وسلام مربع زي مابيقولو المصرين
===========
شكلك ماعايش جوه السودان
ماشفت البيحصل شنو في شبكة الجوازات ولا شبكة الرقم الوطني
ولا حاولت تطلع رقم ضريبي وضيعته يومين في الموضوع دا
برضو شكلك مافاهم مضوع الجمارك هو تحويل بنكي داخلي بس وفي بنك امدرمان الوطني - تقريبا
في فرق بين استخدم واتساب وفيس بوك واقغد احضر لي فيلم في اليوتيوب وبين اني استخدم حكومة إلكترونية
يا محمد انا قولته ليك الموضوع دا داير قرووووش لا ليها أول ولا ليها اخر
داير بنية تحتيه انت ربعها ماعندك ليهو قدرة أو شكل
إحتمال و الإحتمال قائم يعملوها كستم ميد زي مابيقولو كدا
أو زي الجاب البوهيا الخضرا في اول الإنقاذ ولمن ما إتباعت طلع قرار انو كل الدكاكين تضرب ابوابها اخضر
وفي الختام
دا كلام ساي
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: محمد بشير عبادى)
|
| Quote: الموضوع دا داير قرووووش لا ليها أول ولا ليها اخر داير بنية تحتيه انت ربعها ماعندك ليهو قدرة |
| القروش في المستوى الثالث أو الرابع من حيث الأهمية | الأساس في عمل حكومة الكترونية هو الترتيبات التنظيمية (Interoperability framework).
وهذه لا تحتاج للبداية من الصفر. |
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: محمد بشير عبادى)
|
محمد بشير عبادي .. سلام وتحية وعساك طيب ..
بالتأكيد الموضوع مهم وأصبح من الضروريات وليس رفاهية ..
وكما ذكر كثير من الزملاء هنا .. بأننا في دول الخليج كل معاملاتنا تقريبا تتم بواسطة الكريديت كارد أو Depit card
ولا نعلم حتى اين مباني هذه المؤسسات على وجه الدقة ..
بس ما ننسى بأن العقوبات الأمريكية ستظل عائقا كبيرا أمام تفعيل هذه الخدمة ..
مثلا كثير من المقيمين في الخارج ومنهم الاجانب اللذين يعيشون في السودان او خارجه
يريدون حجز الفنادق و/أو الطيران عن طريق البطاقات الائتمانية والتي لا يمكن للسودان الاستفادة منها
لانها كلها مؤسسات امريكية و/او اوربية ..
حلول السودان الحقيقية الآن و في المستقبل في رفع العقوبات ورفع اسم السودان من القائمة السوداء
غير ذلك سيكون الامر صعباً .. قد ينجح لدرجة بسيطة
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: Dr. Ahmed Amin)
|
السلام عليكم صاحب البوست . وضيوفه الافاضل .
من منطلق بلد ، وتقدم ، ورقي . ( فعلا حاجة مهمة ) . ويجب ليس الفخر بها فقط ، بل تفعيلها .
كما افاد بعض الزملاء ، بمداخلاتهم . اعلاه ، انه لايكره احد ، ان تتقدم البلاد للامام ، مثلها مثل باقي الدول .
لكن هل يكون هذا بمجرد المني ، والدعوة ، والصلاة لحدوث ذلك ؟
--
اولا : في ظل وجود هذا النظام ، ( العبثي ) .. ووجود هذا الرئيس وشخوصه .....، ( لايمكن ابدا ، تحقيق هذا الحلم ) .والاسباب كثيرة ومعروفه ،
منها : ( عدم شرعيتهم ) والقيود المفروضة علي البلاد ..!!
.الفساد الذي يقف بالمرصاد لكل مشروع جديد ، وتكون المصلحة الشخصية ، اهم ، وفوق اي مصلحة اخري ..!.( مشروع السنط ) مثالا.
رغم وجود كوادر ( وطنية ) . خارج السودان ، تستطيع ادارة مثل هذه المشاريع بكفاءة. ( الا انهم لن يغامرو بترك غربتهم ، واستقرارهم ، والعودة مرة اخري للسودان ) .. ولكل سببه الخاص طبعا ، الذي يمنعه من العودة ، الا انهم جميعا
متفقون ، علي ( عدم وجود الرغبة في العودة للسودان .) ..!
كوادر الداخل ( بالطبع ملوثة ) . ليس كلهم بالطبع ، ومن تسنح له الفرصة للمغادرة ، فورا سيغادر.مسرعا غير اسفا .
---
الحكومة الاليكترونية ، لابد لها من ( بنية تحتية ) . واساسيات حتي تفعل وتنطلق . ، ( وهذا مانفتقر اليه )..!
وهي تعني الانفتاح . ونحن لانستطيع ذلك بسبب الحظر المفروض علينا ، للاسباب المعروفة للجميع .
تحتاج لاقتصاد قوي ومتين ... ( ونحن لاينطبق علينا ذلك الان ) ...!!
التعامل يكون عبر شبكة تربط الجميع ، ( لاتوجد فيها سمسرة ، ولا عمولات ) . وهذا يتعارض مع مصالح الكثيرين عندنا ..!!
يحب ان نفهم ان :
الحكومة الاليكترونية ( لاتعني الجبايات فقط ) . .. لا .. فهي تشمل جميع مناحي الحياة . وهذا مايستحيل تطبيقه عندنا ..!!
---
والاهم : الوعي .
توعيه الشعب ، وهذا مالاترغب فيه حكومتنا الرشيدة ....!!
اتمني الخير ، والرفعة ، والتقدم لبلدي . لكن تظل تلك مجرد ( امنيات ، واحلام ) ..
احترامي ،،،،
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: Hasheem Karouri)
|
مرحبا اخ هاشم كاروري
اتفق معك في كثير مما ذكرت ولكن الحكومة الالكترونية بتقضي على كل ما ذكرت من تجاوزات وفساد لانه تاني حتتعامل مغ سيستم مبرمج وليس افراد واوراق
وتجربة التحصيل الالكتروني فقط حاربت كثير من الممارسات الفاسدة كالتجنيب والرشاوي والاختلاسات وغيرها مما وفر على الدولة كثير من الاموال كانت تذهب خارج ولاية وزارة المالية
فما بالك بحكومة كاملة بها كافة المعاملات الحياتية
لك التحية ودمت بخير
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: Dr. Ahmed Amin)
|
مرحبا دكتور احمد امين
سعدت بمداخلتك الموضوعية القيمة.. فعلا المقاطغة لها تأثيرها بس ده ما بعني ايجاد البدائل مثل تلك الاختراقات التي حدثت في مشروعي الذهب والبترول بدخول دول اخرى غير امريكا واهم ما تحقق الان زيادة مستخدمي الهاتف والانترنت عن السنوات الماضية
الان تقريبا كل سوداني لديه هاتف وده بعزز قدرة المواطن للتعامل مع التقانة الحديثة وده برضو بدفع شركات الاتصالات انها تزيد قدرات المشغلات وتوسيع الشبكات مواكبة للتوسع الافقي الحاصل الان وده كله بصب في مصلحة نجاح الحكومة الالكترونية
التي يعتبر مسألة التحصيل وبرامج كالاسكودا في الجمارك وكخدمات البنوك وغيرها كل ده بيعتبر بروفة جددة للحكومة الالكترونية في شكلها النهائي التي نتمنى من الله ان تنجز في اسرع وقت
لك التحية ودمت بخير
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: حاتم إبراهيم)
|
السلام عليكم
هناك عدة انظمة للحكومة الإلكترونية من بينها
عمل بنية برمجيه لكل مؤسسة للدولة وربطها مع بعضها البعض
أو عمل بنية واحدة تضم كافة اجهزة الدولة
المقترح الأول تم العمل به في البنوك العاملة في السودان حيث ان لكل بنك نظامه الخاص ويتم الربط عن طريق قنوات مفصليه في كل تظام
اما المقترح الثاني تم التعامل به في عدد من الدول من بينها دول في الخليج
المقترح الأول هو الأقرب وفق لي رؤيا المختثين في السودان حسب المعلومات الدائرة وهو ان تعمل كل مؤسسة بالنظام الخاص بيها وعلي ان يتم ربط كل هذه الأنظمة مع بعضها البعض
طبعا المعلومة العند الناس انو الموضوع دا ساهل جدا وخصوصا ان تحليل وتصميم كل نظام لكل مؤسسة هو عمليه ساهله جدا
و العكس تماما هو الصحيح لي عدة اسباب و الأستاذ حاتم اتناسا موضوع القروش وختاهو في البند الرابع أو التالت
وانا بتفق معاها بس دي في دول غير السودان
أول حاجه كل مؤسسة في الدولة فيها مجموعة من الأنظمة القائمة بي ذاتها
وزارة الداخليه
نظام المرور ، الجوازات ، الرقم الوطني ، نظام التقاعد ، الحسابات ، وغيرها من الأنظمة العاملة في الوزارة
هنا بتظهر القروش طبعا لازم يكون في اجتماع وطبعا كل اجتماع بي نثرياته وكل اجتماع لازم يكون فيهو توصيات وتعديلات ويترفع لي الإجتماع البعدة وتتشكل لجان و اللجان تنبثق منها لجان فرعيه و الفرعيه تعقد اجتماعاتها وكل واحدة من الفرعيه تشكل لجان مشتركة فرعية لي الفرعيه والقصه طووويله اها ده كولو بي قروش يعني انت عضو في لجنه عندك نثريات حقت اللجنه وقروشها و الخ
زفي الاخر دا كلو حيطلع بي توصيات
طبعا انت متخيل انو كل قسم بتاع اي تي في وزارة هو البيعمل السوفت وير لالا دا كل قسم في الاي تي في المؤسسة مابعمل السوفت وير بتعملو شركة بره غالبا ما يكون حقت واحد من العاملين فيها اها التعديلات دي كلها بي قروش
دا طبعا كلو بره قروش بالبند التالت و الرابع
دا غير البنية التحتيه
موضوع القروش و البطاقات احنا ماعندنا لكن مابمنع انو ممكن نعمل الحاجه دي بي نفس الفهم يعني حيكون انك بتشتري او تتعامل مع الحكومة الإلكترونية بي بطاقة الصراف الالي العادي حقت السودان
طبعا نسيت حته اسي اتذكرتها وهي انو الحكومة الإلكترونية بتقلل نسبة الترهل في الهيكل الإداري لي الدولة يعني من الاخر كده في كوادر حتمشي الشارع ودا طبعا منافي تماما لي سياسة الدولة فعندهم واحد من اتنين يا يودهم مناصب ويخلقوها ليهم خلق او يرقوهم ويعملو ليهم بدلات او يتصرفو فيهم كيف دا السؤال
| |
|
|
|
|
|
|
|
|
|
Re: البشير: مشتركو الهاتف في السودان (28) مليون (Re: محمد بشير عبادى)
|
Quote: هناك عدة انظمة للحكومة الإلكترونية من بينها عمل بنية برمجيه لكل مؤسسة للدولة وربطها مع بعضها البعض أو عمل بنية واحدة تضم كافة اجهزة الدولة
+++
المقترح الأول هو الأقرب وفق لي رؤيا المختثين في السودان حسب المعلومات الدائرة وهو ان تعمل كل مؤسسة بالنظام الخاص بيها وعلي ان يتم ربط كل هذه الأنظمة مع بعضها البعض
طبعا المعلومة العند الناس انو الموضوع دا ساهل جدا وخصوصا ان تحليل وتصميم كل نظام لكل مؤسسة هو عمليه ساهله جدا و العكس تماما هو الصحيح لي عدة اسباب و الأستاذ حاتم اتناسا موضوع القروش وختاهو في البند الرابع أو التالت وانا بتفق معاها بس دي في دول غير السودان
+++
أول حاجه كل مؤسسة في الدولة فيها مجموعة من الأنظمة القائمة بي ذاتها وزارة الداخليه نظام المرور ، الجوازات ، الرقم الوطني ، نظام التقاعد ، الحسابات ، وغيرها من الأنظمة العاملة في الوزار |
| خير، نتكلم في الأنظمة | عشان أعيش معاك في مناخ واحد، بتقصد شنو بمصطلح (بنية) هل ممكن تكتب المصطلح بلغته الأصلية؟
+++
إذا معترض على ختة القروش في المستوى الثالث أو الرابع لمجرد إنو الاجتماعات بتكلف نثريات أو شبهات فساد فأظنك برة الموضوع، أي مشروع فيهو نسبة خسائر من ضمنها ما ذكرت.
+++
ماهي دي المشكلة! يعني نمط التفكير بالبرادايم بتاع كل مؤسسة بنظامها وبعدين نربط المؤسسات بقنوات مفصلية ووو، كلامك التاني عن الوظائف لا علاقة له بهذا الموضوع بل بمنهجية إدارة الدولة وجدل الوظيفة العامة هل هي حق أم واجب. |
| |
|
|
|
|
|
|
| |
محمد بشير عبادى
حسن ابراهيم كاروري
فيصل محمد خليل
حاتم إبراهيم
Hasheem Karouri
فيس بوك
تويتر
انستقرام
يوتيوب
بنتيريست