|
|
|
 Re: اقتراح بمنع زواج الرجل السوداني من المرأة (Re: محمد المسلمي)
|
Quote: الاخ يحي قباني عيد ينعاد عليك بالخير والبركة
-----
انت موش كلموك قالوا تكتب عن الهندسة وتجارة العقارات في كندا
تاني راجع لي الونسة دي أحسن تعمل رائح |
و انت بخير يا حبيييب ... :)
ياخ نملة ده صاحبي و الله ...
بعدين ده بوست جادي جداً ...
انا شخصيا على قناعة تامة انو مسألة العنصرية ما حتنتهي في السودان ...
لذلك تغيير الجينات هو الحل ...
و الامراض كتيييرة و مزمنة ...
اخرها علة الغلاط ...
ياخ بقينا ( اغلط ) شعب في الدنيا ...
| |
  
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
بعدين الناس تقعد تلدي في جنس ناس عمر البشير و نافع و طه و العالم دي ...
أخير تتغير الجينات ...
يمين يوم داك كمان كنت حضور واحدة شامية و واحدة سودانية اتلاقو و بسلمو على بعض ...
الشامية بهدوء شديد و ابتسامة عريضة : اهلين ام فلان ... ايش لونك ... مشتاقتلك حبيبتي ...
السودانية بي صوت عالي و صرة وش و ابتسامة مع بعض ( كيف ما عارف ) شابكاها :
كيفنك الله يسلمك ... كيفنك الله يسلمك ... كيفنك الله يسلمك ...
مظاهرة بس ...
لازم جينات جديدة ... الحاجة دي ما بتتغير ولا بضرب نار ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
واحدة من العلات السعوط ؟
تباً للسعوط ...
السعوط تاريخيا من علات الشعب السوداني ...
و ما حينتهي الا بإنشاء جيل جديد مُحسّن ...
___________________________
عشان نكون واضحين ... الجينات و علم الوراثة هندسة عليا ...
فا أهو انا قاعد أتكلم في الهندسة ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
| Quote: السعوط تاريخيا من علات الشعب السوداني |
كنت في رحلة في تركيا عام 2008 وكنا طالعين بالبص تبع الفندق مع مجموعة من السياح مختلفي الجنسيات شفت خواجة طلع حقة صغيرة ونظيفة وبعد شوية خت سفة فوقانية . قمت سألته ده صعوط سوداني قال اي هو هولندا وكان مسؤول في الامم المتحدة اكثر من 5 أعوام وتعلم الصعوط . اها شفت الصعوط بقي كيف في العالم كله غزوناه ونجح اكثر من غزوات الكيزان 😂😂
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: محمد المسلمي)
|
Quote: يحى قباني
ضد الاقتراح جملة وتفصيلا....
وانا من ناحيتي ما حاتزوج غير سوداني ...حتى ولو تم تنفيذ الاقتراح حانتظر
الخمسين سنة ،،،
وكل سنة وانت طيب
ودمت بالف خير وصحة وعافية |
هههه
ما تشفقي يا بتنا ... ان شاء الله تعرسي سوداني ...
و يعزك و يكرمك ... و لا يكون عنصري و لا بسف ... :)
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
Quote: كنت في رحلة في تركيا عام 2008 وكنا طالعين بالبص تبع الفندق مع مجموعة من السياح مختلفي الجنسيات شفت خواجة طلع حقة صغيرة ونظيفة وبعد شوية خت سفة فوقانية .
قمت سألته ده صعوط سوداني قال اي هو هولندا وكان مسؤول في الامم المتحدة اكثر من 5 أعوام وتعلم الصعوط . اها شفت الصعوط بقي كيف في العالم كله غزوناه ونجح اكثر من غزوات الكيزان |
و النِعَم على قولة السعاودة ...
فخر الصناعة السودانية .... :)
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: محمد البشرى الخضر)
|
واحدة من العلات السعوط ؟
تباً للسعوط ...
________________________________
يا قباني ما سمعت ب dip in lip
الdip ده ما ياهو التمباك زاتوووو!!!
غايتو الخواجات ديل زي (80 في الميه) كده بيسفو او سفوا في مرحلة ما من حياتهم
كل سنة وانت طيب
الباقي غايتو I am not sure ممكن يكون حل
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Elsanosi Badr)
|
Quote: السودانية بي صوت عالي و صرة وش و ابتسامة مع بعض ( كيف ما عارف ) شابكاها :
كيفنك الله يسلمك ... كيفنك الله يسلمك ... كيفنك الله يسلمك ...
مظاهرة بس ...
لازم جينات جديدة ... الحاجة دي ما بتتغير ولا بضرب نار ... |
اقولك يا صاحبي بكل وضوح وصراحة .. اركز
ومن هسة ضدك وكامل التضامن معاك.. في محنة هذا البوست .. لانك عزيز علينا
ثمة نداء للاخ بشاشا يكاد ان ينطلق نتمنى منه الاستجابة
دي حالتك انت يحي قباني محب الغناء السوداني؟؟؟
معقولة نسيت : بنحب من بلدنا وما برة البلد سودانية تهوى عاشق ود بلد
في عيونها المفاتن ما ليها حد.
يا زول انا زاتي ما بعرس الا سودانية .. اها 
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Haytham Ghaly)
|
Quote: واحدة من العلات السعوط ؟
تباً للسعوط ...
________________________________
يا قباني ما سمعت ب dip in lip
الdip ده ما ياهو التمباك زاتوووو!!!
غايتو الخواجات ديل زي (80 في الميه) كده بيسفو او سفوا في مرحلة ما من حياتهم
كل سنة وانت طيب
الباقي غايتو I am not sure ممكن يكون حل |
السنوسي بدر شخصيا...
وين الحي بيك يا حبيب ...
غايتو هنا بيستخدمو التباكو للمضغ و حبة تخزينه زي اليمنيين ...
و الريحة قريبة و الله ... ههه
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
Quote:
Quote: السودانية بي صوت عالي و صرة وش و ابتسامة مع بعض ( كيف ما عارف ) شابكاها :
كيفنك الله يسلمك ... كيفنك الله يسلمك ... كيفنك الله يسلمك ...
مظاهرة بس ...
لازم جينات جديدة ... الحاجة دي ما بتتغير ولا بضرب نار ...
اقولك يا صاحبي بكل وضوح وصراحة .. اركز
ومن هسة ضدك وكامل التضامن معاك.. في محنة هذا البوست .. لانك عزيز علينا
ثمة نداء للاخ بشاشا يكاد ان ينطلق نتمنى منه الاستجابة
دي حالتك انت يحي قباني محب الغناء السوداني؟؟؟
معقولة نسيت : بنحب من بلدنا وما برة البلد سودانية تهوى عاشق ود بلد
في عيونها المفاتن ما ليها حد.
يا زول انا زاتي ما بعرس الا سودانية .. اها |
يعرس ركبيك انت وصاحبك ود البشرى...
الواحد فيكم لسة باقي حنة عرسو شايلة ...
نحن هنا قاعد نناقش محنة بلد بآكمله ...
ركز معانا قبال يفوتك الفوات ...
القصة ما سودنة و لا استلاب ...
القصة محنة شعب ضَل الطريق ... و بلد سقطت من الخارطة الربانية ...
و الله يا هيثم ... السودان شكلوا انعمل بيهو سوفت اوبننج ليوم القيامة ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
Quote: و النِعَم على قولة السعاودة ...
فخر الصناعة السودانية .... :) |
و الكلام عن التمباك و اقروهو مع بوست التقبيل
سنه يا الاصالة
____
شهادتى للتاريخ
بوست فارغ المحتوى و ضد خقوق المرأة السودانية
و لا علاقة له بالونسة
هى الونسة بتحلا بلاهن !!!
كان ما عرسناهن نحنا البعرسن منو
مصيبة و وقعنا فيها
و من العيب ان نبلابيها غيرنا
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: جلالدونا)
|
Quote: كيفنك الله يسلمك ... كيفنك الله يسلمك ... كيفنك الله يسلمك ...
مظاهرة بس ... |
ياخ دي تضرس عديل كده.
حاول دقق في سلام المسئولين (بكل المستويات) عند استقبال ضيوف قدام سلم الطيارة ...... حتلقى نفس المظاهرة دي.
السعوط كنا قايلينو فخر الصناعة حقتنا ...... لقينا الخواجات من أمريكا لحدي استراليا بيكرضموا ويسفوا.
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: محمد أبوالعزائم أبوالريش)
|
Quote:
و الكلام عن التمباك و اقروهو مع بوست التقبيل
سنه يا الاصالة
____
شهادتى للتاريخ
بوست فارغ المحتوى و ضد خقوق المرأة السودانية
و لا علاقة له بالونسة
هى الونسة بتحلا بلاهن !!!
كان ما عرسناهن نحنا البعرسن منو
مصيبة و وقعنا فيها
و من العيب ان نبلابيها غيرنا |
جلالدونا شاهد ماشفش ما حاجة 😂😂اهم شي الونسة 😩😩😩 قال مافيه . بعد الشهادة دي 😂😂😂 حقوا تسمع كلام صاحبك وتكتب لينا عن درب الأربعين وشعر عزاز علينا 🏃🏿🏃🏿🏃🏿😂😂😂
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Yassin Ibrahim Mohammed)
|
Quote: لمحاولة جلب أجيال جديدة تحمل جينات جديدة ...
و ذلك كآخر محاولة لإنقاذنا ...
اطلقوا العنان لإنقاذنا هذه ... |
سلامات يا يحيى وعيدك مبارك
وكمان المتزوجين ديل يوقفوا ولادة لإكمال المشروع !!!
وتشوفوا لينا حريم مستوردات عشان نساهم في الجيل الجديد !!
أها وحريمنا ، غايتو الله يقويك على ناس فلانة وفلانة دييييييييييييييييك
ذكرتني واحد كتب في مجلة الجامعة في بداية الثمانينات ايام مجاعات النميري الكتيرة ديك قال نفضي السودان من كل سكانه الى دول الجوار ونعيدهم بعد خمسين سنة ، قال بنلاقي الأراضي البور كلها عادت خصبة وكل علاقاتنا مع دول الجوار تحسنت بسبب التغلغل المزدوج وكل ثقافاتنا الكعبة بتكون انمحت ناس الفاتحات والسمايات والمجاملات الكتيرة دي .
الزمن داك صنفناه مجنون ، لكن لقينا كلامه مقبول بعد ثلث قرن من المحاولات الفاشلة للوقوف والوثبة تلو الوثبة هسع احترنا نصفنكم شنو ؟؟
فايتين جيلكم غايتو او زيما بقولوا ناس ابوبكر صالح تقدميين .
تحياتي
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: محمد الزبير محمود)
|
هيثم غالي
غايتو الايام دي يا هيثم انت في تجلياتك المنيرة الاثيرة..
اولا قرينا تعليقك انك بتستغرب من الناس الجارين وراء كشف هوية الاعضاء
والان بتقول سودانية تهوى عاشق ود بلد...وانك ما حتتزوج الا سودانية..
..السودانية من شدة طيبتها وسماحتها بتخلي زوجها يتزوج امراة ثانية ،،وخليه
يتزوج اجنبية ويفكر تفكير ساكت يتزوج واحدة ثانية..يلقى نفسه في قبر مظلم
او في سجن وبالقانون...
ياخي انت فرحتنا ونسيتنا الام الغربة وقساوتها وكانك عندك صلة قربى ودم من عطبرة
وكل سنة وانت طيب يا ملك
ودمت بالف خير وصحة وعافية
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Basamat Alsheikh)
|
العزيزة بسمات بت عطبرة تلك المدينة الجميلة واهلها الجميلين
لك التحيات النواضر ومثلها للاخوات امتثال وبت السيد
وشاكر حسن ظنك بي ويا ريت لو الواحد بقدر يخفف عن المغتربين ضغوط والام الغربة
كم هي مبرحة ومؤلمة يا بسمات ولكنها كما قيل خطىً كتبت علينا ومن كتبت عليه خطىً مشاها
قباني من الجميلين والمريحين في هذا المكان ومشبع بالشعر والغناء والعاطفة السودانية الاصيلة
كنت عايز ابقالو في عزيزة روحو في البوست دا لانو فووق قال دا كلام جادي لكن شايف البوست زي بقى عظار ساكت
ونحنا بناتنا السودانيات ديل ما بنهظر فيهن وعارفين قيمتهن كويس لانو معادنهن نادرة ولا تصدأ وليس لها مثيل
والعايز يغالط .. علينا جاي
ومن بوست قباني دا زاتو نزجي التحيات والاحترامات للمرأة السودانية اينما وكيفما كانت ولها مني كل الحب والاجلال
وانا يا قبة يا صديقي سوداني للنخاع ولو السمحة تلت ايد ومدت جيد بقوم شايلاني هاشمية
عشان كدا يا حبيب اقيف بعيد وخت شخيت
تحياتي
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: muntasir)
|
Quote: شهادتى للتاريخ
بوست فارغ المحتوى و ضد خقوق المرأة السودانية
و لا علاقة له بالونسة
هى الونسة بتحلا بلاهن !!!
كان ما عرسناهن نحنا البعرسن منو
مصيبة و وقعنا فيها
و من العيب ان نبلابيها غيرنا |
جلّي ...
ليه فسرته انو ضد حقوق المرأة السودانية ؟
انا قبيل في اول البوست قلت بعدين بنجي لحساب المكسب و الخسارة ....
فليه ما بتفتكر انو المرأة السودانية هي المبلية بالرجل السوداني ؟
الرجل السوداني ... يا عزيزي ملان بلاوي لكن طبعا بنفتكر نفسنا كاملين و احسن ناس ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
اها يا يحى انت جبتها من الاخر...
وعلى الرغم من ان الرجل السوداني مليان بلاوي ..لكن نحن الفتيات
السودانيات لا نرضى عن الرجل السوداني بديلا...فلا يوجد اي رجل في
الدنيا مثل الرجل السوداني في الشهامة والمروءة والنخوة والكرامة وعزة
النفس...واشياء كثيرة ....
ودمت بالف خير وصحة وعافية
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Basamat Alsheikh)
|
Quote: ياخ دي تضرس عديل كده.
حاول دقق في سلام المسئولين (بكل المستويات) عند استقبال ضيوف قدام سلم الطيارة ...... حتلقى نفس المظاهرة دي.
السعوط كنا قايلينو فخر الصناعة حقتنا ...... لقينا الخواجات من أمريكا لحدي استراليا بيكرضموا ويسفوا. |
تضرس ساي ...
يعني كيفنك الله يسلمك ... لامن تعيدا 37 مرة ... يعني خلاص رحبت بالزول .؟ :)
اما سعوط ناس هنا فما فيهو العطرون و البلاوي التانية ديك ...
و بعدين هو زاتو كريه عند الخواجات ... و ما منتشر بي كترتنا ديك ...
و ما عندنا محلات ود عماري ....ههه
نوع لو ما فاطر ما تخاطر ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
تحياتي يس ... فعلا جادي الموضوع ... خليك قريب ...
Quote: [قباني كيفك والله يسلمك كمان
القرار دا ممكن يكون بأثر رجعي
أو يمكن تعديله ليلحق به من فاتهمم |
حمد ... خليك صبور ...
نقنن الموضوع الأساسي بعد داك الأمندمنتس دي ساااهلة ...
فك التسجيلات ده شيء مؤكد ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Basamat Alsheikh)
|
Quote:
الرجل السوداني ... يا عزيزي ملان بلاوي لكن طبعا بنفتكر نفسنا كاملين و احسن ناس |
ياخوى مالك علينا .. ديل انتو مواليد الخمسينات و الستينات معقدّين و بتحبوا السيطرة
ماشة وين و جاية من وين و بتحبوا النقة اكتر منهن
اما انا و صاحبى هيثم ده ناس الرقة و الحنان و اصلو ماب نزهج من نقتن
و دايما بنبدا حديثنا بى لو سمحتى و بعد إذنك و استاند باى لى اى مشوار
و بنشارك فى خدمة البيت بالطبيخ و غسيل العدّة و الحمامات و مسح البلاط
ف شنو يا صاحب ..التعميم مخل
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: جلالدونا)
|
Quote: سلامات يا يحيى وعيدك مبارك
وكمان المتزوجين ديل يوقفوا ولادة لإكمال المشروع !!!
وتشوفوا لينا حريم مستوردات عشان نساهم في الجيل الجديد !!
أها وحريمنا ، غايتو الله يقويك على ناس فلانة وفلانة دييييييييييييييييك
ذكرتني واحد كتب في مجلة الجامعة في بداية الثمانينات ايام مجاعات النميري الكتيرة ديك قال نفضي السودان من كل سكانه الى دول الجوار ونعيدهم بعد خمسين سنة ، قال بنلاقي الأراضي البور كلها عادت خصبة وكل علاقاتنا مع دول الجوار تحسنت بسبب التغلغل المزدوج وكل ثقافاتنا الكعبة بتكون انمحت ناس الفاتحات والسمايات والمجاملات الكتيرة دي .
الزمن داك صنفناه مجنون ، لكن لقينا كلامه مقبول بعد ثلث قرن من المحاولات الفاشلة للوقوف والوثبة تلو الوثبة هسع احترنا نصفنكم شنو ؟؟
فايتين جيلكم غايتو او زيما بقولوا ناس ابوبكر صالح تقدميين .
تحياتي |
محمد الزبير ..
صاحبك زول التمانينات رجل سابق عصره ...
كمان المرأة السودانية بتفتكر انو نهاية المشوار هو الزواج ...
بعد داك بتنوم في الخط ... ههه
( ما كلهن عشان ما نعمم ) :)
و الدليل على ذلك الرجل السوداني بموت قبال زوجته بسنين طويلة ... الا من رحم ربي ...
يا محمد الزبير ... عمرك سمعت ليك جعير في الحلة و في زول قام يسأل ( الماتت منو ؟)
الديفولت هو ( المات منو ) ... اللي هم نحن طبعاً ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
Quote: قال ليك الشاب الماشي مع اصحابو الاتنين لاقوا في الطريق 3 بنات وفكر في حنك يخلطهم بيه
قال ليهم : انت كااااام ؟
قالوا ليه : 3
قال ليهم : ونحن كاااااام ؟
قالوا ليه : 3
قال ليهم : و طيب ! |
احمد عمر ...
احفظ النظام و خلي الهرجلة ...
________________________
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
| Quote: موضوع لطيف يا أستاذ يحي...... أؤيدك بدون قيد أو شرط بس نضيف أن المتزوجين من سودانيات عندهم الحق برضو يخوضوا التجربة، وأرشح المغربيات بحسب نصائح أهل الخبرة ولست منهم :). |
تسلم حبيبنا ...
ما في شك ...
نخوض التجربة و معاها جواب اعتذار كمان ...
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: يحي قباني)
|
قادتني الشمس الساطعة إلى إحدى الشواطئ
وفي تأمل ''عفيف'' لأشكال المصطافين
صدمني إكتشاف أربك دواخلي
طردته من ذهني لكن عاودني بإلحاح .. فأرجعت البصر كرتين
وتأكدت
أنه لولا غريزة البقاء والشهوة والرغبة وثورة الهرمونات
والشِعر والحب وقصص العاشقين .... وأغاني الحقيبة
فإن المرأة تشريحياً ( anatomically) أقل جمالاً بكثير من الرجل
رأيت كائناً في- الغالب الأعم- قصير تعلوه كومة شعر , ملئ بالنتؤآت والتعرجات وألإلتفافات وتنوع التضاريس . غير متجانس , مخلخل المشية ضعيف العضلات .
لله شئون وأسرار أودعها خلف المرئيات تجعل لما نراه ونحسه بعد ثالث هو الأهم .
هناك عين ثالثة ترى وتفسر الأشياء في عالم الذوق والذي يملك قانونه الفردي لكل شخص
حقيقة أدركها خبراء ماوراء الطبيعة الشعراء والعشاق
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: علي محمد الفكي)
|
هيثم الغالي كبر اللفة حتى لحدي ما داير يعمل حادث في الطريق التاني
-----------------------
ود محمد عمر سلامات
تكبير اللفة لازم وواجب في الحالات دي
انت ناسي انو الخيل الاصيلة بتجي في اللفة وللاشنو😁
تصدق زمان كنت فاهم المثل دا انو الخيل الاصيلة بتجي في سوق اللفة (الكلاكلة)
المصيبة للمتأمل انو هناك في ذاك المكان فعلاً تتواجد الخيل الاصيلة بكثرة 😍
تحياتي
| |
|
|
|
|
|
|
|
|
|
Re: اقتراح بمنع زواج الرجل السوداني من المرأة (Re: Haytham Ghaly)
|
| Quote: طيب ما دي المنقة زااااتها ! |
ههههه أها دي العين الثالثة القلنا عليها.. وهي خاصة ومتفردة لكل إبن آدم
تشوف دي منقة
واحدة تانية تشوفها تفاحة ..,عجوة , رمان , قنقليز بالشطة ,,,,,,,,
(عدل بواسطة Amin Eltaib on 06-29-2017, 07:57 PM)
(عدل بواسطة Amin Eltaib on 06-29-2017, 07:58 PM)
(عدل بواسطة Amin Eltaib on 06-29-2017, 08:01 PM)
| |
|
|
|
|
|
|
| |
يحي قباني
محمد المسلمي
محمد البشرى الخضر
Elsanosi Badr
جلالدونا
محمد أبوالعزائم أبوالريش
Yassin Ibrahim Mohammed
حمد عبد الغفار عمر
Hani Arabi Mohamed
علي محمد الفكي
فيس بوك
تويتر
انستقرام
يوتيوب
بنتيريست