07:48 AM March, 13 2016 سودانيز اون لاين
محمد البحر -الدوحة /قطر
مكتبتى
رابط مختصر
بعد مرات بتكون عايز تتكلم كلام يصل من القلب للقلب طوالى عايز تسمع الناس صوتك وتسمع صوت الناس وهى تسالمك عشان ما بتكون بدون الناس ...... الناس الحلو الشائله الخاطر سبحة شوق الدافرة السمحة النيه الشالت خاطر البوح
المرقت تقعد فى ضل شجرة وفنجان قهوة يطايب حد اللفه الجواك بتكون عايز تتكلم مع روحك وروح الروح دائما بتكون مشتاق ليوم بكرة ودائما بتقول يا يوم بكرة ما تسرع بتكون مشتاق لبعض الناس الفرحة بيك ومشتاق لكل الناس الجاتك سعيدة
دائما بتكون هناك مناطق للكلام السمح ومناطق للبوح المدهش بالحضور حضور فى زحمة الحميمية البتسعد بيها حبيبتك وشوق الشوق
الدنيا ما فيها حاجه كلها تراكمات لى بعض الاحاسيس الباقيه جواك من لحظات سابقه فى حياتك اليومية بس كيف تعرف تنظم دقات قلبك وتخلى مقياس السعادة حقتك موزع بالتساوى لكل الناس
تدى حبيبتك القاسم المشترك الاكبر ....وتدى الوطن شويه من فيض الحب ........
وتكفى امك وابوك..........
الاصحاب وناس الحلة ......... وكل لحظة جميلة مرت بيك
المهم بعد مرات بتكون تكون عايز تقول لى ناس انا بعتزر تتعتزر ساى حتى ولو ما كنت غلطان الاعتزار بعمل تنشيط لكمية الحب الجواك ما بتكون محتاج تغلط اذا اتعود انك تتعزر كل مرة والاعتزار ما كعب بس ما تغلط وما تشاكل خليك كدا سمح ومتفائل وجميل ..
فى ناس ما بتقدر تنساهم بتحس انهم فيك قاعدين معاك شكلو وجدانك الداخلى قعدو معاك فى ضل الروح
وتعزم الناس واحبابك وكل الحلوين الجواك تقعدو تشربو اثنيين فنجان حب من قهوتك
ديل ناس عزاز جدا عندهم مساحات خاصه فى القلب
عام جديد خالى من كل شى قبيح ومليان بالحب والحريه والجمال.
محمد البحر
هدندوى من دنقلا
مارس 2016
محمد البحر
مني عمسيب
فيس بوك
تويتر
انستقرام
يوتيوب
بنتيريست