|
Re: إعتذار حيدر (Re: حاتم إبراهيم)
|
أنا عندي حاجة داير أقولها بخسوس أشقر طيبة: أشقر ليس حاتم، لأنو أشقر دا ضعيف جداً في الفيزياء، قبل كدا قال: الطيرة ما بتتكهرب لمان ترِك في سلك الكهربا، لأنو جلد رجلينها تخين الكلام دا ما ممكن يطلع من حاتم، أشقر دا في الغالب صيدلي أو طبيب زي بوب، لكن أبداً ليس حاتم ولا يمكن أن يكون بيطري. أتمنى أن تكون هذا المداخلة مساهمة في فك الربط، ونركز على موضوع علي ماهر. الخطاب المكتوب يا حاتم، باسم علي ماهر وموجه لخالد العبيد، حدسي بقول لي انت من كتبه.
| |
|
|
|
|
|
|
Re: إعتذار حيدر (Re: أبوبكر عباس)
|
+ فلنتحسس قنابيرنا جيدا, فالسيد حاتم ( أو السيدة ) قد فكر وقدر أن هناك إحتمالا بالمناورة لو (تكتك) التفافا حول مطاردته السخيفة لي في أمر (شهاداتي الكرتونية) التي اخذ يلوك في سيرتها ويجتر .. يلوك ويجتر .. ثم يلوك ويجتر بهدف الاساءة لي والسخرية وما الى ذلك من سلوكو الاسفيري المعوج جدا بهدف هزيمتي معنويا واسفيريا من خلال الكم الهائل من السخرية والاساءة والاستهزاء بسبب اختلافي معه في مسألة تتعلق باشكالية الهوية في السودان !!
+ مناقشة رؤاك الشخصية حول التعليم Is irrelevant and meaningless ( غير ذات صلة ومعدومة الجدوى تماما ) .. مجرد (أبلسة) واستهبال واستهانة بذكاء الناس للإلتفاف على تعديك الصريح والمستمر على زملاءك في المنبر + وهي وإلى ذلك وبعده .. جزء من مشكلة الظاهرة السلبية للحساب حاتم .. تصور غباء الآخر و اكتساب حقوق بقوة (الصواب المطلق الجدير بالالهة لو كانت) للتعدي علي (الآخر/العدو/الزميل البوردابي للمفارقة) وإخضاعه للعقاب المستمر العابر للبوستات بفرضية رؤاه الخاطئة والخطأ الآدمي غير المقبول في الاختلاف مع الذات الحاتمية المقدسة وفي وجود وعلى مرأى بعض التابعين
+ ذلك ما حدث مع الموصلي, معاوية الزبير, صباح, محمد مختار, وشخصي ... وحدث مع غيرهم كذلك .. وسيحدث لغيرهم بالتأكيد لان هذا هو الهدف الاساسي من الوجود الافتراضي للكيان الاسفيري حاتم .. ولأن من وراء هذا الكيان الافتراضي ذات الشخصية المصابة بداء الصواب المطلق والمعرفة المطلقة في كل شيء وفي كل زمن والتي تتوهم امتلاك حقوق مطلقة في فرض رؤاها الصحيحة بالمطلق ومعاقبة المخالفين
+ هذه ظاهرة سلبية بكل تأكيد في المنبر, وظاهرة مُنتجة للازمات وثمارها المعطوبة متناثرة في ارجاء المنبر, لن تعاني, ولو كنت أعمى, كي تلتقط واحدة, هذا الم تتعثر بأخريات !!... هي ظاهرة مثيرة للمشاكل المستمرة والتي في طريقها لان تكون مزمنة كذلك ... أينما كان حاتم كانت هناك مشكلة ما .. فلماذا ؟!!!!!! ..
+ سيقول المخلفون من البورداب أن حاتما تقدس اسمه الاسفيري قد جاءنا بالحق مصدقا لما بين يديه من ثورة ومفاهيم جديدة في الموسيقى والفلك والتكتيكات والزراعة والفيزياء والنحو واللغويات والتأريخ والاحصاء والتربية والتعليم واشياء لا تحصى ولا تعد .. وأن ذلك مما يثير حنق الناس فيتدافعون نحوه بالبذاءة والاساءة والتجريح والسخرية .. الا ان الشاهد في الامر أن المسيء هو حاتم .. وهو الساخر والشاتم والمهاتر والمناور والمتكتك والهازيء المتكبر شديد العقاب ..
+ ثم ومن يكون ؟! .. ولماذا يتخفى ؟!! (ناسا تطارده ؟! .. ناسا الليلت الامريكان عديل كده .. والله صحي !!) .. كم اسما اسفيريا يحمل ؟! .. هو على ماهر اذن .. هل هو اشقر طيبة؟! .. ذلك الحساب الفيسبوكي اللصيق بحاتم والذي لا يخرج للحياة الا بعد إدراج حاتم لنافذة الفيسبوك في سودانيزاونلاين ؟! .. (الاجابة عندي بنعم وعند ابوبكر عباس بلا ولكن حجته ضعيفة في هذا الصدد)
+ لو قدر لي ما لا ينبغي و خلقت لي ظلا فيسبوكيا سيكون من السهولة بمكان أن اشكله كما أشاء .. الا ان من الغباء أن اجعل من هذه الشخصية مختلفة تماما في سماتها ومحتواها الثقافي والعلمي وقدراتها اللغوية .. ثم أجعلها في ذات الوقت مؤيدة بصورة مطلقة لكل ما اطرحه أنا المختلف عنها تماما ... نصف الذكاء هنا ان اصنعها مختلفة, الا ان النصف الآخر ان اصنع لها حياة خارج حدودي)
+ يقول كولون ويلسون (يا ابوبكر) في معرض سرده لصعوبات خلق الرواية أن الخيارات تبدو قليلة في النهاية للشخصيات التي يخلقها المؤلف بحماس شديد عند بداية الكتابة .. ونعم .. من السهولة بمكان تخليق الشخصيات بخيارات مفتوحة اول الامر.. بيد ان الخيارات تضيق في النهاية لانك (ردمت) الشخصية بمعطيات كثيرة .. يعني ممكن جدا تصنع منها كيان لا يشبه حاتم ولكن المفارقة الحقيقية ان تجعل من هذا الكيان المختلف في تمام الاتفاق مع حاتم .. اليس كذلك يا دكتور ؟!!
| |
|
|
|
|
|
|
Re: إعتذار حيدر (Re: محمد حيدر المشرف)
|
أنا بالنسبة لي يا مشرف، حاتم دا بطل رواية شيّقة وما داير مصيرو ينتهي زي الناس القاعدين يكتبوا بأكثر من حساب عشان فقط يصفوا حسابات، معظمهم ساذجين، الزول دا مختلف بالرغم من شكي الكبير في موضوع التماهي دا، وهو صحي توكسيك، لكن الزول دا مفيد، و أنا حابيهو ومعجب بيهو قول كشفناهو منو، وقام مشى، ح نقعد مع بتاعين عااااااجل كوز غواصة بتنزل وين؟
لو خليتوهو، بنمتعكم هسع موش متعناكم في كاونتر بوينت؟
| |
|
|
|
|
|
|
Re: إعتذار حيدر (Re: أبوبكر عباس)
|
تعرف يا ابوبكر !!
موضوع تصفية الحسابات ده دوما خصما على (الفايده) كان كانت !! في بوست (التكاتيك) هناك مسألة مخيفة جدا وذات دلالات تفسيرية كثيفة جدا لحالة الاجواء المسمومة التي يبثها هذا الحساب الاسفيري في المنبر ..
الانطلاق من فرضية أن السجال الاسفيري معركة تُخاض بهدف الكسب وهزيمة الآخر (العدو) .. ... هذا التصور يا عزيزي ولوحده ينسف جوهر الخلاف حول أي فكرة .. هو ببساطة يقول (موقفي صحيح بالمطلق حول هذه الفكرة أو إزاء هذا الشخص او الموضوع .. ولا سبيل للرجوع عن ذلك) .. نحن اذن لا نتحاور هنا حول الفكرة وانما نتقاتل من أجل فرضها على الجميع والحشاش يملأ شبكتو وتبش العضلات الاسفيرية يفوز
هذا أولا فتأمل !!
ثانيا كيف نفرض هذه الفكرة ؟! لا نفرضها مثلا بالشرح والتحليل والبراهين والادلة والجدل المعافى ونحو ذلك من الاساليب العقلية النزيهة جدا نحو الحقيقة .. وانما بهزيمة الرأى الآخر حولها ..
وهزيمته بماذا ؟! هذه ثالثة الأثافي .. بتشتيت الانتباة والاستفزاز والسخرية وممارسة الضغط النفسي والاغتيال المعنوي والالتفاف حول المعاني والمكر والدهاء الخ التكاتيك .. حقيقة نحن إزاء (أثافي) تلاتة بالتمام والكمال لا (فايدة) فيها .. بيد انك مصيب في مقدار سميتها العالية .. هي مسمومة بالفعل ودونك ما هذا الكم الكبير من المشاكل ..
| |
|
|
|
|
|
|
Re: إعتذار حيدر (Re: محمد حيدر المشرف)
|
Quote: حاتم دا بطل رواية شيّقة وما داير مصيرو ينتهي زي الناس القاعدين يكتبوا بأكثر من حساب عشان فقط يصفوا حسابات، معظمهم ساذجين، الزول دا مختلف |
أوسكار !!!!
هذا الشعور ينتابني أحياناً كبطل رواية، لا أكثر،
وهذا يتطلب ثلاثة ميمات:
ميم المحقِّق،
والمؤرِّخ،
والمحلِّل..
والمحلّل الأخير "محلل نفسي"........
| |
|
|
|
|
|
|
Re: إعتذار حيدر (Re: osama elkhawad)
|
قاعد يزعجني عدم معرفة صاحب الحساب، لكن بالنسبة لحاتم ودينا خالد عامل ليهم وضع خاص، يكتبوا بأي اسم، ما مشكلة، بس ما نفقدم. اتابع تقريبا المنبر منذ٢٠٠٤، وأعرف الناس المتميزين به معرفة جيدة، أستطيع أن أقول: لم يمر على المنتدى زول بمقدرات حاتم دا على الإطلاق فشنو يا مشرف والخواض، تنازلوا شويّة الزول دا شنو كدا ما عارف
| |
|
|
|
|
|
|
Re: إعتذار حيدر (Re: امير بوب)
|
يابوب .... بكور ده زاتو ماساهل وداخرنو لسمح قادم يقوم يحرد نقعد نصاقر ناس غريبة والكرمبا وصديق مهدي عشان كده شوف ليك زول تاني طقطقو :))
| |
|
|
|
|
|
|
Re: إعتذار حيدر (Re: حيدر حسن ميرغني)
|
يا حيدر سلام تعرف الكيشة دا انا ذاتي بتكيف ليه لاكين كمان طقطقتو فيها متعة ! طبعاً حتي الان النتيجة ١٠/ صفر فيها خمسينين و الجوكر بايظ ! ... قالوا الحجاج بن يوسف اول ما وصل العراق دخل المسجد و لقي الجماعة قاعدين و عرفوا انو الخليفة الجديد لاكين ما كانوا ناقشين نومتو ! و كان الحجاج حينها ملثماً ، و قد اطال السكوت ! فالناس افتكروه خايف و ما قادر يتكلم و يخطب فيهم ، و بدأوا بالهمهمة و السخرية منه ! اتنين شليقين قاعدين في اخر المسجد قالوا فلنحصبه بالحجارة و بدو يفلّعو في الحجاج بالحصحاص !! فما كان من الحجاج وقد غضب الا ان أماط اللثام قائلاً : انا بن جلا و طلّاع الثنايا .. متي أضع العمامة تعرفوني وبعد داك قال خطبته الشهيرة بتاعت إنّي اري رؤوسا أينعت و حان قطافها ... الخ و امر بعدها الحجاج ان تغلق أبواب المسجد و ان تضرب اعناق الجميع !!
أها المستنير دا عامل زي الاتنين الشليقين الكانو قاعدين ورا و فلّعوا الحجاج بالحصحاص !!
...
سلام
| |
|
|
|
|
|
|
Re: إعتذار حيدر (Re: MAHJOOP ALI)
|
المشكلة حاتم بخرب الموت بالرفسي زي دين محسن كلو جداول ضرب ومنفلة لو خلاهوا علي المذراة ونار اليشب والجدة الشريرة كان تبعناه ،فحاتم بيخ اللخ بالجداول والإقتباسات ومحاولة إثبات الإعجاز العلمي في الهندسة
| |
|
|
|
|
|
|
Re: إعتذار حيدر (Re: حاتم إبراهيم)
|
يا أخوانا بالله عليكم زولي دا م تشوشوا عليهو أنا سايقو براااحة وبالنظام وانتو بتفتحوا ليهو فرقات يسيح بيهن ويعمل للدرب كليوات النمر مرصوصات فوق، فلو عندكم مواضيع جانبية وجهوها لي أنا ما عندي مانع
بس حيدر دا أنا لسع شايف بطنوا مليانة وداير أعصرها قدامكم هنا براحة ونطلع الجواها تشوفوهوا كلكم، ونفرز المحتويات!
======
حيدر! بالله عليك، كلام ناسا والتكاتيك والموسيقى دا خرمجة منك ساكت! بطل العشوائية وأمشي معاي حسب المواضيع، جربوكسيك دا كله حنفرتقوا هنا وننضفوا بالجزلين وفرشة السلك
أمشي معاي واحدة واحدة، عندنا هسع الكرتونيات أنا افتكرت انتهينا منها شايفك رجعت تمجغ فيها تاني! خير، نرجع ليها، بجيك بعدين حتى ذلك الحين أكرمني ياخي، عندك النسخة التانية مني حسب هلاويسك فوق (أشقر طيبة) اتشجع شوية وأمشي قول التحية (النبلاء) السمعنا بيهم ما بيرغوا عن الزول وهو جدامهم، وانت مهموم بالنبالة شديد جداً أديهوا طلة.
=====
يا منتصر كلامك عن شنو بالضبط؟
| |
|
|
|
|
|
|
Re: إعتذار حيدر (Re: حاتم إبراهيم)
|
سلام حاتم بتطرح مواضيع ممتازة لكن لو خش ليك زول في النص بتبذل مجهود خرافي في إثبات أغلاط الناس ( إمكن يكون بالنسبة ليك ما جهد لكن انا بشوف إنك بتبذل الغالي والنفيس في عكلتة ما بتستاهل
| |
|
|
|
|
|
|
|