إزيكم ...

Quote: ماكان عندي لاب توب

Quote: مرات كده الواحد يقول يحرد ويعمل ليهو { دقن } طويلة زي بتاعت ناس { دعوني أعيش } وكمان جلابية قصيرة ويحرس الجامع كيتاً على الدنيا دي لأول مرة أنا وست النفر نسكن في بيت مستقل طبعاً كنا ساكنين مع الجماعة مرة مع أمي ومرة مع أمها كتير من النسوان بيزورن لزوم التهنئة والبيت طبعاً ايجار المهم لمن تجي حاجة فاطنة وحاجة كلتوم وحاجة زينب وكل قبيلة المشلخات تجيني جارية تعال { سلّم } علي خالاتك ديل ومما يزورنها ناس سوزان وجاكلين وتماضر وسوسن ورحيق عليك امان الله لحد مايطلعن مافي زول ساكت يناديك تهميش مابعده تهميش قال خالاتك قال !!!

Quote: Ù مرحب والف مرحباً ب ملح المنبر اتمني الا تغيب ثانيةً المنبر مسيخ من غيرك ....

Quote: أهلاً عثمان شرّفت وآنست _____

Quote: عايز تورينا انك عندك لابتوب ؟؟؟؟ خلاص عرفنا ... دنيا .... من صفرجت و ام الصلص لي لابتوب .... اسي تلقاك اتصورت و جنبك اللابتوب و رسلتها للحلة و قلت ليهم وزعوها لكل الحلال الجنبكم .... ويل كم باك مستر حروزة .

Quote: كدى ورينا حليت الحتة دى كيف و بعد داك نشوف نسلم عليك وللا نقول """هاى جدو """من بعيد عموما مرحب بالعودة و نتمناها بلا انقطاعة

Quote: يا اخي مُش كان تقول !، اها كدا زعلتنا . عموماً بركة الشفناك طيّب ..¨ ...

Quote: منور يا ابو حراز عساك طيب.

Quote: الملقب بابوحراز ودي طبعا باعتبار ماكان ماتكتر الغيبة..وتحياتنا للجميلين من مدينتنا الانيقة..وبلغها السلام

Quote: ابو حراز سلام وتحايا ومرحبتين بي عودتك والمنبر نور ومبروك اللابتوب (تكسرو بي زهج المنبر) عبد الله جعفر

Quote: الأخ الحبيب أبو حراز .. يعنى شنو كده .. يا أبوحراز .. خليتنا كده قاعدين تحت شجرة الحراز .. كملنا الشراب كلو .. وحسه قاعدين نلملم فى القزاز .. وناس من الزهج .. قاموا يلعبوا جمباز .. وناس فاتوا خلونا .. بعد ما جددوا الجواز .. أما الباقين .. صابرين وممكونين .. قالوا ما بنفوت .. إلا لمان يجى قرشو وأبوحراز .. والحمد لله .. الآن .. لا مفر بعد وجود الملاذ .. خلاص .. انتهى البيان .. من عمك العجوز الكحيان .. ارنست ارجانوس جبران +++ +++

Quote: الفاكهه الطازجة أبو حراز يا جميل يا رائع وحياة الله مشتاقين لي حكيك هلا وغلا والله محبتى يا جميل

Quote: ب ملح المنبر

Quote: يوم قلت الا اشوف القزازة بتاعت المساعد الطبي مكتوب فيها شنو { مكتوب فيها شري ابوجمل } !!!

Quote: الجميل ابو حراز ... ازيك ياخ والله ليك وحشه :) ايه اخبارك و وين اراضيك .... ما تكون في ابو حراز ذاتوووووو .... تحياتي واحترامي

Quote: انت قاصد " بيره أبو جمل " .. حقيقة أول مرة أعرف .. انو " البيرة " جابو ليها أخت وسموها " شيرى " .. احنا لغاية ما عمك نميرى كسر قزايز البيرة ورماها فى النيل .. ما سمعنا فى شرى اسمو شيرى أبو جمل .. آه .. عرفت القزايز دى جات من وين ..

Quote: يا ها نفس القزايز المدفونة دى .. كان المساعد الطبى بيستعمل نفس قزاز الشرى أبو جمل .. عليك الله .. لو كان المساعد الطبى دا موجود .. عليك الله أسعلو لينا .. كان بيستعمل قزاز .. شيرى أبو جمل ولا " بيره أبو جمل "..

Quote: ابو حراز يا امير شرفت ونورت؛ سمح انت وتوشيبك... ياخ لحدت اسع كلما اشوف اسمك اضحك من الحكاية بتاعة المطة التاريخية التي فكاها فيك شيخ من المغتربين؛ حكي عشرين قصة من الحربة العالمية الاولى؛ وشخر فجاة في نص الواحد وعشريناوية؛ وفكاك عكس النوم؛ وسلمك عوعاي( ديك الصباح) اهلا وغلا... .................................

Quote: ملح شنو يا زول إنت بقيت بصل المنبر عدييييل! غيابك يبكّي وحضورك يبكّي من الفرح المضحك!

Quote: جيتن جيت ابو حراز و مبروك التوشيب و عقبال البرادو

Quote: أبو حراز مرحباً بك! وبلا شك هناك وعد بالمتعة! بس يا ريت لو عدت لينا قصتك مع قريبك الكان عاوزك تكتب ليه حجاب عشان شغلو في البقالة يستمر! ههه

Quote: اهلا بفاكهة المنبر كلما اقرا لك اتذكر ايامى الاولى هنا عييييك سنين لكن حكاية اللاب توب دى شكلها كدا زى بقيت مع الجماعة لانها ما مقنعة معقول الزمن دا كله مقفول فى طبلة وما متابع يبقى فى كلام تانى افصح ابن لكى نقتنع مشتاقين والله

Quote: صدقني كلما أأتي بالحليلة أحسدها على عشقها المتطرف للنهر ورغم ذلك يقبلها سريعا تاركاً بقايا من آثاره على خدودها ومن ثم يواصل سيره متعطشاً الى حيث ترقد الحصاحيصا الأنثى !!!!! الا زلت في بلاد الصقيع ؟؟ أم انه قادك الحنين الى دفء القرى الراقدة دائما على ضفاف القلوب ؟؟؟ يا أخي : انا مصاب بـ { متلازمة الأمكنة والأنهار } صف لي دواءا ان كان في مونتريال او حتى جرعة من مياه نياغارا عل ذلك يطفيء قليلاً من ظمأ المشاعر المتدفقة في { السهلة } بلا حدود !!!

اجدك تفسح للباظ الذي يقلنا على جنب الرزقالة مككنشا كرعيك على جنبي حمارتك المضنبة في وضع الإيقاف وشايل عدار في غير اتساق

كلوقة راسا فوق والتانية متدللة غير آيه بغبار الباظ ولا تكلف نفسك حتى مسحهه من وجهك المكتظ بكل هموم الدنيا

عرت العاره الدبرة الحارة راجي الله عليك

.[/URL]

تحياتي العميقة جدا ود البوش

فعلا كانت حمارة ..

وأكثر ما يغيظك حينما تمشي امام حمار لايحترم آداب الطريق

فتجده تارة يقترب من دابتك

وتارة أخرى يحاول ان يتحرش بها

ما أجملها تلك الأيام الجميلة البيضاء الناصعة

وكنا حينما نرجع

ناتي محملين بكل ارزاق الدنيا

شيء عنكوليب وشيء تبش وعجور

وبصل وطماطم واسود والذي اصبحنا نقول له وبقدرة قادر .. باذنجان

والمدهش ان الأسود في السعودية يوجد منه ابيض

واول ايام حضوري للسعودية اتيت للبائع وقلت له { عندك اسود ابيض }

ففتح خشمه كما تفعل حمارتي هذه حينما تمتعض من تصرفات حمار ابله !!!!

ولما لا اقول ذلك وقد اتى احدهم للتو من اهل العوض ووصلنا بالطائف

ارسلناه للبقالة لياتي لنا بزبدة فول سوداني

وصاحبنا ذهب لأكثر من 5 مرات

وفي كل مرة يقول الهندي المطموس دا قال ماعنده

اخيرا ذهبت معه

لأجد 5 رفوف مليئة بزبدة الفول السوداني

فسالته وقلت له ياحيوان انت قاعد تقول للهندي شنو ؟؟

قاعد اقول ليهو { عندك فول حاجات ؟؟؟ } !!!!

لو كانت هناك عشرة قرى مبشرة بالجنة لكانت ودربيعة الأنثى من بينهن !!!!

ولو كانت هناك عشرة قرى مسروقة من الجنة لكانت ودربيعة الأنثى إحداهن !!!!

هنا ولدت وترعرعت وأحببت ودفنت كل ذكرياتي الجميلة

أحاور كل { ازقتها } حينما اتمشى فيها

أسالها عن ذكرياتي

وعن طفولتي وعن مشاغباتي التي كانت

هنا توجد مقبرة أجدادي واعمامي وابي وكل الجميلين من اصدقائي

وهنا يسكن ارق البشر الذين عرفتهم في حياتي

لم أكمل سمفونية الحب التي تبادلت عزفها مع ودربيعة

وضاعت النوتة الموسيقية

وضاعت عشرات التفاصيل بعد أن خطفتني الغربة اللعينة وحرمتني من اجمل سنوات عمري

الحمارة ذات الصوت المبحوح مااااتت

وقد حاولت مرارا ان اركب مرة اخرى

فسقطت عشرات المرات !!!

الحديث عن ودربيعة اشبه بالحديث عن ماجدة الرومي وهي تصدح بطوق الياسمين

Quote: ** كلام بورداب معلمين كبار .............بورداب الزمن الجميل *** مرحب حبابك و بي لابتوبك .................................................عودا حميدا مستطاب

Quote: مدخل: أبو حراز لك التحايا العزاز أها إنت جيت وإنقطع الغاز وبقت حياتنا ألغاز في ألغاز وضربنا لخمه بإمتياز حتى رأينا الكنش عكاز --- الكنش لكل الحناكيش A large wooden spoon for the processing of porridge غيابك سيدي طويل وترك أثراً في المنتدى وعودتك بلا شك إضافة قوية لهجوم المنتخب وتبريرك رغم قبولنا بيهو لم يكن قوياً بما فيه الكفايه وزي ما بقولوا ناسنا تبرير ني والنيه للنار ، وقبل هذا وذلك مبروك لابتوبك وإن شاء الله فايروس واحد ما يعتر ليهو. يا أخي حبابك وهل ما زلت في تلك الأمصار أم عدت أدراجك وبقيت معانا في السودان حيث كل شئ جائز ومتجاوز ويجاوز. ولا تفرح بلاب توبك أخي فأنا واحد من ناس قريعتي lost and found أملك واحداً من اللابتوبات الأكثر تطوراً بالرغم من أنني مازلت أعيش في قريتنا الكائنة مكان جميع الكائنات. أهلا أب حراز وهذه الأيام نعيش أجواء أقل ما يقال عنها أنها مبهجة لا حر لا ضبان لا كتاحه لا شمساً تصر العين welcome. green] صديقي العزيز الملا عمر غياب طويل .. اين انت يا رجل جميل ان تكون صامدا فالكثير من قدامى المحاربين تبحث عنهم في شواطيء سودانيز وصحاريها فلا تجد لهم أثرا لدينا ثلاثة اسطوانات غاز وذلك في محاولة للتغلب على أزمة الغاز التي تحدث كل عام لكن اجمل في السودان فوضاه الضاربة في الجذور ورغم كل احتياطاتك اذ تباغتك زوجتك فجاة وبدون اي مقدمات بان كل الأسطوانات فاضيات المشكلة ليست مشكلة واحدة بل أثنتان المشكلة الأولى ان التخطيط لشراء 3 اسطوانات كان تخطيط فااااشل { يعني التحكيم مابراهو !!! } والمشكلة الثانية والكبرى أن جميع الأسطوانات كانت { ايران غاز } وعلى قول الحكومة فالمسئولين لايقولون ان هناك سوء في العلاقات بل يطلع احدهم ويقول ليك ان السودان وايران متشاكلين وسبب الشكلة اغلاق المراكز الثقافية الايرانية المهم اخذت الثلاث اسطوانات وقلت يا ابوحراز معقول انت بتفهم اكتر من الحكومة قمت ببيع الثلاث اسطوانات في سوق الله اكبر واستبدلتهم بخضراء فاقع لونها وبرتقالية وبيضاء ودفعت ما لايقل عن 600 الف لزوم القضاء على ايران قال { large wooden spoon} قال حلوة الترجمة اعجبتني كثيرا