|
Re: أشتم رائحة النظام الزاكمة للإنوف كثيراً ه (Re: عبد الصمد محمد)
|
اخ عبدالصمد لك التحية وانت تضع يدك علي الجرح الحقيقة المنبر اليومين ديل التقول صايباهو عين زي العين الصابت الدولار في السودان ماسكين في بعض وشتايم يندي لها الجبين واتهامات لو علي بورداب الداخل نجد ليهم العذر نسبة للسخانة والكهارب القاطعة لكن تجي تلاقي العجاجة قايمة علي اقل الاسباب النظام شغال وماوقف منذ اللحظة الاولي عن رفد المنبر بكتاب مموهين تحت اسماء مستعارة وعمل علي استقطاب ضعاف النفوس بالمال وخلافه ود ما النقطة المهمة لانوا دا الحاصل في جميع ارجاء البلد وعلي حد علمهم اي زول وعندو تمن بس كم مامعروف. الناس كتبت كتير عن المعارضة المنبرية وغيروا وادوات النضال،عموما الناس مفروض تكون علي قدر من المسؤولية تجاه المنبر وقراء المنبر والا اصيب الاعلام الالكتروني في مقتل من خلال نشر اخلار غير مؤكدة وتصبح كاذبة بعد فترة زمنية وانقلابات المعارضين او المناتلين في المنبر بعد معافرة تفقد المنبر نكهته المميزة وتفرده الاعلامي وثقله المعارض كون كوكبة كبيرة من الشخصيات السودانية اللامعة وفي جميع المجالات تقريبا تشارك في المنبر بالكتابة الراتبة او بالمقالات والتي اصبحت قبلة القراء والنظام يعرف خطورة الاعلام اللكتروني في التنسيق وفرض رؤى بديلة والتعبئة وخلافه. المطلوب تنمية الحس بالمسؤلية تجاه المنبر كملتقي والوطن كوعاء جامع ولك الشكر اجزله
| |
|
|
|
|
|
|
|