زمني دا كلو حردان أغاني وأغاني عشان فاطمة عمر إنسحبت. الليلة بالصدفة حضرت البرنامج بت تكسر تقليدية غناء البنات وتغني بإحساس عالي وتعاديك بالبهجة ما بعرف لكن لو كنت محل الموصلي بتنازل ليها من الأغنية بنفس بروباغاندا هاشم صديق. قود باي فاطمة عمر ودينا خالد أقعدن إتعززن كدا
06-22-2016, 07:11 PM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
آمنة حيدر فعلا صاحبت إحساس وتطريب عالي والجميل انها بتطرب نفسها في الأول وكذلك طالبة بكلية الموسيقى قسم الصوت والبيانو.. واتمنى أن يتعامل معها أستاذنا الموصلي في أعمال تسهم في مسيرتها الفنية وخاصة لها سمات البلبلة هادية طلسم في شبابها في كثير من الملامح الفنية وطبيعة الصوت. أما فاطمة عمر لم تكن سوى مؤدية لإعلان عن منتج وفقت فيه مع مهندس الصوت وكانت مشاركتها في الموسمين الحصيلة ضيفة شرف.
لك التحية يا ابوبكر التوقيع عبدالعزيز خطاب
06-23-2016, 05:47 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
اهلا يادكتور ورمضان كريم عليك .. امونا دي يوم زماان قبل سنوات سمعتها بمركز الاستاذ محمود وكانت هناك ندوة بدكتور العفيف ود.القراي وقد انشدت يومها بصحبة مجموعة وكان برفقة شقيقي وسبحان الله دار حديث بيننا بالبيت وسالته من هي هذه البنوته كانت صغيرة وماتزال طبعا وكلمني عنها وانها حتدرس الان في الموسيقى وقلت له ماشاء الله غنايه ومريحة فعلا بتبهج ورغم خصوصية اخلاص همد في التطريب ولكنها اجادت في ليلتها الانشاد واطربت الجميع بالمركز امونا الان تستحق يا ابن الموصلي الوساطات لدى والدكم نتمنى دعمها من الجميع وستشرق الافراح بها ومعها امونا هايل هايل الله يديك العافية يابتنا ههههههههاهههها
صراحة يادكتور لن انسى فاطمة عمر ع خشبة مسرح ابوظبي كانت لحظة تجلي لكن مابنقدر نقول شي لناس عزيز ناس التخصص
امجد الجميعابي دا صديق اسفيري، نتفق في مكاجرة الناس، يختلف عني لمان يكون الحديث عن الفن، باعو في الفن باع خروف! من باب حضور أمونة بالبوست، نقول ليك: مرحب يا شاب.
06-23-2016, 09:29 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
شكرا يا ابابكر (زيتنا في بيتنا) لعلك تعرف - وأنت من ذلك الجيل - أن والدتها د. هدى ابراهيم كمبال قد فازت في عهدنا في مسابقة الدورة المدرسية مشاركة من عطبرة الثانوية حينها فازت بالجائزة الأولى بأدائها لأغنية "سوداني الجوة وجداني بريدو" وقد أعادت الألق لهذه الأغنية بعدما كادت تموت فأحيها الناس مرة أخرى
06-23-2016, 09:30 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: شي لله يا حسن أسمع يا الزين فاطر معانا السبت
يا اخي، علي الأقل حيي أمونة دي ببسمة إن شاء الله، غيرت جيتي لبعد رمضان، أنا رجل منتج، أجي هناك ألقى الناس اليوم كلو نائمة؟ لكن لو بتضمن لي حضور وضاحة؛ بجي.
06-23-2016, 09:35 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
أنا يا غالي ما بغيروا مني زي الزين هسع شوف كم زول في المنبر دا مكسر في دينا؟ شفت ليك واحد فيهم قدر يصرح بحبو دا غيري أنا؟! هسع هي بتكون قالت لصحباتها ناس مكارم: شفتو البوست الكتبو عني الخال المستنير؟ رهيب!
06-23-2016, 09:44 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
زمان قبل "الحوار" أنا وحيدر قاسم دا كنا نتفق على الكثير وأتذكر إتفاقي الكبير معه كان حول ترشح البروف لرئاسة الجمهورية ودعمنا له. الآن أنا سعيد لعودة مياه الاتفاق المتوج بأمونة "وهي تعانق فجر فن جديد" شكرا حيدر
06-23-2016, 09:57 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: قلنا الكلام ده من اول حلقة لما غنت قطار الشوق ...
ما دام قباني متفق معانا طوالي ممكن نعلن تصنيف الفيفا للمطربات السودانيات لعام 2016 بدون منازع أمونة الأولى مشيت شفت قطار الشوق وأغاني كثيرة البت خطيرة جد
06-23-2016, 10:14 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: غايتو يا بكور أنا معاك في إنها بتغني بإحساس عالي وكمان عندها حضور الفنانين لكن صوتها لا يرقي لمستوى إنه يتنازلوا ليها عن أغنيه. تديك إحساس إنه قاعده تتكلف الغناء وما بتغني بالفطره، لكن نسمع رأي الخبراء. حافظ الامام فيسبوك
العاجبني في مولانا حافظ قريبي دا انو متابع ممتاز يرقى لمرتبة خبير يا حافظ، والله، ما بتتكلف الشيء دا من جوة، نحن بنشوفوا في العيون
06-23-2016, 10:20 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: اهلا يادكتور ورمضان كريم عليك .. امونا دي يوم زماان قبل سنوات سمعتها بمركز الاستاذ محمود
معقولة يتنشد مع الجمهوريين؟! إذاً، لا نحتاج لرأي خبرا ولا حاجة ما لقيت ليها تسجيل إنشاد بالنت. يا أخي، نظمي ليها حفلة في بداية الشتا الجاي دا بالإمارات ونعزم ليها المثقفين فقط
06-23-2016, 10:28 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: شكرا يا ابابكر (زيتنا في بيتنا) لعلك تعرف - وأنت من ذلك الجيل - أن والدتها د. هدى ابراهيم كمبال قد فازت في عهدنا في مسابقة الدورة المدرسية مشاركة من عطبرة الثانوية حينها فازت بالجائزة الأولى بأدائها لأغنية "سوداني الجوة وجداني بريدو" وقد أعادت الألق لهذه الأغنية بعدما كادت تموت فأحيها الناس مرة أخرى
عبد الله عثمان شخصياً؟ الله عليك وأنت تعيد لنا ذكرى جميلة يعني حبنا ليها دا حب جيني التحية لهدى كمبال عليك الله، يا عبد الله، لو عند لأمنة تسجيل إنشادي نزلو لينا
06-23-2016, 10:26 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
Quote: ههههههههه حالتك بقت صعبة يا رسولي ...دا غناء ولا يرقان .....
أصلا يا علي، الغنا واليرقان على علاقة وثيقة؟ ما سمعتها هي غنت: ونبل مقلتها ترمي به كبدي البرقان شنو؟ مغازلة بين الكبد والعيون ـــــــــــــــــ قلت لي: لو أدوك مليار دولار ما بتتنازل عن دينك؟ يا اخي، إتّا لو شالو مالك كلو، بيتك و دكانك وقالوا ليك: بنريحك من الدين دا تقوم علي حيلك تهتف و تديهم هوادة: ست الشاي القدام الدكان وواحد من أولادك
خلينا يا أخ أنا ما بعرفك؟!
06-23-2016, 10:41 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: ن كان لي ثمة رأي عن هذه الفنانة فأقول إنها لم يعجبني أداؤها إلا في أغنية الموصلي التي حلقت فيها بإحساس كبير، وإن كان ذلك لا يقلل من إعجابي بها من حيث إيقاعها الرشيق وتفاعلها التلقائي المياس مما يدخل البهجة والسرور في نفوس مشاهديها، ولعل هذه جزء من شخصيتها ذلك أنها تتجاوب بالطريقة ذاتها وهي جالسة على أريكة البرنامج الزاهية فتسكب فيها من نبضها وحيويتها. نزار مبارك فيسبوك
وبعدين يا نزار، دائما تطلب و تترقب تجاوب معين من الحضور والفنانين ومرات بتديهم البخرة بتاعت كيفية التجاوب لا لا البت فنانة فنانة كبيرة
06-23-2016, 10:48 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: لا ادري كيف لكم الاستمتاع بهذا الغثاء ..؟ ووجدنا ان البعض يسمونه توثيق ..! يا للمسخرة .. كيف لكم ان توثقو الموثق ..؟! اعيدو تسجيل الاغاني باصوات اصحابها فقط بالتقنيات الحديثة لكي تكون مواكبة للمشغلات لو مشغلات الصوت او الفيدو .. وتكونو قد وثقتم للامر بكل بساطة ودون التجني على حقوق الاخرين هذا شيئ .. والشيئ الثاني للتشجيع على الابداع .. والاهم من كل ذالك اراحة المشاهد من هذه البرامج مثيرة الغثيان. ويأتيك متثاقف بكل فجاجة ويتحدث عن الثقافة الدخيلة وفهم الشباب وهجرهم لكل ما هو بلدي ووووو .. الكل يعلم ان من يفردو له مساحة كبيرة من الاعلام كما هو واضح في اعلامنا وخاصة القنوات الفضائية كالنيل الازرق وغيرها .. نرى في غيرنا ان يكون هذا الفنان مبدع بحق واستطاع بجديده اختراق الساحة ويستحق ان يصل للناس .. والله في بعض الاحيان هناك اصوات ﻻتجاز تذهب الى يوتيوب وتحظى بملايين المتابعين.
واخص هذا الموقع مفروض مايشجع الكلام الفارغ .. ﻻنو موقع فيه كمية من المثقفين والواعين والراقين ومحبي الخير والتقدم لكل ما هو سوداني قطع شك الكل يشهد على كلامي ده مفروض وده رأي الشخصي البرامج معطلة الابداع دي تتسفه مش تتنقد ويفرح بيها الناس .. ماداير اختزل كل الناس في شخص واحد لكن موقع يحتضن قامة مثل الموصلي .. وخلوني اوجه ليه سؤال مباشر الكل يعرف الاجابة عنه: قلدت منو انت يا استاذ؟ طيب ليه تشجع الناس البقلدو؟!
الكل تابع مسيرة الراحل محمود عبد العزيز كيف كان النصف الاول من مسيرته الفنية وماذا حدث في النصف الاخر عندما اعتمد على ابداعاته وعلم الجميع انه مبدع رغم انه في رأي ﻻيقارن بأقلى قامة من من سبقوه وخاصة من من تسلق على حسابهم رحمه الله.
نعم اغاني الغير يمكن لها ان تستخدم في الاختبارات للقادمون الجدد .. نعم هناك اغنيات خالدة تكون قد غيرت مسار الفن او احدثت ضجة في العالم يمكن ان يتغنى بها الاخرون الذين لايقلون شهرة ومحبة لدي الجمهور .. ﻻ العكس ان يطرقو بها باب الشهرة ويتسولو بها.
لكن لمن تبقى المسألة كل من يستطيع الغناء يلفح بدلتو وله تلفح توبها وفتح على القنوات الفضائية ويلقو الابواب ضلفتين ويلقو المثقفين من ابناء الشعب اربع ضلف ويحقق المبدع عائد مادي وشهرة وتحقق القناة عائد مادي وارباح طائلة من غير اي تعب ﻻمن المبدع بالابداع ولا من القناة هذا يجاز او ﻻيجاز .. بالتأكيد مافي حد ح يجتهد للجديد .. واخشى انو الموضوع يكون ممجوج كده لغاية ما يكرهو الناس حتى الاغاني الخالدة والفنانين الخالدين.
وتبا للمتسولين المبتزلين في الفضائيات السودانية.
وتحياتي للجميع .. وارجو انو ما يزعل من رأي المتواضع احد أبو عمر .
أبو عمر مكاشفي القوم كيفك؟ يا أخي، الغنا السوداني دا حق الناس كلها يا أخي، العائد منو دا ما ظنيتو فايت إستمرارية القناة وسد رمق الفنانين في العموم قليل من الفنانيين القاعد يحقق عائد يستحق المناتلة منو لدفع حق الشاعر والملحن الغناء السوداني دا أقرب للوصف بعصيدة في مسيد أنا أومن بموضوع الحقوق، لكن في الغنا دا شايفها لياقة ساكت من ناس هاشم صديق
آمنة حيدر مريحة نفسياً بتخليك مبتسم طوال زمن الأغنية بتغني بإنفعال وحماس وطرب ذاتي جاي من جوووووووة كدة بتعاديك بطربها دة بدون ما تشعر كمؤدية أمام الجمهور اعتقد إنها الأفضل بلا منازع صوتها جميل جداً ونضيف ومخارج حروفها ممتازة
بس امكانياتها الصوتية ما بتصل مرحلة يتنازلوا ليها عن الأغنية ونفس الشئ بالنسبة لمكارم بشير في اغنية النهاية .. سمعتها عشرمية مرة عشان اعرف الشايفنو الناس في مكارم وانا ما شايفه شنو
الإمكانيات الصوتية في زمنا الحالي اعتزلت مع عافية حسن واختفت مع أسرار بابكر
أنا بتكيف جداً لآمنة حيدر وطوالي بفتش عنها في يوتيوب وما أظن عندها تسجيل ما حضرته اكتر من مرة .. لكن برضو ما لي درجة يتنازلوا ليها عن اغنية ودة رأي شخصي بحت
06-23-2016, 01:06 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
بس الكويس طبعا انه عمنا بشار جاب بيت جرير و قال انه قصد يعمل كده و هو اصلا معجب ب جرير اعجاب شديد
مرقنا من موضوع آمنة
بالمناسبة عندها اختها برضو بتغنى نسيت اسمها و الله آخر مره شفتها مع الصادق شيخ الدين فى واحده من القنوات
و يبدو فعلا انهم اسرة جميلة و كلهم مهتمين بالموسيقى و الغناء
لكن
آمنة فعلا عندها حضور جميل و طريقة اداء متميزة و مختلفة و يمكن ده الشى الملفت فيها و الخلا ناس ابوبكر ديل يرجعو من حردانن و يرجعو السر قدور فى مسماهو هههههه
بس صوتها عادى و عادى جدا كمان و الأصل فى الغناء و فى المغنى هو الصوت ولا شئ غير الصوت زى ما قال ابو الفرج
انا شخصيا مافى صوت نسائى بملا ااضانى بعد صوت حنان النيل و اسرار بابكر
و من بعد الاتنبن ديل كل هذا الزحام لا احد زى ما قال عبد االمعطى حجازى
امنة انسانة شكلها مشبعة و مفعمه و مليانه بالفن و مسكونه بالغناء بس صوتها عادى جدا و الله و مش لو غنت ل يزيد بن معاوية
ان شاء الله حتى لو غنت ل ابى سفيان بن حرب بن امية ذات نفسه ما اطنها تطرب ليها زول
ولا شنو
معليش يا قوم
شكلى نضمت نضمى كتير خارم بارم
و فكيت فيكن االخرمة النهارية دى
ده كلو من ناس سورج و الجمرى
ههههههههههههههههههه
06-23-2016, 01:34 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
دكتور ابوبكر زول انتقائي في نقل المشاركات بتاعت الفيس انا ما بقصر معاكم اخوانا الفيسبوكاب
Quote: أعجبني · رد · 5 ساعة
Wael Haydar · Khartoum, Sudan آمنة حيدر غناية شديد .. لكن دينا خالد ولد خاتى صورة الممثلة الهندية ( ايشواريا ) فى بروفايلو ....ياااا وهم ... أعجبني · رد · ساعة واحدة
06-23-2016, 01:48 PM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
Quote: Abu Omar لا ادري كيف لكم الاستمتاع بهذا الغثاء ..؟ ووجدنا ان البعض يسمونه توثيق ..! يا للمسخرة .. كيف لكم ان توثقو الموثق ..؟! اعيدو تسجيل الاغاني باصوات اصحابها فقط بالتقنيات الحديثة لكي تكون مواكبة للمشغلات لو مشغلات الصوت او الفيدو .. وتكونو قد وثقتم للامر بكل بساطة ودون التجني على حقوق الاخرين هذا شيئ .. والشيئ الثاني للتشجيع على الابداع .. والاهم من كل ذالك اراحة المشاهد من هذه البرامج مثيرة الغثيان. ويأتيك متثاقف بكل فجاجة ويتحدث عن الثقافة الدخيلة وفهم الشباب وهجرهم لكل ما هو بلدي ووووو .. الكل يعلم ان من يفردو له مساحة كبيرة من الاعلام كما هو واضح في اعلامنا وخاصة القنوات الفضائية كالنيل الازرق وغيرها .. نرى في غيرنا ان يكون هذا الفنان مبدع بحق واستطاع بجديده اختراق الساحة ويستحق ان يصل للناس .. والله في بعض الاحيان هناك اصوات ﻻتجاز تذهب الى يوتيوب وتحظى بملايين المتابعين.
واخص هذا الموقع مفروض مايشجع الكلام الفارغ .. ﻻنو موقع فيه كمية من المثقفين والواعين والراقين ومحبي الخير والتقدم لكل ما هو سوداني قطع شك الكل يشهد على كلامي ده مفروض وده رأي الشخصي البرامج معطلة الابداع دي تتسفه مش تتنقد ويفرح بيها الناس .. ماداير اختزل كل الناس في شخص واحد لكن موقع يحتضن قامة مثل الموصلي .. وخلوني اوجه ليه سؤال مباشر الكل يعرف الاجابة عنه: قلدت منو انت يا استاذ؟ طيب ليه تشجع الناس البقلدو؟!
الكل تابع مسيرة الراحل محمود عبد العزيز كيف كان النصف الاول من مسيرته الفنية وماذا حدث في النصف الاخر عندما اعتمد على ابداعاته وعلم الجميع انه مبدع رغم انه في رأي ﻻيقارن بأقلى قامة من من سبقوه وخاصة من من تسلق على حسابهم رحمه الله.
نعم اغاني الغير يمكن لها ان تستخدم في الاختبارات للقادمون الجدد .. نعم هناك اغنيات خالدة تكون قد غيرت مسار الفن او احدثت ضجة في العالم يمكن ان يتغنى بها الاخرون الذين لايقلون شهرة ومحبة لدي الجمهور .. ﻻ العكس ان يطرقو بها باب الشهرة ويتسولو بها.
لكن لمن تبقى المسألة كل من يستطيع الغناء يلفح بدلتو وله تلفح توبها وفتح على القنوات الفضائية ويلقو الابواب ضلفتين ويلقو المثقفين من ابناء الشعب اربع ضلف ويحقق المبدع عائد مادي وشهرة وتحقق القناة عائد مادي وارباح طائلة من غير اي تعب ﻻمن المبدع بالابداع ولا من القناة هذا يجاز او ﻻيجاز .. بالتأكيد مافي حد ح يجتهد للجديد .. واخشى انو الموضوع يكون ممجوج كده لغاية ما يكرهو الناس حتى الاغاني الخالدة والفنانين الخالدين.
وتبا للمتسولين المبتزلين في الفضائيات السودانية.
وتحياتي للجميع .. وارجو انو ما يزعل من رأي المتواضع احد . أعجبني · رد · 5 ساعة
الاخوة الفيسبوكاب باقي المداخلات نرفعا بعد التراويح اذا امد الله في الاجال او كما يقول احمد البلال الطيب
Quote: حافظ الإمام محي الدين · كالغاري غايتو يا بكور أنا معاك في إنها بتغني بإحساس عالي وكمان عندها حضور الفنانين لكن صوتها لا يرقي لمستوى إنه يتنازلوا ليها عن أغنيه. تديك إحساس إنه قاعده تتكلف الغناء وما بتغني بالفطره، لكن نسمع رأي الخبراء.
Quote: Nizar Mubarak Ahmed · Translator في MOI UAE إن كان لي ثمة رأي عن هذه الفنانة فأقول إنها لم يعجبني أداؤها إلا في أغنية الموصلي التي حلقت فيها بإحساس كبير، وإن كان ذلك لا يقلل من إعجابي بها من حيث إيقاعها الرشيق وتفاعلها التلقائي المياس مما يدخل البهجة والسرور في نفوس مشاهديها، ولعل هذه جزء من شخصيتها ذلك أنها تتجاوب بالطريقة ذاتها وهي جالسة على أريكة البرنامج الزاهية فتسكب فيها من نبضها وحيويتها...
اتخيل لي زي في شبه اجماع على إنه حضورها وطربها وابتسامتها المعدية هي سبب الإعجاب بيها
06-23-2016, 04:32 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
أحمد عمر سلام، يا أخي، ناس صوتها وطبقات وشنو كدا ما عارف ديل؛ أنساني منهم زولة لمان تكون بتغني بتاخدك معاها وتكون سابح في الهواء زي ناس اليوغا أصلا أنا داير شنو؟! لناس التخصص: شن بتقولا في العلم البخرب سيدو؟ جهلنا الغنائي مخلينا مستمتعين على الآخر
يا أبا ذر لك التحيّة والود والسعادة يا أحي، نوع الكتابة بتاعتك دي ياها البتكسر تدخل بباب، وتمرق بشباك وتلقى روحك لازم تتلب ليك حيطة جالوص، وسيف النصر قال لعمر متين: المسطول قال للطيرة الدخلت من الباب ومرقت بالشباك: يعني عملتي شنو؟ ونسى أنو المسطول منتشي وعمر متين ضائع وفي النهاية كونو نتفق 5% مع أستاذ كبير زي أبو ذر دا برضو مكسب كبير، وكتّر خير أمونة
06-24-2016, 05:18 PM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: ماداير اختزل كل الناس في شخص واحد لكن موقع يحتضن قامة مثل الموصلي ..وخلوني اوجه ليه سؤال مباشر الكل يعرف الاجابة عنه: قلدت منو انت يا استاذ؟ طيب ليه تشجع الناس البقلدو؟!
العزيز المقدر ابو عمر لك الود ياخ ورمضان كريمبالنسبة لسؤالك أنا لم اقلد أحد ابدا ولكن غنيت لوردي وابراهيم عوض وعركي وغيرهم بس بدون تقليد وهذا ما ثبتني فنيا بالاضافة للدراسة والخبرة أما الابنة آمنة حيدرفهي ايضا لم تقلدني وغنت بإحساسها الخاص ومن حق الفنانين الناشئين أن يتغنوا بأغنيات من سبقوهم وهم قد فعلو نفس الشئ مثلا وردي كان معجب وبغني لابراهيم عوض قبل أن يشتد عوده بل أستطيع أنه ؤبما الحوار الغلب شيخه "بتحفظ"أ ذن فالغناء للغير بشخصية صوتية جديدة مستقلة يختلف عن التقليد ومحاكاة الصوت المطلوب من الأبنة آمنة أن تجود عملها أكثر وتستمر في هذه الجدية المحمودة ونحن لن نقصر معها آمنة تذكرني بإبنتي أريج لك ولها الود
Quote: شكرا حبيبنا صبري طه أولا اشيد بيها تماما على غناء أغنية بهذا التعقيد الموسيقي والمقامي صوتها لطيف وبشوش وظلها خفيف --------------------- بعض النقد الذي لاينقص من جهدها الموفور 1- الكوبليه الاول كلو مافي حقو تعرف بالتبادي انو حبك ما اعتيادي والمبكي عيوني منك مافي داعي عشان لأنك انت عارف ليك ومنك ----- وهذا هو المدخل الرئيسي للفكرة اللحنية 2- هناك بعض التعابير من انصاص التون تم "تخميسها" 3- الاوركسترا بذلت جهد مقدر ولكن كثير من المصاحبات الكمنجاتية تم افتقادها والنتيجة النهائية --------- 95 من مية للابنة منى وللأوركسترا ولزملائها الذين صاحبوها في الكورس واعدها حين عودتي في الاجازة القادمة أن أهديها لها بعد الاتفاق مع الصديق هلاوي وأن أشرف على توقيعها لها وتنفيذها موسيقيا بالتوزيع الأصلي مع تحياتي لصديقي الاستاذ السر قدور
الحبيب ابوبكر انا كتبت التعليق ده في بوست عزيز قبلما اقرا بوستك القلوب شواهد
06-23-2016, 06:14 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: تصدق أنا قريتها ولد خالتي! قلت الزول دا جاب النجيضة. لكن البقنع الوهم دا شنو يا وائل
إتّا يا معاوية ووائل حيدر دا حاقدين، أنا عارف قصة انو دينا تتنتقيني من دون ناس المنتدى دا، وتلتقي بي؛ ناعباكم تعب شديد ومصرين تشككوا في الود البيناتنا لكن الله في ما دايرلو فكي زي ما بقول عمر نملة أخوي
06-23-2016, 06:26 PM
محمد حيدر
محمد حيدر
تاريخ التسجيل: 10-17-2003
مجموع المشاركات: 1063
فعلا يا موصلي القلوب شواهد يا أخي، اليوم داك بعد أمونة خلصت الأغنية قلت للمعاي وكنت في جمع غفير من العمال السودانيين: استاذ الموصلي دا صديق عزيز، وأشرت بسبابتي هكذا "شكرا يا ول ابا موصلي يا صديقي"
06-24-2016, 02:37 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
مرة يا مستنير إختصم ملحن وفرقة كيزان سرقو لحن أغنيته ولصقوها في اغنية تانية لما المحاججة كترت القاضي قال للملحن " إعتبر اللحن ده صدقة جارية ياخ وينوبك ثواب" - ده على قولك غنانا زي عصيدة المسيد :)
06-26-2016, 08:39 PM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
سلام يا مستنير، ما شفت بوستك إلاّ بعد ما كتبت مداخلة في بوست آخر. فهاك دا شوية تعليق ليهو علاقة، عشان ما تقول ما بنتداخل معاك.
Quote: أغنية (الكلام القالو عنك) دي أغنية معلم ومن أهم الأغاني، لأنو التأليف الموسيقي فيها ما عفوي ولا خامل، بل هو تأليف نشط ويتعمد إبراز الجانب العاطفي بتغيير في الكي Key الموسيقي. والشغل دا فيهو استبطان للتراث من السيمفونيات لسيد درويش لبعض أغاني الحقيبة حيث نجد هذا الانتقال الذي يأخذ معه وجدان المستمع لأعلي ثم يهبط به في حتة كدا زي #F حقت السلالم الكبيرة. وعلى الأقل هنا في درس موسيقي يحتاج إنو الغنية دي تتغنى تاني وتالت، وهو الانتقال في السلالم كنقيض للملل وكمعبر جيد عن العواطف. ودا رأي مستمع موسيقي من منازلهم. التحية للموصلي، وتحية عبره للشابة آمنة، ومحتاجه إنو تخلي الصوت يطغى على لغة البدن السليمة اللي هي عندها وأن تخفف وزنها، ودا ما رأي شخصي.
06-27-2016, 04:57 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
Quote: شكرا يا ابابكر (زيتنا في بيتنا) لعلك تعرف - وأنت من ذلك الجيل - أن والدتها د. هدى ابراهيم كمبال قد فازت في عهدنا في مسابقة الدورة المدرسية مشاركة من عطبرة الثانوية حينها فازت بالجائزة الأولى بأدائها لأغنية "سوداني الجوة وجداني بريدو" وقد أعادت الألق لهذه الأغنية بعدما كادت تموت فأحيها الناس مرة أخرى
استاذي عبد الله عثمان اكان كدى اتارينا عجزنا
مالكم بتغرغروا في الجحرة؟
06-27-2016, 08:43 AM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة