|
|
|
 Re: { مُخْرَجَاتُ الحِمَارِ الوَطَنِي بِامْت� (Re: دفع الله ود الأصيل)
|
(3)
اقتباس المشاكسة الأصلية كتبت
بواسطة Abdelazim مشاهدة المشاركة:
في مُخرجات تانية ما جبت ليها سيرة يا ياخوي.
{ تجدها موضحة في الصورة المرفقة أدناه.}
٪٪٪٪٪٪٪٪٪٪(((+++)))٪٪٪٪٪٪٪٪٪٪٪
لله درك أخي المُقرَّم/
عبد العظيم م. الأمين ، كونك ُتلفت نظري
لوجود (مُخرجاتٍ) تانيةٍ , لعلَّه نجى بها مِنِّي لؤمُها
منجى الذباب، حمته مقاذيره أن يُنالا. فهذا معناه أنك لم تقرأها فحسب. و إنما قرأتني سخسياً ؛ لا ، بل و تقف أمامي كمرأة حقيقةٍ مصقولة، أو كاميرا إخفاءٍ نزيهةٍ نُصِبتْ لكي تحرك لي دايناميكا أشيائي ، و تفضح بناتِ أفكاري للملأ ، كأدقَّ مما يمكن أن تلمح خائنةِ أعيني ، و أخفى مما قد يُكِنُّ قَفَصُ صدري ؛ أو يُوهمني به بعض ظني.ذلك بأنني بالأصل كاشف ٌ لكل متغاضى و مغضوضٍ الطرفُ عنه مستورٍ و نابشٌ للقبور، من طراظٍ دايناصوري منقرض السلالة. غير أن دروبالمقادير ساقتني لتجيء بي عابراً من هنا، و ربما متطفلاً على موائد نخبكتم الغراء . ليلها كنهارها و لا يزيغ عنها إلا متنطِّعٌ محتارٌ.كما انهزها للفت عنايتكم الكريمة لإمعان النظر معي جيداًلنُفتِّش معاً عن لسان تمساح مسروق؛ و لعلَّنا ربما نعثر ُعليه بحوزة كلب يلهث ، إن تحمل عليه يلهث ؛ أو تتركه لحال سبيله يظل يلهث.
*****(((((+++)))))*******
| |
 
|
|
|
|
|
|
|
|
Re: { مُخْرَجَاتُ الحِمَارِ الوَطَنِي بِامْت� (Re: دفع الله ود الأصيل)
|
اقتباس المشاكسة الأصلية كتبت
بواسطة أبو صديق مشاهدة المشاركة:
يعني هسي يا سمنار لو الحومار ده لوعمل ليهو
بامبرس ما كان أراح وإستراح و مشي الموستراح .
*************(((4)))****************
ي عمو بو صديق
ياخ مانا قلادرين نسكِّت
عبدولي. كمان تمرق لينا حت إتا بي جاي
و الله شكلها خشومنا دي هي ظاطا الدايرة لا
(بنابرز) لزوم الصماتة و كدي. يعني ماكون خايفين
جنس كلامكون دا يقوِّم علينا كتاحة غضبة الهبباي
و يوديناف60 ألف داهيــة يلحقنــا أمات طـــه"!؟.
هبشــــــة:
علا بالموناسبة دي ما قلتولينا
إتو أمات طه ديل طفشن مشن وين؟!
تحين إتا ي عمو بوصديق ماك عارفن؟!
تراكا جولكين قديم حاضر مجاعة سنة
ستة 1306هجرية في أم دقنوس أيام
حكم التعايشي ود تور شين؟!!
| |
|
|
|
|
|
|
|
|
|
Re: { مُخْرَجَاتُ الحِمَارِ الوَطَنِي بِامْت� (Re: دفع الله ود الأصيل)
|
المشاكسة الأصلية كتبت بواسطة سيف الإسلام
انا نفسي اعرف الحمار او الحوار اخرج شينو ما اي شي زي ما هو
البنود القالو عليها اتغيرت دي متفق عليها منذ ان نال السودان استقلاله.
اتفقوا علي المساواة في الوظائف العامة وهو نص موجود من زمان واتفقوا
علي استقلال القضاء وحرية التعبير ودي اساسيات استقلال السودان وأي حكومة
جاءت بالتأمين عليه وحتي هم لما جو للحكم قالوا الحاجات دي الجديد شينو طيب.
واحد مسطول قال سيبك من الكلام الفارغ دا المخرجات زي برنامج أغاني
وأغاني في كل حلقة بتغيروا الفنانين والسر قدور قاعد.
يا سنمار ياخوي السر قدور قااااعد.
***********(((5)))***********
ي عمو سيف أول شيء لازم
نتفق إنو حومار و مكادي كمان.
بدليل إنو هداك (مدحش) واقف في العقبة
ليه أكتر من سنة.و أما مخرجاته ديل فخلهن ساه،
فهنَّ لسنَ منه بأمثل. و زي ما قالو لنا في المثل :
" من كان همه ما يدخلبطنه، فليس قدرة بأفضل
مما {يخرج} منها" و"النار بتخرا الرماد"
*********(((((+++)))))*********
بعدبن عمك السر قدور داك راجل مخرف
علا مو براهو ويام في الحبس ناس ( يا إمتن خرفان
منملين و يا إمتن نمل مخرفين) عمومن ترانا متقدمين
حشود الغبشأبان مسوحن موية ورافعين أكف الضراعة ،
ندعو. إذ لا حيلة لنا إلا أن نغتنم نفحات
هذه الشهور الفضيلة الحُرُم لنقول:
اللهم إنا نعوذ بك:
من خرمة التمباك قُبال الفطور!
و من نُفاخ الحـلو مـر بعد السحور!
و من ليالي رمضان يحيوها ناس فرفور
مع قهقهات عمك السر ود قدور!
*****(((+)))*****
اللهم إنا نعوذ بك:
من تماسيحٍ تشيلْ و تبلعْ
و من قلوبٍ ناكرة لا تخشعً
و من بطونٍ لهفانةٍ لا تشبعْ
ومن نفوسٍ دنيئةٍ لا تقنعْ
و من ذريةتعبانة لا تنفعْ
و من دعاءٍ مردودٍ لا يُسمعْ
*****(((+)))*****
اللهم إنا نعوذ بك:
من امرأة عاقرن برا أولادْ
و من زولاً مِمّكن كرشو بالعيش برا بلادْ
و من زولن مربي دقنو طويلة برا مشهادْ
*****(((+)))*****
اللهم نعوذ بك:
من راعٍ ما يخاف الله في الرعيةً
و من ولايةٍ لا تبُتُّ في القضيْة
و من دواوينَ حسبة لا تقسم بالسويْة
و من زعاماتٍ فدنةٍ لا تخرج في السريةْ
*****(((+)))*****
اللهم إنا نعوذ بك:
من همزات الشياطينْ
من المستنكحينَ المتسلقينْ
و من ناساً ما برحمو المسكينْ
و من بعض الجماعة البسافرو الصينْ
اللهم آآآآآآآآميييييييييييييين
كن كصندلة ٍ ، تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقيها.
*******(((+)))*******
| |
|
|
|
|
|
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست