عجبتني صورة عمك المتكل تحت الشجرة وما فاضي ذاتو لناس بوكو حرام ، وصورة الاطفال وحصولهم على المياه النقية. وبنقول العافية درجات.
أتمنى أن يكون التمدد الصيني في القارة الافريقية وسعي كل من اليابان وامريكا لمنافستها فال خير على القارة " المحمومة ومنسية"، فإبان الحرب الباردة كانت القارة السمراء بمثابة ساحة لصراع الافيال.
محبتي
03-13-2016, 08:58 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
ياخي شكرا ليك علي الزيارة والمداخلة اللطيفة. وطالما الصور عجبتك بنزيدك منها وبإهداء خاص. كدي أول حاجة إتفضل معانا ملاح شرموط بكول أو ملاح ضرابة فريش بعصيدة دخن وبعداك كباية شاي (كمكل) فريش أيضا ومن شدرتوا طوالي.
الإسفلت من أبيشي لحدي إنجمينا زلط نضيييييييف حفرة وووواحدة ما فوقو. اللهم إلا قريب دخولك إنجمينا بعد تفوت محطة مصفاة البترول علي يدك اليمين.
لم تسعنا المدة للإستماع بجيتارات النيجر ومالي الطروبة. لكن عودة في القريب بإذن الله ونوعدك بتسجيل كمان.
https://www.0zz0.com
https://www.0zz0.com
https://www.0zz0.com
https://www.0zz0.com
03-14-2016, 05:37 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
هنا شوية تعليقات/ملاحظات ثقافية ..ياخي نظريتكم دي هدت فينا عديل (فكرة التنوع الثقافي في امسودان )..فالصورة ، عندي هي رسالة أو خطاب عندو دلالات ومحمولات ومعاني كتيرة خلاص..وهنا بعض من المعاني دي..!..واشكرك انك مرقتنا من حتة فيديوهات الغنا..البنشرح فيها كتير ونسرح كمان..المهم..!
(1)
عارف يا سيف ، لمن بتفرج في صورة العصيدة ، فكرت في حاجة عجيبة خلاص..وهي فكرة نظام الدايت..
Diet system
نفس الفكرة يا سيف بتلاقيها في معظم المجتمعات وانت مارق من الخرطوم ومتجه غربا لغاية تدق في المحيط الأطلسي..!
ملاح الضرابة (ملاح البامية المفروكة لناس البندر) عندنا في كردفان اسمو (ام بـُقـبُق) ودايما بتكون فريش زي ما ذكرت..بس البامية بتكون هي البامية المزروعة..وعكسها بامية طبيعية (وايلد) وصغيرة الحجم وكثيفة السليلوز (لايوقه شديد) وبنسميها محليا (ضرّابه سارا) وبتقوم براها في الخلا وامهاتنا واخواتنا بيحصدنها (لقيط الضرّابة – طبعا المشهور في السودان لقيط القطن)..!
صاحبنا زمان يا سيف ، مشينا عرس في الفرشاية (محلات ناس ابكر ادم) ، اها جابوا لينا العصيدة في صحن بايركس..ياخي عمك حرد الأكل باعتبار انو ده افساد للتراث..!..وكنا وكتها بنضحك عليهو.. لكن الليلة لمن شفت صورك دي جاني نفس الإحساس..وبالتأكيد نادر جدا تلقى ليك قدح مصنوع من الأشجار..ياخي انا جبت معاي واحد من الدلنج..الناس بتجي تتصور معاهو..جنس عظمة واحدة..!..وما بنقصر.. الناس بالتحس معاهم الأمان بتنداح وتحكي ليهم عن محمولات القدح الثقافية.. (خلي بالك الموضوع مرات مش عصيدة بملاح تقلية)..!!!
العصيدة الفي الصينية (مع ملاح الكول والتقلية) شكلها الدقيق بتاعها بتاع طاحونة ، في حين بتاعة البامية شكلها دقيقها بتاع مرحاكة..!..وبالرغم من انو دقيق المرحاكة سمح ومختلف المذاق ، لكن عملية الرحيك قاسية للغاية وبتذكرنا معاناة المرأة في تلك المجتمعات ..طبعا ناس اثيوبيا مرة جايبين فيدو كليب للمغنية منالوش ديبو..وفيهو تصوير لحي للمرحاكة وعملية الرحيك (لو لوميت فيهو ح اجيبو هنا)..
كبر
03-15-2016, 04:47 AM
Kabar Kabar
تاريخ التسجيل: 11-26-2002
مجموع المشاركات: 18547
القطاطي الصغيرة..(المجموعة بتاعة الصورة الأولى من النيجر والثانية من تشاد..الخ)..برضك الحاجات دي لمن اعاين ليها ، بفكر كتير في نظم التخزين في مثل تلك الأرياف.. فهي اصلا ليست قطاطي للسكن ، وانما للتخزين..ولو ملاحظ مجموعة في حتة واحدة ومسورة بزريبة شوك..وهي بالطبع ما بتكون بتاعة زول واحد..وانما مرات الحلة كلها بتني الحاجات دي وكل زول/ة بيكون عارف مخزنو وين..!!..الحاجات دي في السودان ، خصوصا في كردفان ، المفردة بنسميها (السويبة)..وهي لتخزين الغلال (دخن ، ماريق ، عيش ريف ، فول سوداني ، سمسم )..والزول بيمشي كل مرة وبيشيل قدر حاجتو..!!..
طبعا فكرة البـُرام (مفردها برُمة ، تصغيرها بريمه..!!) المتناثرة جنب الصوامع دي..هي برضك صوامع للتخزين (سوائل أو مواد صلبة)..بس حكاية الفوطة المربوطة في خشم البُرمه بتخلي البعض يسرح بعيد خلاص..!
اللذيذة ، الناس ممكن تمشي تتصور مع الصوامع الصناعية باعتبارها تكنولوجيا متقدمة وكده ، وبتتأفف من التكنولوجيا الأصل..تكنولوجيا التخزين القاعدين نسميها (السويبة)..وهي عندها خصائص متقدمة ومتطورة للغاية..وما ح نسهب فيها كتير..لكن ممكن نقرب المسافة بحقيقة بسيطة: الغلال البيتم تخزينها في السويبة ما بيصبها تلف نهائي..حاجة غريبة مش؟..
ناس شمال كردفان ، خصوصا شمال مدينة الأبيض..نظام تخزينهم أرضي..وهو ما يعرف بالمطمورة (جمعها مطامير)..!
(3)
الحاجة التالتة.. وبرضك عندها علاقة بفكرة التخزين..واكيد بتكون ادهشتك عشان كده ركزت عليها ..وهي صورة الحاجة المدسوسة في الشدرة الكثيفة الخضرة..ونخلي الناس تسرح معانا بخيالها عشان تعرف الحاجة دي شنو بالضبط..!
كبر
03-15-2016, 04:51 AM
Kabar Kabar
تاريخ التسجيل: 11-26-2002
مجموع المشاركات: 18547
صورة الزولة القاعدة تعمل في الأكل..ودي صورة جميلة وفيها معاني كتيرة خلاص..!
اولا يا سيف ، فكرة الفقر ..يعني الزولة دي ياهو ده كل جملة عدة المطبخ (حلة+براد شاي + كورتين).. مرات بتكون نفس الحلة تعمل بيها العصيدة ، وتغسلها وتعمل فيها الملاح..!
زمان كنت بستغرب من بعض الصديقات والأصدقاء..وكانوا في جمعية حماية البيئة..وشابكننا ليك..(القطع الجاير للحطب) وشنو شنو كده ما عارف..وناسيين انو الناس هناك ما عندها خيارات خالص..غير تستخدم الحطب بالصورة دي..المهم..
الزولة لو بتلاحظ بتلز في عود النار عشان تحمس النار..لا قلوفزات (قفازات سلامة)
No safety Gloves
No safety Glass
No Hard Hat
شفت الفقر قاسي كيف..!
مسكة عود النار (بنسميهو نُشاب النار) ودفعه لتحميس النار بنقول عليها (تقديم النار/ او قدمت النار لتحفظ اشتعالها مستمرا)..!
وعملية وضع الطفل هكذا اسمها (الموقاقاة)..وبيقولوا فلانة مقوقية طفلها في ضهرها..والشافع بيكون مربوط بصورة محكمة..وهي عندي عملية تكنلوجيا متطورة للغاية..لأنو الشافع بيكون مرتاح للغاية لدرجة انو بينوم..حاجة مدهشة مش..؟!!!
الفكرة تم تطويرها في زمن البنادر والمدن..وهي فكرة..
Baby Carrier
وبتكون الأم بتشيل الطفل في الحاجة دي (قاعد اسميها قفص الشفع)..!
وايضا في بعض الأسواق بتكون نفس الفكرة بتاعة الزولة الفي الصورة..و في شركات قاعدة تصنع ليها مخلاية مصممة لحمل الأطفال..لكنها بتكون من الأمام..يعني زي شيلة الطفل في الصدر.. بس مشكلتها ما عملية زي بتاعة الزولة الفي الصورة.. لأنو فكرة المخلاية الصناعية بتحد من حركة الأم وما بتقدر تعمل حاجات كتيرة..اما فكرة الزولة الفي الصورة فهي بتخلي حركة الأم حرة الى حد بعيد (تمشي ، تقعد ، تشتغل بيدينها..الخ)..وفي نفس الوكت بتدي الطفل/الطفلة مساحة مفتوح للتنفس المريح..مش قلت ليكم تكنلوجيا متقدمة شديد..!!!
لاحظ فكرة زولة قاعدة وبتطبخ (لأن الطباخة في البنادر يا الزولة تكون واقفة أو قاعدة في بنبر..!!
سالت الآنسات (شهد وشروق)..عن تأمل الصورة..شهد قالت لي: ومالك زعلان كده؟..قلت ليها شفقان من تعب الزولة البتطبخ في نص الحر ..!
شروق..هزت اكتافها .. وقالت لي: ما ياهو انتو هنا الصيف كلو مخمخمننا وماشين البارك عشان تعملوا باربكيو..!
طبعا مافي طريقة اجادل اكتر..والانسة شهد طمنتني وقالت:
It is cool to cook on open space
وفات عليها..دي حياة ناس..عمرها كلو بالطريقة دي..!
طبعا ما تنسى شكل ألة النضافة المجدوعة بالقرب من الزولة الفي الصورة..والحتة شكلها منطقة زراعة اكتر من كونها مكان سكن.. او ربما تكون جبراكة..!!
طبعا لمن شفت الجركانة السوداء جنب الزولة دي اتوجست وحزنت..لأني كنت قايلها جركانة (بنزين ، زيوت عربات..الخ)..ويا ريت يا سيف تطمني وتقول لي..هي جركانة مصممة للموية وبس..!
ولو تأمل صديقنا شيخ قصي اللوغو الفي الجركانة..لما احتاج للسؤال..أو ربما داير يطمئن اكتر من الخواطر الفي بالو..و يا شيخ قصي اللوغو الفي الجركانة عبارة عن مئذنتين (ميضنتين) حاويات العالم بيناتهن يااااااااااااااخ..!
كتر خيرك يا سيف..
ويا ربي الناس لو رجعت تاني اتأملت نفس الصور ح يكون عندها احساس مختلف بالحاجات..أم لأ؟..
ودمت..
كبر
03-15-2016, 06:27 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
كالعادة تعجبني مقدراتك في في شرح تراثيات امسودان....
تعرف يا كبر اااي جابوا لينا العصيدة في صحن بايركس والكلام ده في قري نائية في شرق تشاد. طبعا صحن البايركس لزوم الضيافة وكده وبإعتباري زول بتاع حضر وأوروبا ومدنية وكده. لكن في ملاحظة غريبة جدا. تعرف انه العصيدة دي اساسا بعد ما يعملوها بكبوها في قدح وبعداك بيقلبوها في صحن البايركس. القدح بديها الشكل بتاعها ده وبعمل حاجة مهمة تانية وهي إنو العصيدة بتحتفظ بدرجة حرارتها لأطول مده وهي مغطية بالقدح.
Quote: جابوا لينا العصيدة في صحن بايركس..ياخي عمك حرد الأكل باعتبار انو ده افساد للتراث..!..وكنا وكتها بنضحك عليهو.. لكن الليلة لمن شفت صورك دي جاني نفس الإحساس..وبالتأكيد نادر جدا تلقى ليك قدح مصنوع من الأشجار..ياخي انا جبت معاي واحد من الدلنج..الناس بتجي تتصور معاهو..جنس عظمة واحدة..!..وما بنقصر.. الناس بالتحس معاهم الأمان بتنداح وتحكي ليهم عن محمولات القدح الثقافية.. (خلي بالك الموضوع مرات مش عصيدة بملاح تقلية)..!!!
03-15-2016, 06:42 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
الحاجة التالتة.. وبرضك عندها علاقة بفكرة التخزين..واكيد بتكون ادهشتك عشان كده ركزت عليها ..وهي صورة الحاجة المدسوسة في الشدرة الكثيفة الخضرة..ونخلي الناس تسرح معانا بخيالها عشان تعرف الحاجة دي شنو بالضبط.
أول مرة الاحظها مع انى صاحب الصورة. لكن بصفتي زراعي ممكن اخمن. إحتمال كبير تكون بذور تم حفظها لزراعتها في الموسم القادم...لاحظت بعض المزارعين بخزنوا علف في بعض الأشجار...
ليك اشرح لينا لو كان نخمينى غلط وبمزيد من المعلومات.
03-16-2016, 07:46 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
في الثلاثة مداخلات الجاية سوف أنشر صور ومعلومات بسيطة عن السوق الأسبوعي المتجول بين قري العديد من الدول الأفريقية...أجمل إسم لسوق الاسبوع هي التسمية السواحيلية والتى تسمي السوق (منادا) وأصلها هو الكلمة العربية (مناداة: من النداء) أو بالسودانى (سوق الدلالة)...
الصور من مدينة (مقرن)، غرب مدينة أم دم وجنوب غرب مدينة أبيشي.
هذا السوق من أجمل اللوحات الجمالية التى شاهدتها علي الإطلاق في الأسواق الأفريقية المتنقلة...
البوستات منقولة من صفحتى في الفيسبوك لو فيكم زول مستعجل علي مشاهدة الصور.
03-16-2016, 08:36 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
Far away from the cities in Africa, people in the remote and inaccessible villages use to conduct a "super market" once per week per village. People are poor and have no money to invest in new cloth, a mobile or TV. Here you will find the basic commodities of survival. The market in the bigger villages is well organised with different sections.
Here is the meat section.
https://www.0zz0.com
https://www.0zz0.com
https://www.0zz0.com
https://www.0zz0.com
03-16-2016, 10:17 AM
علي الكرار هاشم علي الكرار هاشم
تاريخ التسجيل: 02-10-2007
مجموع المشاركات: 3710
To come to the market from the far and inaccessible villages you need transport of course. The most common ones are donkeys, horses and camles. And as any modern super market in Africa or elsewhere there is also a special parking place for cars, sorry I mean for animals.
And here is a fact. Women use donkeys (because they do the hard work). Men use horses and camles (because they do the big bussiness).
From the number of donkeys you can conclude that more than 75% of the market traders are in fact women.
Photo taken in Amdam - Tchad 11th Feb 2016.
السوبر ماركت الإفريقي
تحتاج لوسيلة مواصلات بالطبع للحضور للسوق الأسبوعي الإفريقي من القري النائية والبعيدة. وماهو متوفر بالطبع في هذه المناطق التى تكاد تكون معزولة هي الحمير والحصين والجمال
ومثله ومثل اي سوبر ماركت حديث في إفريقيا يوجد مكان مخصص لهذه الدواب أو مكان الباركينج. وإليكم حقيقة وهي أن النساء يستخدمن الحمير كوسيلة ترحيل. بينما الرجال يستخدموا الحصين والابل. السبب في إعتقادي أن النساء يؤدين أصعب وأشق الأعمال أما الرجال فهم أصحاب أعمال تجارية أكبر من النساء. المسألة في النهاية مسألة بريستيج.
من إعداد الحمير تستطيع أن تصل لحقيقة وهي أن خمسة وسبعون بالمائة من زوار السوق وتجاره هم نساء.
أخذت الصور من سوق مقرن الأسبوعي في شرق تشاد يوم 11 فبراير 2016.
https://www.0zz0.com
https://www.0zz0.com
https://www.0zz0.com
https://www.0zz0.com
03-16-2016, 06:56 PM
waleed nayel waleed nayel
تاريخ التسجيل: 10-31-2008
مجموع المشاركات: 1170
Women add more art and color through their handcraft works to earn money for their families. They thatch leaves of (doom trees) into baskets and carpets (birish) and they mold caly into water jars. They use what nature gave them and try to make living out of that. They go home at the end of the market day with very small sums of money but even though they feel satisfied that they secured their household's very basic needs. They work hard all day long to "give" and "produce".
السوبرماركت الأفريقي
يضيف النساء بعدا جماليا وفنيا علي السوق بالأعمال اليدوية. فيصنعن البروش من زعف أشجار الدوم أو قلل للماء من الطين. يحولن ما وهبتهم الطبيعة الي مصدر دخل صغير إلا أنه كافيا لهن للشعور أو المحافظة علي الأمان الأسري من خلال توفير الإحتياجات الأساسية لأطفالهن.
https://www.0zz0.com
https://www.0zz0.com
https://www.0zz0.com
https://www.0zz0.com
03-17-2016, 12:28 PM
hafiz Issue hafiz Issue
تاريخ التسجيل: 02-14-2008
مجموع المشاركات: 520
شكرا اخونا سيف اليزل للصور المعبرة جدا لمناطق في وسط وغرب القارة مشابهة جدا في الجغرافيا ونمط الانتاج وبعض العادات لمناطق في غرب السودان
الصورة تعكس ايضا بالاضافة للملاحظات النابهة التي ، اوردها ول د با كبر، تعكس دور الموارد الطبيعية في الاقتصاد الريفي لقطاع واسع في القارة ، هذه الموارد الطبيعية مثل ثمار التبلدي والعرديب والسعف والدوم تشكل موارد دخل مهمة لتوفير الامان الاقتصادي والاجتماعي لعدد كبير جدا من السكان هناك" كما وصفتها انت اخي سيف"
وعلى ذلك اضحى موضوع الحفاظ علي الموارد الطبيعية من هجمة التدهور البيئي محور تركيز كبير من الهيئات الاممية المهتمة بموضوع الاقتصاد الريفي واستدامة التنمية في تلك المناطق .
وال دبا كبر هذه المناطق اعتقد ذات نمط انتاج متداخل وزراعي رعوي (رعاة ضحاري) ان صح التعبير ، ويمكن ان تكون مسارات الرعي الكبير (المرحال / البادية) قريبة لهذه القرى واسواقها لاهمية المرور الموسمي لزيادة القدرة الشرائية وانتعاش هذه الاسواق كما هي حاصلة لدى مراحل البادية في كردفان ودارفور
اما ملاظتك ( ول دبا كبر حول بعض الاشارات لتحول في النمط الاستهلاكي لهؤلاء القوم ، نعم هنكاك تحول تدريجي واحيانا مخيف ‘ فمثلا انا كنت ضمن فريق مسح زرنا في العام 99 م معظم اماكن تواجد بادية الرزيقات قبيل تخطيهم لبحر العرب في اتجاه الجنوب ولاحظنا ان بيوت السعف الموقتة تغيرت وتم استخدام المشمعات المستوردة وقتها من ليبيا وهذا يشكل بالطبع قلق كبير لناس البيئة ومحور نقاش
كذلك كثر استخدام اكياس النايلون بدلا من مواعين البخس والسعن وخلافه ..
مرة اخرى تحياتي اخونا سيف اليزل واخونا ول دبا كبر وباقي المتداخلين واعتقد الصور فتحت نفاج لموضوع في غاية الاهمية هو الاقتصاد الريفي واهمية الموارد الطبيعية في تدعيم سبل كسب العيش لاهم قطاعين في افريقيا جنوب الصحراء بما يشمل مساحة واسعة وحيوية ايضا في السودان
03-17-2016, 04:58 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: الاخ الكريم صاحب البوست تشكر على هذه الصور لتنوير الناس بان حياة الشعوب في تلك الدول لا تختلف عندنا في السودان وخيش قصي شخص مشاتر وعديم الاحساس ليس لديه اكثر من يا زول انت البحومك في المناطق دي شنو؟ مع انه البيئة التي يعيش فيها بالجزيرة لا تختلف عن هذه المناطق بس هو بياكل عصيدة لينة ونية وبملاح لبن لكن زي العصيدة في الصورة دي لا شافها ولا بيعرفها . طبعا هذه الدول يشترك مع السودان في كثير جدا من العادات الغذائية من عصيدةوغيره وحتى الاسماك في تشاد نحمل نفس الاسم عندنا من بلبوط وكجيك وبلطي عكس الاثيوبيين تماما فهم لا يحبون او ياكلون الطعام السوداني الا اطرارا. اعجبتني كل الصور وخاصة صورة الشواء ونفس الطريقة ايضا تستخدم في غرب دارفور في الجنينة واسواق الضواحي . كان الوالد رحمة الله عليه يحدثنا كثيرا عن دارفور وخاصة الجنينة بلدنا الاصلي ولانه صاحب لوري وتاجر كان يعرف غرب السودان معرفة دقيقة جدا وكان يقول لنا اننا لا نعرف شراء اللحم بالكيلو اما ربع خروف او منصاص اي نص خرف كما في الصورة وحتى اليوم يباع اللحم بنفس الطريقة لكن لظروف الحرب دخلت عليهم عادة بيع اللحم بالكيلو في الفترة الصباحية فقط اما في الفترة المسائية فيباع بالربع والمنصاص. يوجد سوق بالجنينة يسمى سوق اللغاويس هذا السوق للشواء فقط يعني بي 15 جنيه لحم مشوي يشبع نفرين او تلاتة انفار وفي الضواحي ورك الخروف الكبير المشوي ب15 والصغير بي 10 جنيه نفس طريقة الشوي الموجودة في الصورة طبعا ده قبل ستة سنوات.
طبعا العصيدة في الصورة دي بتاعة (دامركة) وطريقة تحضير الدامركة يتم بتخمير الدخن لمدة ثلاثة ايام ومن ثم تجفيفه ونزع القشرة الخارجية وطحنه وطبعا طحن المرحاكة بتخلي العصيدة متماسكة ولذيذة وفي دارفور تشتهر المسلاتيات والزغاويات والبرتاويات بعمل اجود انواع العصايد والتقليات. يوجد نوع اخر يسمى بملاح التمنجنقو وطرقه تحضيره كالاتي يتم سلق اللحم وتفه في الفندق ولا يتم تحمير البصل او اضافة الصلصة وتضاف اليه الويكة
محمد مهاجر من الفيسبوك
ياخي تشكر علي المعلومات الثرة في المداخلة. متعة والله ومتعك الله بالصحة والعافية.
أكاد أجزم أنه لاتوجد خلافات في الأنماط الحياتية والغذائية من الضفة الغربية للنيل الأبيض وحتى ضفاف نهر السنغال في غرب إفريقيا. مافي فرق بين الجنينية وقوز بيدة. شخصيا ما قاعد أحس بالغربة في هذه الدول أبدا.
وطالما عجبتك صورة الشواء نهديك صورة شية من نيامي العاصمة النيجرية.
عجبتنى تسمية سوق (اللغاويس) في الجنينة.
شكر ليك وللناجي ومحمد طاهر من الفيسبوك
https://www.0zz0.com
https://www.0zz0.com
https://www.0zz0.com
03-17-2016, 06:45 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
Quote: تعكس دور الموارد الطبيعية في الاقتصاد الريفي لقطاع واسع في القارة ، هذه الموارد الطبيعية مثل ثمار التبلدي والعرديب والسعف والدوم تشكل موارد دخل مهمة لتوفير الامان الاقتصادي والاجتماعي لعدد كبير جدا من السكان هناك"
سلام يا حافظ
شكرا علي المداخلة والملاحظات القيمة فيها حول إستدامة حياة الريف مقابل التدهور البيئي.
عندي ملاحة بسيطة وهي عبارة عن فرق بين اسواق قري شرق إفريقيا وغربها.
من الملاحظ أن أسواق غرب إفريقيا تعتمد إلي حد كبير علي إستغلال المواد المحلية وتحويلها إلي قيمة إنتاجية أو سلعة للبيع.
أسواق شرق أفريقيا تعتمد علي بيع منتجات مصنعة (ملابس، أواني، ادوات وغيرها) كثير منها منتجات صينية.
نهديك صورة مؤثرة بالنسبة لي من عملية بيع الصمغ العربي في سوق الأسبوع. المؤثر هو كان تدنى سعر الشراء من النساء الذين قاموا بعملية جمع الصمغ.
لم يكن لديهن خيار سوي البيع لحوجتهن للمال، بعد السكن وحقيقة أن السوق يقام مرة واحدة في الإسبوع.
(الصورة الأولي تحلق النساء حول تجار الصمغ في الصورة الثانية)
https://www.0zz0.com
https://www.0zz0.com
https://www.0zz0.com
03-18-2016, 05:44 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
طيب ما انت زول كويس ياخي ، مالك قاعد تركب لينا وش؟ (بيني بينك دافوري السياسة مرات بيخلينا نمرق من عراريقنا ذاتو)..!
ماك هين تب يا ادم مهاجر..وكتين بتفرز عصيدة اهلنا ناس البحر (تحديدا الجزيرة) وعصيدة اهلنا في غرب امسودان..!!
زمان يا ادم ، في الستعينات ، وانا طالب بكلية القانون جامعة الخرتوم..مشيت زيارة لبعض من اقاربي في منطقة بحر ابيض (منطقة كرري ، بالقرب من مدينة ربك)..
اها لمحت قريباتي بيسوطن العصيدة (باعتبار الأمر تراث ، وولدهم زول خلاء يقوموا يذكروهو بحاجاتو)..لقمتين بس ..طراش ما انزل الله به من سلطان..!!
اليوم التاني ، برضك في الفطور عصيدة..و قمت قلت ليهم (باص)..!!
قام عمي ، اسمو ادريس الإزيرق ، نادى زوجتو بالإسم..وهي عمتنا ..وعيالها وبناتها فيهم من مسك البيت وفيهم من ينتظر.. وناداها بلقبها (زهرة الفكة..!!)..
قالت ليهو : هوي..!
قال : ليها تعالي..!
اها عمتنا اتلفعت بتوبها وجات الضرا (الديوان)..
قال ليها ، قدام الجميع: سوطي عيش لول ملاح قبال الجوع يكتلو لينا في فريقنا..!
وعمتك رجعت وساطت العصيدة زي الترتيب ..وضربناها..!
اصدقائي وصديقاتي (بعضهم ابناءوبنات عمنا ادريس وعمتنا زهرة الفكة) كانوا بيسألوا بضيق وحنق..اشمعنا يعني ؟..
طبعا ، احد ابنائهما ، قال لي: سنين طويلة ما سمعت ابوي بينادي امو بلقبها..!!
المهم..
كتر خيرك على ذكر فكرة دقيق الدامركو.. او الدامرقو..!
وهي تقنية يا صديقي..والله تقنية عدييل.. كده.. ومتطورة للغاية..وهسع ناس البندر الحايمين هنا ديل كلهم تقول ليهم (دامركة/دامرقو) يختوا الخمسة في الإتنين..ويتمحنوا..
لكن أي واحد لو مشى يشتري عيش من الدكان (في نورث امريكا مثلا) ح يلقى اصناف كتيرة..التمييز بينها بيكون على اساس الدقيق (دقيق قمح بقشرة أم بدون قشرة..والله صحي)..
قريبتك يا ادم مهاجر (الحيكومة/المدام) ذات مرة رسلتني السوق..اها من ضمن القائمة بتاعة الحاجات (دقيق قمح دامرقو)..ياخي اتكيفت جنس كيف (طبعا الزولة بت امدرامين ، لكن مرات عندها جاكات ناس الريف..)..لمن اشتريت ليها فتيل ريحة بتمانين دولار..!!
تقنية فصل القشرة عن الغلال ، هي تقنية معروفة في عالم اليوم..لكن مافي زول جايب خبر انو اساسها ياهو فكرة الدامرقو بتاعة حبوباتنا في تلك المناطق..!!
وللجميع هنا.. فكرة الدامرقو هي تقنية منها حبوباتنا بيفصلن القشرة عن الغلة (قمح ، دخن ، ذرة..الخ)..!
حصل يا ادم مهاجر جربت اكلة من دامرقو امباط (عيش الريف/الذرة الشامي)؟..
وزي ماقال استاذنا الشاعر الكبير ، محمد طه القدال (انا ما بجيب سيرة الجنوب)..
نحن بنقول (انا ما بجيب سيرة ام جنقر)..!!
ودمت..
كبر
03-24-2016, 12:40 PM
Saifaldin Fadlala Saifaldin Fadlala
تاريخ التسجيل: 12-20-2015
مجموع المشاركات: 832
الاخ سيف الف شكر علي هذا الجمال تعرف سيف لو خيروني ان اتناول وجبة في افخم مطعم اوربي او وجبة شية تحت شجرة,لاخترت صاحب الشجرة تعرف في افريقيا ورغم الفقر المدقع,الناس يقابلوك ببسمة حتي السينما زمان كت بخش شعبي
03-19-2016, 05:56 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
الأخ سيف متابعين معاك ... وعندي طلب، المرة الجاية قبل ما تسافر بمدة شهر أرمي لي ماسنجر .. محتاج لصور عن ملامح حياة البقارة فى دول الساحل وبالذات نمط بناء البيوت وعدة المنزل.
من صورك أعجبتنى البروش التشادية ..
وبعدين أعمل حسابك من الشيات .. معظمها Bush Meat .. وأنت عارف دا سبب مرض الإيبولا.
بريمة
03-19-2016, 06:02 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
هي لمن ظهرت كموضة اول مرة كان اسمها (حلة فلاتة) لأن اغلب الصنايعية الكانوا بيصنعوها من اهلنا الفلاتة..وبرضك عندها اسم تاني (حلة تنقو تنقو)..
ولا يغيب عليك التشبيه بين شكل الحلة ورسومات عمك تنقو..!!..وفكرة تنقو تنقو من شكل الحلة العامل انتفاخ مختلف عن حلة البندر العادية..
ناس جريدة اليوم التالي عملوا تحقيق عنها وعن بقية ادوات المطبخ وكان التحقيق في سبتمبر2013 ، وبرضك في سبتمبر 2014 نفس الجريدة اتحدثت عن حلة تمبلباي ،
وكان عمل التحقيق صديقنا عبد الجليل سليمان في مدينة نيالا..ومن هناك اشار الى ان التسمية ترجع لرئيس تشاد الأسبق التربوي فرانسو تمبلباي..
اول مرة شفت الحلة في مدينة الدلنج في النصف الأول من الثمانينات..وكت داك اعمامنا الصناع كانوا بيشيلوا حق الصناعة فقط..وعندهم افران خاصة لصهر الألمونيوم ،
وكل زولة بتلملم الألمونيوم القديم وبتشيلوا وبيعيدوا صهرو وبينصعو منو حلة تمبلباي..!
من خصائصها انها بتسخن بسرعة ، والطباخة فيها بتكون سريعة ، في نفس الوكت بتحتفظ بحرارة الطعام لأطول فترة..
من الأساطير عنها ان الأكل فيها ما بتجيهو حكاية يحمض أو يبوظ..!
طبعا ألأسطورة كانت انو اهلنا الصانعين بيضيفوا روح (عرق او حجاب) عشان كده الحاجات بتكون محفوظة..!!!
ايضا من خصائصها انها متينة وبتعيش لفترة طويلة للغاية..
عبقرية الفكرة ، هي افران صهر الألمونيوم البدائية ، وفكرة الرسايكل واعادة انتاجو عبر توظيفو في حاجة مفيدة..!
طبعا اسم تمبلباي نادر ، وفي مناطقنا في كردفان (منطقة قليصة ، كان عايش فيها اخر ضابط في حركة اللواء الأبيض واسمو علي كباشي وكان عايش لغاية حقبة التمانينات)
كان يوجد شاعر طمباري اسمو تمبلباي (وثق ليهو صديقنا عضو المنبر احمد التجاني ماهل في احد محاضراتو التراثية ، وصديقنا معاوية وصديقنا محمد عبد الرحيم عيد)
وهو صاحب اغنية الصغيرون التي يغنيها الفنان عمر احساس وهي اغنية مشهورة..!
ياريت اكون اتوفقت في اضاءة مفيدة يا ايمن..!
ودمت
كبر
03-19-2016, 06:13 AM
Kabar Kabar
تاريخ التسجيل: 11-26-2002
مجموع المشاركات: 18547
و يفتش الخلاء والفضاء المفتوح (الحدائق العامة) ولا في ضهر بيتو (الباك يارد) عشان يستمتع بالشية في الهواء الطلق..!
وما تنسى القيمة الإقتصادية لصناعة فرن الباربكيو..الشركة بتوفر عمالة ودخل بيمشي للخزينة العامة في شكل ضرايب..!!
اصحابنا هنا..لمن شافوا كمية اللحوم الجاب صورها صحابنا سيف..اول حاجة ادوها جفلة..لأنو ما متعودين يشوفوا اللحمة كده..
يعني متعودين يشوفوها مكيسة ومغلفة بصورة انيقة وبيشتروها من السوق..اها عندي صاحبي دكتور من بنغلاديش (من معجبي اختنا الفنانة شادن محمد حسين)..
ناقش اللعبة وحفظ حاجات امسودان من نقتنا الكتيرة واجاباتنا على تساؤلاتو المستمرة ..قال معلومة بسيطة غيرت رأي الخلق ديل في طرف من الثانية..
فقال ليهم: البهايم دي ما بتاكل علف صناعي وانما علف طبيعي..!!..طبعا العالم هنا عنده حنين غريب تجاه الحاجات الطبيعية.. لأنو الصناعية ورتهم الويل والثبور..!!
ولغاية الليلة الناس تتمطق ساكت..وبراك بتعرف اهلنا عيال جون..لمن تهف ليهم حاجة طوالي بيعملوها..
لمن تاكل المشمع (وهي بتبحث عن اي حاجة حادقة/مالحة) بيقوم بيعمل ليها نفاخ (ياخي البهيمة بتقيف زي كورة القدم..!!)..و بيكتلها في دقايق..!
اليوم يا الحافظ..الموضوع اتطور ابعد من سُميات المشمع المشعة ، الى اخطار اكثر اشعاعا
(ولغاية اللحظة ناس قليلة للغاية بتتكلم عن خطر المواد المشعة واثرها على الثروة الحيوانية في مناطق صناعة البترول في ترابنا هناك..!!)..
اما الموارد الطبيعية ..!!..واللــه حسرة ومغسة يا صديقي..!!
الصمغ الجاب صورو صديقنا العزيز سيف ، يكفي ان امريكا بكل جبروتها لمن فرضت عقوبات على امسودان ،
استثنت الصمغ العربي..ولو بيقدروا يزرعوا هشاب ولا شدرة ام سنينة ، سواءا كانت بيضا او زرقا ، كان من زمان ادونا بالجزمة القديمة ..و براك بتعرف طنقعة اليانكي..!
هل تصدق يا الحافظ.. الكركدي..أي والله الكركدي الواحد ده.. كان بيقوم بروس ساكت في حوافي الزراعة (كردفان ، دارفور ، تشاد ، النيجر ، مالي ..الخ)..والليلة انا في كالقري (مدينة في غرب كندا)
بشتري الكركدي المجيه..معبأ في اكياس انيقة وحميمة ولطيفة ..ومن عجب فيهو ذكر (فخر الصناعة الألمانية)...أي والله المانيا عمنا هتلر في ذات نفسها..!!!..ليه؟..دي قصة طويلة وح احكيها في وكت اخر..!
تلك الإقتصاديات يا صديقي ، هي غنية للغاية بمواردها ، لكن الأخر الحضاري بيقوم يفرض علينا وعي انها حاجات بدائية وخارج الزمن..لكن بيشيلها وبيعمل منها العجايب..!!
نعم يا صديقي ، هناك اصوات الضمير الحي الذي ينادي بالحفاظ على البيئة..لكن الرأسمال دايما عندو نظرة مختلفة..نظرة الربح والإستهلاك.. بيفرض علينا انو حاجاتنا كعبة..!
اهلنا ناس اليسار الأفريقي في امريكا ، عندهم مجلة محكمة اسمها ..
Black Agenda Report
بطلنا نستشهد بيهو لأنو في واحد داعشي اسمو سيف ابكر قام نط فيهو بلا فهم..المهم..
الناس ديل في كل دراساتهم ، مقالاتهم ، بتكلموا عن حاجات غريبة.. انو الحروب اتفرضت على افريقيا
(تركيزهم حروب الكنغو ، افريقيا الوسطى ، تشاد ، دارفور..الخ)..وفكرتهم انو الحروب اتفرضت على افريقيا ،
لأنو الأمبريالية ما بتلقي فرقة تستغل حاجات الناس هناك غير انو تخلق حرب وتخلي الأهالي منشغلين بقتل بعضهم البعض..
عشان الموارد تكون قاعدة سايبة ساكت وهم يخموها من غير رقيب أو حسيب..!!
ودمت..
كبر
03-19-2016, 06:42 AM
Kabar Kabar
تاريخ التسجيل: 11-26-2002
مجموع المشاركات: 18547
Quote: بشتري الكركدي المجيه..معبأ في اكياس انيقة وحميمة ولطيفة ..ومن عجب فيهو ذكر (فخر الصناعة الألمانية)...أي والله المانيا عمنا هتلر في ذات نفسها.
هذه المعلومة أنا وثقت لها فى كتاب روائع تراث الشاي لدي البقارة .. والكتاب قيد الأصدار .. والمعلومة صحيحة ولها خلفية تأريخية .. الشاي رغم أنه تم أكتشافه بواسطة الصينين فى الألفية الثالثة قبل الميلاد إلا أن بريطانيا كانت وراء أنتشاره كمشروب شعبي عالمي .. والشركات البريطانية لديها أحتكار مع الشركات الأوروبية الأخري مثل هولندا والبرتقال لتجارة الشاي .. وكل هذه الدول فى الحرب العالمية الأولي كانت فى صف الحلفاء (دول معسكر الشاي) .. وأصبحت ألمانيا فى معكسر غير معكسر الشاي، فتم وقف تصدير الشاي لها .. كان هناك رجل ألمانى فى السودان يعرف عن الكركدي .. وعلي طول رجع الرجل ألمانيا وأقترح أستيراد الكركدي من السودان ليحل محل الشاي .. وتلك كانت بادرة أستيراد الكركدي السودانى لألمانيا .. ظللنا نحن المصدر الأول للكركدي مثل الصمغ العربي حتى عام 1980م الغريب دا .. بعد ذلك نتيجة لا أدري ما السبب هل هو الجفاف أو الحروب .. أنتزعت دول أخري مثل الهند، وتايلاند وماليزيا تصدير محصولنا الأول (نعم الأول مثل الصمغ العربي) .. ومع أنهم أجتهدوا فى إنتاج عينات محسنة إلا أن الظروف المناخية، كما فى حالة الصمغ، جعلت من الكركدي السودانى هو الصنف الأجود .. رغم أننا لم ندخل عليه أي تحسين ..
بخصوص الصمغ، الصورة المرفقة ليس هى أشجار الهشاب .. بل هى شجرة الطلح التى تعرفها أنت جيداً .. ولكن نحن متعودين علي رؤوية لون الطلح الأحمر القانى كما لدينا فى السودان .. والذي هو فاتح يميل إلي الأصفر فى الصورة .. كما أن بلورات الصمغ العربي شفافة تميل إلي البياض، فى حين صمغ الطلح والذي يسوق علي أساس أنه صمغ عربي بلوراته فيها مسحة من اللون الأحمر .. ظاهر فى الصورة .. ودول النيجر وتشاد ونتجيريا هى وراء رداءة جودة صمغنا السودانى .. شوال واحد من حقنا تخلط معه ثلاثة من حقهم ويسوق علي أساس محصول صمغ عربي أصلي.
يا كبر الشية دي في تشاد إسمها التشة في سوق برة انجمينا نسيت اسمه لكن اعتقد لو ما اخاف الكضب إسمه فوس قبله منطقة اسمها بوم بليلة تلقي الشواءات دي في الشارع وهي من الذ ما أكلت الكلام ده قبل ما يظهر في السودان قندهار وسوق ليبيا هل حصلت أكلت ملاح كركنجي
الصورة يا ول أبا كبر، هذا الشيئ يشبه لحد كبير مطامير الكول .. لاحظ القطاطي الصغيرة التي تشبه السيب (مخزن العيش البلدي لدي أهل الجبال) أظن كلها حفر للكول .. وسبب بناء القطاطي فوق الحفر لسبب أن الكول يصدر غاز المثين بصورة مكثفة .. القطاطي الشايفها دي تكفي لأنارة مدينية الدلنج كهرباء .. وغاز المثين لديه مشكلة بيئية كبيرة، يقلل هبوط الأمطار .. عشان كده البقارة لما يجدوا مثل هذه المطامير يسكروا برامها ويدفنوا الحفر .. حتى لا يقل المطر ويجف المرعي ..
الشيئ الثانى أن هذه الشيئ هو حصاد للتمباك .. لكن المعروف أن التمباك فى السودان يحفروا له حفر كبيرة مثل الحفر بتاعت لما يبنى الأنسان بيت طين جالوص .. تصبح هناك حفرة كبيرة جوار البيت ..
الشي دا ربما لا يطلع من واحد من الأثنين ديل ..
بريمة
03-19-2016, 10:34 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
Quote: ندي طلب، المرة الجاية قبل ما تسافر بمدة شهر أرمي لي ماسنجر .. محتاج لصور عن ملامح حياة البقارة فى دول الساحل وبالذات نمط بناء البيوت وعدة المنزل.
أوووووو مرحب بحبينا بريمة
البوست ده شكلي حأنقله للربع الجاي لأنه أي معلومة ذكرت فيه دايرا ليها بوست منفصل براهو.
وقبل ما أرجع لمداخلاتك حقت الكول والإيبولا نديك طلبك..
أنا مرضان جدا يا بريمة بتصيور نمط البيوت وعدة المنازل في القري الإفريقية. مرة فكرت أعمل لي كتاب مصور لكن ما لقيت نفس
مرحب بيك يا بريمة أدناه الصور التى طلبت أتمنى أن تنال إعجابك
https://www.0zz0.com
https://www.0zz0.com
https://www.0zz0.com
03-19-2016, 11:07 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: تقنية فصل القشرة عن الغلال ، هي تقنية معروفة في عالم اليوم..لكن مافي زول جايب خبر انو اساسها ياهو فكرة الدامرقو بتاعة حبوباتنا في تلك المناطق
يا كبر هذه التقنية كانت منتشرة في أواسط السودان وحتى إلى زمن قريب في الأحياء الإمدرمانية وتسمي عملية الفصل ب ( الفندكة). وهي زي ما واضح جاية من كلمة الفندك...هي بالمناسبة تسمية (فندك) دي زاتها جات من وين...؟؟؟؟ ههههه
بيتم فندكت العيش في فندك كبير بإضافة قليل من الماء وبعداك بيتم نفضه أو غربلته لفصل القشرة من العيش.
في إحدي قري النيجر سألت أحد الرجال ماذا تحتاج القرية بعد أن تم حفر بئر للقرية وطلمبة ترفع الموية لصهريج بالطاقة الشمسية..؟؟
اجاب: نحتاج لطاحونة..
سألته بتطحنوا دقيقكم وين؟
مشي جاب لي فندك وقال لي في ده؟؟
اكيد عملية الطحين ما بتم في الفندك لكن الراجل داير يريح النسوان من عملية الفندكة...
سوف احاول تعديل البوست وإضافة صورة الرجل والفندك.
03-19-2016, 01:57 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
ياخي والله أنا والكثيرون من القراء متابعي هذا البوست سعيدين بمشاركاتكم.
بس عندي رجاء وطلب بسيط. خلونا نبعد عن السياسة والمشاحنات في البوست ده ونبحث عن القواسم المشتركة التى تجمعنا علي طول إمتداد شعوب دول الساحل.
خلونا نضيف معلومات وإضاءات بعيدا عن خلافاتنا السياسية. لقد تعرفت علي ناس كثيرين في تلك البلاد أصولهم في السودان وتعرفت علي سودانيون كثرين اصولهم في تلك البلاد.
دي صورتى مع محمد أحمد (مواطن من مالي ) في باماكو والثانية صورتى مع تشاديين أصولهم سودانية.
https://www.0zz0.com
https://www.0zz0.com
03-19-2016, 11:14 PM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6325
رغم عدم الاستقرار واستتاب الامني في دول وسط وغرب افريقيا الا ان الملاحظ هناك تطور وتنمية في هذه الدول والصور النقلتها من تشاد تؤكد ذلك هذه الدول غنية بالموارد لكنها فقيرة اداريآ واذا وجدت قيادات وادارات واعية سنشهد تطور وتنمية اكبر في جميع المجالات .
اخونا محمد النور كبر رغم اختلافي معه في بعض الكتابات لكن للامانة الرجل اعطي هذا البوست لون وطعم خاص بمداخلته وشرحه للصور وربطه بين السودان وتشاد والنيجر في عادات والثقافة والتراث والمعلومات المهمة عن التخزين البلدي وحلة التمبلباي وكتب كبر (ايضا من خصائصها انها متينة وبتعيش لفترة طويلة للغاية..)
في دارفور حلة التمبلباي (بسموها تموت تخلي) سمية بهذا الاسم لخصائص الذكرها كبر علي ما اعتقد.
عندي رحلة لشمال وغرب افريقيا بوركينافاسو توغو وساحل العاج وبنين لو لقيت طريقة ارفدكم بالصور.
ياها بتوبها السمح يا سيف ، وعزاءنا الوحيد ، انو احمد البلال ما ح يلقي فيها فرصة عشان يقدنا بيها..!!
توب ، وزمام يا سيف...وهي اجمل انسانة افريقية بتعرف كيف تعزف على نقارة النحاس...والله صحي يا سيف..!!
التحية لبريمة ، وانا كنت قايل أي شدرة بتنجب صمغ ياهو اسمها هشاب ، و بعرف الطلح ألأحمر ، وام سنينة زرقا وبيضا..!!
وكما تعلم يا صديقي ، أي شدرة حايمة في كردفان ، بنتنج صمغ ، والمحنة فيك انت وسيف وبقية الزراعيين والرراعيات الحايمين هنا...في ناس كتيرة يا اخوانا بتعتقد جزما انو الصمغ ثمرة..!!
تحيات لصديقنا ادم مهاجر ، ولو فتحنا في سيرة الكول وكراع العنقريب ، يا ادم ، خلق كتير هنا بتقول الروو ب..الواحد ده..!!
شكرا صديقنا محمد نور عودو..
ويا منتصر ، الملاح الجبت سيرتو ، عندي يقين ما بعيد مني ومن ذاكرتي ، بس قول لينا المكونات ، وبنجيب ليك الخبر..!!
نهدي هذه المادة لصديقينا سيف اليزل ، و نطلب منو يتفرج فيها بعد ما يرجع استكهولم..ولا شنو كده ما عارف.. المهم بعد ما يرجع البراحات الرحمة...
و ياسيف ، الملة تراجي مصطفى بتمشى الخرطوم وبتقول لي الحيكومة دايرة دبابات عشان تحرسها في فندق الهليتون ، الحتة المقابلة للأسلكة وحلا ، قام من البلد ولا..!!
والليجند ، مغنية الثورة للصحراء الغربية ، عزيزة ابراهيم..كل الدايراهو..موجة تحرس سيقانها الجميلة...ولك ان تقارن...!!!
نحن غايتو مع ناس السايقة واصلة.. نغني للثورة.. وتحرس لينا سيقان عزيزة ابراهيم... موجة من المحيط الأطلسي ، موجة شاردة ساكت.. قصدها تهاظر..!!
اول الفيديو زغرودة ، لن تجدها الإ في صعيد مصر وديار البقارة ، وناس الصحراء الغربية..زغرودة نادرة في وجودها وملامحها..
ناهيك عن براد الشاي الكمكل ...البراد البلو (الظهري).. الكبابي الصغيرة...حاجات لغاية هسع موجودة في مجتمعات البقارة البكر في كردفان ودارفور...!!!
كنت ساهديك جيتارات الجنجويد..
وكنت سأهديك فيلم جميل من مالي...!!
ولكن..
لكن..
مرات يا سيف ، الصمت في حرم الجمال جمال يا عمك..
وتحية لكل ضيوفك هنا....
خلي بالك من الزمام ، والساق البتحرسو موجة شاردة..موجة من الأطلسي ، وقارنها بي ساق ، محروسة بدبابة في الهيلتون..محل مقابل لحكاية : من ألأسكلا وحلا,,,!!!
كبر
03-22-2016, 12:34 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
أولا اعبر عن شكرى الكثير والخاص لهذا الجمال والابداع الذى ترفدنا به ، وحقيقة في الكثير من الأحيان قد يفعل المرء أشياء يظنها بسيطة ولكنها ذات اثر كبير رغم ان المنبر صفقته تعبانة . في الحقيقة انا عن جد أقول لك ان موهبتك في التصوير فوق مستوى الهواية ورغم اننى لست مصور ولكنى احب التصوير وكنت أتمنى لو استطيع ممارسة هذا الفن الجميل و الفت انتباهك الى انك من الممكن تكون مصور معروف على سبيل المثال مثل هذه الصور افضل واندر من الصور التي نراها في مسابقات ناشونال جيوغرافيك مثلا وقد يكون احد الأسباب ان الناس لا يحظون بالفرصة للسفر لايجاد ما يصورونه بينما تجد انت مثل هذه الفرص الرائعة + ماشاء الله الموهبة في اختيار اللقطة وزوايا واتجاهات التصوير . أتمنى ان تجد هذه الصور طريقها للعالم عبر المجلات والمسابقات فهى اكثر من هواية او تسلية بل تصل الى مستوى الكتاب الثقافي المفتوح يشرح العالم نقرأ عبرها العالم الكبير ونتعلم منه.
وفقك الله وحفظك في حلك وترحالك
03-24-2016, 01:45 PM
ناصر حسين محمد ناصر حسين محمد
تاريخ التسجيل: 01-09-2013
مجموع المشاركات: 5237
أها يا سيف، الشجرة المتكية .. فيها أشياء سوداء .. هل هذه خلايا نحل ..
هنا صورة لعرب الخليج يصنعوا الخلايا ويضعونها فى الواطا فوق بعض .. نحن فى غرب السودان وعلي ما يبدو من الصورة الفوق ناس تشاد، بنعلوقها فى فروع الأشجار .. أنا وشقيقي الكبير كنا لدينا 21 خلية .. دائماً نضعها فى أشجار العرديب والهجليج والجميز .. ولازم تكون أشجار ظليلة .. وفى أماكن جوار مواقع تكثر فيها أشجار اللعوت والكتر وتكون بالقرب من مجاري المياه.
بريمة
03-24-2016, 08:50 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
وجدت خلية النحل التى تشبه الخلايا التى كنا نصنعها .. نحن نقطع شجرة الدليب .. ثم نجوفها ..
هل الشيئ فى الصورة السابقة .. وكذلك صورة مطامير الدخن .. فى نصها هناك شجرة فيها خلية .. هل هذه خلايا نحل؟
الملاحظة صاحب الخلية هذي ما حريف .. إذا النحل صنع الشمس فى شكل مستطيل بطول الخلية أنت تحصد عسل قليل .. لكن الأنسان الحريف يعمل خلية دائرية .. والنحل علي طول يعمل بقية الشمع فى شكل دوائر متراصة .. هناك تنتج أنتاج غزير .. ويجب أن يكون الشمع لونه أحمر داكن قبل الحصاد ..
بريمة
03-24-2016, 08:53 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
قلت اجواب علي8ج سؤالك سريع طالما موجود الآن. أسمها دول الساحل ولما تكتب باللغة الإنجليزية بتكتب وكأنها دول الساهيل Sahel حقيقة لا أدري من أين جاءت التسمية مقارنة بالدول السواحلية (كينيا تنزانيا ولحد ما أجزاء من جنوب الصومال وشمال موزمبيق) ومنها إشتقت تسمية اللغة السواحيلية. والكلمة بتعني سواحل هذه الدول باعتبارها جميعا مطلة علي المحيط الهندي.
ما أظنك تذكر (سين صاد) (س ص) وهو التجمع الذي أنشأه القذافي وسمي بتجمع دول الساحل والصحراء.
03-25-2016, 10:08 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
Quote: ابداع يا سيف وكبر شكرا كبر علي فيديو عزيزه ابراهيم
صديقنا عامر ..حبابك ياخي ، وكتر خيرك على المطايبة..
بت ابا عزيزة ابراهيم ، علامة مفارقة في شكل الغنا الذي سمعنا به من قبل في اباءنا الأولين...!
كتر خيرك على احياء اسم (بامسيكا) ، وسمعت بالإسم اول مرة وانا اشاهد مسرحية الليجند عثمان حميدة (تور الجر) وهي بعنوان بامسيكا ، وكانت من ضمن مناشط التنافس في معهد التربية بالدلنج ، وقتها ،
كانت المنافسة تشتد بين الداخليات ، حيث شهدنا مسرحيات مثل : بامسيكا ، اكل عيش ، مدير ليوم واحد ، ريا ، عطيل ، تاجر البندقية ، خطوبة سهير ، النصف الحلو ، ابكرينا امسن ، واشياء اخرى..!!
وشهدنا حينما كانت اذاعة امدرمان تقول: هنا الدلنج ، اذاعة جمهورية السودان..!! الكلام ده صحي يا عامر ، وليست مجرد فانتازيا..!!
عشان كده نحن لمن نبكي ، بنكون عارفين بنبكي عن ياتو امسودان بالضبط..!!
كتر خيرك ، وصديقنا سيف ما قصر جاب صور الإبتسامات (التقول سيف كان قاعد يكلكل البنات السمحات ديل)..وصور تقاسيم الناس..!!
واحد سوداني مفعوص ومنجوه ، قام اخترع فكرة عجيبة: يجيب صور مغنيات امسودان في حالين ، الأولانية وهن غبش من غمار الناس (يسميها قبل الصنفرة) ، والتانية لنفس المغنيات وهن دخلن الإستديوهات (بعد الصنفرة)..وعندي يقين لو نسوان افريقيا ودوهن الصنفرة ، على بالحلال اوربا تنسى مقاييسها ومعاييرها تجاه الإستيطيقا وفكرة الجمال..!!
كتر خيرك يا عامر.. كبر
03-26-2016, 07:11 AM
Kabar Kabar
تاريخ التسجيل: 11-26-2002
مجموع المشاركات: 18547
Alnagy Fady السلام عليكم بالنسبة لاشجار الصمغ فهى من الطلح ...اما بالنسبة للصمغ العربى فقد قاتل السودان من اجل ان تكون مواصفة الصمغ العربى تحوى صمغ الهشاب فقط فى حين ان الاخرين كتشاد وبعض الدول الافريقية الاخرى اجنهدت فى ان يكون الصمغ العربى هو صمغ الهشاب والطلحة ... لوقت قريب كانت تشاد تصدر كميات معتبرة من صمغ الهشاب المهرب من السودان بسبب تدنى الاسعار لاحتكاره لشركة الصمغ العربى الحكومية.
كتر خيرك يا الناجي ، علي هذه الإفادة.. وحكومة امسودان لو ختت الرحمن في قلبها ، ستجد أن أي شدرة حايمة في امسودان بتنتج صمغ..والله صحي..!!
في التسعينات يا الناجي ، كنت في جنوب كردفان ، ولاحظت موجة هجرة داخلية من قبل اهلنا ناس الشرق (الهدندوة تحديدا) وكانوا بيجوا للمنطقة وبيعملوا معسكرات في الخلاء(بين الدلنج وكادقلي).. وهم يجنون صمغ شدرة تعرف محليا باسم (ام طرق طرق) ، وهي شدرة لادنة الجذع ، تضربها بفاس مرة واحدة وتدفق ليك كمية من الصمغ ما انزل الله به من سلطان..وكان اهلنا ناس الشرق يبيعون صمغ هذه الشجرة بالأطنان ، وبالشئ الفلاني، والغريبة السكان المحليين ما شغالين بالشجرة ولا فائدتها..!!
شجرة ام طرق طرق ، تنتج صمغا انصع واجمل وابهى عطرا من الصمغ الجاوي (الجاولي كما تقول الأهالي في كردفان ودارفور)..!!
الشجرة الأخرى ، يسميها الأهالي شجرة (القفل) ، وناس المنطقة الشرقية في جنوب كردفان يسمونها شجرة (الترتر)..هذه شجرة تنتج صمغا من اجمل الأنواع ، شفاف ، زاهي ، يحمل عبقا جميلا ومدهشا.. يعني لو جبت صمغ الشدرة دي وختيتو في مبخر..على بالحلال شمهروش في ذات نفسو ينزل قدامك في اقل من خمس ثواني..صمغ مجنون يا عمك..!!
قريبة من الشدرتين ديل، شدرة اسمها الليون ، وعندها فوائد كثيرة للغاية ، وصمغها مُر للغاية ، ولكن فيه سحر غريب للغاية ، ومن المثيولوجيا المحلية في جنوب كردفان ، خصوصا مثيولوجيا البقارة في جنوب كردفان ، انو في ساعة المطر اياك ان تجلس تحت شدرة الليون لأنو الصاعقة ح تضربك زي الترتيب..!!..وهنا ناس الزراعة والكيمياء يفسروا لينا الظاهرة دي..!!
دي اشجار موجودة في السودان يا الناجي..والله صحي..!!
ودمت طيبا ..
كبر
03-26-2016, 07:16 AM
Kabar Kabar
تاريخ التسجيل: 11-26-2002
مجموع المشاركات: 18547
ول ابا بريمة..حبابك يا صديقي.. ونستأذن صديقنا سيف في بعض المشاغبات هنا..
ايواتا ليك يا بريمة ، ولو ركزت كتير بتلاحظ الشدرة المنتكية مختلفة عن بقية الأشجار حولها ، فاقرب شدرة ظليلة كثيفة هي شدرة هجليج ، لكن الشدرة المنتكية نوعها اخر تماما.. والله صحي..!!!!
فعلا ، الحاجات دي ممكن تكون هشيمة لصيد النحل ، أو خلية لتربية النحل العاسل كما يفعل اهالي الخليج..!!
النقطة المهمة يا بريمة ، انو شعوب كتيرة من مثقافتية امسودان ، ما عندها فكرة أن العسل بتكون كيف ، وانا اتحدث عن عسل غرير وامبزبوز وام تركش والنحل العادي البتعرفوا بقية الجماهير هنا..!!
زمان يا بريمة كتبت لي قصة قصيرة ، واتنشرت في صحف امسودان ، وفكرة القصة انو زول قاعد في مطعم ، وجات موجة من النحل ، والخلق هربت ، وصاحبنا جالس وما عارف يعمل شنو ، قام واحد بتاع ورنيش ، قاعد بره المطعم ، قعد يصرخ للزول الفي المطعم وبيقول ليهو : ولع سيجارة..ولع سيجارة..!! فكرة عامل الورنيش ، وهي فكرة ذكية وصائبة ، انو لابد من وجود الدخان ، فالنحل يكره الدخان..!!
وهي الفكرة البدائية في استخراج العسل في مناطق البقارة ، ويسمونها (سل العسل) ، ينسجون ضفائر من القش اليابس ويسمون المفرد منها (كنيتة) ، ويشعلون فيها النار ، ويقربونها من بيوت النحل ، فيهرب النحل من فعل الإختناق بسبب الدخان..وينالون هم خلايا العسل..!!!
في هجايص امسودان ، بتاعة عبس وتولى اياها ، شهدت فيديو لقناة الشروق ، لصديقنا الكوميدان الأستاذ محمد موسى ، والفيديو فكرتو غريبة واسمو اغرب ..عن مهرجان نيالا الدولي الإقتصادي ، وفي الفيديو ، كان تجار العسل من منطقة في شرق نيالا ، اسمها كبن..!!..هناك يقومون بتربية النحيل لأغراض اقتصادية ، ويسلون العسل ، ويعر ضونه في الأسواق ، واجزم انه اطيب عسل في هذا الوجود..!!
ودي ليك يا سيف اليزل ، ليك وحدك يا صديقي ، في تجربة العسل ، عندنا آفة صغيرة اسمها (غرير) ، هي كائن اصغر من النحل حجما ، واكبر من الباعوض ، هذا الكأئن يا سيف ، يصنع عسل لم يعلم العالم بعد عن سره الباتع ، وفي مرحلة اليرقات ، يسميها اهلك البقارة (ابن دقيق) ، هذه المرحلة لو تذوقتها فهي مسكرة ، بصورة تفوق كل المقاييس التي تعرفها قنوات ضبط الجودة.. فان كان العرقي السوداني يساوي 120 في المأئة ، فاٍن عسل غرير ، في مرحلة ابندقيق يساوي 180 وربما اكثر...!!!
كبر
03-26-2016, 11:27 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
أم بزبوز .... ههههاي يا ول أبا والله بالغت .. أنا لما شفت كلمة أم بزبوز والله ضحكت لما عيونى دمعوا .. للذين لا يعرفون أم بزبوز .. هى حشرة صغيرة جداً فى الحجم .. وتعيش فى شكل خلايا .. Colonies مثلها مثل النحل .. ولا تعض كما يفعل النحل .. لكنها تدخل لك فى عيونك .. وشعر رأسك .. وأضنيك .. هذه الحشرة الصغيرة تفعل المستحيل عشان لا تستخرج منها العسل .. ونحن نملص القمصان والفنايل الداخلية ونلفها حول رؤوسنا ثم نداهم أم بزبوز ..
أما تركّش .. فهى كالنحل وأشد شراسة .. وخلي ول حواء واحد يجئ يقول تجرأ يوماً ما وسل عسل أم تركّش ! .. ما بتلقي زول سل عسلها.
مرة من المرات .. كنا فى زيارة لفريق الحمر وهم أصحبنا نزلوا جوارنا .. وحينما وصلناهم أنا وشقيقي .. هناك غراب خطف برش عسل من النحل من جوار فريقهم .. وكان منهم شاب يسمى "عقّاب" .. أصابه مرض لا يستطع الحركة .. وحينما داهمت النحلة الفريق .. غطته زوجته تسمى "أم زمل" بجلد كبير .. يسمى دُلي .. وهربنا تركناه راقد وسط النحل .. وما تنسنى يا ول أبا .. الدنيا صيف حنان .. سخانة تقتل .. والزول مغطي بالدلي وراقد فى الوطا .. وحينما عدنا بعد أن هربنا من النحل حوالي أكثر من ساعة .. وجدنا عقّاب مبتل من العرق .. لكن مازال حي ..
ساهل علي بعض الناس يستخرجون العسل بواسطة الدخان دون أن يعزيهم النحل مثل شقيقي .. أما أنا لو عضتنى نحلتين جمسى كله يتورم ..
بريمة
03-27-2016, 10:33 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
سيف، سلام .. هل الوصف التالي لمنطقة أم الطيور التى فى الصور ..؟ البنت الشايلة البرمة فى ظهرها تشبه الجنوبية ..
أم الطيور قرية سودانية تقع على الضفة الغربية لنهر النيل في أقصى شمال دار الجعليين وتحدها من الشمال قرية الفاضلاب ومن الجنوب قرية الحسبلاب ومن الشرق نهر النيل ومن الغرب على بعد 20 كم تقع محاجر الحجر الجيرى وهى المادة الخام للعديد من شركات الإسمنت كانت تستخدم البنطون للتواصل مع مدينتي عطبره والدامر (والبنطون وسيلة للنقل النهري عبارة عن ماكينة أكبر من المراكب الشراعية وأصغر من البواخر). وفي عام 2009 افتتح الرئيس عمر البشير (جسر أم الطيور العكد)، مما سهل العبور، بعد أن كان هاجساً للمواطنين وتقييداً للحركة.
تحياتى بريمة
03-28-2016, 04:16 AM
Abdalla Hussein Abdalla Hussein
تاريخ التسجيل: 12-20-2015
مجموع المشاركات: 911
هناك العديد من المدن والقرى في تشاد تسبقها كلمة (أم) وتنطق (أَمْ) بفتح الألف وتسكين الميم أو (AM). من المدن علي سبيل المثال(أَم دم) و (أَم تيمان) (أم سدر) و (أَم دخن) والجبل والقرية المعنية في الصورة اعلاه وإسمها الصحيح (أمْ طِيُور)...
حدثنى بعض الاهالي أن تسمية الجبل بأم طيور جاية من أن قمة رأس الجبل تقصدها أعدادا كبيرة من الطيور في أوقات محددة من السنة.
كما تعلمون نفس الاستخدام لكلمة (أم) موجود في السودان من كردفان مرورا بدارفور وتشاد والنيجر.
أما في وسط السودان وشماله وشرقه فالغالب هو استخدام كلمة (أُمْ) بضم الألف أو (UM) زي أُم دوم وغيرها .
الصورة لبنت من أهالي المنطقة يا بريمة وهي من إحدي القبائل التى تسكن منطقة قيرا لكن لا أذكر اسم القبلية بالتحديد وحاولت مساعدة الذاكرة ببحث في قوقل ولم أنجح في ذلك...
03-29-2016, 04:02 AM
Abdalla Hussein Abdalla Hussein
تاريخ التسجيل: 12-20-2015
مجموع المشاركات: 911
هذا يثبت ان الانماط الثقافية والاجتماعية متداخلة ومترابطة بين السودان وجواره خاصة من ناحية الغرب مع تشاد ومن الشرق مع اثيوبيا اما شمالا فقد حدت الصحراء الكبرى من قوة الارتباط مع دول الشمال فمثلا لاتجد الا القليل من التداخل مع ليبيا ثقافة وبشرا مع شمال دارفور والولاية الشمالة وكذلك مع مصر
تحياتى
03-29-2016, 05:59 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
Quote: هذا يثبت ان الانماط الثقافية والاجتماعية متداخلة ومترابطة بين السودان وجواره خاصة من ناحية الغرب مع تشاد ومن الشرق مع اثيوبيا اما شمالا فقد حدت الصحراء الكبرى من قوة
ده كلام صحيح يا عبد الله كذلك التركيبة البئية المناخية في منطقة الساحل أدت إلي تشابه كبير في أسلوب الإنتاج والتأقلم البيئي. أوجه الشبه في المسافة من غرب النيل الابيض الي حوض السنغال أكبر من أوجه الشبه من ملتقي النيلين الي سواحل البحر الأبيض المتوسط.
03-29-2016, 06:17 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
في الصورة الأولي شيخ حلة قرية إسمها "دماري" يحاول أن يروي عطشه بعد جولة في القرية منتصف النهار. الصورة الثانية لوجوه من نفس القرية؟ ماهي الإثنية التى ينتمون لها تعتقد؟ نعم لهذه المجموعة الإثنية إمتدات أو تواجد في السودان.
08-21-2016, 06:52 PM
Dahab Telbo Dahab Telbo
تاريخ التسجيل: 12-03-2014
مجموع المشاركات: 1165
ولله يا سيف اليزل مستمتعين غاية الإستمتاع بصورك الجميلة وبأمنا إفريقيا.. وبأهلها الطيبين الأصحاء المعافين.. حقيقة يحزنني كثيرا وصف البعض لقارتنا بالجوع أو الفقر أو المرض.. وأنا دوما لا أرى في صور إفريقيا وأهلها إلا الصحة والمنعة والإكتفاء..تلك فرية يجب أن تزول.. وها أنت تشارك في نفي هذه الفرية وتؤكد ما أقوله. فشكرا لك..
Quote: إسمها دول الساحل ولما تكتب باللغة الإنجليزية بتكتب وكأنها دول الساهيل Sahel حقيقة لا أدري من أين جاءت التسمية مقارنة بالدول السواحلية
حقيقة ما ذكره الأخ أحمد خليل هو الصحيح هي دول السهل والصحراء غير أن الشوام ينطقونها بكسر الهاء ونحن نسكن الهاء .. وأغلب المترجمين من العربية للإنجليزية في وسائل الإعلام من الشوام فكتبوها مثلما ينطقونها السَهِل Sahel وجاء الفرنجة فقرؤوها ال Saheel وكتبوها Sahel ، ولما عادت إلينا مرة أخرى ظنننا نحن العرب أن الخواجات يقصدون الساحل بينما معظم الدول التي يضمها الإسم لا علاقة لها بالساحل وصارت خطأ شائعا ..
الاستعمـاري للمجتمعـات في هذا الحـزء من العــالم، وزيـــف الحــدود الجغـرافيـة التي اخترعهـاالمستعمــر بغــرض التشتــيت والإضعـــــاف
مرحب بطه داوود... الإثنوغرافيا من المجالات المحببة لنفسي وفي لحظة ما كان يمكن أن اتفرغ لدراستها تماما إلا أن الحصول علي عمل في بداية مراحل الدراسة الاولي حالت دون إكمالها في جامعة إستكهولم علي الرغم من إكمال سمستر دراسي كامل....
اتمنى ان يعم السلام السودان وان تذوب هذه الحدود الوهمية. مصالح الشعوب في زوبان هذه الحدود الجغرافية لتبادل المنافع والتجارة مع أهلهم في الجانب الآخر من الحدود...
خالص التحايا...
08-26-2016, 06:06 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
الهدف من البوست هو مشاركتكم هذه الصورة الجميلة والمعبرة من غرب إفريقيا..
وجميل جدا إنها نالت إعجابك...لكن الحقيقة يا الأمين هناك فقر في كل الدول الأفريقية بلا إستثناء. لكن والحقيقة ايضا ان هناك صورة إيجابية ايضا للتطور في افريقيا. الآلة الإعلامية الغربية بالذات تحاول إظهار الجانب السيئ من إفريقيا.. زميلنا أحمد خليل قد يكون محق في أن الاسم الصحيح لهذه الدول هو دول السهل. لكن ما هو متعارف عليه انها تعرف بدول الساحل. حتى في دراستنا دروسنا ليها علي انها دول الساحل وتمد من السينغال وموريتانيا غربا حتى القرن الافريقي شرقا. وهي منطقة لها مناخ مختلف عن المناخ الصحراوي شمالا والسافنا الغنية جنوبا. ياريت الزميل احمد خليل شارك معانا ببعض المصادر عن أصل التسمية من إجل الفائدة العامة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف اليزل سعد عمر
Kabar
الفاتح ميرغني
علي الكرار هاشم
waleed nayel
أيمن محمود
hafiz Issue
علي عبدالوهاب عثمان
Saifaldin Fadlala
بريمة محمد
Frankly
محمد نور عودو
ismeil abbas
ahmedona
سفيان عثمان قرضيه
نزار عبد الوهاب
Abdalla Hussein
ناصر حسين محمد
Dahab Telbo
طه داوود
الأمين عبد الرحمن عيسى
فيس بوك
تويتر
انستقرام
يوتيوب
بنتيريست