امسياتك سعيدة زي أحلامك يا وضاحة كاظم الساهر مابنقول فيهو كلام ... إلا الفيك اتعرفت وعلاجك ما عند السديس ولا الحفيان.. أنا لما تجيني الحالة اكس زي بتاعتك دي بتعالج بي لالوب بلدنا .. صحي ما حلو زي داك .. لكنه طاعم و لذيذ وعميق ومنعش، كدي جربي حبة من دا..
القيصر لا يقاومحروفه وكلماته ترحل بينا لى عوالم الجمال
Quote: وعلاجك ما عند السديس ولا الحفيان..
مررت بى احزان وابتلاءات سكنتنى اعوام لكن الحمد لله سافرت مكة والمدينة اعتكفت امام الكعبة بالشهور ادعوا ربي ان يرفع البلاء عنى والحمد لله تعافيت تماما واستجاب الله لى دعواتى
Quote: أنا لما تجيني الحالة اكس زي بتاعتك دي بتعالج بي لالوب بلدنا ..صحي ما حلو زي داك .. لكنه طاعم و لذيذ وعميق ومنعش، كدي جربي حبة من دا..
يا حبيبة الحب دا مقام سامي واحساس نبيل ربنا ما بديهو اي زول الاحساس بالمحبة ربنا بنزلو في قلوب الصفوة من خلقو السمت ارواحن ونفوسن اصحاب الجوهر النقي ما اي زول بقدر يحب وبعرف يحب حتى لو عاوز فما ممكن تكون نفسك فيها الحقد والحسد وتلقى نعمة الحب وما ممكن يجتمع النور الهو المحبة والظلام الهو الحقد والحسد وامراض النفوس عشان كده الانسان ما يندم على محبة صادقه وهبه لي انسان واكتشف انو الاخر ما بعرف المحبه لانها بتكون تجربة تعرف من خلاله معادن الناس بل بتلقى نفسك مشفق عليهو لانو نفسو ما صفت ولا نظفت من الحقد والحسد ولا عرفت العطاء واكيد ما اتربى بي محبة ولاعاشه في اسرتو وفاقد الشيء لا يعطيه والمحبة عطاء والما عندو محبه ما عندو الحبه والناس الزي ديل مثيرين للشفقه والرثاء
08-28-2016, 08:31 PM
وضاحة
وضاحة
تاريخ التسجيل: 01-16-2005
مجموع المشاركات: 9116
أختاه....هذه الكلمات مفعمة و مترعة بالصوفية إلى درجة قف تامل......لابد كنتى فى حالة جزب سماوئ فى الحضرة الإلهية بشرى لكى..... فهذه المراقئ لايرتقيها الا من يملكون سريره نقية بيضاء تسر الناظرين.......كما أن القلوب لها شقين ......العلوى هى للذات الالهية.....لايسع قلب المخلوق الخلق......اما الشق الارضئ عبارة عن غرفة فى فندق لها بابين احداهما للدخول والاخرى للخروج رغم سعتها وشواطئها الدافئة والباردة وحدائقها الوارفة الا انها لا تتحمل إلا شخص واحد فقط.
تذكرت ما تردده رابعة العدوية......مولاى كما خلقتنى.......اى نقية من كل الخطايا و الزنوب وهى تستغفر....... وإحسان عبدالقدوس ينعى شيئا اخر.....كل يغنى على ليلاه.......و مجموعة إحسان عبدالقدوس كثر فى المنبر......و كل شاة معلقة من انياط قلبها.
08-30-2016, 08:41 AM
ياسر السر
ياسر السر
تاريخ التسجيل: 08-06-2010
مجموع المشاركات: 3204
الاخت الدكتورة وضاحة اعانك الله على حمل هذا الحب الجارف فالحب شي سامي ونبيل بس الحب عزاب زي ما بيقولو ، فقط اسمحي لي بالتعليق على تمسكك دائما بالغناء العربي او الشعر العربي للتعبير عن ما يجوش بداخلك وهذا شي شخصي لا اود الخوض فيه فانتي حرة فيما تختاري وفيما تسمعي ولكن انا اخاطبك كبنت سودانية اصيلة بت قبايل واسالك سؤال اذا جاز لي ان اسالك وهو ( هل بحثتي في الشعر والغناء السوداني فلم تجدي ما تعبري به عن ما تحسين به الان ؟؟؟ اختي الشعر السوداني والغناء السوداني ملئ بكلام وتعابير اشك في ان احد الشعراء او المغنين العرب قد تغني بها ,, فعلى سبيل المثال لا الحصر ( لو وشوش صوت الريح في الباب يسبقنا الشوق قبل العينين ) ( بو بهمسة لو ببسمة لو بنظرة حتى عابرة قول احبك ولو بتحلم في منامك قول احبك ولو ترسل لي سلامك قول احبك ) وهناك امثلة كثير لا يتسع المجال لذكرها ولكن ارجو منك ان تنقبي في الغناء السوداني والشعر السوداني وستجدي ما يكفيك عن كل هذه الامثلة وهذا حسب راي الخاص وبدون زعل واسال الله ان تعيشي كل ايامك حب ومودة وتجدي من يقدر هذا الحب وهذا الحنان وما تبقى عليك كلمات استاذنا الطيب عبد الله ( مسكينة المحبة تمشي لي ناس ما بتقدر ) ...
اطنان من الود زي ما قال حبيبنا ود الباوقة ...
تحياتي : ياسر العيلفون ......
08-31-2016, 06:08 PM
وضاحة
وضاحة
تاريخ التسجيل: 01-16-2005
مجموع المشاركات: 9116
اخووي ايمن مقامات التصوف هي مقامات المحبين وهي تصفية القلوب وتنقيتها من الامراض والاثام والشرور والصعود بالروح الى عالم التجليات والبصيرة ومكسورة هي القلوب ومجدبه ما لم يملؤها الحب وتبحر بها زوارقه الى مراسي العطاء ولن تجد طعم الحياة ما لم يملؤك الحب ولن تمنحك الحياة اسرارها الا عبر مفاتيح الحب الصادق فيتسع افق ادراكك للحقيقة ويتطهر قلبك وتتسامى روحك وترتقي لتصل ان نفساً لم يشرق الحب فيها هي نفس لم تدري ما معناها
08-31-2016, 06:11 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الاخ ياسر ليس كل ما اكتبه بالضرورة يعبر عن حالتي انا اتناول الامر بصورة عامة وليست شخصية الموسيقى ثقافة يا ياسر اخوي ووسيلة للتعبير وتوصيل الرسائل وهي لغه عالمية وانا عشت عمري كله خارج السودان واكيد لذلك تاثير في تكوين ذائقتي الموسيقية والمسألة تذوق ما تعصب وما اظن انو اهتمامي وتعبيري بالموسيقى العربية فقط فلي كثير من المشاركات بموسيقى واغاني سودانية ويمكنك ان ترى البوست الذي كتبته ليحيى قباني ولكل مقال مقام ولكل حالة تعبير ما يناسبها ولو تاملت واتمعنت في مقدار الجمال والتعبير بالصور في فيديو اغاني كاظم الجبتها ح تلقى انها اكملت مع الكلمات والموسيقى فكرة البوست وانسجمت معاهو ممكن تجيب لي فيديو كليب سوداني متكامل يكمل الفكرة زي ما انا راسماها للبوست اكيد لا لانو انت ما بتكون عارف الفكرة الانا راسماها و لانو مامتوفر فيديو كليبات سودانية على درجة كبيرة من الاحترافية تحياتى
https://youtu.be/0X1O-IW2P1whttps://youtu.be/0X1O-IW2P1wالاختhttps://youtu.be/0X1O-IW2P1whttps://youtu.be/0X1O-IW2P1wالاخت واضحة نزلى الفيديو دا .......كما هناك اغانى رفيعة هذه اغانى غليظة وهذه واحدة منها يرقص على نغماتها أطفال النوبة الصغار .....(فيديو كليب)......كلمات بسيطة تعبر عن واقع الحال...... اللغة أداة لى تواصل المجتمع مفردات لغة اليوم لا تصلح فى حقبة الجاهلية...... ولا مفردات اللغة الجاهلية تصلح استخدامها فى عصرنا هذا.
العرب ركيكون في فن الاغنية من ناحية الكلمات ومازالت بهم بداوة قحة
نحن من يكتب الاغنية العميقة في معانيها وحرارتها
فالعميري ينشد لمصطفي سيد احمد :
حبوك حب قدر الحروف الحايمة في بطن الكتب قدر الخيال ما مد ايدو علي السحب كل خاطر كان بريدك الا ريدك كان رسول الدهشة في كل الديار
-------------------------------------
عبد اللطيف حسن سلام وتحية بالغت لكن اللغة العربية لغه غنية ومليانة بالتعابير الحية وبعدين العميري دا ما هو غنى وعبر بالعربي وكل شعراء بلادي وفنانيها كتبوا وتغنو بالعربي والاحساس بالجمال والحب والتعبير عنو هبة ربانية ما مرتبطة بي عرق بقدر ما هي مرتبطة بالشخص يعني التعبير عن الاحساس الحقيقي بالحب زي البصمة او قول المفتاح فكل قلب مفتاحو مختلفة وبصمة الولوج اليه مختلفه ومافي انسان بملك مفتاحين او بصمتين وقد يصادف مفتاحك وبصمتك قلبهن الاصلي وقد لا اسمع فنان العرب محمد عبده
09-05-2016, 05:03 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الحبيبة المنقة .. سلام بنكهة الحب والشوق .. سلامة قلبك يا منقة ... ---------------------
الحبيبة ميما ميــثاق عندما أعلنت الساعة حدادها على عام مضى محزون كنت قد قررت.. ان امضي تلك اللحظات المقدسة وحيده .. مجردة من كل شيء .. لأحتفي بذاتي ..بما كنته .. وما سأكونه .. وما أنا عليه الان دعواتك لكى يشفي هذا القلب المحزون
09-20-2016, 04:16 PM
وضاحة
وضاحة
تاريخ التسجيل: 01-16-2005
مجموع المشاركات: 9116
يا الله .. توقف نبض قلبه -رحمة الله عليه- ولكن نبض حروفه حي يضئ خيطك هذا يا وضاحة .. إنه الجميل حرسم ، فلنقتدي بكلماته وأنفاسه ونقول لك يا صديقة: جددي معاول النبش في أعماقك يا وضاحة وستكشفين محيطا لقلبك يفوق كتلته اليأس ، وزنه أثقل من الظلم وأبعاده تربو على مساحة سطح الحياة لأنه لا يتوقف إلا بعدها ... كوني جميلة كما عهدناك وستجدين كونك أجمل .
الحب بعض مما تخيلناه ان لم نجده علي الارض لاخترعناه هكذا قال نزار وقال اخر
اذا انت لم تحب ولم تدر ما الهوي فكن حجراً يابس الصخر جملودا
وقال اخر ... ما قال شي بس قلبه دق
تحياتي
------------------------------
ود الفاروق العمرابي الحنين الحب نعمة من الله يخص بها اصحاب القلوب الرقيقة الحنينة من لا يعرف الحب يجيب ان يتحسس انسانتوا مرات الخيال والاحلام اجمل بكتيييير من الواقع صدقنى بالجد
09-25-2016, 04:44 PM
وضاحة
وضاحة
تاريخ التسجيل: 01-16-2005
مجموع المشاركات: 9116
يا الله .. توقف نبض قلبه -رحمة الله عليه- ولكن نبض حروفه حي يضئ خيطك هذا يا وضاحة ..إنه الجميل حرسم ،فلنقتدي بكلماته وأنفاسه ونقول لك يا صديقة:جددي معاول النبش في أعماقك يا وضاحة وستكشفين محيطا لقلبك يفوق كتلته اليأس ، وزنه أثقل من الظلم وأبعاده تربو على مساحة سطح الحياة لأنه لا يتوقف إلا بعدها ... كوني جميلة كما عهدناك وستجدين كونك أجمل .------------------------------------------------ يا للحزن غلبنى الرد كنت بهرب من ارد عليك يا ود التاج ربنا يرحمو قلبو كان حنين هذموا قبح الدنيا فقرر الرحول انا مثلوا الحين بصارع فى قبح الدنيا عمر وفي اى وقت ممكن قلبي يستسلم ويتغلب ويقيف وصيتى ليك لا تنسونى من صالح الدعوات الحا تكون لى زاد في اخرتى وبكرى ما يسود المنبرعاوزة الناس تزكرنى بالخيريعلم ربي بحبكم جميعا انتوا اخوان واصدقاء جمعنى بيكم هذا المنتدى اجتمعت بيكم بروحى وقلبي الصادق اتمنى من الجميع ان يعفوا عنى اذا هفوت وغلط على حد بدون قصد يعلم الله لا احمل غير الخير لكل الناس هنا لانى على قناعة انوا الدنيا دى لحظات وحا نخرج منها لى عالم اخر فى اى لحظة تحياتى للجميع
الاخت وضاحة الحب دا لو كان بى شتروهوا كنا اشتريناهو من سوق ام دفسوا احنا بس بى نعرف الكع كراع كاع اخبطك اخنق فطس وديوهو الضل هسى كلامك دا كلام زول مورود مابى العيش الشئ البقولوا الحب شيتا حلو لكن ما يعمل ليكى كردضمة و وجع انياط الدنيا دى سمحة بالحيل فيها دفر و مدافرة و مصاقرة و مناقرة
09-25-2016, 07:17 PM
وضاحة
وضاحة
تاريخ التسجيل: 01-16-2005
مجموع المشاركات: 9116
هسى كلامك دا كلام زول مورود مابى العيش ------------------------ اخوى ايمن الواحد يعيش ليش و فايدتوا شنو وهو ماعندو قلب بنبض بالحب والخير والعطاء دنيا بلا احساس صادق كلها قبح وكذب افضل منها الرحول لى عالم اخر يمكن يكون اكثر صدق ونقاء ليتنا نكون غير نحب بصدق ونخاف ونحمى من نحب
09-26-2016, 01:25 PM
المعز ادريس
المعز ادريس
تاريخ التسجيل: 05-18-2009
مجموع المشاركات: 1569
فعلا الحب ما بيشتروهو بالقروش... او بالثروة... واسمعوا ميسون زوجة سيدنا معاوية قالت شنو لمن تزوجها وما ارتاحت في القصر المنيف... قالت:
لبيت تخفق الأرواح فيه ـ أحب إلي من قصر منيف
وكلب ينبح الطراق دوني ـ أحب إلي من نقر الدفوف
وأكل كسيرة من كسر بيتي ـ أحب إلي من أكل الرغيف
ولبس عباءة وتقر عيني ـ أحب إلي من لبس الشفوف
فهي تفضل العباءة الخشنة مع الحبيب على الحرير مع الرجل الذي لا تحبه وفتفوتة خبز على الرغيف، ونباح الكلاب أجمل من الطبل والزمر.. والخيمة التي تهزها الريح أحب إليها من قصر الخليفة.. فقصر الخليفة «إيواء» لها وخيمة ابن عمها تأهيل له.. وقصر الخليفة «مسكن» وخيمة ابن عمها «بيت» والفرق كبير بين الاثنين وهو العمق الوجداني وكرامة الإنسان!
وبعد ذلك عرف سيدنا معاوية ان الحب ما بيشتروا بالقروش وطلقها وأرجعها لبيتها في البادية معززة مكرمة... مش زي بعض اخوانا يطلق زوجته ويبهدلها بهدلة السواد... ودمتم بألف خير وصحة وعافية
10-03-2016, 11:43 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الغالية وضاحة رجعت مرة ثانية للروائع دي وقريتها مرتين وسمعت الالحان والكلمات البديعة....ومريت على الردود الشفافة...وقرات رد المرحوم المغفور له محمد عبد الله حرسم..ولم استطع حبس دموعي...فامتزجت الدموع مع لمحات الحياة ورونقها .. وتذكرت قصة السيدة سكينة بنت سيدنا الحسين،حفيد رسول الله صلى الله عليه وسلم،وقد قتل اباها الحسين وقتل زوجها مصعب بن الزبير بن العوام ..ولكنها عادت الى المدينة المنورة وعاشت بها وكانت تعقد في بيتها حلقات الادب والشعر وياتي الادباء والشعراء وكذاك الفقهاء ويلقون الشعر ويروون الروايات وكذلك يدور نقاش الفقه والعقيدة... وعندما تسالها شقيقة عبد الله بن الزبير ..كيف تستطيع ان تسمع الشعر والادب وقلبك مكلومة بمقتل اباك وزوجك...فتقول: الموت حق ولكن الموت لا يوقف الحياة.... ..ونعم الموت لا يوقف الحياة....ودائما تمتزج دموع حزننا بدموع فرحنا وتخرج لنا روائع الادب والشعر والنثر.... فواصلي ابداعاتك يا وضاحة لتتضح لنا مسيرة حياتنا بزهورها واشواكها...ولا نستطيع المرور وسط الاشواك الا بارادتنا وعزيمتنا.. والله يديك الصحة والعافية..
10-04-2016, 07:41 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11834
Quote: يا حبيبة الحب دا مقام سامي واحساس نبيل ربنا ما بديهو اي زول الاحساس بالمحبة ربنا بنزلو في قلوب الصفوة من خلقو السمت ارواحن ونفوسن اصحاب الجوهر النقي ما اي زول بقدر يحب وبعرف يحب حتى لو عاوز فما ممكن تكون نفسك فيها الحقد والحسد وتلقى نعمة الحب وما ممكن يجتمع النور الهو المحبة والظلام الهو الحقد والحسد وامراض النفوس عشان كده الانسان ما يندم على محبة صادقه وهبه لي انسان واكتشف انو الاخر ما بعرف المحبه لانها بتكون تجربة تعرف من خلاله معادن الناس بل بتلقى نفسك مشفق عليهو لانو نفسو ما صفت ولا نظفت من الحقد والحسد ولا عرفت العطاء واكيد ما اتربى بي محبة ولاعاشه في اسرتو وفاقد الشيء لا يعطيه والمحبة عطاء والما عندو محبه ما عندو الحبه والناس الزي ديل مثيرين للشفقه والرثاء
اهلنا الصوفية اختصروا الموضوع في:
" الماعندو محبة ماعندو الحبة"
وكفى
تحياتي
10-04-2016, 06:39 PM
وضاحة
وضاحة
تاريخ التسجيل: 01-16-2005
مجموع المشاركات: 9116
بسمات الحبيبة تحية ملؤها المحبة الصادقة الحب هو ما يعطي الحياة طعم ولون وهو يعني الاستمتاع بالحياة بل الحب هو الحياة نفسها الحب احساس نبيل وهو كل شيئ جميل في دواخلنا وهو الاحساس النبيل تجاه الاخرين وهو الحنان والوفاء والعطاء بلا مقابل والتضحية والامل وهو احساس صادق لا يسعى لاشباع رغبات او بلوغ مصالح سرعان ما يتلاشى عند انتهائها فهو جذوة دائمة الاشعاع في دواخلنا ليمنحنا النور والدفء والسعادة والاحساس بالحب ينعكس على سلوكنا ويجعلنا اكثر رقياً وترفعاً وفضيلة والاحساس بالحب يعني ان تتمازج روحنا وتتوحد مع شخص اخر فيمتلك مشاعرنا واحساسنا وتنبض دواخلنا له ونجد معه الامن وفيه الملاذ والسكن والطمأنينة والسلام والسعاده والفرح والوفاء والرقة واللهفة والشوق والاهتمام فالحب كيان من المسؤولية تجاه الاخر وهو كيان شامخ وعميق و ثابت و راسخ وليس لحظات متعة عابرة او كلمات منمقه ووعود براقة والحب جوهرة نادرة بين العلاقات الانسانية بل اصبح اكثر ندرة وسط الزيف الذي اصبحت تزخر به العلاقات بين الناس لذا ليس بمستغرب على هذه البدوية ان تفضل الحب الذي يعني الاستمتاع بالحياة ان تفضله على حياة الترف والنعيم والقصور والسعادة الزائفة ولا فرق بين القصر بلا حب والقبر فالانسان يعيش حياة واحدة وليس من العقل ان نفرط فيها ونعيشها بلا حب فالحياة بلا حب تعني اننا ميتون ونحن على قيد الحياة . فالحب هو كل الجمال الذي في الكون دمتي بحب
10-04-2016, 06:59 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الحبيبية اميرة بنت الرافدين الروعة مرورك والروعة كلماتك والشفافة روحك وقلبك النقي لا يستطيع انسان ان يستغني عن الحب ولن يهناء عيشه بلا حب والبحث عن الحب ميراث من ابونا ادم وامنا حواء يعني جينات متوارثة فينا فأبونا ادم عليه السلام وهو في الجنة ووسط الملائكة والنعيم استوحش الحياة بدون حب يؤانسه فخلق له الله امنا حواء من ضلعه وهو نائم فلما صحا من النوم وجدها فاستأنس بها وجعلها الله زوجته فكانا اول زوجين وكان اول واعظم حب والحب الحقيقي ما بنتهي ولا بزول ولا عندو غاية وهو اقوى وابقى من الحزن والالم لانو الحياة عشان كده السيدة سكينة حفيدة اعظم المحبين وخير خلق الله اختارت الحياة ولم تختار الحزن والالم واستمر حبها يمنحها الضياء والقوة والفعالية وكوني بحب
10-05-2016, 03:53 PM
وضاحة
وضاحة
تاريخ التسجيل: 01-16-2005
مجموع المشاركات: 9116
محمد الشيخ تحية خاصة صادقة من القلب الصوفيه الحقيقيون هم اهل النقاء والبهاء والورع تطهرت قلوبهم من امراض الدنيا فسمت ارواحهم وعرفت قلوبهم حقيقة المحبة الخالصة بلا غاية وهذه رابعة العدوية تعبر عن ذلك كلهم يعبدون من خوف نار ويرون النجاة حظاً جزيلاً أو أن يسكنو الجنان فيحظوا بقصورٍ ويشربوا سلسبيلا ليس لي في الجنان والنار حظ أنا لا أبتغي بحبي بديلا والصوفية تغلبوا بالمحبة على ضعف النفوس والانكسار وهم في قمة مدارس المحبة احبوا بصدق فوصلوا
تحياتى
10-05-2016, 04:12 PM
وضاحة
وضاحة
تاريخ التسجيل: 01-16-2005
مجموع المشاركات: 9116
لحب دا مقام سامي واحساس نبيل ربنا ما بديهو اي زول الاحساس بالمحبة ربنا بنزلو في قلوب الصفوة من خلقو السمت ارواحن ونفوسن اصحاب الجوهر النقي ما اي زول بقدر يحب وبعرف يحب حتى لو عاوز فما ممكن تكون نفسك فيها الحقد والحسد وتلقى نعمة الحب وما ممكن يجتمع النور الهو المحبة والظلام الهو الحقد والحسد وامراض النفوس عشان كده الانسان ما يندم على محبة صادقه وهبه لي انسان واكتشف انو الاخر ما بعرف المحبه لانها بتكون تجربة تعرف من خلاله معادن الناس
د. وضاحة
ازيك
يا حلاوة الدنيا عندك وأنت لسة بجمالياتك
لك التحية
10-10-2016, 10:49 AM
وضاحة
وضاحة
تاريخ التسجيل: 01-16-2005
مجموع المشاركات: 9116
العزيز حسين أحمد حسين الحب دا فيها هشاشة محببه وجميلة تخليك تلقى الاعزار للحبيب وزي ما قال زيدان اغلطوا انتو يا احباب نجيكم نحن بالاعذار لكن اذا الهشاشة دي اتحولت لانكسار ببقى دا ما حب والحب بديك عزة نفس والزول البرضى انكسارك وذلتك اكيد ما بحبك وما بستحق حبك او قلبك وافضل تبتعد عنو وتتحمل جراحات القلب التي يمكن علاجها وهي افضل من جراحات الكرامة التي لا علاج لها واحنا السودانيين ديل عندنا عزة نفس تخلينا نتحمل كل جراح القلب لكن ما بنتحمل جرح الكرامة وجرح الكرامة مميت وقاتل واذا فرط الانسان في كرامتو بداعي الحب فهو فيما سواها افرط بداعي الحب وكثير من القصص الندم عليها اصحابه كانت بسبب التفريط في الكرامة متناسين انو البحبك ما برضى يذلك او يكسرك وبحافظ عليك وعلى اسرتك وبكون عاوز يشوفك دائماً مقامك عالي وعزيز موفور الكرامة والشرف وكثير من عديمي الاخلاق بستغل انكسار الحبيب وتبداء طلباتو بي اسم الحب يحرضك على اهلك ويطلب منك الارتباط بدون الاهل ويحاول يسرقك منهم ويطلب منك خداع اهلك وغشهم عشان يحقق اغراضو الدنيئة وشوف شاعرنا التجاني حاج موسى قال شنو جاي تفتش الماضي الماضي ولى خلاص عزة نفسي مابيه علي اسلم قلبي ليك تاني ولك كل الود
10-10-2016, 10:56 AM
وضاحة
وضاحة
تاريخ التسجيل: 01-16-2005
مجموع المشاركات: 9116
عزوووو يا جميل الروح وينك يا عزيز شكراً ليك وانا استمد الجمال منكم الحب يرتقي بالنفس البشرية الى درجات الكمال الانساني وينعكس على سلوكنا تسامح واحترام وتفاهم واهتمام ومودة ودرجة الكمال الانساني اكيد تحتاج الى مجاهدة عشان نصله لذا هي درجة لن يصلها اي انسان الا من رزقه الله الحب والمحبة تحياتى يا جميل اسعدنى حضورك في ساحة الحب
10-10-2016, 11:15 AM
وضاحة
وضاحة
تاريخ التسجيل: 01-16-2005
مجموع المشاركات: 9116
شكراً وضاحة ايتها النخلة المعطاءة على هذه الواحة الوارفة المليئة بالحب وفلسفته ومثل هذه اللألئ لا تخرج الا من حنايا قلبك الشفيف العامر بالحب والمحبة للناس ويبدو اني سأنيخ رواحلي والقي عصاي بهذا البوست الحديقة
الحب ذلك الاحساس الذي يهذب الروح والنفس ويجملها فكيف لا .. فمن فاضت روحه بالحب تذوق طعم الحياة واطمأنت نفسه امناً وسلام وعدلاَ ولا يعرف الحقد والكره الى دواخله سبيلاً والحب هو ان تعطي دون ان تنتظر المقابل الحب كما قلتي هو الحياة الحقيقية وهو طعم هذه الدنيا ولونها الزاهي
10-21-2016, 10:03 PM
عزيز
عزيز
تاريخ التسجيل: 04-12-2002
مجموع المشاركات: 3290
الحب هو ان تعطي دون ان تنتظر المقابل وهو طعم الحياة ولونها الزاهي.... ...... ...... استاذنا محمد علي الفكي... كلمات من نور ونتمنى ان تكون هذه السطور المشعة فلسفتنا في هذه الحياة ونتمنى ، وفي متغيرات هذه الحياة، ان نعطي ودون ان ننتظر المقابل..ونتمنى ان نرى اللون الزاهي للحياة...فان الحياة بدون حب اظنها صحراء قاحلة ...ولو لم يكن هناك حب في هذه الدنيا لاخترعناه.. ودمت بالف خير وصحة وعافية..
10-23-2016, 07:50 PM
وضاحة
وضاحة
تاريخ التسجيل: 01-16-2005
مجموع المشاركات: 9116
شكراً وضاحة ايتها النخلة المعطاءة على هذه الواحة الوارفة المليئة بالحب وفلسفته ومثل هذه اللألئ لا تخرج الا من حنايا قلبك الشفيف العامر بالحب والمحبة للناس ويبدو اني سأنيخ رواحلي والقي عصاي بهذا البوست الحديقة
الحب ذلك الاحساس الذي يهذب الروح والنفس ويجملها فكيف لا .. فمن فاضت روحه بالحب تذوق طعم الحياة واطمأنت نفسه امناً وسلام وعدلاَ ولا يعرف الحقد والكره الى دواخله سبيلاً والحب هو ان تعطي دون ان تنتظر المقابل الحب كما قلتي هو الحياة الحقيقية وهو طعم هذه الدنيا ولونها الزاهي ----------------------------------------
علوووى يا قلب الحب هو الروح والمشاعر التي تحي وتسكن في اجسادنا فتعطي امل واشراق وطاقة تنير لنا الحياة فالقلب الذي يعرف معنى الحب يعطى بلا حدود وبلا مقابل ولا يعرف المصالح له سبيل ومن يحب بصدق لا لا بكرة ولا بجرح ولا بسئ لى حبيبو ولا يبيع ابدا ويا زاهية قلبي الشلتى جيبي
10-23-2016, 07:57 PM
وضاحة
وضاحة
تاريخ التسجيل: 01-16-2005
مجموع المشاركات: 9116
أعشق كاظم الساهر حد الطرب .. عندما أشعر بفقدان بوصلتي اضبط إحساسي بالاستماع لكاظم.. اصل ذروة الطرب عندما يغني في أكتاف كامل..
كل عام وانت حبيبتي.. ولك التحية والتقدير يا خيه -----------------------------------
عزو يا حب يا فنان يا مرهف الاحساس صاحب القلب الالماس ود البلد الاصيل شكراً ليك يا انسان يسعدني دوماً تواجدك في بوستاتي كاظم الساهر كنز الغناء والموسيقى العربية وتاجه اغانيهو وموسيقاه مليانه بالاحساس والتعابير الندية كاظم حالة من الطرب الشفيف ولما اكون عاوز اروق واسترخي بكون طوالي مشغلة كاظم
10-26-2016, 02:05 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
Quote: استاذنا محمد علي الفكي... كلمات من نور ونتمنى ان تكون هذه السطور المشعة فلسفتنا في هذه الحياة ونتمنى ، وفي متغيرات هذه الحياة، ان نعطي ودون ان ننتظر المقابل..ونتمنى ان نرى اللون الزاهي للحياة...فان الحياة بدون حب اظنها صحراء قاحلة ...ولو لم يكن هناك حب في هذه الدنيا لاخترعناه.. ودمت بالف خير وصحة وعافية..
الحب هو قمة الفضائل وهو سر السعادة في الحياة لذا علينا ان نعيش حياتنا بالحب وان نعالج كل امر بالحب وان يكون الحب وسيلتنا وان يكون الحب غايتنا وان يكون الحب دافعنا وبالحب نربح الناس فالانسان الذي يعيش بالحب يملك قلب يسع الجميع قلب لا يكره ولا يحسد ولا يؤذي والحب ليس كلمات تقال وانما احساس صادق يظهر في سلوكنا واعمالنا ومواقفنا فبعض الناس يتحدثون بالحب واعمالهم تكذبه ومواقفهم تخالفه وسلوكهم بعيد عنه واذا تعمقت شجرة الحب في قلوبنا وارواحنا ورويناها بالاخلاص والصدق اثمرت واتت أً كلها في حياتنا من كل انواع الخير والسعادة والقبول والتوفيق نسأل الله ان يغرس في قلوبنا المحبة الصادقة المخلصة
استاذنا علي محمد الفكي التحيات النواضر ما دمت بتعيش حياتك بالحب فلا شك ان التسامح والمسامجة من شيمك وعشان كده سامحنا وقد كتبت اسمك مشقلب .. فبدل علي محمد الفكي كتبت محمد علي الفكي... وطبعا حتعذرنا اذا عرفت الحال العلينا في الغربة البعيدة ...وبعيدين من امبكول والحصايا والداخلة والسودنة والأتبراوي... ونسأل الله أن يغرس في قلوبنا المحبة والتسامح.. ودمت بالف خير وصحة وعافية
يا وضاحة يا قلب.. إزيك بوست نستريح فيه من عناء الجري في سلالم قطارات الانفاق وسلالم القاعات وزحمة المواصلات ... والتوتر النفسي الذي يصيبنا من وقت لآخر ونجد هنا الملاذ ونجد الحب والراحة النفسية.. وقلبي لم يعد كافيا أن اجتر ذكريات أم المدائن.. ودمت دائما وابدا بألف خير وصحة وعافية
10-27-2016, 12:57 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
Quote: فبدل علي محمد الفكي كتبت محمد علي الفكي... وطبعا حتعذرنا اذا عرفت الحال العلينا في الغربة البعيدة ...وبعيدين من امبكول والحصايا والداخلة والسودنة والأتبراوي...
بسمات البنت الشاربة سماحة الاتبراوي وتسامح اهل عطبرة ومحنتهم فسكان عطبرة زي ما قال حميد كل الناس هناك اهل والماهن قراب قربن العمل ويا ستي نزعل من شنو ونزعل في شنو وقصة الغربة واثارة كلنا في الهوى شرق يا خية وربنا يلم شمل الناس في الخير وعلى خير واهديك بي صوت فيروز كلمات جبران خليل وهو واحد من الشعراء الاخدتن الغربة بعيد عن مراتع الصبا وفيروز وما ادراك ما فيروز لنا زكريات مع اغانيها وان مد مد الله في الاجال برجع بالمزيد من الفيروزيات العتيقة والحبيبة الى النفس كوني بخير
10-28-2016, 05:57 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: يا وضاحة يا قلب.. إزيك بوست نستريح فيه من عناء الجري في سلالم قطارات الانفاق وسلالم القاعات وزحمة المواصلات ... والتوتر النفسي الذي يصيبنا من وقت لآخر ونجد هنا الملاذ ونجد الحب والراحة النفسية.. وقلبي لم يعد كافيا أن اجتر ذكريات أم المدائن.. ودمت دائما وابدا بألف خير وصحة وعافية
بسمة يا حبيبة اشتياقات هذه المساحة نرتاح فيها من رهق الحياة ونفضفض فيها ببعض ما يجوش في النفس والروح اجد السلوى في بعض الاغانى والكلمات والحروف عساها تكون زكريات ونجوى للقلب تحياتى وابقى واصلى
11-13-2016, 05:09 PM
وضاحة
وضاحة
تاريخ التسجيل: 01-16-2005
مجموع المشاركات: 9116
شكرا وضاحة اللماحة شكرا من الاعماق وضاحة زارعة الحب والشوق ومشتاقين.. شكرا لانك طلعتينا من هم وغم ترامب وفقع المرارة... و جينا هنا نتنسم عبير الحب وعبير الود ...وننسى الغربة القساية مع هذه الالحان الشجية والرائعة.. ...مع تحياتنا النواضر والله يديك الصحة والعافية
11-13-2016, 07:28 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
Quote: شكرا وضاحة اللماحة شكرا من الاعماق وضاحة زارعة الحب والشوق ومشتاقين.. شكرا لانك طلعتينا من هم وغم ترامب وفقع المرارة... و جينا هنا نتنسم عبير الحب وعبير الود ...وننسى الغربة القساية مع هذه الالحان الشجية والرائعة.. ...مع تحياتنا النواضر والله يديك الصحة والعافية
يا مرمر يا احلى من السكر مشتاقين كتير تشكرات لي حضورك الجميل هنا ربنا يعينكم على ترامب السياسة نفسها لو مارسناها واتحاورنا فيها بي حب سنطلع بنتائج ايجابية وح نستمتع فيها وح يعزر بعضنا البعض في اختلافاتنا الحب دا بلسم لو اتخت على اي حاجة ح يزينه ويديها طعم ولون كوني بحب يا حبيبة
11-14-2016, 05:33 PM
وضاحة
وضاحة
تاريخ التسجيل: 01-16-2005
مجموع المشاركات: 9116
وضاحة يا جميلة الروح شكراً لك وانت تحلقين بنا في عوالم من الجمال والمحبة تعبر عن دواخلك النقية وقلبك الشفيف وروحك الطاهرة اسمعي ضنين الوعد بصوت الاستاذ الكابلي فقد اعطاها بصوته ولحنه اشعاع ساحر يتملك الروح وينساب في مساربها كشعاع القمر
11-14-2016, 10:47 PM
معتصم الطاهر
معتصم الطاهر
تاريخ التسجيل: 11-26-2004
مجموع المشاركات: 3995
اعلن اني قد سحبت رتبة ادميرال البكاء من السيد "عصمت العالم" و منحتها لسيدة البكاء الما خمج -
فإيهي
يا هندسة البكاء والدموع واللهفة والشوق هي ملح الحب وطعمو الجميل والما ببكي ما بعرف الحب ولا حس بيهو واجمل بكاء بكاء الاحبة شوق وعتاب والاجمل لما تمتد الايادي والكلمات تمسح الدموع وتقدم الاعذار وترسم الفرحة والابتسامة بالله في اجمل من كده
11-19-2016, 07:33 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: لو بتلقى زول يحبك زينا زول يشيلك في عيونو في ضلوعو وفي دموعو في ابتساماتو وهناهو وفي شجونو لو بتلقى مااااا بنعاتبك
الله يا نادر النور منتهى الروعة هو دا الحب الحقيقي المخلص كل امنياتك انو حبيبك يكون سعيد وبتكون في قمة سعادتك لما تشوفو هاني وقرير وفرق كبير بين حب الغايات والتملك حب من اجل المحبوب لكن حب زي دا وين يتلقي في زمانا المحزن هذا تحياتى
12-02-2016, 09:35 PM
وضاحة
وضاحة
تاريخ التسجيل: 01-16-2005
مجموع المشاركات: 9116
في هذه الحياة تغيرت في حياتي بعض المفاهيم ! فأدركت أن التجارب تعلمك من تحب ، والمواقف تعلمك من يحبك . وأن الوضوح الشديد سيء ، والغموض مطلوب . كما أيقنت أن خلف بعض الوجوه قناع ، ولكل إبتسامه ألف معنى . وخلف كل سكوت عذر ، ولكل حنان قسوه ، ولكل قلب طيب ألف صدمه . كما علمتني أن أجعل مسافة أمان مع من حولي فإن لم نتفق على الأقل لا نصطدم . وان التغافل رحمه ، كما أن النسيان نعمه الحياة لاتؤلمنا عبثا تؤلمنا لنكبر لنتعلم ولتعلمنا أبجدياتھا علمتنا حجم كل شخص في حياتنا ! وأن لانصدق كثيرا ولانثق كثيرا لأننا قد نتعب كثيرا خلف تلك الحقائق ! أخبرتنا الحياة بأن لاشيء يبقى ولا حتى هي ستبقى وأننا سننتھي وسينتھي كل شيء يربطنا بھا
12-02-2016, 10:06 PM
وضاحة
وضاحة
تاريخ التسجيل: 01-16-2005
مجموع المشاركات: 9116
وينك با قلب... بنتعلم من كلماتك النيرة احاسيس الحب الصادقة.... وبعتبر اي لحظة في هذه الدنيا بدون حب لحظة ضائعة من العمر.... والاسبوع القادم سايقة المسنوحات المعاي في رحلة حب لكاليفورنيا لزيارة شقيقتي بمناسبة اجازة الكريسماس وراس السنة... وكل سنة وانتي طيبة... .ودائما تكوني عايشة لحظات الحب.... ومشتاقين ليكي وكان ما مصدقانا وكان مغالطنا اسالي العنبة الرامية فوق بيتنا(دي الاغنية المفضلة للمسنوحة بسمات) وبنغنيها كل ويك اند مع موسيقى الموسيقار الروعة امتثال... والله يديكي الصحة والعافية يا رائعة...
12-03-2016, 04:03 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: وينك با قلب... بنتعلم من كلماتك النيرة احاسيس الحب الصادقة.... وبعتبر اي لحظة في هذه الدنيا بدون حب لحظة ضائعة من العمر.... والاسبوع القادم سايقة المسنوحات المعاي في رحلة حب لكاليفورنيا لزيارة شقيقتي بمناسبة اجازة الكريسماس وراس السنة... وكل سنة وانتي طيبة... .ودائما تكوني عايشة لحظات الحب.... ومشتاقين ليكي وكان ما مصدقانا وكان مغالطنا اسالي العنبة الرامية فوق بيتنا(دي الاغنية المفضلة للمسنوحة بسمات) وبنغنيها كل ويك اند مع موسيقى الموسيقار الروعة امتثال... والله يديكي الصحة والعافية يا رائعة...
اميرة الحبيبة اميرة الحب والجمال والمحنة موجودة يا حبيبة مع جري بتاع الدنيا الما بخلص قراية ومستشفى والبرد الحب هو موسيقى الحية وسيمفونيتها هو الامن والطمانينة والفرح والسلام والوطن الحب هو الحرية والاكسجين النقي وهاك وللمسنوحات العنبة الرامية فوق بيتنا ابتهجن اغنية جميلة ومعبرة وكل سنة وانتن طيبات مقدما وتنعاد عليكن السنة بالحب والمودة انا مكرمسة في السودان في حضن اهلى الحنان وخايفة اتقفل بهناك مع العصيان والامور الما مستغرة دى خخخخخخ[/B
12-16-2016, 07:54 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: في هذه الحياةتغيرت في حياتي بعض المفاهيم !فأدركت أن التجارب تعلمك من تحب ، والمواقف تعلمك من يحبك .وأن الوضوح الشديد سيء ، والغموض مطلوب .كما أيقنت أن خلف بعض الوجوه قناع ، ولكل إبتسامه ألف معنى .وخلف كل سكوت عذر ، ولكل حنان قسوه ، ولكل قلب طيب ألف صدمه .كما علمتني أن أجعل مسافة أمان مع من حولي فإن لم نتفق على الأقل لا نصطدم .وان التغافل رحمه ، كما أن النسيان نعمهالحياة لاتؤلمنا عبثا تؤلمنا لنكبر لنتعلم ولتعلمنا أبجدياتھاعلمتنا حجم كل شخص في حياتنا !وأن لانصدق كثيرا ولانثق كثيرا لأننا قد نتعب كثيرا خلف تلك الحقائق !أخبرتنا الحياة بأن لاشيء يبقى ولا حتى هي ستبقى وأننا سننتھي وسينتھي كل شيء يربطنا بھا
الدكتورة الفاضلة وضاحة...اسرني جدا هذا التلخيص العميق لبعض امور الدنيا ......كانك بهذا تضعين blueprint لكيف نعبر بامان في التغامل مع الناس ومع الحياة ..دمتي في امان ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة