**هههههههه**

(عدل بواسطة Mirghani Taitawi on 03-20-2016, 06:21 PM)

يعني لحد نهاية الاسبوع الواحد ما يمشي قهوة كسلا في الهنداوية ..

أنا في الشغل لقيت .. بوستيك وواحد تاني ..

الجماعة منتظرين بفارغ الصير ..

لكن الليلة حتى جوالهم ما في رد ..

حليل زمن الهلال ..

مبروك يا ميرغني لكن أحسن الخروج من بدري ..

قبل ناس الزمالك والأهلي .. ننتظر المريخ ..

طرابلس بدون دوري ومعلب وجمهور .. حاجة ترفع الضغط

بدايةً .. هاردلك ولا يهمك.. وليك حق تتحسر على كرة

الزمن الجميل مع إنه كمية القروش دي ما كانت موجودة

بس الكرة السودانية كانت أفضل حالاً من الآن بالرغم من

الصرف الـ مبالغ فيه فى ناديي القمة.

على كل حال دي الكورة بتدي الـ بيديها.. الهلال عايز شغل كتير

والاعلام الأزراق فى أغلبه بحاجة لـ كشف حساب.. والكاردينال

يتخلص من بعض الهتيفة الـ حوله خاصةً (بعض) الاعلاميين النفعيين

وبالمرة يشوف منسقة تانية يمكن تفلح.

تحــــــــــــــياتي،،،.

الجماعة مشغولين مع الجوهرة الزرقاء

والوردة البيضاء الناطق الرسمي فاطمة شاش ()

حبيبنا البشاري مودتي بلا حدود ..

دي صورة بنتنا فاطمة .. ما شاء الله عليها ..

شخصية .. كاريزما .. نقلة نوعية للانثى السودانية ..

صدقوني الهلال ده قيم هكذا نحن نسمح للمرأة السودانية بالخروج

من قوقعتها إلى عالم أرحب ..

أرشحها رئيسة لنادي الهلال .. لتكون سابقة في كل عالم ..

كده نكون غلبنا المريخ عشرة / صفر ..

هلالنا فهم وذوق ..

هههه ... على الأقل نمسك في حتة دي

مودتي تيتاوي .. نواصل ..

مش عارف إيه كده .. خوفونا آخر العمر .. خلونا في الكورة دي أحلى حاجة

تيتاوي حبيبنا ..

يا سلام إغماء كمان .. جمهور مخلص وحساس .. أصلوا هم من زمان كدا

حلوين ورهيفين .. الكورة ملحوقة .. وين تلقوا زي بنتنا فاطمة دي .. هههه

البوست ده لو كان بالدنقلاوية أنا كنت أبدعت .. العامية صعبة شوية ..

المزاج رايق شوية من التاريخ :

صدقني أن هلالابي من سنة جكسا سجل من الربيع ..

أيام فاسكودجاما ( أيام هزمنا ملوك الكرة ) في جريدة الناس ..

الجرائد دي كان تجينا بعد شهر في ضواحي الدنيا في اعماق دنقلا الحبيبة ..

فكان عشق الهلال وصورة جكسا بفنلته المخرمة ..

أيام كنا ننشد في المدرسة وبلغة عربية تعبانة جداً ..

عمدة في عمدة قاقارين

جكسا وماجد هدافين

سبت القون العالمي

جقدول الونقي الخطير

جبل الهملايا زي سمير

حليل زمن الهلال .. والفريقي الاهلي السوداني ..

لكن مازال القلب ينبض بحب الهلال رغم السنين ..

كل هذه المقدمة عايزين نعرف حاصل شنو في الهلال .. بالضبط .. لأني بعيد من الاحداث الرياضية ما عدا المباريات

مودتي بلا حدود .. قلنا نرجع شبابنا معاكم شوية ..

زميلي في المكتب قال لي مع ( وفاق سطيف )

طيب هلالنا عندو عبرة مع سطيف .. ممكن نديكم بعض إستشارات

مودتي ..

مع اني هلالابي لكن ما على السكين

إنا وجدنا ابائنا وكدا

قال ليك واحد لاقي صحبوا وزعلان ومحمبك قال وين بتصل بيك وجيت البيت مالاقيتك

قال ليهو طلعت مع أهلي.

قال ليهو اهلي طرابلس هههههههههههههههه