|
|
|
 Re: ***** ماذا تنتظرون بعد تهريب هاتك العروض يا � (Re: الهادي الشغيل)
|
برضو مامتفق معاك للاسف الشديد..
رجالتك بتفرق عن رجالة فلان،وفلان بفرق عن علان..إلخ
لذلك المقياس الصحيح ليس الرجالة،وهي مامفروض تكون شئ يعتمد عليه في التعاطي مع مثل هذه الإمور...
القانون هو الفيصل...القانون بتفقوا عليه الناس من الجنسين ،ليس بناء على الرجالة بطبيعة الحال،وإنما على العقول...
| |
 
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: الهادي الشغيل)
|
نعم يا ود الشغيل كل من ساعد في تهريب هذا الوغد ليس برجل
ولو كانوا رجال فعلا لاوسعوهو ضربا في المطار وسلموهو للشرطة
واعادته للسجن والغاء الضمان الذي خرج به وتغيير القاضي الذي ينظر
في القضية بقاضي اخر لم يبع ذمته بعد،،،
ودمت بخير وعافية
وضاحة يا قلب ..ازيك،،
شفتي المحن،،،!!
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Basamat Alsheikh)
|
التحية ليك يا منقة .... ولزوارك الكرام .
هذا ما كتبه ( اعرف الحق تعرف اهله ) !!
ود البشري !!!!!!! افو افو ! يا ناصر الحق ؟
هسّي قول اتلمّينا ومشينا دقّينا ليه الباب
اول حاجة قالها لينا انا دفعت حق بكّارة البنات
ديل كاش
يا خي علي الاقل تقول ليه دا سعر غشاء البكارة
وترجع السودان للمحاكمة . وتقول ليه لي شردت
لو بتشتري بالكاش في بكارات القصر ؟
عمومآ ردك صادم !
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Basamat Alsheikh)
|
وضاحة سلامات،،
أنا صراحة ما تابعت التفاصيل الجديدة في القصة
دي، لكن لو المجرم دا تم تهريبه صدقيني ما حأ اندهش!
لأنوا بلدنا أي شئ بتباع فيهوا عينك يا تاجر! ومافي
حتة ما طالها الفساد .. وزي ما قال عليش دي حاجة بتاعت
قانون، لكن وينا هي المؤسسات البتنفذ القانون البحفظ حقوق
الناس؟
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Ahmed Alim)
|
الله يفتح عليك يااحمد،الناس ديل دار يحكموا العاطفة،يكوركوا ساكت :وين الرجال،وين الرجال؟..
وهم ماعارفين إنو بإسلوبم دا بكتلوا الموضوع تماما..ومابرطوهوا بأي علاقات سياسية واقتصادية محتملة،وهل هناك ظاهرة أم تصرف فردي؟
التفكير الهادئ الناقد البعيد عن العواطف،هو البودي الناس لي قدام...
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Mohammed Abuzaid)
|
Quote: الله يفتح عليك يااحمد،الناس ديل دار يحكموا العاطفة،يكوركوا ساكت :وين الرجال،وين الرجال؟..
وهم ماعارفين إنو بإسلوبم دا بكتلوا الموضوع تماما..ومابرطوهوا بأي علاقات سياسية واقتصادية محتملة،وهل هناك ظاهرة أم تصرف فردي؟
التفكير الهادئ الناقد البعيد عن العواطف،هو البودي الناس لي قدام... |
1. لا زلت عند قولي : أي زول تواطأ مع هذا المجرم وساعده على افتراس الضحايا عن طريق القوادة ولا عن طريق حلب الفتيات ولا ساعده على الهروب ده ما راجل ؟
2. أنا ما قلت نحمل عصي وسواطير ونبحث عن هذا المجرم ونفتك به .
3. نحن بأسلوبنا ده بنكتل الموضوع ؟ أشرج بإسهاب كيفية قتل الموضوع .
4. النقة الكتيرة ما كويسة والنقد من أجل النقد ده ما كويس ... أين الغلط في كوني نزعت الرجولة عمن تواطأ مع هذا الوغد وساعده في الهروب من البلاد ؟؟
عجبي
| |
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: الهادي الشغيل)
|
Quote: هذا ما كتبه ( اعرف الحق تعرف اهله ) !!
ود البشري !!!!!!! افو افو ! يا ناصر الحق ؟
هسّي قول اتلمّينا ومشينا دقّينا ليه الباب
اول حاجة قالها لينا انا دفعت حق بكّارة البنات
ديل كاش
يا خي علي الاقل تقول ليه دا سعر غشاء البكارة
وترجع السودان للمحاكمة . وتقول ليه لي شردت
لو بتشتري بالكاش في بكارات القصر ؟
عمومآ ردك صادم ! |
يا منى كررت اكثر من مرة وفي غير مكان امور الابتزاز العاطفي دي ما بتمشي معاي فا شنو.. حاولي مرة أخرى
وعموما الانحياز للحق لأجل الحق ما مسالة صعبة للدرجة دي عشان تتعقّدي منها كدا وتشوفيها بالإستحالة دي , حاولي تخلّي عن عاطفيتك و انحيازك واقراي بعقلك واحكمي كذلك ويمكنك حينها تكييز الحق بسهولة و الانحياز له
الزول دا دفع ما اغتصب زيّو زي ملايين بدفعوا يوميا ويمارسوا الجنس مع فتيات فيهن العذراوات وفيهن غير ذلك يبعن شرفهن لقاء المال
القانون يحاسبه في حالة ان تكون البنت قاصر بشكل مختلف, غير كدا يحاسب زيو وزي اي اتنين قبضهتهم الشرطة في حالة المادة كم ما عارف
الشي التاني هروبه من المحكمة دا موضوع مختلف و هناك ضامن سيحاسب
انا ما ممكن امشي لأي هارب من الضمان في الإمارات و اسأله هربت ليه ولا لأي من دفع مقابل الزنا وأسأله زنيت ليه
هسي انتي في هولندا كم واحدوواحدة جمبك مارس أو مارسوا بمقابل, ماشة تسأليهم كلهم او اي واحد فيهم !!!
يا عايش.. قصة ربط المعزة بحكيها ليك في بوست جلال أو اي بوست آخر كفاية حرف للبوست دا على سته لها العتبى
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: الهادي الشغيل)
|
انه عصر الفساد والانحطاط
عصر الكيزان كل شي متوقع
هذا السافل الحقير محمي من جهات نافذه في الحكومة يكفية الضامن ... الله يخذيهم ....
لذلك لن يناله العقاب فالقانون والنظام العام في عهدهم
على الفقراء والمساكين .... تبا لهم
وسوف يعود بعد فترة للسودان ويمارس عملة وقلة ادبه كانً لم يحدث شي
الحساب يوم الحساب ...
وتحياتي يا دكتورة وضيوفك الكرام
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: محمد عبد الله الامين)
|
ود البشري ... صباح الخيرات يا صديقي .
اين الابتزاز العاطفي هنا يا صديق ؟
يا منى كررت اكثر من مرة وفي غير مكان امور الابتزاز العاطفي
بتكلم ليك عن رجل بستغل في قصر وهرب من العدالة لو اساسآ
في عدالة ؟ بعدين انت طارح نفسك موجه تربوي واخلاقي حتي
من منطلق محاربة فساد واخلال بقيم المعتقد والمجتمع ما قادر
تدي رأيك بمنتهي الوضوح والحرص والحفاظ علي مجتمعك
الاصبح منهار باربعاته ؟ طيب مهمتك الدينية البتحارب بيها حتي
العلمانيين الهم ضد التصرفات السمجة دي اين غابت ؟؟؟؟
انا علمانية لكن ضد اي سلوك يخل بالمجتمع !
لو كان من ناحية استغلال جنسي ولا رشوة ولا سرقة
ولا اي فساد برجع البلاد ولا الشعوب للخلف زي ما النحن
عليه الآن . اها انت متدين دورك شنو ؟ اوعة يكون السلبية
المفرطة البترد بيها في مواقف زي دي الآن ؟
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: محمد عبد الله الامين)
|
أخونا عليش تحياتي،،
نوع القضية غريب على مجتمعنا ياحبيب وفاجع جداً، وتهريب المجرم دا بزيد الناس
أطنان أخرى من الفجيعة .. الكتابة تحت تأثير الغضب بتخلي الزول يكتب الشئ
البحضر في ذهنو وقتها، وأختنا العزيزة وضاحة واضح إنها غاضبة جداً ولها أن
تغضب في تهريب المجرم دا ..
ولكن ماذا بعد غضبتنا؟؟ وأتفق معاك تماماً، بأنوا الوسائل القانونية هي أفضل
الطرق المتاحة لإعادة تسليم المجرم دا، لأنها ببساطة قابلة للتنفيذ ومسنودة بإتفاقية
إقليمية وهي أتفاقية جامعة الدول العربية لتبادل المجرمين لسنة 1983 وموقع عليها
السودان والإمارات وقد تم إستخدامها حتى سياسياً في السابق عندما تم تسليم
قائد قوات التحالف عبدالعزيز خالد عبر الإنتربول أظن دا كان في 2004 أو 2005.
القضية دي مفترض تكون قضية رآي عام ليتم إختبار علني لفرضية تورط نافذين
حكوميين في نفس الجرم! فلو مافي كلام زي دا مفترض الحكومة تطالب بأرجاعه
لكونه هارب من العدالة .. لكن حسب تجاربنا مع ناس الحكومة ديل كلام زي دا ما
من السهولة انوا يحصل!! لكن المطالبة بيهوا أمر ضروري.
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Ahmed Alim)
|
سلام مربع وضاحة وضيوفها الكرام
ممارسة الجنس مع القاصرات أو حتى التحرش بهن لفظياً أمر مرفوض وندينه بشدة.
ممارسة الجنس بمقابل مادي وإستغلال حاجة المرأة للتكسب من جسدها أمر غير أخلاقي وبالرغم من أن هنالك دول تقننه إلا أنني علمــاني وأرفضه وأدينه بشدة
أنا علماني وضد ممارسة الجنس بمقابل مادي وضد كل أنواع الإستغلال والفساد !
لماذا؟
أعتبر الجنس بمقابل مادي إضطهاد لإنسانية المرأة .. وإذا تكفلت الدولة بالمسؤولية الإجتماعية لما إحتاجت إمرأة أن تتكسب من جسدها مضطرة!
أما إذا كان الخيار بين البالغين الراشدين برضا تام دون مقابل مالي فهذا شأن آخر يندرج تحت الحريات الشخصية ولن يعرفه غيرهما إلا إذا كانت هنالك محاكم تفتيش وتجسس داخل المنازل .. ما نرفضه ولا نقبله لأنه تدخل في حريات شخصية !
مع تحياتي،،،
عاصم فقيري
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Asim Fageary)
|
الإبتزاز يا منى في كلامك دا زاتو وتعبيرات ناس طارح نفسك وما قادر تدي رايك و متدين ودورك شنو و بتاع
منو الاداك الحق اولا تفسري و تقري على هواك ومن ثم تساءليني على مواقفي و آرائي, رايي كان ما عجبك خلاص أساسا أنا ما كايس اعجاب
بعدين زي ما قلت ليك مشكلتك مندفعة وبتقري بطريقة خاطئة وكان قريتي صاح تفسري بطريقة خاطئة و انطباعية دايما
صدّقيني لو في فايدة من شرح العنقريب و شرح شرح العنقريب كنت ما بقصّر معّاك وبوقّع ليك الكلام هنا و وفي بوست ايمن وانه مافي تناقض لكن مافيش فايدة
ح تمشي وتجي وتاني تشبكيني الحق و طارح ودورك, لغاية ما تشيلي الإنطباعية الغامة عليك و خالاك تقري خطأ حتى حينها ربما يكون هناك فيائدة من الشرح واعادته
حتى ذلك الحين بقول:
يا زولة ... على بركة الله 
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عمر التاج)
|
غايتو لو وقع لي تساؤل الدكتورة وضاحة صاح ..
الكلام ليهو علاقة بثورة رجال السودان على النظام ..
للسيطرة على الداء الضرب عصب الاخلاق السودانية ..
وترك التخاذل والتهاون في حقوق الوطن والمواطن ..
وما عندو علاقة مباشرة بناس السودان ولا الامارات ..
المفروض -حسب فهم البعض- يمشوا ويشاكلو المتهم ..
دي حالة خاصة وحالة التراكمات الباقية هي العامة ..
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: awad okasha)
|
نزلتها في الفيس قبل فترة
نزلنا في ميناء سواكن ومنتظرين بملل انتهاء اجراءات الجمارك للسيارات الافراج الموقت لقيت الجماعه العتالة اخوانا الادروبات قاعدين في دائرة تحت جملون زنك وبتونسو
والعتالة ديل ناس ظريفين من زمن البنك عندنا ليهم حكايات كما قال احد زملائنا في فترة مشتريات الذرة كان في مدير مجنن الفرع جن الله اكبر راجل صعب
ولو شاف ليهو زول جاء من المستودعات عشان اقعد في المكيفات الم فيهو استجوابات وعقوبات ادارية الجماعه زعلانيين منو
قال عايز اسجل زيارة للمستودعات بسأل الوقت الافضل شنو قالو ليهو الساعة واحدة دي المواعيد البطلع بجيب منها بتو من المدرسة بتقراء في الثانوي
عمك المدير غشي البت ركبها وجاهم في الطريق اشوف الحاصل اها العتالة من شافو البت قعدو اغنو بي جلالات الشيل بتاعتهم ... بت المدير صلبها كبير xxxx...الخ وحاجات تانية حامياني عمك ركب العربية وقام جاري.
بسترق السمع للعتالة في الميناء قلته اضيع الزمن لما الاجراءات تخلص الظاهر في واحد قاعد في الدائرة نصهم تخمين مني الزول دا رئيس العتالة لانو كان ماسك المجلس بالكلام
واي بداية للموضوع بخش ليهم بكلمة البشير بتاعت انا قبل كدا كذبت عليكم الجماعه بدوها همهمة ولولحة راس في معناه ( لا)
كان عندو مشكلة زي ثلاثة اربعه كانو بقاطعوهو واغالطوهو والراجل بحكي ليهم عن الميناء حا ابيعوهو لناس دبي كل ما اقول ليهو موضوع بتاعين مقاطعه الكلام اشبو في حلقو بقوم بقول ليهم جملة واحدة واستمر في الكلام ...
انتو انشالله الكيزان يسووكم نسوانهم .....
واستمر في الكلام لما المقاطعه بقت حاره عليهم قال ليهم انشاالله xxxxx ......ذاتو.
الناس ديل الرجال لحقوهم هتكو عرضهم
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عباس الدسيس)
|
يا ستاذ عليش تكتل البوست شنو ..
انت مسكت لب البوست ومشيت في طريقو .. لكن بدون ما تكون عارف
النداء كان لرجال السودان عشان يغيرو القانون البسمح لي مرتكب جريمه زي دي الخروج بي ضمانه
والنداء لي رجال السودان عشان يغيرو النظام العلى هرمو المفسدين والبحمي الفاسدين البدي فرصه للمرتشين عديمين الضمير
يسمحو بي خروج مرتكب جريمه الخروج في وضح النهار
ناديت رجال السودان عشان يعيدو للبلد هيبتو وامنو ويقلعو النظام الفاسد ويغيرو القانون البتساهل في العروض
النداء كان للرجال عشان دا كلو مش عشان ياخدو حقهم بي ايدهم
او يعلقوا المجرم الحقير في ميدان عام بدون محاكمه رغم انو يستاهل يكبوا فيه بنزين ويحرقوا بي نار
اويربطو من و رجولوا في حصان و يجرؤ بي في الشوارع الخرطوم علشان يكون عبرة للمريضين من امثاله
فهمت اني ناديت الرجال ليه !!!؟
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عليش الريدة)
|
سلام وضاحة وضيوفكـ الكرام ..
رغم ان الفعل شين وقبيح .. والزنا من المحرمات .. ويورث الفقر والعياذ بالله ..
لكن برضو أحيانا ممكن نتساءل .. هل هذه القضية قد تكون فيها ريحة تصفية حسابات ؟ يعني دردقوه للحتة دي
لنه ناس التحريات افادوا بانهم ظلوا يراقبونه لمدة شهور طويلة ... هل كل هذه الشهور ولم يستطيعوا القبض عليه متلبساً
بالذات جزئية بانه يؤجر شقة بالقرب من داخليات البنات من منطقة لأخرى ..
الموضوع ده فيه حاجة ما ظابطه ... مجرد شعور شخصي
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عليش الريدة)
|
وضاحة و عليش و ضيوفكم ...
في اسكتلندا عمر القاصر ما دون ال 16
و شايف الفُقهــا المسلمين بجاهدوا ينزلوه ل 16 سنة كمان ... و كان عليهم 14 ما بطال ...
يعني اخينا ده لو رجع السودان ...
محاكمته ممكن تتجوبك ( شرعياً ) ... و أقصاها ياخد ليو شهرين تلاتة سجن ...
المشكلة ما في الولد ...
المشكلة كيف نصلح حال البلد الخرِب ...
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عليش الريدة)
|
هذه ثلاثة جرائم مورست في حق هاتان الفتاتان
الأولي هتك عرضهما من قبل ذلك الرجل
الثانية وهي الأعجب وهي هتك ستر هاتان الفتاتان وفضحهما
بصورة فيها تجاوز شرعي خطير ومن ذلك
1ـ مداهمة البيوت لكشف ستر الناس يعتبر جريمة في الإسلام
ولو صدرت من ولاة الأمر من الحكام إلا لضرورة
وفضح الناس ليس من الضرورات التي تبيح إقتحام البيوت بل من الجرائم المحظورة في الإسلام
2ـ إثبات الزنا في الشريعة الإسلامة صعب جداً إلا إذا اعترف الجاني من تلقاء نفسه
حتى دون أن يُسأل أو تُسأل هل زنت أم لا .
أما إثبات ذلك بالشهود فصعب كما هو معلوم ...فهل حينما تم الإقتحام وهو أصلاً ممنوع شرعاً
فهل ظل الجاني يمارس زناه حتى تمكن أربعة شهود برؤية الأمر كامل بالوصف المعلوم
المشترط لإثبات الزنا ...وما هو دون الزنا لا حد فيه ولا مقاضاة فيه ولا محاكمة
ففي عهد عمر رضي الله عنه أدين والي بممارسة الزنا ..فكانت هناك فتحة أو منفذ رأى أربعة شهود من خلاله
الرجل عاري ومحتضن لأمرأة ....ثلاثة من الشهود أكدوا الزنا بشروطه وواحد قال رأيته عاري وكذا وكذا
لكن لم أرى الأمر بالوصف المعروف ...
فحكم عمر رضي الله عنه بالجلد 80 جلدة لكل واحد من الثلاثة واستتيب ...
فأين هذا مما يمارسه ما يسمى بالنظام العام أو ما يسمى بأمن المجتمع.!
3ـ ثم أن المرأة التي اتهم ذلك الوالي في زمن عمر بن الخطاب رضي الله عنه بممارسة الزنا معها لم تظهر في المشهد ولم يتم القبض عليها.
والجريمة الثالثة هي تهريب المجرم الهاتك للعروض وترك المسكينتين للفضيحة وجور قوانين
لا تمت للدين بصلة
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: منتصر عبد الباسط)
|
الشخص ده حتى الآن متهم ، وهو في نظري برئ حتى تثبت هذه التهم عليه .
هروبو لا يعني أنه مدان بأي حال من الأحوال .
أستغرب في تسرّع البعض في إطلاق الأحكام و الإدانة ، وكل معلوماتهم من طرف واحد من خلال الصحف ، أو من خلال الواتساب أو الفيس بوك .
التفاصيل التي وردت أن هذا الشخص كان يمارس فض أغشية البكارات لمدة 12 سنة والشرطة تعلم ، ولم تتمكن من القبض عليه ، تحيل المشهد إلى ملهاة .
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: محمد محمود محمد)
|
عزيزي الفاضل محمد البشرى
عليك الله امشي اقرا البوست الكاتبه عرفات حسين وعنوانه امام محكمة النظام العام
وفيه حيثيات القضية وتشوف الاتهامات الموجه ضد هذا الشخص الحقير التافه وكيف
حاول يرشي ضابط الشرطة الذي قام بتفتيش الشقة بامر من النيابة ووجده متلبسا بالجريمة
واسمع كلام الشرطة وان هذا الشخص ولمدة ١٢ سنة يتصيد القاصرات وياجر شقق للدعارة،،،
وما بس حكاية انه دفع ليشتري المتعة الحرام،،،ولكنه يهتك اعراض القاصرات منذ ١٢ سنة،،،
وهرب كالفار المذعور قبل يوم المحكمة ،،،،هرب لانه يعرف جيدا انه مذنب في قضايا كبيرة
جدا وليس فقط الحادثة الاخيرة الخاصة بشقيقة الطبيبة الخسيسة ،،،ان هذا الوقح ولمدة
١٢ سنة يفتك بالقاصرات من تلميذات المدارس واستغلال حوجتهن وفقرهن،،،،
فهل هذا القذر يستحق شفقة او تعاطف من اي نوع،،،،،مثله يجب ان يكون عقوبته الاعدام
اذا ثبت بانه كان يتصيد القاصرات او كان يدير شبكة دعارة ،،،،
ودمت بخير وعافية
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: وضاحة)
|
سألتي:ماذا تنتظرون يارجال السودان؟
ونحن جاوبناك...
يللا أمشي كونيليك كتيبة مقاتلة من نساء السودان،وتعالي قشيلينا اخوات نسيبة ديل،بعدّاك نحن بنعمل مايلينا..
بس بحذرك ،ركزي على حسم المعركة من بعيد،استخدمي الأسلحة بعيدة المدى،أبدا ماتدي اخوات نسيبة فرصة للالتحام المباشرمعاك ،
ديل متوحشات خالص،وممكن تحصليك خسائر جسيمة اوي..
ولغاية ماتتكلل معركتك بالنصر،نحن ههنا قاعدون...
اعتبري دا بيانا الرسمي..
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عليش الريدة)
|
Quote: عزيزي الفاضل محمد البشرى
عليك الله امشي اقرا البوست الكاتبه عرفات حسين وعنوانه امام محكمة النظام العام
وفيه حيثيات القضية وتشوف الاتهامات الموجه ضد هذا الشخص الحقير التافه وكيف
حاول يرشي ضابط الشرطة الذي قام بتفتيش الشقة بامر من النيابة ووجده متلبسا بالجريمة
واسمع كلام الشرطة وان هذا الشخص ولمدة ١٢ سنة يتصيد القاصرات وياجر شقق للدعارة،،،
وما بس حكاية انه دفع ليشتري المتعة الحرام،،،ولكنه يهتك اعراض القاصرات منذ ١٢ سنة،،،
وهرب كالفار المذعور قبل يوم المحكمة ،،،،هرب لانه يعرف جيدا انه مذنب في قضايا كبيرة
جدا وليس فقط الحادثة الاخيرة الخاصة بشقيقة الطبيبة الخسيسة ،،،ان هذا الوقح ولمدة
١٢ سنة يفتك بالقاصرات من تلميذات المدارس واستغلال حوجتهن وفقرهن،،،،
فهل هذا القذر يستحق شفقة او تعاطف من اي نوع،،،،،مثله يجب ان يكون عقوبته الاعدام
اذا ثبت بانه كان يتصيد القاصرات او كان يدير شبكة دعارة ،،،،
ودمت بخير وعافية
|
تحيتي بسمات بت الشيخ
قريت بوست عرفات مرتين الأولى من الواتساب حيث يغرف عرفات! سمعت بالتأكيد بمقولة وما آفة الأخبار إلّا رواتها
و قريتي ايضا اظنك رواية صحيفة الدار التي تدحض كثير مما جاء في روايات الواتساب الأولى, هذا التضارب يضفي شك كبير على كثير من التفاصيل
لذا اعتقد ان كثير من الأوصاف التي اطلقتيها على الرجل و الحادثة يحتاج مراجعة مثلا مسالة يدير شبكة دعارة كون الرجل يستخدم ماله في هتك اعراض البنات و يدفع للوسيط أو الوسطاء لا يجعل من الأمر إدارة شبكة دعارة بأي حال من الأحوال
و لو لم يثبت أن البنت قاصر فا الموضوع لا يتعدّى قضية زنا عادية تحدث آلاف المرات يوميا وفي شوارع الخرطوم وتحت اعين السلطات
ربّما هروبه وضمانه بواسطة الوزير - وهو ما اتضح كذبه ايضا - هو الذي يعطي القضية بعدا آخر, لكن لشخص صاحب اعمال في الخرطوم ومصانع إلى متى سيظل هاربا و اعتقد أن الفضيحة التي نالت اسمه وسمعته اقسى من اي عقاب آخر بل اقسى من السجن نفسه
السجن فقط لا الإعدام في الساحة الخضراء كما طلبتي فا الرجل لم يرتكب ما يجازى عليه بالإعدام بعد
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: عليش الريدة)
|
الدكتورة وضاحة
خارج النص والستر اشمل وانفع
عارف الركابي
المسبح دائماً للأخرين تملقاً
لا أحد ينكر على الشرطة جمعاء بذل جهودها لامن المجتمع ولا مزايدة في ذلك
وما قاموا به هو واجبهم ليس اكثر
ولكني أعيب عليهم أنهم فضحوا ضحية واحدة من عدة ضاحيا مع هذا الرجل أو غيره
وهي البنت التي غر بها ومن ما ينشر علمنا أنها ظهرت في المحاكم؟
لماذا هي بالذات وقد نجا غيرها من هذه الفضيحة
الاسلام يأمر بالستر اكرر يأمر بالستر
ومن كان منكم بلا خطئية فليرمها بحجر
وما هان شرف النساء إلا للفقر والعوذ والحاجة التي المت بهم
فكان عليك أيها الداعي لكلمة الحق أن تنصح أولاة الامر برفع الظلم والغبن والعوذ والحاجة من الناس
خاصة النساء والشباب منهم على وجه الخصوص
وإن نسيت فإني مذكرك وغيرك بحديث نبي الرحمة في قوله: " من ستر مؤمناً ستره الله في الدنيا والأخرة"
ومتى يكون الستر إن لم يكن في مثل هذه الامور؟
وإن كان ولا بد من تقديم من اغترفت يداه للمحاكمة فعلى الدولة إنشاء محاكم سرية لمعالجة مثل هذه الامور
| |
|
|
|
|
|
|
|
|
|
Re: ***** ماذا تنتظرون بعد تهريب هاتك العروض يا � (Re: Ali Alkanzi)
|
سلام يا وضاحة بتى
فعلا نتساءل معك ( ماذا ينتظر رجال السودان؟؟!) خاصة بعد تصريح وزير الداخلية
الذى يقر فيه بخروج المجرم من مطار الخرطوم تحت حماية وزارة الداخلية
ولا عزاء لكرامة بنات الوطن
((قال إنه لم يتم حظره من السفر 10-18-2017 02:47 AM البرلمان: ا
لراكوبة إعتبر وزير الداخلية الفريق شرطة حامد منان الحديث عن تورط نافذين في إطلاق سراح رجل الأعمال المتهم بفض بكارة الفتيات،
ومغادرته البلاد بالإشاعات. وطالب الصحفيين بالإستيثاق من المعلومات، وان لا يتحدثوا عن ما يدور في الشارع دون تثبت.
وأكد منان في جلسة البرلمان اليوم، ان رجل الاعمال المتهم باستدارج الفتيات، تم الافراج عنه بالضمان العادي، لافتاً الى انه غير ممنوع من السفر.
إلى ذلك؛ طالبت النائبة رجاء حسن خليفة وزير الداخلية، في جلسة البرلمان التي خصصت لمسالة مستعجلة بشان لاجي دولة جنوب السودان،
بضرورة القبض على رجل الأعمال عبر الانتربول بوصفه اجنبياً ومحاسبة الجهات التي ساعدته على الهروب،
الا ان منان اوضح للنائبة ان المتهم سوداني الجنسية وليس اجنبياً منوها إلى انه غير محظور من السفر وانه تم اطلاق سراحه بالضمان العادي.
وكانت النيابة قد وجهت تهما تحت المواد 155 و88 من القانوني الجنائي للمتهم، المتعلقة بممارسة الفاحشة والرشوة، بعد ان تم ضبطه متلبسا برفقة فتاة داخل شقة بوسط الخرطوم.))
| |
|
|
|
|
|
|
| |
وضاحة
عليش الريدة
محمد البشرى الخضر
Osman Awoda
مني عمسيب
امجد الجميعابى
Ahmed Alim
Mohammed Abuzaid
Abureesh
Mohd Ibrahim
Asim Fageary
ابراهيم عبد الوهاب
عبدالرحيم أبراهيم العبيد
عمر التاج
awad okasha
عباس الدسيس
يحي قباني
منتصر عبد الباسط
محمد محمود محمد
عمر دهب
Ali Alkanzi
مهيرة
فيس بوك
تويتر
انستقرام
يوتيوب
بنتيريست