|
|
 ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هيييييييييي!
|
تلقيت قبل أسابيع مضت رسالة على بريدي الإلكتروني
من صديق عزيز (أحتفظ باسمه احتراما لرغبته).
أضحكتني تلك الرسالة وأسعدني محتواها فوددت أن
أشرككم في متعة الإطلاع عليها عسى أن تروقكم ،وربما
أضفنا إلى محتواها الكثير من هذا (النضم) اللاذع
أوبالأحرى النظم الجميل الذي يعتبر جانبا من
تراثنا الشفوي المسكوت عنه لأنه لم ينل حظه من
البحث والتقصي.وحسب إفادة صديقي فإن الراحل
الأستاذ/الطيب محمد الطيب تطرق لهذا الفن في
سفره الفريد (الإندايه).
تعالوا إلى (الردحي) وهاتوا ما عندكم،،،،،
|
|
 
|
|
|
|
|
|
|
 Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي (Re: محمد عبد الماجد الصايم)
|
Quote: يا عمك كيفنك وكدا
ما عاوز اكتل ليك الدش في يدك لكن[
/QUOTE]
محمد عبد الماجد الصايم
تكتلو شنو؟ ده فطستو عديل
لآنو منقول بي ضبانتومن بوست
الأخ ايهاب نميري.
شكرا للتنبيه ياود الصايم ،عشان
نستدرك ونسجل اعتذار للأخ ايهاب
قبل مايجي واحد متلقي حجج ويقول
صلاح الأحمر سرق ليهو بوست ،ونخش
في متاهات ،بله مايحلنا منه.
شكرا محمدمرة أخرى وأسفي العميق
لكل المتدخلين .
النية كانت حسنة ،لكن الطريق إلى
جهنم معبدة بالنوايا الحسنة.
وكان في زول متلكك انا مستعد لنشر
رسالة الإيميل التي وصلتني متضمنة
موضوع الأخ ايهاب.نقطة رجوع للسطر.
مع تقديري للجميع.
| |
|
|
|
|
|
|
|
|
|
|
Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي (Re: صلاح الأحمر)
|
اخى صلاح سلامات
والله جيت داخلة وقلت الليله يا ربى الشكلة مع منو لوووول
باقى اليومين ديل ما تقول ليك كلمه فى اى لفة من حوش بكرى ده
يجيك ناطى ليك زول زهجان ويشيل ويكيل فيك ..لامن تقعد تتلفت
وتقعد تشيل وتتعضر على قول حبوبه ..
لكن بلا فايده الطرف التانى بكون اتفشى فيك وفات فى سبيل حالو
انت بعد الخلعه البتجيك يا اما تركز وترد الصاع بى حكمه...
او تفشها فى زول تانى مسيكين و تكب الزوغه..
ولا تاكلها فى حنانك وتقعد برضو تتلفت مكسور خاتر
الا لقيت بوستك مختلف واطمنت الحمد لله ..
كانت بتدبى وبتاوق بالراااااااحة
قلت كان سمعت لى نهره بكب الزوغه زى الفاتو
لكن ضحكنى كلام اخونا طارق لووووووول يا طارق
Quote: شابكني انا الجعلي
انا جاموس الخلاء
في النهاية باريت لي ردحي النسوان جنب الباب
الفيك اتعرفت |
شكرا لكم طلعتونا من جو المشاحنات والمصادمات
تحياتى اسماء الجنيد/ مسقط
| |
|
|
|
|
|
|
|
|
|
Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي (Re: soma)
|
Quote: اخى صلاح سلامات
والله جيت داخلة وقلت الليله يا ربى الشكلة مع منو لوووول
باقى اليومين ديل ما تقول ليك كلمه فى اى لفة من حوش بكرى ده
يجيك ناطى ليك زول زهجان ويشيل ويكيل فيك ..لامن تقعد تتلفت
وتقعد تشيل وتتعضر على قول حبوبه .. |
الأخت أسماء
شكرا لمرورك ومعليش خذلناك
زي ماخذلني صاحبي الرسل ال
e.mail لاكين برضو نقول
الحمدلله أن الأخ- محمد عبدالماجد
الصايم كان راجل رزين ونبهني
قي الوكت المناسب وبدون سوء نية
وإلا واحد تاني كان عمل منها
قضية.
تسلمي ولك كل الود والتقدير.
| |
|
|
|
|
|
|
|
|
| |
صلاح الأحمر
طارق جبريل
محمد عبد الماجد الصايم
فيس بوك
تويتر
انستقرام
يوتيوب
بنتيريست