|
|
|
 Re: مربعات للبحث عن أسعد العباسى...حتى يحضر...حتى يحضر!!! (Re: الشامي الحبر عبدالوهاب)
|
الشامي الحِبِر عبدالوهاب ...
كيفك يا صاحبي ... علك طَيِب ...
Quote: الاسعد يا عزام اخوي ياهو جني العباسي
وزنا تقيل في النضم وليه بعرف اواسي
ارجع للاصول تاريخ احاكي الدهب والماسي
وهسع اجيك متلّب بي درر توزن جبال ورواسي |
حسن مكاوي تواضع وإتصل بي هاتِفِياً بعد أن إفترع عمودِهِ هذا
وطلب مِني البحث عن السَيِد [ أسعد ] ود سيدي وشيخي الشاعِر
[ العباسي ] ... أنا قُلت ليهو بعرِف زول بِألإسم ده [ أسعد ]
وبعد البحث والتحري تبَين أنهُ [ أسعد ] آخر ...
أها يا خوي ... دي فُرصة أنا مُتحَيِلا ... حسب وعدك لابُد
مِن إكرامِنا بِـ[ دُرر ] العباسي ... هِنا أو في عمود مُنفصِل
إحتِراماتي ،،،
| |
 
|
|
|
|
|
|
|
|
Re: مربعات للبحث عن أسعد العباسى...حتى يحضر...حتى يحضر!!! (Re: عزام حسن فرح)
|
Quote: حسن مكاوي تواضع وإتصل بي هاتِفِياً بعد أن إفترع عمودِهِ هذا
وطلب مِني البحث عن السَيِد [ أسعد ] ود سيدي وشيخي الشاعِر
[ العباسي ] ... أنا قُلت ليهو بعرِف زول بِألإسم ده [ أسعد ]
وبعد البحث والتحري تبَين أنهُ [ أسعد ] آخر ...
أها يا خوي ... |
دي فُرصة أنا مُتحَيِلا ... حسب وعدك لابُد
مِن إكرامِنا بِـ[ دُرر ] العباسي ... هِنا أو في عمود مُنفصِل
إحتِراماتي ،،،
شكرا عزام علي الكلام الطيب
وشكلك ود بلد تام الاصول وحِبَيِبْ
اختلفت السعود لكن مناناقِرَيب
كلنا ننطرب في بوست حسن ونهَيِب
| |
|
|
|
|
|
|
|
|
|
Re: مربعات للبحث عن أسعد العباسى...حتى يحضر...حتى يحضر!!! (Re: Hassan Makkawi)
|
الشِعرأ صــلو كلمات في القلب تتلمه
وعند الحوبه زي بلح إستوى واترمى
ننضما زي عقد ومتــل العقد تنضما
تصبح بكره طيب والفيهو طيب بنشما
صَفَتُــن البِقَــتْ للأكرمـين صفايه
ما كـفاها أحــمد كوكــب الحلفايه
للكبـاشي جــات بى عمـرتا الكفايه
كايسه الجيلي مزعوجه ورجولا حفايه
بالــسور تلـبـت من الصبر مسـلوبه
دخلت في البرنده وما لِــقت مـطلوبه
توســوس مالا كــل مـراتِبنُ مقلوبه
ما برجــع بلاهــو وما بنوم مغلوبه
سألت منو فحـل أمات خدوداً بندن
أب كفًــا بيــرفع كل راسًا دندن
قالو ليها عيـان كرعى ما بنسندن
سـافر للعلاج يِــداوى روح لندن
ضحــكت بى تهكم وجنحت لى الفره
عارفه معاها ما بنفع عــلاج الذره
زي برق القُنُب طــوت البلاد البره
جابتو جُسه بالطياره والبِــكا حره
| |
|
|
|
|
|
|
|
|
|
رد (Re: Hassan Makkawi)
|
تحية وتقدير للجميع ... وتحية خاصة للاخ حسن مكاوي صاحب الصالون الوهيط
وتحية وتقدير للعزيز الاديب اسعد العباسي والذي اثري الساحة بكل ما هو جميل ...
وننتظر حلو الحديث من الجميع ونضيف اليهم الاخ صديق الموج الرجل الموسوعة وندعوه بشدة
ان يترك مكاجرة السياسة وينضم الي هذا الصالون العامر .... يلا ارحكم ونحن في انتظاركم
وانتظار ما لم نسمعه من هذا الادب الجميل ....
| |
|
|
|
|
|
|
|
|
|
Re: رد (Re: Hassan Makkawi)
|
أخى عمر صديق
جيتك لى حبيبة وعزيزة تب بالحيل
جيت شايل ورد ومكمل الإكليل
داير ارحل بعيد كايس معايا زميل
شرف يا بطل قدامنا مليون ميل
| |
|
|
|
|
|
|
|
|
|
Re: رد (Re: Hassan Makkawi)
|
أخوى مهدى..وليد الصادق..حفيد السيد
جيت بتدور تشارك فى الكلام الجيد
انا بيك بافتخر ومعاك ببقة معيد
خليك لى قريب ما تسرى تبقى بعيد
| |
|
|
|
|
|
|
|
|
|
Re: رد (Re: Hassan Makkawi)
|
| Quote: سأعود بعد قليل أحمل معي الدوبيت |
الزول كان مهلتو جايينا بالدوبيت
بس طفوا الكهارب الزول دة ضو البيت
اكان يومك كعب..؟ تلقاهو تبقى سعيد
وكان ليلك صعب..؟ اطراهو نومك إزيد
| |
|
|
|
|
|
|
|
|
|
Re: رد (Re: Hassan Makkawi)
|
إخوتي: حسن مكاوي وسيف اليزل وعزام حسن فرح ونوفل عبد الرحيم حسن والشامي الحبر عبد الوهاب و عمر صديق و مهدي الصادق السيد، أقول لكم جميعاً وبصدق: { لقد أجدتم السباحة في شراييني فسكنتم قلبي}.
أسعد الطيب العباسي.
| |
|
|
|
|
|
|
|
|
|
Re: رد (Re: Asaad Alabbasi)
|
أخي حسن مكاوي لم يمنعني منك جفاء ولا صدود فلا تلمني وقدقال العباسي كمن يعبر عن حالي معك:
لا تلمني أخي فما الذنب إلا ** لزماني.. ولُم عوادي الزمانِ
فهو مني كما عهدتَ: كِلانا ** مُمْعِنٌ في تراشُقٍ وطِعانِ
لي عليه دينٌ وأنت عليمٌ ** كيف قاضيتُه وكيف لوانيْ
| |
|
|
|
|
|
|
|
|
|
Re: رد (Re: Asaad Alabbasi)
|
قال عمي محمد شريف العباسي ـ عليه الرحمةـ وقد لامه أحدهم بقوله: إنتهي يا محمد شريف من قول النم والغزل فأنت صوفي وسليل أشياخ كرام فقال له:
كان دايرني أكون صوفي واترك النَّمْ
بدِلو قلبي حجراً لا نزِيز لا جَّمْ
ما دام جوفِي مارِنْ والكَبِد مِن دَّمْ
لابُدَانَه بى دربَ الحَبيبَ تِنْخَّمْ
| |
|
|
|
|
|
|
|
|
|
Re: رد (Re: Asaad Alabbasi)
|
قبال ما نخش في الغريق بحذرك يا حسن يا ود مكاوي وبقولك:
ود مكاوي الفحل يا اب بسمةً صافيه
شيطان الشعر هيلك وعصابتو المافيا
نحنا معاك نسوي النم نسوق القافيه
بس خايفين الأرشفه تعدمو العافيه....!!!
| |
|
|
|
|
|
|
|
|
|
Re: رد (Re: Asaad Alabbasi)
|
العباسى أرشيف للشعر والقافية
تسلم يا سعيد من الضرب والمافية
الأرشيف بدنقر من المعانى الصافية
وكان قال يبلعة؟ أختيهو تب ياعافية
| |
|
|
|
|
|
|
|
|
 Re: رد (Re: Hassan Makkawi)
|
حقيت الشكر فارسا نحاسو رزم
وضباح للأصاهب ما فيك قط من زم
إن قلنا العلم إنت البعرفو لزم
وإن قلنا الأدب منك عرفنا جزم
مليح يا رجل شفناك بخير وسمعنا عنك الخير
وبيت يعقوب فوقو الملائكه
منصور
| |
|
|
|
|
|
|
|
|
|
Re: رد (Re: munswor almophtah)
|
يا مفتاح الكنوز عباسى جة وسلم
جاب حلو الكلام بى شينة ما تكلم
راجين الدرر شان منو نتعلم
شكراً يا حبيب خليك قريب تسلم
| |
|
|
|
|
|
|
| |
Hassan Makkawi
عزام حسن فرح
نوفل عبد الرحيم حسن
الشامي الحبر عبدالوهاب
Asaad Alabbasi
عمر صديق
munswor almophtah
فيس بوك
تويتر
انستقرام
يوتيوب
بنتيريست