|
|
 جوايا أكتر من حلم ..
|
الدنيا آيه من غير آمل . . ونور الآمل هو الحلم . .
جوايا أكتر من حلم . .
تعالوا شاركونى الحلم . . جيبوا احلامكم معايا . .
أنا حلمى اكتر من حلم . . . آحلام كتيره . . :
أول حلم عندى الوطن..
وطنى يا آروع حلم . . وطن شمس المعزه
.. ووطن تاجوج وعزه..
حلمى أنك ..لا الريح تهزك لا العواصف أى هزه..
والسلام الفيك يصبح هو الحقيقه وكل واحد فينا يرفع بندقيه وفأس مروه...
وطنى يا أروع حلم..
أنت حبك فى دماى وفى أحاسيسى وغنايا...
وطنى يا كل الحلم . . يا الخضرة والنيل والجنان . . يا الكنت للجائع
آمان . . أنا قلبى بينقط آلم . . ليه تعز اللقمه فى فم الصغار؟؟؟
أنا قلبى بينقط آلم . . . معقوله أسياد الكرم يصبحوا اليوم جائعيين !!
رغم خيرك الكابى العميم ؟؟
وطنى يا كل الحلم . . أنا قلبى ببكى على الصغار الماتوا فى بداية
النهار فاقدين طعام . . وانت يا بلدى الكرم !!!!!
حلمى أنك الخير يعمك .. وكل أنسان فى ربوعك يتنعم يسعد برخاءك
.. وتبقى جنة للمساكين والغلابة والصغار . . .
وطنى يا أعند حلم . . آتمنى ليك كل السمو والرفعة والخير والامان
..يا وطنى يا آول حلم...
|
|
 
|
|
|
|
|
|
|
 Re: جوايا أكتر من حلم .. (Re: هند محمد)
|
جواى أكتر من حلم ..ولسه بحلم :
حلمى الجديد..أنه السعادة تهل وتغمر كل قلوبنا ....
والحزن يرحل ويبقى ماضى وذكريات ..
والدنيا تصبح مهرجان ..
والدنيا والزمن العنيد يدونى منديل الآمان..
والمستحيل يصبح جبان
يرجع يخاف وينهزم ...
حلمى أنه الدنيا تشرق بالحنان ،
والطيبه داخل كل زول
والرقة والأحساس كمان ،
وكل زول يصبح سعيد..
والدنيا جنة من السعادة ، وتغمرنا همسات الحنان ...
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
جواى أكتر من حلم ..ولسه بحلم ..
تالت حلم ..أنو القلم بكل عزة وكل شموخ يفضل يقيف
ما ينكسر..
وكل زول يرمى السلاح ويشيل قلم ،ويكتب ويقول كل
الكلام الما آنكتب ...
حلمى أنو .. قلمى يتحدى ويطوف .. ويكسر مدار عصف
الظروف ..يسرح بعيد ما ينهزم ..
ويفتل خيوط نار الحروف ,ويفتح عيون عقل القصائد
وينسج الآبداع روائع ..
حلمى أنه قلمى يفهم مكان حفر المكائد ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
لسه بحلم ..
حلمى مروحة الفصل ترجع تدور تشتغل..
وكل تلميذ ليه كتاب وقلم حبر..
والفصل واسع نظيف ..
والكنب يصبح جديد..ما من حديد..
والكراسى من صوف ملبس بالحرير ..
حلمى انه الرحمة توصل كل قلب ..
ومافى تلميذ ينضرب ، بالآلفة
والذوق الجميل والحنان قبل الآمان
أكيد حيستوعب كتير
حلمى المعلم يصبح وزير
وكما قال الشاعر مبارك حتة :
أستاذ الآساتذة يا الللعلم متطلع
قانع بالقليل جيبك خلاص متشلع
يا لايك الصبر حاشاك ما متدلع
نسأل الكريم ما تصيبك هموم وتولع
ما تسألونى مبارك حتة دا منو ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
مررنا من هنا على سبيل التحية والترحيب فوقفنا عند:
Quote: أستاذ الآساتذة يا الللعلم متطلع
قانع بالقليل جيبك خلاص متشلع
يا لايك الصبر حاشاك ما متدلع
نسأل الكريم ما تصيبك هموم وتولع |
واصلي الاحلام ، وما ح نسألك من "مبارك حتة" طالما انو ما "مبارك المغربي".
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
بحلم ألقى البسمة تضوى ..
وتملآ وجوهنا .. تزيل الغمة .. تنسّى الهم .. والعيشة المرة ..
بسمة رقيقة ملآنه محنه .. شايلة الطيبة ..
تملآ حياتنا بغيم الآلفة ..وتصبح جنة ..
آيه راح يحصل ..لو كل إنسان أتبسم بسمة .. أيه راح يخسر؟
أكيد كسبان الذوق والرحمة ..وينوبه ثواب ونعيم الجنة ..
بحلم أنو الناس تتبدل ..
تنسى عبوسها ..
تعالوا نشيل جوانا الرقة .. ونهدى الرقة .. وتبقى حياتنا وئام ومحنه ..
ومادام فى إيدينا مفتاح الحب والآلفة ..بسمة جميلة ..رقيقة
تزيدنا نضار وتجيب اللهفة ..وننسى الحقد والكره والقسوة ..
أكيد الدنيا حتصبح جنة ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
هند الجميلة ربنا يحقق كل الأحلام إنشاء الله .
حضور ومتابعة دائمة والله أسعدني هذا البوست الجميل واصلي يا هند وعيني عليك
باردة , حقيقة وجودك في هذا المنبر له طعم ومذاق خاص ربنا ما يحرمنا من هذا
الإبداع وهذا الألق .
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
أيه رآيكم .. نبقى الورد .. ؟!
نبقى أحنا شتول ورد .. حلتنا زى بستان ورد..جمال وطيبة
قلوبنا بنداوة الورد .. عبيرنا يصبح فوح ورد
ولونا فى نضار الورد .. بالله فى أحلى من الورد؟
عطر وجمال ..أشراق ونور ..
حلمى اننا لو ورد .. ما فينا شوك ..
وباقة ورد من كل زول لكل زول ودنيتنا جنة من الورد ..
حلمى ..أبقى الوردة ذاتها فى جمالها وفى عبيرها وفى نضارها ..
فى تمايل غصن أخضر ..تلقى ذاتها ..
تهدى نورها وريح شذاها ..
تسعد اى زول بطيب رؤاها ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
لو كل إنسان أتشكل غيمة تصب وتمطر ..
قطرة ألفة .. وقطرة رحمة .. وقطرة ذوق ومحنة .. أيه راح يحصل ؟
أيه راح يخسر ؟
أكيد الدنيا حتصبح جنة .. ويبقى مطرنا أروع وأنقى ..
ونروى أرضنا .. نروى نفوسنا ..وتنبت فيها زهور الحب والرحمة ..
ويبقى إحساسنا صوت الرعدة .. عالى النبرة ..
ويبقى عطاءنا .. زى سيل المطرة ..
بحلم أبقى الغيم والمطرة ..أجيب الخير .. أزيل الغمة ..
أروى أرضنا عطاء ومحنة .. وتبقى الدنيا معاى زى جنة ..
والاطفال يبتهجوا يغنوا .. جاتنا المطرة .. حلاة المطرة ..
ويامطيرة صبى لينا فى عينينا ..
وبس ياريت لو ابقى المطرة ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
هند الجميلة ربنا يحقق كل الأحلام إنشاء الله .
حضور ومتابعة دائمة والله أسعدني هذا البوست الجميل واصلي يا هند وعيني عليك
باردة , حقيقة وجودك في هذا المنبر له طعم ومذاق خاص ربنا ما يحرمنا من هذا
الإبداع وهذا الألق . وما تتوقفي معليش إعذريني اليومين ديل شوية مشغول وكسلان .
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
هند/الشفيفة
سلام وتحية مع دعاش مطرك الصابى الجميل البيه يخضر الشجر وتتفتح ألأزهار درر ويشرب العطشان ويقوم العيش ويشبع الجعان..
أمنياتى:
إن شاء الله يكبر جواك الحلم///////ويتولد ويعم الخير كل البلد
يعم أرض الشرق وأرض الغرب////////والجنوب والشمال لأعلى السد
نزرع أرضنا وتنمو بلدتا/////////ويمدنا الله من خيرو مد
نشوف بلادنا عالية فوق الدول///ونتعوذ من كل حاسد إذا حسد..
إسماعيل محمد أحمد عباس.................
| |
|
|
|
|
|
|
|
|
|
Re: جوايا أكتر من حلم .. (Re: حافظ العشا)
|
Quote: جواى أكتر من حلم ..ولسه بحلم ..
تالت حلم ..أنو القلم بكل عزة وكل شموخ يفضل يقيف
ما ينكسر..
وكل زول يرمى السلاح ويشيل قلم ،ويكتب ويقول كل
الكلام الما آنكتب ...
حلمى أنو .. قلمى يتحدى ويطوف .. ويكسر مدار عصف
الظروف ..يسرح بعيد ما ينهزم ..
ويفتل خيوط نار الحروف ,ويفتح عيون عقل القصائد
وينسج الآبداع روائع ..
حلمى أنه قلمى يفهم مكان حفر المكائد ..
|
بحلم معاك....
وانا لسه فى رجاك
تدينى بصيص امل
لى وطن عالى
مهره غالى
حب وعمل
انسانه موجود
بينعم بالوجود
بس....كيفن يصل
؟؟؟؟؟؟؟؟؟؟؟؟؟
| |
|
|
|
|
|
|
|
|
 Re: جوايا أكتر من حلم .. (Re: هند محمد)
|
أحلم بوحدة الوطن
وتنقية النفوس
وإحياء الضماير
وتطهير الآرض
وأن أرى البسمة على شفاه الوجوه البائسة .
وبروضة غناء يصدح فيها الاطفال .....
مـودتـــــي ، ، ، ،
| |
|
|
|
|
|
|
|
|
 Re: جوايا أكتر من حلم .. (Re: هند محمد)
|
الأخت هند
تحياتي
دعينا نحلم معاك شوية
Quote: حلمى أنه الدنيا تشرق بالحنان ،
والطيبه داخل كل زول
والرقة والأحساس كمان ،
وكل زول يصبح سعيد..
والدنيا جنة من السعادة ، وتغمرنا همسات الحنان |
وشكرا علي هذا الجمال
| |
|
|
|
|
|
|
|
|
|
Re: جوايا أكتر من حلم .. (Re: ahmed haneen)
|
أنت الجواك أكتر من حلم ..
ونحنا الفي الحلم منام ..
نصحي ونمسي في الوئـام ..
ما أصلك جاي من جوف الكلام ..
شعرك صحي فينا سبات المنام..
نفرش ضحاحوا برش المظالم ..
خليني في ظل حلم حالـــم ..
ما يزورني صحي تب ماقايم ..
وياريت الدنيا تكون أجمل من حلم..
،،،أبوقصي،،،
جاي شايل مع النوم وساده
وهو أصل في شرع العباده
وبيرفعوا فيهوا القلم مده
وبيرجعوه تاني باقي عــاده
وشايلين في الكتفين سجـلـه
ما عارفين متين بيظلـــــه
في فردوسه ورده نابتـــــه
وكان نيرانه ذات لظــــــه
لسع منها بقول كفايــــــه
لسع بحلم وتاني بحلم بآيـه.
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
انتي جواك اكبر من حلم
انشاء الله طيفك يزورنا
ونحلم بالخير والسعادة
ويعم الخير بلدنا
وترجع البسمة الجميلة لاطفالنا واهلنا
الله عليك ياهندوية يارائعه بروعة جمال بلدنا وطيب معشر اهلنا , ربنا يحفظك
| |
|
|
|
|
|
|
|
|
|
Re: جوايا أكتر من حلم .. (Re: مهلب خلف الله القريش)
|
الفنان والملحن مهلب القريش .. مشكور على مرورك الجميل .. وانا مارفضت
طلبك ولكن القصيدة اللى سبق وطلبتها فعلا محجوزة للفنان ياسر مبيوع ..
تستطيع سؤاله للتأكد .. عموما خيرها فى غيرها والجايات أكتر بعون الله ..
تسلم على الثقة ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
Quote: أول حلم عندى الوطن..
وطنى يا آروع حلم . . وطن شمس المعزه
.. ووطن تاجوج وعزه..
حلمى أنك ..لا الريح تهزك لا العواصف أى هزه..
|
تسلم احلامك
تتحقق احلامك
ويسلم الوطن الكبير
نتمنى أن تتحقق احلامك الجميلة
وسلام
محمد علي
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
ونحن نحلم معاك
تعالوا نشيل جوانا الرقة .. ونهدى الرقة .. وتبقى حياتنا وئام ومحنه ..
ومادام فى إيدينا مفتاح الحب والآلفة ..بسمة جميلة ..رقيقة
تزيدنا نضار وتجيب اللهفة ..وننسى الحقد والكره والقسوة ..
أكيد الدنيا حتصبح جنة ..
اكيد الدنيا حتصبح جنة
ياجمالك ياهند
شوالات من الود
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
حلمى الجديد هو الغضب !
نار الغضب تمتد تشب .. وتحرق كل صهيونى ودخيل .. وكل عميل ..
وكل من باع الوطن ..
ونرفض الذل والهوان .. نملك قرارنا وامرنا .. الهزيمة تبقى نار
والجراح تبقى الحطب .. شان ننتفض .. على كل طاغية ومستبد ..
جابو الزمن ..أداهو حق فى الرقاب .. واستبد ..
ويا مرحبا بموج الغضب .. لو بالكتابة وبالحجر ..نقدر نعبر عن غضب ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
عطر ونور فى الفضاء
والأرض تحتضن السماء
والشمس تنظر بارتياح للقمر
والزهر يهمس فى حياء للشجر
والعطر تنشره الخمائل
فوق أهداب الطيور
والنجم فى شوق تصافحه الزهور
ضوء يلوح من بعيد
الأرض صارت فى ظلام الليل
لؤلؤة يعانقها الضياء
والناس تسرع فى الطريق
صوت يدندن فى السماء
هذا ضياؤك حولنا قد جاء
هيا لنحلم بين أعشاب السكون
فغدا ستصبح بالربيع حديقة
ويصيح صمت الآرض : فليحيا الجنون
| |
|
|
|
|
|
|
|
|
|
Re: جوايا أكتر من حلم .. (Re: حبيب نورة)
|
الله على روعة حضورك حبيب نورة ..
بتسكن فى خلايا الروح
وتدخل جوة فى الانفاس
وتبقى الدم ونبض الدم
ونقراك فى عيون الناس
منو الخلاك نجوم الليل
ونورك زى بريق الماس
منو السماك مشاعر ريد
عشان تدخل قلوب الناس
منو الخلاك بقيت الشوق
سكنت الجوف
ونبض الشوف
أسرت الناس ..
مشكور على المرو العذب ..عذوبة كلماتك ..شكراً جميلاً ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
سوق الحلم قفل زمان
خلاني واقف لي براي
ياريتني لو
في فد يوم انوم
وألملم النجم البعاد
وارصهن في حروف النضم
واتوسد الشق اليمين
وافتح طاقة علي القمر
تب ماقدرت
والريق نشف
شريتو في غارعة الطريق
البفضي ليك
كان تسقيهو نز
زازاني سهر السقد
وليلي جضاهو النهار
وكتم الشهيق جواي لهيب
والليل حريق
نورالهادي
| |
|
|
|
|
|
|
|
|
|
Re: جوايا أكتر من حلم .. (Re: nourelhadi awad)
|
لو كل إنسان أتشكل غيمة تصب وتمطر ..
قطرة ألفة .. وقطرة رحمة .. وقطرة ذوق ومحنة .. أيه راح يحصل ؟
هند ، شاعرة تسطع من السطور الأولى فتروي هواجسها وقضاياها وهمومها.. وتغرف من أقصى قيعانها قصائد
أشبه باللؤلؤ المنذور للحب والجمال.. تتناول عشق الأنثى ، ولعها بالوصال ، كينونة الشهوة وعطر الرغبة ، وأما في حب الوطن فبلوغ القمة التي تشبه اللآجدوى ، دون أن تسف أو تبتذل حرمة الشعر وقدسيته، بل تعجن هواجسها بصورة فنية ترقي إلى ذروة إبداعية .. أرهقني وأسعدني النص خاصة ما أوردته منه أعلاه . رائعة أنت ومدهشة
| |
|
|
|
|
|
|
|
|
|
Re: جوايا أكتر من حلم .. (Re: ابوبكر يوسف إبراهيم)
|
الروعة فى احساسك العالى ومحبتك للناس استاذ ابوبكر .. قرأتها واعدتها كلماتك
وكادت ان تبكينى .. منحتنى أكثر مما أستحق .. وعبرت عن روحك الجميلة..
امتنانى بلا حدود لكلماتك الرقيقة ..تقديرى ومودة .. شكراً بحر
| |
|
|
|
|
|
|
|
|
|
Re: جوايا أكتر من حلم .. (Re: nourelhadi awad)
|
هند
طاب صباحك بنيتي ، إحلمي كيف شئت وأنّا شئت ومتى شئت فإن لم تحلمي لما كانت كل إبداعاتك .. الذين لا يحلمون هم أصحاب المشاعر المتصلدة.. والأحاسيس المتبلدة .. مشاعرهم لا صفاء فيها بل غيوم ملبدة..
إحلمي وابدعي فنحن لك سامعون
| |
|
|
|
|
|
|
|
|
|
Re: جوايا أكتر من حلم .. (Re: ابوبكر يوسف إبراهيم)
|
صباح كل شئ جميل استاذ ابوبكر .. صادقة كلماتك ..لولا الاحلام لماتت الاحاسيس
وما كانت القصائد .. ربما فتر حماسى واصابنى الاحباط قليلا ..
ولكن ساحاول العودة للاحلام .. ربما تحقق شئ منها ..
مشكور على كلماتك الرقيقة والمشجعة ..سعيدة بالحضور العذب ..يسلم لطفك ..
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
الاخت هند
تحية طيبة
الليل عسعس تم ان الكل نام
وبقيت وحدى فى الظلام
اجتر احزانى واهتف
يا رسول الشوق افرد جناحيك وهاجر ص
صرت اطرب من هزيم الرعد في سود الغمام .
متى ياتى حلمك ياهند كما انا بعض الحطام
شكرا على هذه الدرر التى نثرتيها
لك مودتى
شاكر حامد
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
بحلم انى مداد الآلفة ..
الخط حروفنا قصايد لهفة
وقصة فصولها بتحكى هوانا
وكتب الشوق أنشودة ريدة
إتمدت وجوه آرواحنا أدست
وقلبى وقلبك هو ..الغناها
ورسم الغيمة الفيها قعدنا
سرحنا وجات همساتنا حنينة
وفيها هناك تمينا صلاتنا
إتوسدت أوراقك وقلمك
وأدفقتا .. آخط حروفك
ولهفة ريدك لى نشوانة
وكتبت أوصف ريحة المحلب
وعطر الصندل مالى الغيمة
وروعة سحر اللقيا برانا
يا مترجى ميعادى وواقف
انا بستنى أسحار اللقيا
وأشواق قلبى تدق رنانة
أنا مسروقة نسايم روحى
هربت تجرى على أنفاسك
وسرقة روحك تبقا عدالة
باكر نرحل بى أشواقنا
للآحلام العايشة معانا
وتبقا معاى وابقا معاكِ ..
هند محمد
| |
|
|
|
|
|
|
|
|
|
Re: جوايا أكتر من حلم .. (Re: هند محمد)
|
Quote: الليل عسعس تم ان الكل نام
وبقيت وحدى فى الظلام
اجتر احزانى واهتف
يا رسول الشوق افرد جناحيك وهاجر ص
صرت اطرب من هزيم الرعد في سود الغمام |
| |
|
|
|
|
|
|
| |
هند محمد
أبو عبيدة البصاص
Ahmed Yousif Abu Harira
هاشم أحمد خلف الله
ismeil abbas
صديق الموج
AmroKamal
حاتم هاشم
ahmed haneen
مجدي عبدالرحيم فضل
بدرالدين يعقوب
مهلب خلف الله القريش
محمد علي ياسين
بدرالدين كاجوري
احمد العربي
somia gassim
حبيب نورة
salma subhi
Shaker Hamid
omar altom
فيس بوك
تويتر
انستقرام
يوتيوب
بنتيريست