|
|
|
 Re: سلمي سلامة فرحان بيك (Re: علي دفع الله)
|
ود اب سن الله يفرحك بكان ما تقبل
و علي الطلاق انا فرحان بيكم انتو الجوز
سلمى عليك الله تاني ما تعملي كدا دا يا زولة نحن
بنريدك ساي لله في لله تسوي شنو.
مليح الظهرتي
| |
 
|
|
|
|
|
|
|
|
Re: سلمي سلامة فرحان بيك (Re: سلمى الشيخ سلامة)
|
وجودك بشارة خير
ورأيت اسمك
ودعتك عيوني .. مرقت وخشيت تاني .. اي والله
يكفي انك هنا
والوطن
ما ماخدني شك ابدا ولا لي لحظة انو سيكون اجمل .. وستعود إليه طيوره
حركة التاريخ حركة صاعدة للامام شئنا ام ابينا .. غصبا او في سلاسة
وبرضو
وحات الله فرحان بيك فرح اللقا الرايحة كما قال القدال
وليك يا صاحبة في الزمن الصعب
| |
|
|
|
|
|
|
|
|
|
Re: سلمي سلامة فرحان بيك (Re: فقيرى جاويش طه)
|
العزيزة سلمى
هلا ومرحبا ونورتي المنبر العام
والخير على قدوم الواردين وان شاء الله زي ما قلتي
يكون عام خير وبركة ونهاية هموم الوطن المكلوم
ودمتي دائما بخير وصحة وعافية
اميرة مصطفى السيد
بسمات الشيخ عبد الرحيم
| |
|
|
|
|
|
|
|
|
|
Re: سلمي سلامة فرحان بيك (Re: وضاحة)
|
الاعزاء
علي دفع الله
امجد الجميعابي
فقيري جاويش
اميرة السيد
بسمات الشيخ
خالد العبيد
ابراهيم كوجان
عبدالله عبدالله
وضاحة
شاكر لكم حيث لا موجب للشكر فأنتم اهل المباشرة
شاكر لكم احتفاؤكم وجميل ترحابكم
| |
|
|
|
|
|
|
|
|
|
Re: سلمي سلامة فرحان بيك (Re: بريمة محمد)
|
مرحبا عبدالعزيز
وكتر خيرك
مرحبا بريمة
وحبابك
كنت اظن ان ما يجمعني معك ولازلت الاحترام والتقدير .. التقدير في انني لن أكون سببا في تعكير فرحك يوما مهما بلغ بي خلافي معك . لن افسد لك فرحك .. والفرح حالة خاصة تخص صاحبها . لن اقول لشخص يجب ان لا يفرحك ما فرحت مهما كان رأي سالبا في مصدر فرحه
والاحترام .. احترام حالة المشاعر الانسانية .. الفرح والحزن ..بلاشك ان التعبير عنهما يخص المؤازرة والمواساة والمشاركة .
لم افتح بوستا لنقاش مفاهيم سلمي حول اي قضية .. لاتفق او اتفق معها
ومن ناحية اخري عزيزي بريمة اسمح لي دون سؤ نية او قصد .. فلندع قلوبنا مفتوحة وعقولنا كذلك لتقبل الآخر اولا .. ولتقبل فكرة ان ما بين 2012 و 2015 سنوات تسمح بتغيير القناعات والفهم .. وتسمح بتنقيح ما كنا نؤمن به وما كنا نرفضه
رجاء اخ يكن لك تقديرا ان تدعني افرح بعودة اختي وصديقتي وكنت اناديها ان تعود
من اجلي فقط ان كنت اطيب لك
ولتفتح ماتشاء من بوستات لنقاش ما تود قوله
وشكرا
| |
|
|
|
|
|
|
|
|
|
Re: سلمي سلامة فرحان بيك (Re: معاوية المدير)
|
مرحبا ود المدير
وحبابك
قال الشاعر
وكانوا جميعا بسألوا عنك
وين البت اشجار الصندل
وين
وين البت منقاية الروح
وثمار الشتل
وانت لأنك كنتي ومافي
كان الشاي بس ناقص سكر
فيهو حليب بس ناقص الابيض
| |
|
|
|
|
|
|
|
|
 Re: سلمي سلامة فرحان بيك (Re: عبدالحفيظ ابوسن)
|
Quote: قال الشاعر
وكانوا جميعا بسألوا عنك
وين البت اشجار الصندل
وين
وين البت منقاية الروح
وثمار الشتل
وانت لأنك كنتي ومافي
كان الشاي بس ناقص سكر
فيهو حليب بس ناقص الابيض |
،
وتظل بت الشيخ هي بت الشيخ،
ولك التحايا النواضر أخي عبد الحفيض...
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
صباح الخير ايها العالم الجميل
صباح الجمال لكل من سال عنى وعبر من ها سائلا او محييا
صباح الالفة وشاى الصباح وشاى الضحى وكلام اماتنا البخش الروح
صباح الفل على اهل الحب
واقول للاخ بريمة انك للاسف ماقريت البوست
ولو كنت قريت البوست كان فهمت
وشكرا ليك انك بتجيب البوست فى كل مناسبة عشان الناس تقراهو
دى حالة ايجابية بالمناسبة
لانه البوست لغاية الان قراهو اكتر من ستين الف شخص
ودا يحسب لى انى مقروءة
غرور وكدا
وبمناسبة القراءة فى قوقل لقيت انه عندى اكتر من عشرة مليون زول مبارينى
من حقى افرح
وعليك الله كل يوم نزل البوست عشان عدد القراء يزيد
| |
|
|
|
|
|
|
|
|
Re: سلمي سلامة فرحان بيك (Re: سلمى الشيخ سلامة)
|
ودابسن حبابك ياجميل
وكل عام وانت بخير وربنا يجعل
قلبك عامر دوما بالمحبة والاخاء
والتحية عبرك للاخت الزهرة
سلمي التي تعطر اي مكان
تتواجد فيه والله شرف لينا انو
يضمنا بورد واحد مع سلمي
ربنا يسلمها من كل شر
تسلم ياحبيب
| |
|
|
|
|
|
|
|
|
|
Re: سلمي سلامة فرحان بيك (Re: سليمان القرشي)
|
Quote: كتر خيرك واتمنى انه العام دا يبقى عام خيرتنشال همومنا ونرجع لديارنا الانطردنا منها
واعنى ما اقول |
شكرا ود اب سن جبت الغالية
اجمل بشرى فى بداية 2015 م
يا سلمى عدت لى دارك كما قلت والعود أحمد وديارنا بيك نورت
وبالله تانى كان طردوك ما تمشى فى زول بيطردو من دارو .
مرحب حبابك شرفت ونورت
| |
|
|
|
|
|
|
|
|
|
Re: سلمي سلامة فرحان بيك (Re: أحمد قلوب)
|
Quote:
الاستاذ عبد الله عبد الله عبدالله
تحياتى وما زلت احمل تلك الليلة بينكم فى الحنايا
شكرا لك |
أختى العزيزه سلمى بنت الشيخ سلامه
نحن فى واشنطن من كان لهم عظيم الشرف بوجودك بيننا فى ذلك اليوم
ندعو الله أن تتكرر زيارتك لنا فى بلاد العم سام ومعك الحفيده .
| |
|
|
|
|
|
|
|
|
|
Re: سلمي سلامة فرحان بيك (Re: أحمد قلوب)
|
يا سلام على تباشير بداية العام الجديد
مرحب بيك في دارك ومكانك الشاغر يا سلمى بت الشيخ
وأجمل ما في عودتك أن حامل بشارتها هو الإنسان الملك ود أب سن
التحية لكما
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
كباشى
تلحقنا وتفزعنا
زمان حبوباتى كن يعتقدن اعتقادا جازما ان الشيخ الكباشى يقيهن شر العقارب
ويعتقدن رحمهن الله انه رجل واصل
رغم انهن دائما يسبقن الشيخ ابوقرجة جدهن على الشيخ الكباشى
بل انهن يضفن واحدا الى الاخر فى امر الفزعة
لم يقل اخد انهن "مشركات "
لم يصبهن احد بداء اللعنة ولم يقل احد انهن الا نساء صالحات
احببن الحياة وعشنها كما وددن او كما شاء الله لهن
شكرا لك على ما اورت من من جمال هو جزء اصيل فى روحك
وروحك دائما محل الحبة
وكما كانت تقول امى "الماعندو محبة يسمه اسم الحبة "
لك الحب اخى الكريم
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
صديق الموج
ياحبيب الروح
والقال ليك منو انى ما بحبك ؟
زمان كان بجى زول بصلح العناقريب فى حى العباسية
ووراهو واحد تانى كسلان
اها الزول البصلح العناقريب يكورك " اصلح العناقريب "يرد الكسلان "وانا كمان "
دحين يا ود امى الحب متبادل
تحياتى وسلامى ونتلاقى فى الزمن الفسيح
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
نعمات عماد
اسمك فيهو ايقاع سمح
زمان فى المدرسة الثانوية "كلية المعلمات "
كان عندنا استاذ"بقينا اصحاب لغاية الان "
استاذنا كان اسمه محمود عمر
لكن ما فى زول شغال باسم ابوه
سميناهو محمود فنون
كان يدرسنا مادة الفنون
زمن المدارس بخيرها
وكان عندنا كل يوم خميس حفلة اما على مستوى الداخليات او على مستوى الافراد لمن يكون ما عندنا خروج
الخروج معناها البنات العندهم اهل او اقارب بطلعو عندهم ، والافراد معناها فى "تعليمة عروس لعروس مرتقبة "
والخميس البعده بكون فى حفلة الداخليات "تمثيلوغناء وشعر وقصة واختفالات حب اعياد |
نرجع لموضوعنا
محمود فنون كان مادة حلوة بيننا كلما بدأ الاحتفال الخاص يوم مافى خروج كنا بنغنى لو شفناهو جا لمراقبة المذاكرة
لمن كان فى مذاكرة اجبارية ومكتبة اجبارية
بدون مقدمات بنلقى روحنا غنينا " محمود فنون يا محمود فنون ، محمود فنون يا زوجى الحنون "
محمود فنون كان من اجمل وانبل الناس الذين عرفتهم والى الان
العام 2005 مشيت السودان بعد انقطاع زاد على ال15 سنة
دعتنى اسرة مركز عبد الكريم ميرغنى لتقديم ندوة
كان محمود فنون اول الحضور جاء من الابيض خصيصا لملاقاتى
شفتى كيف ؟
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
عماد حسين
سلام من الله عليك
وبالمناسبة ما عندى عداوة مع اى فكر انسانى
مالم يتعدى الانسانية ويحاول اعادتنا الى زمن الحريم والكهوف
اما انصار السنة فواحد منهم استطاع الى اغلاق تلك النافذة لدنى
كان خطيب شقيقتى رحمها الله
ويوم ان اصيبت شقيقتى بالسرطان فى ثدييها وازالوه ، اذا به ولم تتعافى شقيقتى بعد
ان قام بخطوبة ابنة عمى شقيق والدى وتزوجها وهدى كانت فى سرير المرض
ويوم زارتنى فى القاهرة كانت دموعها لاتجف ولاتتوقف ، حدثتنى لو انه انتظرنى لمن اموت مالو ؟
من يومها لم اغفر له دموعها ولن
ومن يومها قام سد ضخم بينى وبين اشباهه من مدعى التدين
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
محمد قلوب
قريت اسمك بمعنى "قلب "
وجمعه "قلوب "
والقلوب شواهد او كما قال المثل
مرة كنت بسجل مع الفنان الجميل خليل اسماعيل رحمه الله
وجات سيرة الغنا المشحون بالقلوب "قال لى والله ابوقطاطى دا عنده كمية قلوب
فى غناهو"
وغنى "ما كنت بفتكر العيون تتعب قلوب الشكل دا"
له الرحمة ولك العمر كله
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
محمدالبشرى خضر
وحات شيخى كان فتشت ورا كدى بتلقى عندى بيك صلة قرابة
لانه اسم الخضر "تنطقه امهاتى بتخفيف الضاد تتحول الضاد الى دال "زى الترتيب "
وهو اسم ينتشر بين اهل دنقلا كثيرا "
ياخ فرحانة بيك جد جد
يسلمك الله يا ود الروح
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
الجنيد الولد الكتاااااااااااااااب
وين الكتابة السمحة العرفتنا عليك ؟
اتمنى ان يكون هذا العام وعدا لجمع كل ما كتبت واصداره فى كتا نفرح به جميعنا
لك المحبة ابنى الذى تمنيته
| |
|
|
|
|
|
|
|
|
|
Re: سلمي سلامة فرحان بيك (Re: عبدالحفيظ ابوسن)
|
الابن وضاح عبد الرحمن
اتمنى ان تكون قد طالعت البوست الذى قلت عنه انه مقرف
فهو يحمل عنوانا مغايرا فقط لكن كل ماحواه قصص حقيقية من بلاد العم سام
اتمنى ان تقرا قبل ان تحكم
وشكرا لك
| |
|
|
|
|
|
|
|
|
|
Re: سلمي سلامة فرحان بيك (Re: سلمى الشيخ سلامة)
|
اي صوت راجيهو صوتك
كوني النجمة
عرفت سلمي كقارئ وانا في بواكير قراءاتي .. أتلمس طريقي فلا يقع في يدي ما يقرأ .. إلا وإلتهمت سطورة بشغف جائع
وقرأت له سطور اخت محبة في الراحل العميري . ولم يكن انطباعي عنه جيدا .. كنت صغيرا في العام وكان العميري منتشرا غناءا وتمثيلا وشعرا .. ولم اعط نفسي لصغر سني فرصة لمعرفته .. وتعتريني روح المراهق النزق نحو اتخاذ المواقف دون روية .. وقرأت ل سلمي بعد رحيلة احرف تفيض شجنا وود وذكري .. واعجبتني سلمي اولا .. احب روح الوفاء والانتماء للآخرين .. اعجبني ما كتبته عنه .. ابانت بشكل اخاذ كيف ان العميري كان انسانا ! وكيف رحل قبل تورق ثماره وتتفتح ازهاره .. رحل باكرا وهو اشد شغفا بالحياة . فأحببت العميري وندمت
رحل عميري وبقي شذي سلمي يعطر ذكراه كل عام
اتمني ان اجد مثل سلمي حين ارحل تكن لي مودة وشوق
قال سند
شوقا يخض دمي إليه
كأن كل دمي اشتهاء
ف يا صديقتي واختي
فرح بك فرحا يكاد يسد مسام الحزن داخلي
| |
|
|
|
|
|
|
|
|
|
Re: سلمي سلامة فرحان بيك (Re: سلمى الشيخ سلامة)
|
شكرا جميلا ود ابو سن على اقناع ايقونة البورد بت الشيخ بالعودة فقد نجحت فيما فشل فيه الكثيرون..
وحباب سلمى فقد ظل مكانك شاغرا وظل محبي الجمال في انتظارك وانتظار قلمك الانيق بلا كلل او ملل..
وما أحلى كده ياخ..
| |
|
|
|
|
|
|
| |
عبدالحفيظ ابوسن
سلمى الشيخ سلامة
علي دفع الله
امجد الجميعابى
فقيرى جاويش طه
خالد العبيد
ibrahim kojan
ABDALLAH ABDALLAH
وضاحة
الصادق الخالدى
عبدالعزيز عثمان
بريمة محمد
معاوية المدير
محمد عبد الله الحسين
ايمن الصادق
Afraa Sanad
صديق الموج
نعمات عماد
عماد حسين
سليمان القرشي
أحمد قلوب
محمد البشرى الخضر
الجنيد حمد
حمد عبد الغفار عمر
أسامة العوض
محمد المرتضى حامد
وضاح عبدالرحمن جابر
مامون أحمد إبراهيم
عبيد الطيب
محمد مجيدو
saidahmed shami
محمد نور عودو
نصر الدين عثمان
elsawi
mohmed khalail
فيس بوك
تويتر
انستقرام
يوتيوب
بنتيريست